 |
|
Ukrayna Amerikanın "Abrams M1A1" tanklarını cəbhə xəttindən geri çəkir.
Son günlərdə Rusiya-Ukrayna cəbhəsində vəziyyət yenidən gərginləşib.
Rusiya-Ukrayna müharibəsinin veteranı, ehtiyatda olan mayor Aleksey Getmanın fikrincə, Ukrayna cəbhənin bəzi ərazilərindən müvəqqəti də olsa, geri çəkilməli olacaq. "Çünki ruslar bütün güclərini cəbhə xəttinə toplayıb və onu daha da gücləndirirlər”, - o qeyd edib.
Ukrayna rus ordusunun cəbhəsini yarmaq üçün Amerikadan aldığı 31 "Abrams" tankından artıq 5-ni itirib. Rus ordusunun PUA hücumundan aktiv istifadə etməsi, "Abrams" tanklarının mühafizəsi çətinləşib. Ona görə də Ukrayna tərəfi "Abrams" tanklarını geri çəkmək məcburiyyətində qalıb.
Biz istəsək də, istəməsək də gec-tez Qərbdə vətəndaş müharibəsi başlayacaq.
Bu barədə məşhur amerikalı iş adamı İlon Mask sosial şəbəkədəki səhifəsində yazıb.
O, kanadalı professor Qad Saadın "Qərbin seçdiyi yol sivilizasiya intiharıdır" deməsinə belə cavab verib.
Xüsusilə alim bildirib ki, miqrantların Qərb ölkələrinə nizamsız axını sonda yerli əhalinin artmasına və vətəndaş müharibəsinin başlamasına gətirib çıxaracaq.
Rusiya Prezidenti Vladimir Putin döyüş meydanında uğurun nədən asılı olduğunu açıqlayıb.
"O, bunu texnoloji imkanlarla əlaqələndirib.
Dövlət başçısı qeyd edib ki, uğur texnoloji problemlərin həllinin sürəti və səmərəliliyi ilə mümkündür: “Rusiya bunun öhdəsindən gəlir”.
Ölkə liderinin sözlərinə görə, Rusiya bu sahədə inkişaf edir: “Süni intellektə əsaslanan texnologiyalar ölkədə inkişaf edən ən mühüm sahələrdən biridir. Dronların istehsalında belə texnologiyalardan istifadə olunur”.
Qeyd edək ki, Rusiya ilə Ukrayna arasında genişmiqyaslı müharibə 2022-ci il fevralın 24-də başlayıb.(Report)
"ABŞ Rusiyanı məğlub etdikdən sonra Çinə hücum etmək niyyətində idi".
Vaşinqtonun planını MKİ-nin keçmiş analitiki Larri Conson "Dialogue Works" "YouTube" kanalında açıqlayıb.
Onun sözlərinə görə, Amerika hakimiyyəti Moskva ilə tez bir zamanda məşğul ola biləcəklərinə ümid edirdi. Eyni zamanda, o, Rusiyanı məğlub edə biləcəklərinə şübhə etdiyini bildirib.
Conson hesab edir ki, Ukraynanın itkisi qaçılmazdır.
O qeyd edib ki, münaqişənin dayandırılması ilə bağlı qərarı Rusiya tərəfi verəcək. Keçmiş analitik həmçinin etiraf edib ki, Rusiya Kiyev və Odessanı nəzarətə götürə bilər.(Publika.az)
Ermənistan baş naziri Nikol Paşinyan partiyanın iclasında delimitasiya məsələləri ilə bağlı məruzə edib.
Hakim “Vətəndaş Müqaviləsi” partiyasının mətbuat xidmətindən verilən xəbərə görə, Təşəbbüs Qrupunun iclası keçirilib.
Partiyanın İdarə Heyətinin sədri, Ermənistanın baş naziri Nikol Paşinyan Ermənistanla Azərbaycan arasında sərhədin delimitasiyası prosesinin başlanması ilə bağlı məruzə edib və görüş iştirakçılarının suallarını cavablandırıb.
Rusiya məhkəməsi ABŞ-ın nəhəng bankı "JPMorgan"ın Rusiyadakı bank hesablarına həbs qoyulması barədə qərar qəbul edib .
Bununla bağlı qərar Rusiyanın dövlət bankı "VTB"nin xaricdəki vəsaitlərini geri almaqla bağlı qaldırdığı iddiada verilib. Qərara əsasən, "JPMorgan"ın Rusiyadakı aktivlərinə həbs qoyulacaq.
Qərar "JPMorgan"ın müxbir hesabları və törəmə şirkətin adına açılan hesablar da daxil olmaqla bütün aktivlərini əhatə edəcək. Bank fondlarında saxlanılan qiymətli kağızlar və əmlaklar əhatə dairəsindən çıxarılıb.
"JPMorgan" isə ötən həftə Nyu-Yorkda qaldırılan iddia ilə "VTB"nin hesabında 439,5 milyon dolları geri qaytarmaq cəhdlərini bloklamışdı.
Ermənistan Xarici İşlər Nazirliyi Təbrizdə baş konsulluq açacaq.
Bu barədə hökumətin cümə axşamı keçirilən iclasında qərar qəbul edilib.
Ermənistan eyni zamanda açıqlacaq baş konsulluğun xərclər smetasını da təsdiq edib.
Təbrizdəki baş konsulun aylıq maaşı 2565 dollar həcmində təsdiq edilib.
Qeyd edək ki, 2023-cü il dekabrın sonunda Mirzoyanla birgə mətbuat konfransında Abdollahian İran tərəfinin Ermənistanın Baş Konsulluğunun açılmasına razılıq verdiyini xatırladıb və onun 2024-cü ilin əvvəlində açılacağına ümid etdiyini bildirib.
ABŞ Dövlət departamenti Ermənistan ordusunda qeyri-döyüş şəraitində baş verən ölümlərdən və hüquq-mühafizə orqanlarının bu ölümlərlə bağlı etibarlı araşdırma aparmamasından narahatlığını bildirib.
Bu barədə ABŞ Dövlət Departamentinin “İnsan Haqları Təcrübələri üzrə 2023 Ölkə Hesabatları: Ermənistan” adlı illik hesabatında deyilir.
“Vətəndaş cəmiyyəti təşkilatlarının və qurbanların ailələrinin fikrincə, araşdırmaların əvvəlində bir çox qeyri-döyüş şəraitində ölümlərinin intihar kimi etiketlənməsi praktikası sui-istifadə hallarının üzə çıxarılması araşdırılma ehtimalını azaldır. İnsan hüquqları hüquqşünaslarının fikrincə, hərbi ölümlərin araşdırılmasına ən böyük maneə həm hərbi komandanlıq, həm də iş üzrə işləyən xüsusi istintaq orqanı tərəfindən əsas sübutların məhv edilməsi və ya qorunmaması olub. İnsan haqları ilə məşğul olan QHT-lərin fikrincə, hökumətin istər döyüş, istərsə də qeyri-döyüş şəraitində hərbi ölümlər barədə hesabatında şəffaflığın olmaması, bu sahədə rəsmi məlumatlara ictimaiyyətin inamsızlığına səbəb olub”, - ABŞ Dövlət Departamentinin hesabatında qeyd olunur.
Ermənistan Rusiyadan uzaqlaşmaq səylərini davam etdirir.“Report” xəbər verir ki, bu barədə ABŞ-nin Müharibə Araşdırmaları İnstitutunun son hesabatında yazılıb.
Qeyd olunub ki, rəsmi İrəvanın Kollektiv Təhlükəsizlik Müqaviləsi Təşkilatı (KTMT) daxilində fəaliyyətini dondurması buna ən bariz nümunədir: “Görünür, İrəvan siyasi və təhlükəsizlik baxımından Moskvadan uzaqlaşmaq istəyir”.
Həmçinin bildirilib ki, rəsmi Moskva bu ritorikasına görə Ermənistanı açıq şəkildə hədələməyə başlayıb: “Rusiya xarici işlər naziri Sergey Lavrov bu günlərdə deyib ki, Ermənistan baş naziri Nikol Paşinyan Cənubi Qafqazı geosiyasi qarşıdurmaya sürükləməyə çalışır. S.Lavrov N.Paşinyanın səhv yolda olduğunu diqqətə çatdırıb”.
Xatırladaq ki, təşkilatın baş katibi İmanqali Tasmaqambetov aprelin 24-də "İzvestiya"ya müsahibəsində deyib ki, Ermənistan üzləşdiyi təhlükəsizlik təhdidlərini qiymətləndirməlidir.
İsrail və HƏMAS arasında müharibənin ilk aylarında Türkiyə bir sıra ərəb ölkələrini müharibədən sonra Qəzza zolağında müştərək qüvvələrin yerləşdirilməsini nəzərdə tutan təhlükəsizlik planı hazırlamağa dəvət etdi.
Bu barədə İsrailin Kan 11 telekanalı ərəb diplomatına istinadən məlumat yayıb.
Qeyd olunur ki, Ankara planı ərəb ölkələri, xüsusilə də Misir vasitəsilə ABŞ və İsrailə təqdim etmək istəsə də, ikincisi bundan imtina edib.
Mənbəyə görə, Türkiyə Qəzza zolağındakı münaqişə ətrafında “özünü əsas oyunçu kimi yerləşdirməyə hər cür cəhd edir”. Ankara ilə Qahirə arasında münasibətlərin normallaşmasına baxmayaraq, sonuncu və digər ərəb ölkələri “Fələstin arenasında möhkəmlənmək cəhdlərinə şübhə ilə yanaşırlar”.
Qeyd olunur ki, bu səbəbdən Türkiyə HƏMAS rəhbərliyinə ev sahibliyi etməklə atəşkəs danışıqlarındakı uğursuzluqdan sonra Qətərdən fərqlənməyə çalışır.