 |
|
Türk alimlər Uğur Şahin və Özləm Türəci tərəfindən “Pfizer” və “Biontech” şirkətlərinin əməkdaşlığı çərçivəsində inkişaf etdirilən və 95 faiz effektivlik göstərən koronavirus peyvəndi İngiltərədə istifadə lisenziyası alıb.
“Qafqazinfo” “Thu Guardian” nəşrinə istinadən xəbər verir ki, İngiltərənin Dərman və Sağlamlıq Məhsulları Tənzimləmə Təşkilatı (MHRA) tərəfindən peyvəndin təcili istifadəyə buraxılması üçün icazə verilib.
Şirkət rəsmiləri peyvəndin ilk dozalarının yaxın günlərdə tədarük ediləcəyini açıqlayıb.
İngiltərənin 40 milyon doza peyvənd tədarük edəcəyi bildirilib.
İsveçrənin “Press Emblem Campaign” (PEC) qeyri-hökumət təşkilatı martdan bu yana 56 ölkədə təxminən 500 jurnalistin koronavirusdan öldüyünü açıqlayıb.
Hesabatda təkcə noyabrda 22, oktyabrda 47 mətbuat işçisinin vəfat etdiyi bildirilib.
Ən çox ölüm Latın Amerikası ölkələrində qeydə alınıb. Həmçinin ABŞ-da 25, Pakistanda 12, İngiltərədə 10, Əfqanıstanda 6, Fransa, Rusiya və İspaniyada ayrılıqda 4 jurnalist həyatını itirib.
Araşdırmada Türkiyədə ilk dəfə bir jurnalistin “COVID-19” səbəbilə öldüyü qeyd olunub.
“Etibarlı bir razılaşma olmadan Səudiyyə Ərəbistanı, Türkiyə, Misir və digər bölgə ölkələrinin nüvə silahı yaratmağa çalışacağı bir vəziyyətdən ehtiyatlanmaq lazımdır”.
“Qafqazinfo” xəbər verir ki, bunu ABŞ-ın yeni Prezidenti Cozef Bayden “The New York Times” qəzetinə müsahibəsində deyib.
Bayden bildirib ki, ABŞ-ın gələcək rəhbərliyi İranın nüvə proqramı üzrə “Birgə Hərtərəfli Fəaliyyət Planı”nın (JCPOA) üzvlüyünə qayıtması üzərində işləməyə hazırdır.
O qeyd edib ki, gələcək rəhbərlik müttəfiqləri və tərəfdaşları ilə əməkdaşlıq edərək danışıqlarda iştirak etmək və İranın nüvə proqramı ilə yanaşı raket proqramı ilə bağlı məhdudiyyətləri gücləndirəcək və genişləndirəcək əlavə razılaşmalar hazırlamağı planlaşdırır.
Eyni zamanda siyasətçi, Tehranın nüvə inkişafına nəzarət edəcək bir razılaşmanı bölgədə sabitliyin təmin edilməsi üçün ən yaxşı vasitə hesab etdiyini vurğulayıb.
Siyasətçi “Dünyanın bu hissəsindəki nüvə potensialının artırılması istəyə biləcəyimiz son şeydir,- deyə sözlərinə əlavə edib.
Qeyd edək ki, daha əvvəl Bayden dəfələrlə ABŞ-dakı prezident seçkilərində qalib gələcəyi təqdirdə ABŞ-ı “JCPOA” üzvlüyünə qayıtmağı planladığını bildirmişdi.
Perunun nüfuzlu “Diario UNO” qəzetində Ermənistanın Azərbaycana qarşı təcavüzünün tarixi və atəşkəs bəyanatı haqda bu ölkədəki səfirimiz Məmməd Talıbovun “Azərbaycan hər zaman sülh tərəfdarı olub” başlıqlı müsahibəsi dərc olunub.
Bu barədə Azərbaycan Respublikasının Meksikadakı Səfirliyindən məlumat verilib.
Müsahibədə səfir Ermənistanın 1991-94-cü illər ərzində Azərbaycanın beynəlxalq qaydada tanınmış Dağlıq Qarabağ və 7 ətraf rayonunu işğal etdiyini, bu ərazilərdə etnik təmizləmə apararaq 1 milyon azərbaycanlını oradan qovduğunu, BMT Təhlükəsizlik Şurası tərəfindən qəbul edilmiş və Ermənistandan işğal etdiyi əraziləri azad etməsini tələb edən qətnamələrə məhəl qoymadığını, əvəzində işğalın nəticələrini gücləndirmək siyasəti apardığını və bu səbəbdən 28 il ərzində Minsk qrupu çərçivəsində aparılan danışıqlarda da heç bir nəticə əldə olunmadığını bildirib.
Qeyd edib ki, Azərbaycanın daim münaqişənin danışıqlar yolu ilə həllinə tərəfdar olsa da, Ermənistanda 2018-ci ildə milliyətçi qüvvələrin hakimiyyətə gəlməsindən sonra bu ölkənin Azərbaycana qarşı təxribat əməlləri artmış, 27 sentyabr tarixindən etibarənsə Ermənistan silahlı qüvvələri dinc yaşayış məntəqələrini bombalamağa başlamış, nəticədə Azərbaycan ordusu özünümüdafiə hüququ çərçivəsində mülkü əhalinin təhlükəsizliyini təmin etmək, BMT Təhlükəsizlik Şurasının qətnamələrinin icrasına nail olmaq və ərazi bütövlüyümüzü bərpa etmək üçün əks-hücum əməliyyatları aparmağa başlamışdır. Ermənistanın 44 günlük müharibə ərzində üç dəfə əldə olunmuş humanitar atəşkəsi pozduğunu deyən səfir, bu zaman Azərbaycanın münaqişə zonasından kənarda yerləşən iri şəhərlərinə raket zərbələri endirdiyini, mülki əhali arasında qorxu yaymaq məqsədi daşıyan bu hücumların qadınlar və uşaqlar da daxil olmaqla çoxsaylı itkilərə səbəb olduğunu və bu kimi müharibə cinayətlərinin Ermənistanın dövlət səviyyəsində terror həyata keçirdiyinin sübutu olduğunu məlumat verib.
Rusiyanın vasitəçiliyi və Türkiyənin yaxından iştirakı ilə əldə olunan atəşkəs razılaşması barədə danışan səfir, Azərbaycan və Rusiya Prezidentləri və Ermənistanın Baş naziri tərəfindən imzalanan bu sənədin tələblərinə əsasən, Ermənistan ordusunun Azərbaycanın işğal altında qalan ərazilərindən çıxarılmaqda olduğunu, bölgədə 5 il müddətinə Rusiya sülhməramlı qüvvələrinin yerləşdirildiyini və razılaşmanın müddəalarının icrasına nəzarət məqsədilə Rusiya və Türkiyənin daxil olduğu birgə monitorinq mərkəzinin yaradılacağını söyləyib.
İşğaldan azad edilmiş Azərbaycan şəhərlərinin 30 il ərzində Ermənistan tərəfindən tamamilə darmadağın edildiyini, razılaşmanın tələblərinə əsasən ermənilərin tərk etdiyi Azərbaycan şəhər və qəsəbələrində də infrastruktura və tarixi-mədəni irsə qarşı kütləvi talan hallarının müşahidə edildiyini və işğalçı ölkənin törətdiyi bu talanlarla bağlı Azərbaycanın beynəlxalq məhkəmə instansiyalarına müraciət edəcəyini bildirən səfir, bu ərazilərdə Azərbaycan tərəfindən yenidənqurma işlərinin başa çatmasından sonra məcburi köçkünlərimizin öz yurdlarına qayıdacağını qeyd edib.
Azərbaycan çoxmədəniyyətli ölkə olduğunu, 40-a yaxın müxtəlif etnik mənsubiyyətdən olan insanlara, o cümlədən on minlərlə erməni ailəsinə ev sahibliyi etdiyini, bu baxımdan Dağlıq Qarabağ ərazisində məskunlaşmış ermənilərlə də heç bir problemimiz olmadığını deyən səfir, ermənilərin Xocalı soyqırımı kimi insanlıq əleyhinə cinayətlər törətmiş olmasına və bu səbəbdən barışığın çətin olmasına rəğmən, azərbaycanlı məcburi köçkünlərin öz doğma yurdlarına qayıtmasından sonra iki xalqın birlikdə barışıq içində yaşaması gərəkdiyini, Ermənistanın da qisasçı və təcazükar xislətini kənara qoymalı və öz xalqını davamlı sülhə hazırlamalı olduğunu qeyd edib.
Bu gündən etibarən Xorvatiya sərhədlərini xarici vətəndaşlara bağlayır.
Qafqazinfo xəbər verir ki, bu barədə müvafiq qərar Xorvatiya Xarici İşlər Nazirliyinin saytında dərc olunub.
Əcnəbilərin ölkəyə gəlişi müvəqqəti olaraq məhdudlaşdırılıb və dekabrın 15-dək qərar qüvvədə olacaq. Müvafiq qərar ölkədə koronavirusa yoluxmada artımın müşahidə edilməsi fonunda verilib. Bundan əvvəl xarici vətəndaşların COVİD test nəticələri ilə bağlı arayışla ölkəyə giriş-çıxışına icazə verilirdi.
Qərar ölkədən tranzit məqsədilə istifadə edən və 12 saatdan çox olmayaraq qalacaq şəxslərə aid edilmir.
Türkiyə-Rusiya Birgə Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa müddətdə fəaliyyətə başlaması üçün lazımi işlər gedir.
Bu barədə məlumatı Türkiyə Milli Müdafiə Nazirliyi yayıb.
Bildirilib ki, Azərbaycan ilə Ermənistan arasındakı atəşkəsin tətbiq olunmasını müşahidə və təftiş etmək məqsədi ilə noyabrın 11-də Türkiyə milli müdafiə naziri Hulusi Akar və Rusiya müdafiə naziri Sergey Şoyqu arasında videokonfrans vasitəsilə ilkin anlaşma imzalanmışdı. (report)
Türkiyənin Azərbaycandakı Səfirliyi Azərbaycan xalqını təbrik edib.
Səfirlik bu barədə “Twitter” hesabında paylaşım edib.
“Laçının işğaldan azad edilməsi və yenidən Azərbaycan torpaqlarına qaytarılması münasibətilə ürəkdən təbriklərimizi paylaşırıq. Qarabağ Azerbaycandır!”, - deyə qeyd edilib.
İran İslam İnqilabı Keşikçiləri Korpusunun komandiri Müslüm Şahdanın içində olduğu avtomobil Suriya-İraq sərhədində pilotsuz uçuş aparatı ilə vurularaq partladıldığı iddia edilir.
"Ölkə.Az"ın məlumatına görə, M.Şahdanın ötən gün axşam saatlarında Suriyadan İraqa keçərkən Əl-Kaim bölgəsində sui-qəsdə məruz qaldığı deyilir.
İraq mediası hərbi mənbələrə istinadən M.Şahdan və üç mühafizəçisinin həlak olduğunu bildirib.
Qeyd edək ki, hələlik hadisə ilə bağlı rəsmi məlumat yoxdur. redaktor.az
“Məndən qaçsan da, səninlə evlənəcəyəm”- Makron
"Ölkə.Az” bu yazıda Fransa Prezidenti Emmanuel Makronun evliliyi və həyat yolu haqqında bilmədiklərinizi diqqətinizə çatdıracaq. Əvvəla ondna başlayaq ki, məhz arvadı Makrona necə dəbdəbəli həyat yaşamağı və vergidən necə ustalıqla yayınmağın yolunu öyrədib.
Makron milyonları necə mənimsəyir?
Makron tarixə varlı prezident kimi düşəcək. Çünki onun arvadı Bricit Makrona vergidən yayınmaqla necə milyonlara sahib olmağın yolunu göstərib. Belə ki, Makron bu adı dövlətin həmrəylik vergisini bahalı daşınmaz əmlak vergisi ilə əvəzlədiyinə və bununla da səhmləri, istiqrazlarını və digər qiymətli kağızları vergidən kənarlaşdırdığına görə alıb.
Makronun dəbdəbəli həyatından yazan Fransa mediasında bildirilir ki, təkcə 2017-ci ilin avqustunda 3 ay ərzində Makron şəxsi vizajistinə 26 min avro ödəyib. Bu pul ancaq onun üzünün makiyaj olunmasına sərf olunub. Bundan əlavə olaraq o, 40 illik yubileyini ailəsi ilə birlikdə Fransanın cənubunda yerləşən dəbdəbəli Şambor qəsrində keçirib.
Makron dəbdəbəli həyat tərzini necə öyrəndi?
Bir az öncə qeyd etdiyimiz kimi belə həyat tərzi sürməyi ona həyat yoldaşı Bricit öyrədib. Bricit özü milyonçu olan tanınmış qənnadçı, Amiens konditer bişirən bir ailədə dünyaya gəlib. O, hələ uşaq yaşlarından dəbdəbəli həyat sürməyə öyrənib.
Birinci ledi hər zaman "Louis Vuitton" brendini sevib və art-direktor Nikol Qeskerin hazırladığı libasları geyib. Onun qarderobundan eyni zamanda klassik Balmain, Courreges və Dior brendlərinin əşyalarını və geyimlərini tapmaq olar.
67 yaşlı Bricit qısa ətək geyinməyə utanmır və bu, hər zaman onun qarderobunda əsas geyimlərdən biri hesab olunur. Bricit Emmanuel Makronun andiçmə mərasimində Louis Vuitton brendindən olan açıq mavi rəngli qısa kostyumda qatılmışdı. O həmçinin öz bədən formasını nümayiş etdirmək üçün daha çox ağ rəngli don geyinməyi sevir.
Sevgi tarixçəsi...
Makron ali məktəbdə oxuyarkən Bricit Tronyenin tələbəsi olub. Onlar teatr dərnəyində birgə pyeslər ifa ediblər. Gənc oğlan özündən 24 yaş böyük olan xanımı sevməyi qəbahət hesab etməyib. Deyilənə görə, Makron 17 yaş partisində Bricitə öz ürəyini açıb: “Nə edirsən et, amma məndən qaçsan da, səninlə evlənəcəyəm”.
Hansı ki, o zaman madam Tronye başqa birisi ilə ailəli olub və 3 övladı olub. Düzdür, ilk zamanlarda Bricit Emmanuelin bu sözlərinə gülərək, məsxərəyə qoyub.
Öz gələcək həyat yoldaşı haqqında erotik roman yazan Makron
Makron 1993-cü ildə öz müəlliməsi haqqında 300 səhifəlik erotik roman yazır. Gənc oğlana romanın mətnini yığmağı qonşu qızdan xahiş edir. Romanda Makron Bricitə olan hisslərini ifadə edib. Romanın əlyazması onu yığan qadında hələ də qalmaqdadır.
Nəticədə Bricit öz ərindən boşanaraq Makronla yaşamağa başlayır.Onlar ancaq 2007-ci ildə nikaha girirlər. Nikah mərasimi Bricitin kurort şəhəri olan Le-Tukedə dəbdəbəli villasında yaxınlarının iştirakı ilə keçirilir. “Hər şeyə baxmadan biz bir yerdə idik. Tezliklə mənim həyatımda onun övladları, həyat yoldaşları, bizim nəvələrimiz peyda oldu. Bizim ailəmiz həyatımın təməlidir”- Makron bu fikirləri özünün “İnqilab” kitabında yazır.
İndiyə qədər dünyada koronavirusa yoluxan 43 546 236 nəfər sağalıb, 1 465 186 nəfər isə virusdan ölüb.
“Report” xəbər verir ki, bu günədək 63 072 905 nəfərə COVID-19 diaqnozu qoyulub.
Ən çox yoluxma halı ABŞ (13 750 404), Hindistan (9 432 075) və Braziliyada (6 314 740) qeydə alınıb.
Qeyd edək ki, noyabrın 29-na olan məlumata görə, Azərbaycanda indiyədək 118 195 nəfərə koronavirus diaqnozu qoyulub. Onlardan 73 676 nəfər sağalıb. Ölkəmizdə COVID-19-dan ölənlərin sayı 1 361 nəfərdir.
Azərbaycanla qonşu olan Türkiyədə 607 628 nəfər koronavirusa yoluxub, 400 242 nəfər sağalıb, 13 558 nəfər ölüb. Rusiyada indiyədək 2 269 316 nəfərdə koronavirus aşkarlanıb, onlardan 1 761 457-si sağalıb, 39 527-si ölüb. İranda isə 948 749 nəfərə koronavirus diaqnozu qoyulub. Son məlumata görə, bu ölkədə 47 874 nəfər pandemiyanın qurbanı olub. Qonşu Gürcüstanda koronavirusa yoluxanların ümumi sayı 132 368-ə çatıb. Onların 110 049-u sağalıb, 1 230-i isə vəfat edib.
Ermənistanda indiyədək 134 768 nəfərə COVID-19 diaqnozu qoyulub. Onlardan 107 364 nəfər sağalsa da, 2 142 nəfər ölüb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.