 |
|
Rusiya və Qərb arasında böyük müharibə baş verə bilər.
Redaktor.az xəbər verir ki, bu barədə ABŞ-ın "Forbes" və "The Times" nəşrlərində məqalə yer alıb.
Qeyd olunub ki, Soyuq müharibə dövründən bəri Rusiya ilə Qərb arasında münasibətlər ən pis səviyyəyə düşüb. Beynəlxalq diplomatlar və siyasətçilər ölkələrin daha diqqətli olması barədə xəbərdarlıq etməyə başlayıblar.
Həmçinin, beynəlxalq müqavilələrin əvvəlki kimi effekt vermədiyi vurğulanıb.
“Forbes” xəbər verir ki, yeni PUA-lar üztanıma ilə hədəfi müəyyənləşdirib, onu məhv edəcək. Yeni ölümcül PUA-lar avtonom qaydada işləyə biləcəklər. Yeni texnologiya vasitəsi ilə yaxın gələcəkdə qeyri-sabit bölgələrdə konkret hədəfi üztanıma metodu ilə müyyən edib məhv etməyə imkan verəcək.
"Forbes"in yazdığına görə, Türkiyə piltosuz aparat vasitəsindən istifadə etməklə PKK liderlərindən olan Zaki Şinqali və İsmail Özdeni öldürüb. Belə ki, PUA Şinqalinin avtokalonunu hədəf alaraq sonda onu məhv edib.
Türkiyə prezidentinin sözçüsü İbrahim Kalın Zəfər Paradı ilə bağlı paylaşım edib.
O, bununla bağlı “Twitter” hesabında yazıb.
“Azərbaycanın zəfər günü mübarək. Tək millət, tək ürək, tək bilək”, - deyə o qeyd edib. (oxu.az)
Bir neçə gün öncə Fransaya rəsmi səfər edən Misir Prezidenti Əbdül- Fəttah əs-Sisiyə şərəf nişanı olan “Legion d'Honneur” fəxri medalının verildiyi məlum olub.
Məlumat “Quotidien” adlı proqramın aparıcısı Yann Barthesin tərəfindən yayılıb. O, sözügedən təqdimatın Fransa mətbuatından gizlədildiyini, məlumatın Misir Prezidentinin portalında dərc edildiyini bildirib.
Aparıcı Makronun mətbuatla paylaşdığı rəsmi proqramına daxil olmayan mərasimin görüntülərinin yalnız Sisinin operatoru tərəfindən lentə alındığını deyib.
Qeyd edək ki, Sisinin Fransaya səfəri, qırmızı xalçada qarşılanması Parisdə etirazla qarşılanmışdı.
Yunanıstanda KİV orqanları mətbuat sahəsində planlaşdırılan qanun dəyişikliyinə etiraz olaraq tətil edirlər.
ANA-MPA dövlət yayım quruluşu və ERT dövlət televiziya - radio şirkəti daxil olmaqla əksər media orqanı tətili sabah axşama qədər uzatmağa qərar verib.
Ortaq açıqlamada qeyd olunub ki, gələn həftə parlamentə təqdim edilməsi gözlənilən qanun layihəsinin hər gün pisləşən sağlamlıq böhranı şəraitində obyektiv xəbər almaq üçün əlverişsiz şəraitdə mübarizə aparan mətbuat işçilərinə böyük bir zərbə vurur.
Layihə televiziya kanallarında 400 işçi tələbini 280-ə endirməkdən ibarətdir.
Türkiyənin Müdafiə Nazirliyi tvitter hesabında Bakıda keçiriləcək Qələbə paradı münasibətilə paylaşım edib.
“Qafqazinfo” xəbər verir ki, paylaşımda Türkiyə- Azərbaycan birgə hərbi təlimləri, Qarabağdakı döyüş əməliyyatları və həmçinin parad hazırlıqlarından kadrların əks olunduğu video yerləşdirilib.
“Tək Vətən əməliyyatını uğurla həyata keçirən və Qarabağda böyük bir qələbə qazanan Azərbaycan türkü qardaşlarımızı təbrik edir və Bakıda təşkil olunan mərasimlərdə yürüş edəcək qəhrəman ordularımızın əsgərlərini qürurla salamlayırıq. 2783 şəhidimizə Allahdan rəhmət diləyirik”,- deyə paylaşımda qeyd olunub.
“Azərbaycan Ermənistan tərəfindən həyata keçirilən hücumları dayandırmaq və ərazilərini işğaldan azad etmək üçün “artıq bəsdir” deyərək hərəkətə keçdi”.
Report xəbər verir ki, bunu Türkiyə milli müdafiə naziri Hulusi Akar deyib.
“Azərbaycan “Bir Vətən Hərəkat Planı”nı tətbiq etdi”, - o bildirib.
"Kollektiv immunitetin formalaşdırılmasının ən effektiv yolu vaksinlərin tətbiqidir. Vaksinasiya ilk olaraq xəstəliyin yayılmasının qarşısını alır. İnsanlar vaksinasiya olunubsa, özləri yoluxduqda qısa müddətdə orqanizm virusa qalib gəlir və yayılmasına imkan vermir. Vaksindən istifadə həmçinin ölümlərin sayını azaldır. Xüsusilə yaşları çox olan və xroniki xəstələrdə bu daha çox özünü göstərir".
Baku.ws xəbər verir ki, bu barədə Səhiyyə Nazirliyinin İctimai Səhiyyə və İslahatlar Mərkəzinin şöbə müdiri Nabil Seyidov bildirib.
Onun sözlərinə görə, vaksinasiya ilk növbədə səhiyyə işçiləri və yaşı 65-dən yuxarı, şəkərli diabeti, ağ ciyər xəstəlikləri, immuniteti digər xəstəliklərə görə zəyif, ankoloji xəstəlikləri olan vətəndaşlara təklif ediləcək:
"Eyni zamanda müəllimlərin vaksinasiyası da mühümdür. Çünki təhsilimizin təmin edilməsi, xüsusilə də bağçaya, məktəbə qədər və məktəbə gedən uşaqların təhsilə cəlb edilməsi çox önəmlidir. Təhsil millətin gələcəyidir. Ona görə, bu kateqoriyadan olan insanların ilk növbədə vaksinasiyası vacibdir.
Azərbaycanın hansı vaksinə üstünlük verəcəyindən asılı olaraq (ÜST-ün təsdiqlədiyi və qəbul etdiyi) 10 milyonluq əhalisi olan ölkəmizin vətəndaşlarının vaksinasiyası bir neçə aya baş verəcək".
“Microsoft” şirkətinin qurucusu Bill Qeyts 2021-ci ildə dünya ölkələrinə yeni koronavirus əleyhinə mümkün qədər çox peyvənd paylamağı planlaşdırdıqlarını bildirib.
"Pandemiya 2022-ci ildə hətta inkişaf etməkdə olan ölkələrdə də sona çatacaq. Peyvəndin bərabər paylanmasını təmin etməliyik", - deyə o qeyd edib.
“Mikrosoft”un qurucusu Sinqapurdakı koronavirus peyvəndi ilə əlaqədar “Fintech” festivalından da danışıb. Bill Qeyts 6 fərqli koronavirus peyvəndinin lazımi təsdiqləri alacağını və vaksinlərin 2021-ci ilin yazına qədər paylanılmağa hazır olacağını gözləyir. O, güman edir ki, “Pfizer-BioNTech” peyvəndi yaxın aylarda təsdiqlənəcək. Habelə “Moderna”, “AstraZeneca”, “Johnson Johnson” və “Novavax” tərəfindən hazırlanan peyvəndlər də istifadə üçün təsdiqini alacaqlar.
Gələn il mümkün qədər çox peyvəndi paylamağı hədəf seçdiklərini deyən Qeyts iddia edib ki, pandemiya 2 il sonra bir çox ölkələrdə başa çatacaq: "Beləliklə, pandemiya 2022-ci ildə inkişaf etməkdə olan ölkələrdə də sona çatacaq. Varlı olmağınıza görə peyvəndə əl çatan olmanızı təyin etməməlisiniz. Peyvənd bərabər paylanılmalıdır”.
“Bill Melinda Gates” Fondu artıq “AstraZeneca” peyvəndini mümkün qədər çox insana paylamaq üçün Hindistanın dünyanın ən böyük peyvənd istehsalçısı olan Serum İnstitutu ilə əməkdaşlığa başlayıb. Qeyts “Novavax” peyvəndi üçün Serum ilə oxşar əməkdaşlığa başlayacaqlarını açıqlayıb. O, habelə “Johnson Johnson” şirkətinin peyvəndi üçün başqa bir istehsalçı ilə görüşdüyünü bildirib.
Braziliyada dərmana davamlı ölümcül “Candida auris” xəstəliyinə ilk yoluxma hadisəsi qeydə alınıb.
Bu barədə “RİA Novosti” Braziliyanın sanitar tənzimləyicisi “Anvisa”ya istinadən xəbər verir.
“Göbələk Baiya ştatındakı xəstəxanada yetkinlər üçün reanimasiya şöbəsinə yerləşdirilən xəstədən götürülən nümunədə müəyyən edilib”, - deyə bildirilib.
Tədqiqatın nəticəsi iki laboratoriyada təsdiqlənib.
“Candida auris” ştammları üç əsas göbələkəleyhinə dərmana (polyenes, azoles və echinocandins), həmçinin dezinfeksiyaedicilərə qarşı davamlıdır. Bundan əlavə, göbələk digər xəstəliklərlə müşaiyət edildikdə qan dövranı yoluxmaları da daxil olmaqla infeksiyalara səbəb olur ki, bu da ölümlə nəticələnir.
2019-cu ildə ABŞ və Niderlanddan olan bir qrup alim “Candida auris” supergöbələyin Yer üzünə yayılmasına qlobal istiləşmənin səbəb olduğunu bildirib. Göbələklər ümumiyyətlə insan bədən istiliyində çoxala bilməməsinə baxmayaraq, qlobal istiləşmə sayəsində “Candida auris” uyğunlaşıb və artıq 37 dərəcə temperaturda həyatda qalmağı bacarır. (oxu.az)