 |
|
Gürcüstanın keçmiş prezidenti Mixail Saakaşvili koronavirusa yoluxduğunu açıqlayıb.
O, bir neçə həftə əvvəl bu virusa tutulduğunu və xəstəliyi çox yüngül simptomlarla keçirdiyini bildirib.
Saakaşvilinin dediyinə görə, o, antikor testindən sonra bu barədə öyrənib.
Bu gün İzmir şəhərində axtarış-xilasetmə işləri tamamlanıb.
Bu barədə ölkənin Fövqəladə Halların İdarə Olunması Agentliyi (AFAD) məlumat yayıb.
Qeyd edək ki, oktyabrın 30-da Türkiyənin İzmir şəhərində 6,6 bal gücündə zəlzələ olub. Hadisə zamanı 112 nəfər ölüb.
ABŞ-da prezident seçkilərinin ilkin nəticələri açıqlanıb.
İlkin nəticələr bir neçə ştata görə hesablanıb.
Prezident Donald Tramp Pensilvaniya, Georgia, Michigan, Şimali Karolina, Alyaskada və Wisconsində liderlik edir. Demokrat Co Bayden Nevadada isə seçki siyahısına rəhbərlik edir.
Ümumilikdə “Fox News” telekanalına görə, Baydenin 238, Trampın 213 seçicisi var və hər ikisinin də seçilmək üçün real şansı var.
ABŞ prezidenti Donald Tramp rəqibi Co Baydenin açıqlamasından sonra seçicilərə müraciət edib.
Tramp “Twitter” hesabında bəzi qüvvələrin onun qələbəsini əlindən almağa çalışdıqlarını yazıb.
"Bizim sayımız daha çoxdur, lakin onlar qələbəmi oğurlamağa çalışırlar. Biz heç vaxt buna imkan verməyəcəyik. Seçki məntəqələri bağlandıqdan sonra artıq səs vermək mümkün deyil"- deyə, o, qeyd edib.
Bununla Tramp seçkidə olan saxtakarlığa eyham vurub.
Eyni zamanda, ABŞ prezidenti böyük qələbə elan edəcəyini bəyan edib.
Rusiyanın Xalq artisti Liya Axedcakova Azərbaycana dəstəyini nümayiş etdirib.
İşdə məhəbbət" filmi ilə tanıdığımız aktrisa Liya Axedcakova sosial media hesabında Azərbaycanla bağlı foto paylaşıb. O, ''Qarabağ - Azərbaycan'' şüarının yazıldığı fotosu ilə vətənimizə dəstəyini nümayiş etdirib. Aktrisanın paylaşımı böyük marağa səbəb olub.
Türkiyənin İzmir şəhərinin Seferihisar rayonunda baş verən zəlzələ nəticəsində ölənlərin sayı 114 nəfərə çatıb.
Bu barədə məlumatı ölkənin Fövqəladə Halların İdarə Olunması Agentliyi (AFAD) yayıb.
"Zəlzələ zamanı 114 nəfər həlak olub, 1 035 nəfər xəsarət alıb", - xəbərdə bildirilir.
Xatırladaq ki, oktyabrın 30-da Seferihisar rayonunun sahilində 6,6 bal gücündə zəlzələ qeydə alınıb. Yeraltı təkanların ocağı 16,54 km dərinlikdə olub.
ABŞ sakinləri prezident seçkilərində səslərin sayılmasını müşahidə etməyə davam edirlər.
Hazırkı dövlət başçısı Donald Tramp və Demokrat partiyasından olan rəqibi Co Bayden bir sıra mühüm əyalətlərdə praktiki olaraq bərabər səs toplayıblar. Bəzi əsas ştatlarda Tramp liderliyini qoruyur.
Bir sıra şəhərlərdə yerli sakinlər Trampa qarşı etiraz aksiyaları keçiriblər. Aktivistlər Yeni Orlean və Portlend küçələrinə çıxıblar. Vaşinqtonda ayrıca toqquşmalar müşahidə edilib. Həmçinin aksiya iştirakçıları ilə hüquq-mühafizə orqanlarının əməkdaşları arasında qarşıdurma qeydə alınıb.
“İzvestiya”nın müxbiri xəbər verir ki, Ağ Evin qarşısında da aksiya keçirilir. Ancaq orada aktivistlər rəqs etməyi və bununla hazırki prezidentə narazılığını bildirməyi üstün tutublar.
Türkiyənin İzmir şəhərində dəhşətli zəlzələnin dağıntıları altından əllərində tibbi əlcək olan iki gənc qızın meyiti çıxarılıb.
Gənc qızların hər ikisi diş həkimi olublar.
Aslı Taner və Zarife Doğan Rza Bey binasının birinci mərtəbəsində işlədikləri zaman dağıntılar altında qalaraq dünyalarını dəyişiblər. Belə ki dağıntılar altından çıxarılan qızlardan birinin anasının fəryad etməsi ətrafdakı şəxsləri kədərləndirib.
Xatırladaq ki, zəlzələ qurbanlarının sayı 100-ə çatıb.
Ermənistanda son sutka ərzində 1328 nəfər yeni koronavirus infeksiyasına yoluxub.
“Ölkə.Az”ın “ armenpress.am”a istinadən məlumatına görə, bununla da ölkədə COVID-19-a yoluxanların ümumi sayı 94 776 - ə çatıb.
Bu barədə Ermənistan Səhiyyə Nazirliyinin Xəstəliklərə Nəzarət və Profilaktika Milli Mərkəzinin saytında məlumat verilib.
Ölkədə son sutkada 22 nəfər vəfat edib, bu virusdan ölənlərin sayı ümumilikdə 1 413 nəfərdir.
Qeyd edək ki, 11 sentyabrda hökumət Ermənistanda 16 mart 2020-ci ildə elan edilmiş fövqəladə vəziyyətin dəyişdirilməsi barədə qərar qəbul edib. Bununla 11 sentyabr saat 17: 00-dan etibarən fövqəladə vəziyyət, dörd ay - 2021-ci il yanvarın 11-dək olan müddətə qədər karantin ilə əvəz olunub.
Ermənistan işğal etdiyi Azərbaycanın bütün ərazilərini Azərbaycana qaytarmalıdır.
Bunu İranın dini lideri Ayətulla Seyid Əli Xamenei bugünkü müraciətində bildirib.
S.Ə.Xameneinin sözlərinə görə, bununla da Azərbaycan əraziləri işğaldan azad edilməlidir.
Xamenei əlavə edib ki, beynəlxalq sərhədlərə riayət olunması zəruridir.