 |
|
Bu barədə “Report” Kanada hökuməti başçısının mətbuat xidmətinə istinadən məlumat verir.
Qeyd olunub ki, tərəflər Dağlıq Qarabağdakı vəziyyəti müzakirə ediblər.
Bundan başqa, iki ölkə arasında mövcud vəziyyət və pandemiyaya qarşı mübarizə diqqət mərkəzində olub.
Ermənistan Silahlı Qüvvələri Baş Qərargah rəisinin müşaviri Vladimir Poqosyan açıq şəkildə İsraili hədələyib.
Poqosyan bu barədə "Facebok" səhifəsində paylaşım eidb.
Avropadakı teror hadisələrindən danışan Poqosyan, bu terror hücumlarının onu maraqlandırmadığını bildirib. Onun sözlərinə görə, Avropa İsrailin nə olduğunu anlayacaq:
"İsrail 1933-cü il Almaniyası ilə bərabərdir. Heç kəsi bağışlamayacağıq və zaman gələcək sizdən qisasımızı alacağıq, bilin".trend
Noyabrın 3-də ABŞ-da keçirilmiş seçkilər yüksək rəqabətlilik səviyyəsi, aqressiv təbliğat ritorikası ilə müşayiət olunan güclü siyasi qütbləşmə şəraitində seçki orqanlarının əməkdaşlarının və vətəndaşların yüksək iştirak səviyyəsi ilə xarakterizə olunub.
Modern.az məlumatına görə, bu barədə ATƏT müşahidəçilərinin bəyanatında deyilir.
Bəyanatda qeyd olunur ki, ATƏT-in müşahidəçilər missiyası COVID-19 pandemiyasının yaratdığı bir sıra problemlərə baxmayaraq, seçkilərin rəqabətli və yaxşı təşkil olunduğu qənaətinə gəlib. Eyni zamanda seçki kampaniyası dərin kök salmış siyasi qütbləşmə ilə xarakterizə olunub ki, bu da siyasi debatlara kölgə salır və sistemli saxtakarlığa dair əsassız iddialar səsləndirilib:
“COVID-19 pandemiyası seçkilərin təşkili üçün çox böyük çətinlik yaradıb, eyni zamanda seçki kampaniyasına da ciddi təsir göstərib. Pandemiya zamanı seçicilərin səs verə bilməsi üçün görülən tədbirlər partiyaların maraqlarının əsas götürülməsindən qaynaqlanan uzun məhkəmə proseslərinə yol açıb və bu, seçki administrasiyasının işinə mənfi təsir göstərib, seçiciləri çaşdırıb. Seçki günü özü dinc və iğtişaşsız keçib. Ümumilikdə təhlükəsizlik tədbirlərinə əməl olunub”.
Bəyanatda qeyd olunub ki, seçicilərin şəxsiyyətini müəyyənləşdirmək tələbləri müəyyən qrupların səs verə bilməsi üçün maneə yaradır. Təxminən 5,2 milyon vətəndaş, demək olar ki, yarısının cəzalarını bitirməsinə baxmayaraq, cinayət təqibi səbəbindən səsvermə hüququndan məhrum olub.
Vurğulanıb ki, seçki kampaniyasının maliyyələşməsi ilə bağlı da narahatlıqlar olub. ABŞ-da seçkilər üzrə ümumi xərclər 14 milyard dollar məbləğində dəyərləndirilir.
ABŞ-da media mühiti mühüm şəkildə qütbləşib, amma eyni zamanda plüralist və müxtəlifdir. Seçkilər ərəfəsində fikir bildirmə azadlığına əməl olunub və seçicilərə şüurlu seçim etmək imkan yaradan geniş məlumatlar spektri təqdim olunub:
“Seçkiyə cavabdeh məsul şəxslər həm pandemiya, həm də seçki prosesini əhatə edən həddən çox siyasiləşmiş mühitə görə çətin şərtlərdə fəaliyyət göstəriblər. Seçkilərin təşkili üçün pandemiyanın yaratdığı çətinliklərin öhdəsindən gəlməsinə kömək etmək məqsədilə fövqəladə fondların vəsaitləri ştatlar üzrə paylansa da, bu, onlayn seçici qeydiyyatı və poçt səsverməsi zamanı kəskin artım səbəbi ilə əlavə problemlərin öhdəsindən gəlmək üçün kifayət etməyib. Buna baxmayaraq, ictimaiyyət bütün səviyyələrdə seçki administrasiyasının işinə ümumilikdə etimad göstərib”.
ABŞ-dakı seçkiləri müşahidə edən missiya 39 ölkədən 102 müşahidəçi, o cümlədən Demokratik Təsisatlar və İnsan Haqları Bürosunun 50 ekspert və müşahidəçisi və ATƏT PA-dan 52 parlamentari və əməkdaşdan ibarət olub.
Moskvadan İrəvana şübhəli yüklər daşınır.
Oxu.az məlumatına görə, bununla bağlı sosial şəbəkələrdə görüntülər paylaşılıb.
Erməni mənbələri bunun 50 ton ağırlığında humanitar yük partiyası olduğunu bildirib. Lakin bağlamaların içində nə olduğu bilinmir, bu da qanunsuz yüklərin daşınması şübhələrini artırır.
Türkiyənin İstanbul şəhərində zəlzələ olub.
Hadisə bu gün Türkiyə vaxtı ilə saat 08:46-da baş verib.
Tektonik sınma Mərmərə dənizində 3, 7 bal gücündə olub, şəhər ərazisində hiss olunub.
Koronavirus tədbirləri çərçivəsində 8 ay müddətinə xarici vətəndaşlar üçün dayandırılan ümrə ziyarətləri yenidən başlayıb.
Bu barədə Səudiyyə Ərəbistanının Həcc və Umrə Nazirliyi məlumat yayıb. Bildirilib ki, İndoneziya və Pakistandan gələn ziyarətçilər noyabrın 1-də ölkəyə çatıb və üç gün karantində qaldıqdan sonra Kəbəyə üz tutublar.
Qeyd edək ki, Səudiyyə Ərəbistanı 4 oktyabr tarixindən ölkə vətəndaşları üçün ümrə ziyarətlərinə yenidən başlamışdı.
Xatırladaq ki, Səudiyyə Ərəbistanı 29 sentyabrda ümrə ziyarətləri üçün bəzi tədbirlərin görüləcəyini açıqlamışdı. Belə ki, koronavirus tədbirləri çərçivəsində Kəbə və Həcərül-Əsvədin ətrafına qoyulmuş barrikadaların orada qalmağa davam edəcəyi, ziyarətçilərin Kəbə və Həcərül- Əsvədə yaxınlaşmasına və onlara toxunmasına icazə verilməyəcəyi, həmçinin Kəbənin yerləşdiyi Məscidül-Həramın gündə 10 dəfə dezinfeksiya ediləcəyi bildirilmişdi.
Dünyada koronavirusdan gündəlik ölüm sayında rekord müəyyənləşib. Belə ki, son sutkada 9 763 nəfər COVID-19 qurbanı olub.
Bu barədə report xəbər verir.
Qeyd olunur ki, COVID-19 pandemiyası sürətlənib. Məsələn, Yunanıstanda qismən tətbiq olunan lokdauna baxmayaraq, gündəlik koronavirusa yoluxmada maksimum say aşkar edilib - 2 646. ABŞ-da isə analoji göstərici ilk dəfə 100 mini keçib.
Xatırladaq ki, dünyada təsdiqlənmiş COVID-19-a yoluxma hallarının sayı 48 milyonu keçib.
Azərbaycan-Amerika Mədəniyyət Assosiasiyasının təşəbbüsü və Diasporla İş üzrə Dövlət Komitəsinin dəstəyi ilə ABŞ-ın Florida ştatının Mayami şəhərinin mərkəzi yollarında Azərbaycan bayrağının və Qarabağ atlarının təsvir olunduğu, “Karabakh is Azerbaijan” (Qarabağ Azərbaycandır) şüarının yazıldığı lövhələr quraşdırılıb.
Bu barədə Report-a məlumatı Azərbaycan-Amerika Mədəniyyət Assosiasiyasının sədri Töhfə Eminova verib.
O bildirib ki, iki nəhəng lövhənin dizaynı ABŞ-da yaşayan həmyerlilərimiz Cəmilə Cavadova və Bakıda yaşayan dizayner Emin Rzayevə məxsusdur.
T.Eminova lövhələrin quraşdırıldığı yollarının ermənilərin sıx yaşadığı ərazilər olduğunu deyib:
“Lövlələrdən biri gediş-gəliş yolu olmaqla, “Fort Lauderdale” beynəlxalq hava limanının önündə, digər iki lövhə isə ABŞ-n bütün şəhər və ştatlarına gedən yolları birləşdirən mərkəzi yola qoyulub.
Biz bu məkanları əbəs yerə seçməmişik. Çünki həmin yollar ermənilərin Floridada daha çox məskunlaşdığı ərazilərə - “Boco Raton” və “Palm Beach”ə çıxır”.
T.Eminova ABŞ-da yaşayan Azərbaycan icmasının ermənilərin ədalətsiz işğalçılıq siyasətinə qarşı birləşdiyini deyib:
“Bu ənənəni davam etdirəcəyik. Hələ ABŞ-ın bir çox ştatlarında, böyük şəhərlərində mərkəzi yolların və körpülərin üzərində “Qarabağ Azərbaycandır!" bannerləri nümayiş etdiriləcək”.
Rusiya Prezidenti Vladimir Putinlə Belarus Prezidenti Aleksandr Lukaşenko arasında telefon danışığı olub.
Report xəbər verir ki, dövlət başçıları telefon söhbətinin gedişatında koronavirusla bağlı vəziyyəti müzakirə ediblər. Prezidentlər infeksiyanın yayılmasına qarşı mübarizədə ölkələrin əməkdaşlığını yüksək qiymətləndiriblər. Bundan başqa, tərəflər Rusiyanın “Sputnik V” peyvəndinin Belarusa ixracı ilə bağlı qərarın əhəmiyyətini qeyd ediblər.
Prezidentlər müttəfiqlik münasibətlərinin möhkəmləndirilməsinə sadiq olduqlarını da təsdiqləyiblər. Onların sözlərinə görə, ölkələr daha əvvəl bağlanmış müqavilələr üzrə öhdəlikləri yerinə yetirməyə davam edəcək.
Kremlin rəsmi məlumatına görə, siyasətlər həmçinin Dağlıq Qarabağda münaqişəsinin nizamlanmasını müzakirə ediblər.
Dövlət başçıları müxtəlif səviyyələrdə təmasların davam etdirilməsini razılaşdırıb.
Ermənistan cəmiyyəti kapitulyasiyanı qəbul etməyə hazır deyil, baxmayaraq ki, siyasətçilər hər şeyi gözəl anlayır və baş verənlərlə bağlı özlərinə hesabat verirlər. Ancaq məhz siyasətçilər 20 ildən çox öz cəmiyyətlərini aldadıblar və Qarabağın əbədi olaraq ermənilərin olacağından danışıblar.
Bu sözləri Media.Az-a müsahibəsində məşhur ukraynalı analitik, “Yuri Podolyaka” “Youtube” kanalının müəllifi Yuri Podolyaka bildirib.
“Bəs indi onlar öz xalqlarına necə izah edə bilərlər ki, bu yalan olub, kapitulyasiyaya razılaşmaq lazımdır, yoxsa daha pis olacaq. Heç bir erməni hökuməti buna getməz. Mən ötən əsrin 90-cı illərində baş verən, prezident Əbülfəz Elçibəyin hakimiyyəti itirdiyi vəziyyətin təkrarlanmasını istisna etmirəm. O zaman artıq Nikol Paşinyan heç bir şeyə görə cavab verməyəcək. Elə yeni hökumət də formal olaraq heç nəyə görə məsuliyyət daşımayacaq. Beləliklə erməni cəmiyyəti baş verənlərlə barışacaq, artıq formalaşmış olan yeni status-kvonu qəbul edəcək”, - deyə ekspert bildirib.
Yuri Podolyaka həmçinin münaqişənin tənzimlənmə üsulu barədə da fikirlərini açıqlayıb:
“Hər şey Azərbaycan ordusunun uğurlarından asılı olacaq. Artıq iş müharibəyə çatdığından siyasətçilər sadəcə hərbçilərin uğurlarını qeyd edirlər. Əgər Azərbaycan Silahlı Qüvvələri sona qədər getsə, o zaman erməni tərəfi kapitulyasiya imzalayacaq. Əks halda İrəvan hər şeyi gecikdirməyə çalışacaq. Ancaq təxmin etməyə dəyməz. Yaşayarıq, görərik. Bir neçə həftə qalıb. Hər şey sizin hərbçilərinizin əlindədir”.