 |
|
Belarus Prezidenti Aleksandr Lukaşenko vertolyotla müxalifətin etiraz aksiyası keçirdiyi əraziyə – İstiqlaliyyət Sarayının qarşısına gəlib.
"Ölkə.Az" RİA Novosti-yə istinadən xəbər verir ki, prezidentin əlində avtomat olub.
Lukaşenkonun əlindəki silahın üstündə darağın olmadığı diqqət çəkib.
Qeyd edək ki, prezidenti xüsusi çevik polis qüvvələri müşayiət edib.
Ümumdünya Səhiyyə Təşkilatı (ÜST) yeni növ koronavirus (COVID-19) pandemiyasının nə zaman bitəcəyi ehtimalını açıqlayıb.
TASS-ın xəbərinə görə, bu barədə qurumun baş direktoru Tedros Adhanom Qebreyesus məlumat yayıb.
O bildirib ki, virusu dayandırmaq üçün texnologiyalar var və COVID-19-un iki ildən az müddətdə bitəcəyi gözlənilir.
ABŞ-ın Massaçusets ştatında yerləşən ümumi profil üzrə xəstəxananın alimləri sübut ediblər ki, COVID-19 xəstəsi olan insanların orqanizmində sitokinlərin yüksək miqdarı SARS-CoV-2-yə qarşı davamlı immunitetin inkişafının qarşısını alır.
Alimlərin yazdığı məqalə “Cell” jurnalında dərc edilib.
Təhqiqatçılar COVID-19-dan vəfat edən şəxslərin dalağını və limfa düyünlərini araşdırarkən məlum olub ki, bu orqanlarda davamlı immun reaksiyasının ayrılmaz hissəsi olan hermenativ mərkəzlər mövcud deyil.
Onlarda anticisim istehsal edən B-hüceyrələri yetişir. Bu hüceyrələr immun yaddaşının uzunömürlü hüceyrələrinə çevrilir. B-hüceyrələri sayəsində orqanizm yenidən yoluxduğu təqdirdə patogeni tez və effektiv şəkildə müəyyənləşdirərək ona hücum edir.
COVID-19-un ağır mərhələsi zamanı köməkçi hüceyrələrin meydana gəlmədiyi məlum olub. Bu, immunitet reaksiyasında iştirak edən sitokinlərin- siqnal molekullarının çox olması ilə əlaqədardır. COVID-19-un ağır hallarında adətən herminativ mərkəzlərin meydana gəldiyi yerlərdə çox miqdarda sitokin TNF aşkar edilib.
Bu o deməkdir ki, anticisimlər insanları nisbətən qısa müddət ərzində qoruya bilsələr də, bəzi sağalmış insanlar bir neçə aydan sonra yenidən və bir neçə dəfə SARS-CoV-2-yə yoluxa bilərlər.
Ümumdünya Səhiyyə Təşkilatının (ÜST) Avropa bürosu qarşıdakı qrip mövsümünə hazırlaşmağı tövsiyə edib.
Unikal.org” xəbər verir ki, büro rəhbəri Hans Kluqe onlayn formatda keçirilən brifinqdə koronavirusla yanaşı qripə yoluxmanı da diqqətdə saxlamağın vacibliyini diqqətə çatdırıb və qrip əleyhinə peyvəndlər sayəsində əhalinin risk qruplarını qorumağa çağırıb.
Onun sözlərinə görə, bu il qrip əleyhinə peyvəndlər xüsusilə vacib əhəmiyyət daşıyacaq, çünki qripə yoluxanların mümkün qədər az olması xəstəxana və səhiyyə sisteminin yüklənməsinin qarşısını ala və səhiyyə işçilərinin koronavirus pasiyentlərini diqqətdə saxlamalarına kömək edə bilər.
H.Kluqe, həmçinin qeyd edib ki, hazırda pandemiyanın episentri Avropadan Amerika və digər regionlara keçsə də, bu, Avropa ölkələrində arxayınlıq yaratmamalıdır. Koronavirusa qarşı mübarizə tam gücü ilə davam etdirilməli və eyni zamanda paralel olaraq qarşıdakı qrip mövsümü də nəzərdən qaçırılmamalıdır.
Avqustun ilk həftəsində Avropada iyunun ilk həftəsi ilə müqayisədə 40 min yoluxmanın qeydə alınması narahatlıq doğursa da, büro rəhbəri səhiyyə qurumlarının hazırda vəziyyəti və yoluxma trendlərini daha yaxşı nəzarətdə saxlaya bildiklərini də qeyd edib.
O bildirib ki, indiki vəziyyəti fevral ayı ilə müqayisə etmək olmaz, indi artıq virusa qarşı mübarizənin necə təşkil olunmasına dair təcrübə toplanılıb və yoluxma klasterlərinin aradan qaldırılması daha yaxşı həyata keçirilir.
.jpg)
Dünyada 22 580 296 nəfərdə koronavirus aşkar olunub.
Virusdan 791 002 xəstə ölüb, 15 301 278 nəfər sağalıb.
Dünyada koronavirusa yoluxma ən çox ABŞ (5 700 931 nəfər), Braziliya (3 460 413 nəfər), Hindistandadır (2 836 925 nəfər).
Rusiya 937 321 yoluxma ilə dördüncü sırada qərarlaşıb.
İranda 350 279, Türkiyədə 253 108, Ermənistanda 42 056, Gürcüstanda 1 361 nəfərdə koronavirus müəyyən edilib.
Azərbaycanda bu zamana qədər 34 620 nəfərdə koronavirus aşkarlanıb. Virusa yoluxanlardan 510-u ölüb, 32 363-ü sağalıb.
Çikaqo Universitetinin (ABŞ) molekulyar mühəndislik məktəbinin alimləri ilhamverici xəbər yayıb.
Publika.az xəbər verir ki, tədqiqatçılar yeni tip koronavirusun zəif nöqtələrindən birini tapıblar. Bu nöqtə Mpro proteazı adlanır, vücuddakı virusun çoxalması ilə əlaqəli mexanizmə cəlb edilir.
Tədqiqatçılar proteazda əvvəllər araşdırılmamış hissənin tapıldığını, bunun da COVID-19-a qarşı effektiv dərmanların tətbiqi nöqtəsi ola biləcəyini söyləyib. Və dərhal həll yolu təklif ediblər: koronavirus infeksiyası ilə mübarizə aparmaq üçün ebselen adlı dərman molekulundan istifadə etmək. Hazırda bu molekulun eşitmə itkisi, tinnitus və bipolyar pozğunluğun müalicəsində təsirinin araşdırıldığı bilinir.
Belə bir tapıntı koronavirusun müalicəsinə yol aça bilərmi?
Bu barədə tanınmış virusoloq, E.İ.Martsinovski Seçenov Universitetinin tibb elmləri doktoru, Rusiya Elmlər Akademiyasının müxbir üzvü Aleksandr Lukaşev danışıb:
"Proteaz, eləcə də polimeraz müxtəlif virusların çoxalması üçün istifadə etdiyi fermentlərdir. Onlar çoxdan bəri bir çox virusun müalicəsində istifadə edilir. Bu fermentlərə təsir edən və virusun çoxalmasını ləngidən molekul tapmaq uzun yolun ilk addımlarıdır. Belə bir molekulun tapılması çox yaxşıdır, amma hələ də yerinə yetirilməli şərtlər var. Həmin molekul aşağı toksikliyə, bədənə daxil olduqda yaxşı xüsusiyyətlərə malik olmalıdır - düzgün paylanmalı, metabolizə edilməli, ifraz olunmalıdır. Bütün bu parametrlərə cavab verməkdən əlavə, ən azı bir il çəkən və milyonlarla dollara başa gələn 1-ci, 2-ci və 3-cü mərhələlərin klinik sınaqlarından keçməlisiniz.
Digər dərmanlarla təcrübə göstərir ki, hər sonrakı mərhələdən keçmək üçün 90% şans var. Hər halda, bu, faydalı tapıntıdır. SARS-CoV-2-nin tədqiqatında nə qədər irəliləyiş olsa, bəşəriyyət yeni infeksiyaya nəzarət etmək qabiliyyətinə daha yaxın olacaq".
Belarus Prezidenti Aleksandr Lukaşenko yeni hökumətinin tərkibini təsdiqləyib.
APA xəbər verir ki, prezident Roman Qolovçenkonu hökumətin rəhbəri vəzifəsində saxlayıb.
Qeyd edək ki, indiki vəziyyətdə namizədlik parlamentin aşağı palatası ilə razılaşdırılmalıdır.
Dünyanın ən varlı iş adamı “Amazon”un şefi Cef Bezos bir gündə 7,2 milyard dollar qazanıb. Bununla da o ümumi varidatının həcmini 200 milyard dollara yaxınlaşdırdı.
“Ölkə.Az” “forbes”ə istinadən xəbər verir ki, çərşənbə axşamı birja ticarətinin yekununa əsaəsn “Amazon” şefi C. Bezosun gəliləri 7,2 milyard dollar artıb. Bununla da onun varidatının həcmi 197,8 mlrd dollar təşkil edib. Forbes yazır ki, son 40 ildə hər hansı iş adamının gəlirinin bu qədər artması ilə bağlı hadisə qeydə alınmayıb.
Bezosun gəliləri “Amazon” şirkətinin aksiyalaırnın qiymətinin artması hesabına olub.
Ukraynalı rejissor Aleks Anişenko hazırladığı “2020-ci ildəki kədərli anlar” adlı videoçarxda Tovuzda baş vermiş döyüşlər, ordumuzun düşmən mövqelərinə endirdiyi zərbələr, eyni zamanda, Bakıda orduya dəstək məqsədilə keçirilmiş möhtəşəm aksiyaya yer verib.
Bununla yanaşı, videoçarxda səkkiz ay ərzində dünyada baş vermiş ən faciəli görüntülər əks olunub.
Belarus Prezidenti Aleksandr Lukaşenko təcili olaraq Təhlükəsizlik Şurasının bölgə liderlərinin iştirakı ilə yeni iclasını çağırıb.
“Qafqazinfo” “Belta”ya istinadən xəbər verir ki, o, əvvəlcə respublikadakı vəziyyətlə bağlı çıxış edib, daha sonra isə iqtisadi məsələlərin müzakirəsinə keçib.
“Kənddə heç kim işi ləğv etməyib. Taxıl biçini yığımı kampaniyası başa çatmaq üzrədir. Taxılın 10% -ni yığmaq qalıb”,- deyə ölkə başçısı bildirib.
Prezident indiki ictimai-siyasi vəziyyətdə bir sıra vətəndaşlara qarşı baş verən təhdid və təzyiqlərdən də danışıb: “Bütün ölkə, ümumiyyətlə böyük əksəriyyətin işlə məşğul olmasına baxmayaraq, ictimai-siyasi vəziyyət baxımından çətinliklər hələ də qalır. Bizi ləngitmək istəyənlər bunu bacarmayacaq”.
Xatırladaq ki, daha əvvəl A.Lukaşenko Təhlükəsizlik Şurasını çağıraraq, yeni prezident seçkilərindən sonra yaranmış böhran vəziyyətini müzakirə etmişdi.