 |
|
Ermənistanın “Sevr” müqaviləsinin imzalanmasının 100 illiyində bu mövzunu yenidən gündəmə gətirməsi Türkiyənin sərt reaksiyasına səbəb olub.
Bu barədə “Haber Global” xəbər yayıb.
Bildirilib ki, məsələ ilə bağlı Türkiyə Xarici İşlər Nazirliyi sərt açıqlama verib.
“Azərbaycan torpaqlarını illərdəri qeyri-qanuni şəkildə zəbt etmiş Ermənistan bölgədəki sülh və istiqrarın önündəki ən böyük əngəldir”, - deyə sözügedən bəyanatda vurğulanıb.
“Ermənistan hakimiyyətinin təcavüzkar millətçi siyasətindən əl çəkərək ağlını başına yığmasının vaxtı gəlib” - deyə, məlumatda qeyd olunub.
Yeni Zelandiya koronavirusa tamamilə qalib gələn ölkələrdəndir.
“Haber Global” xəbər verir ki, bu ölkədə sonuncu dəfə ölkə daxili yoluxma 1 mayda qeydə alınıb.
Baş nazir Yasinda Ardern buna baxmayaraq ikinci dalğa təhdidinin davam etdiyini söyləyib. O, yeni yoluxma hallarının hamısının xaricdən gələnlərdə qeydə alındığını bildirib.
Qeyd edək ki, 5 milyon nəfər əhalisi olan Yeni Zelandiyada 1 martdan etibarən fövqəladə vəziyyət elan edilmiş, 27 apreldə isə koronavirusa qalib gəldindiyi açıqlanmışdı.
Bu günə Yeni Zelandiyada qədər ümumilikdə 1569 nəfərdə koronavirus aşkarlanıb. Onlardan 22 nəfər vəfat edib, 1524-ü sağalıb. Hazırda 23 aktiv xəstə var ki, onların da hamısı digər ölkələrdən gəlib. baku.ws
Belarusun paytaxtı Minskdə etirazlar zamanı bir nəfər ölüb.
Bu barədə belarusluların hüquqlarını müdafiə mərkəzi “Vesna”nın nümayəndəsi Valentina Stefanoviç deyib.
Onun sözlərinə görə, bu hadisə xüsusi nəqliyyat vasitəsinin etirazçıların üstünə sürülməsi zamanı baş verib:
“Üç nəfər ciddi xəsarət alıb, bir nəfər isə kəllə-beyin travması nəticəsində ölüb”.
Belarus Mərkəzi Seçki Komissiyası seçkilərin ilk rəsmi nəticələrini açıqlayıb.
Belarusun hazırkı dövlət başçısı Aleksandr Lukaşenko prezident seçkilərində 80,23% səs toplayıb.
“Lukaşenko 4 milyon 652 min nəfərin etimadını qazanıb”, – MSK-nın açıqlamasında bildirilir.
Qeyd edək ki, səsvermədə 5 milyon 790 min nəfər iştirak edib. Səsvermə hüququ olan vətəndaşların 84,23%-i prosesə qatılıb.
MSK rəhbəri Lidiya Yermoşinanın açıqlamasına görə, Lukaşenkoya ən yaxın namizəd Svetlana Tikxanovskaya 9,9% səs toplayıb.
Digər namizədlər 2% -dən az səs qazanıb.
Yermoşina nəticələrin dəyişməyəcəyinə inanır. (publika. az)
Belarus Respublikasını 26 ildir dövləti idarə edən Aleksandr Lukaşenkonun yenidən prezident seçkilərində qalib gəlməsi ölkədə böyük qarşıdurmalara səbəb olub.
Turkustan.info xarici KİV-ə istinadən xəbər verir ki, prezident seçkilərində Lukaşenko 81 faiz səslə qalib gəlib. Bunun ardınca paytaxt Minskdəki qələbə abidəsi önünə toplaşan 300-ə yaxın adam, seçki nəticələrinə etiraz edib. Saat 21: 30-da başlayan etirazlar birdən-birə ölkənin demək olar ki, hər yerinə yayılmağa başlayıb.
İnternet və elektrik kəsilmələrini bəhanə kimi istifadə edən nümayişçilər, seçkilərin saxta olduğunu iddia ediblər. Minsk küçələrində başlayan etirazlar aksiyalarının qarşısının alınmasına polis və hərbçilər cəlb edilib.
/Unikal.org/
Türkiyə dünyada yenidən öz yerini tutur. Avropa mərkəzli tarix bizim üfüqlərimizi məhdudlaşdırmışdı.
Bunu Türkiyə Prezidentinin sözçüsü İbrahim Qalın deyib.
“Özümüzə aid yeni şeylər ortaya qoymaq üçün tarixin dərinliklərinə varmaq lazımdır. Baxış bucağını düzgün müəyyənləşdirməliyik”, – Qalın bildirib.
O, türk insanının Qərb insanına bənzəmək cəhdlərinə müsbət yanaşmadığını qeyd edib. /Axar.az/
Şərqi Aralıq dənizi ilə bağlı razılaşmanı pozan və inamı sarsıdan Yunanıstan tərəfidir.
Bunu Türkiyə Prezidentinin sözçüsü İbrahim Qalın deyib.
“Yunanıstanla Misir arasında razılaşma əldə olduqdan sonra cənab Ərdoğan bizə açıq şəkildə göstəriş verdi:
“Danışıqları dayandırırsınız. Almanlara və yunanlara bu barədə məlumat verin. Biz bu danışıqlara başlaya bilmirik. Yunanıstanla Misir arasında razılaşma Türkiyə üçün yox hökmündədir”. Çünki bu, yenidən Türkiyəni Şərqi Aralıq dənizi məsələsindən kənarda qoymağa və bizi Antalya körfəzinə məhkum etmək üçün atılmış addımdır. Türkiyə bunu heç vaxt qəbul etməz. Şərqi Aralıq dənizi mövzusunda 2 məqsədimiz var. Birincisi dəniz sərhədi ilə bağlı məsələ, digəri isə Kipr türklərinin haqq və maraqları. Bütün bunlara baxmayaraq, Türkiyə məsələnin dialoq yolu ilə həllinin tərəfdarıdır. Ancaq burada razılaşmanı pozan və inamı sarsıdan Yunanıstan tərəfidir”, – prezident sözçüsü bildirib. /Axar.az/
Belarusda avqustun 9-da keçirilən prezident seçkilərində səsvermə başa çatdıqdan sonra Minskdə və digər şəhərlərdə kütləvi etirazlar başlayıb.
“Qafqazinfo” xəbər verir ki, davam edən etirazlarda 80-dən çox şəxs saxlanılıb. Güc strukturlarının nümayəndələri etiraz aksiyasını dağıtmaq məqsədilə gözyaşardıcı qazdan, həmçinin səs qumbaralarından istifadə ediblər.
“Xahiş edirəm, təxribatlara və ictimai asayişin pozulması yönündə çağırışlara yol verməyin. Hüquq-mühafizə orqanları konstitusiya quruluşunu qorumaq üçün bütün mümkün tədbirləri görəcək”,- deyə Belarus İstintaq Komitəsinin rəhbəri İvan Noskeviç bildirib.
Bu gün səhər isə iğtişaşlar faktı ilə cinayət işləri açılıb. Onların iştirakçıları və təşkilatçıları 8 ildən 15 ilə qədər həbs cəzası ilə üzləşə bilərlər.
Qeyd edək ki, dünən Belarusda keçirilən prezident seçkilərində hazırki Prezident Aleksandr Lukaşenko 81 faiz səs toplayaraq qalib olub. Müxalif namizəd Svetlana Tixanovskaya isə yalnız 8 faiz səs toplaya bilib.
İstanbulda – Taksim meydanında özünü xəstəliyə vuran dilənçi kameraya düşüb.
Bununıa bağlı görüntüləri NTV yayımlayıb.
Bildirilib ki, o, Taksimdə əlində simitlərlə getdiyi yerdə özünü vətəndaşların önündə yerə atıb.
Fırıldaqçılığı üzə çıxan dilənçi yaxalanıb.
Qanunamüvafiq olaraq, o, pul cəriməsi alıb.
Bu gün Türkiyədə daha 15 nəfər koronavirusdan ölüb.
Bu barədə Səhiyyə naziri Fahrettin Koca bildirib.
Nazir qeyd edib ki, bununla da ölkədə pandemiya qurbanlarının sayı 5 844 nəfərə çatıb.
Fahrettin Kocanın sözlərinə görə, son sutkada COVID-19-a 1 182 yoluxma qeydə alınıb. Beləliklə, Türkiyədə koronavirusa yoluxma hallarının sayı 240 804 nəfərə yüksəlib.
Son sutkada 1 103 pasiyent sağalıb. Türkiyədə koronavirusdan sağalanların ümumi sayı 223 759 nəfər təşkil edir.