 |
|
“Vimpelkom”un (“Beeline” brendi) direktorlar şurası avqustun 17-də keçirilən iclasda əslən azərbaycanlı Rəşid İsmayılovu şirkətin yeni prezidenti təyin edib.
“TASS” xəbər verir ki, R.İsmayılov şirkət ilə 2023-cü ilin avqust ayına qədər üç illik müqavilə imzalayıb.
Bildirilib ki, daha əvvəl İsmayılov “Beeline”da baş direktorun müşaviri kimi işə başlayıb. Ona qədər şirkətin prezidenti vəzifəsini 2015-ci ildən Aleksandr Krupnov daşıyıb.
Qeyd edək ki, Rəşid İsmayılov 2014-2018-ci illərdə Rusiya Telekommunikasiya və Rabitə nazirinin müavini vəzifəsini icra edib. Daha sonra isə o, Rusiyada “Nokia” şirkətinin baş direktoru vəzifəsində çalışıb. 2019-cu ildən etibarən, Runet Davamlı İstismar Qanunu çərçivəsində Trafik filtrləmə sistemlərini tətbiq edən Məlumatların İşlənməsi və Avtomatlaşdırılması Mərkəzinə rəhbərlik edib.
Rusiyada son sutka ərzində daha 4 828 nəfərdə COVID- 19-a yoluxma faktının aşkarlanması ilə yoluxanların ümumi sayı 937 min 321-ə çatıb.
Bu barədə Rusiya hökumətinin koronavirusla mübarizə üzrə operativ qərargahının internet saytında açıqlama verilib. Bildirilib ki, ölkə üzrə aktiv koronavirus xəstələrinin sayı 171 min 909 nəfər təşkil edir.
Ötən gün ərzində xəstəlik səbəbindən daha 117 nəfərin həyatını itirməsi ilə ölüm hallarının sayı 15 min 989-a çatıb. Ümumilikdə 749 min 423 pasiyent isə sağalaraq evinə buraxılıb.
Gürcüstanda son sutka ərzində daha 10 nəfərdə koronavirus aşkarlanıb, ölən olmayıb.
Bu barədə Gürcüstanda koronavirusla mübarizə çərçivəsində yaradılmış “Stopcov.ge” internet portalında məlumat verilib.
Bildirilir ki, ölkədə yoluxanların sayı 1 361-ə yüksəlib, virusdan ölənlərin sayı isə 17-dir.
Ermənistanda sutka ərzində daha 210 nəfərdə koronavirusa yoluxma faktı aşkarlanıb.
Bu barədə ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzin saytında məlumat verilib. Yoluxanların ümumi sayı 42 056-ya çatıb.
Xəstəlik səbəbindən həyatını itirənlərin sayı daha 1 nəfər artaraq 833-ə çatıb. Ümumilikdə 36 226 pasiyent müalicə olunaraq sağalıb, 5 748 xəstənin müalicəsi davam etdirilir.
Qeyd edək ki, Ermənistanda epidemiyaya görə martın 16-dan etibarən tətbiq olunan fövqəladə vəziyyət rejimi 11 sentyabra qədər uzadılıb.
ABŞ Prezidenti Donald Tramp Demokrat namizəd Co Baydenin prezident seçkilərində qalib gələcəyi təqdirdə Amerikanın “ikinci Venesuela”ya çevriləcəyini bildirib.
Tramp bu barədə Viskonsin ştatında çıxış edərkən bildirib: “Bu, keçirdiyimiz ən təhlükəli seçkidir. Çünki Demokratlar gəlsələr, geri dönüşümüz olmayacaq. İkinci Venesuelaya çevriləcəyik. Daha əvvəl belə olacağını güman edirdim, indi isə əminəm”.
Qeyd edək ki, bu ilin noyabrında ABŞ-da prezident seçkiləri keçiriləcək. Qarşıdakı qurultaylarda hər iki partiyadan olan namizədlərin rəsmi olaraq adları açıqlanacaq. Bununla belə indidən Respublikaçılardan Donald Trampın, Demokratlardan isə Co Baydenin namizəd olacağı artıq məlumdur.
Belarus Prezidenti Aleksandr Lukaşenko ötən gün Minsk Təkər Traktor Zavodunun (MZKT) işçiləri ilə görüşü zamanı ona “özünü güllələməyi” təklif edən kütləyə yaxınlaşıb.
“Qafqazinfo” xəbər verir ki, sözügedən videogörüntülər yerli “Tut.by” portalı tərəfindən yayımlanıb. Görüntülərdə Prezidentin zavodu tərk etdiyi anda işçilərdən birinin “Özünüzü güllələyin, zabit!” deyə qışqırdığı eşidilir.
Lukaşenko işçi kütləsinə yaxınlaşaraq çağırışlara belə cavab verir: “Yerinizdə dayanın, narahat olmayın, sizi döyməyəcəm. Bu, mənim marağımda deyil. Əgər bir nəfər burda təxribat törətsə, ona qarşı amansız davranacağıq. Ona görə kişi ol. Siz kütləsiniz, mən isə təkəm. Telefonu aşağı sal!”
Xatırladaq ki, Belarusun sənaye nəhəngləri - “Belaruskali”, “Naftan”, MZKT, MTZ, BMZ zavodlarının işçiləri etiraz əlaməti olaraq tətilə çıxıb. İşçilərin tələbləri arasında təhlükəsizlik qüvvələri tərəfindən zorakılığın dayandırılması və günahkarların mühakimə olunması, Aleksandr Lukaşenkonun istefası, seçkilərin qeyri-qanuni olaraq qəbul edilməsi və yeni seçkilərin təyin edilməsi, siyasi məhbusların azad olunması dayanır.
Belarus Prezidenti Aleksandr Lukaşenko ötən gün Minsk Təkər Traktor Zavodunun (MZKT) işçiləri ilə görüşü zamanı ona “özünü güllələməyi” təklif edən kütləyə yaxınlaşıb.
“Qafqazinfo” xəbər verir ki, sözügedən videogörüntülər yerli “Tut.by” portalı tərəfindən yayımlanıb. Görüntülərdə Prezidentin zavodu tərk etdiyi anda işçilərdən birinin “Özünüzü güllələyin, zabit!” deyə qışqırdığı eşidilir.
Lukaşenko işçi kütləsinə yaxınlaşaraq çağırışlara belə cavab verir: “Yerinizdə dayanın, narahat olmayın, sizi döyməyəcəm. Bu, mənim marağımda deyil. Əgər bir nəfər burda təxribat törətsə, ona qarşı amansız davranacağıq. Ona görə kişi ol. Siz kütləsiniz, mən isə təkəm. Telefonu aşağı sal!”
Xatırladaq ki, Belarusun sənaye nəhəngləri - “Belaruskali”, “Naftan”, MZKT, MTZ, BMZ zavodlarının işçiləri etiraz əlaməti olaraq tətilə çıxıb. İşçilərin tələbləri arasında təhlükəsizlik qüvvələri tərəfindən zorakılığın dayandırılması və günahkarların mühakimə olunması, Aleksandr Lukaşenkonun istefası, seçkilərin qeyri-qanuni olaraq qəbul edilməsi və yeni seçkilərin təyin edilməsi, siyasi məhbusların azad olunması dayanır.
Etirazçılara açıq dəstək verən Belarusun Slovakiyadakı səfiri, keçmiş Prezident köməkçisi İqor Leşenya istefaya gedib.
O bu barədə “Tut.by” informasiya portalına açıqlamasında bildirib.
“İstefa ərizəmi verdim. Bu, məntiqli addımdır, çünki səfir kimi hazırkı prezident tərəfindən təyin olunmuşam və onun müəyyən etdiyi siyasəti davam etdirməli olduğum gözlənilir. Xarici İşlər Nazirliyi ifadə etdiyim vətəndaş mövqeyimin bu çərçivədən kənara çıxdığını düşünür”,- deyə Leşenya qeyd edib.
Xatırladaq ki, bundan bir neçə gün əvvəl o, dinc etirazlara çıxan belaruslulara dəstək ünvanlayan bir videomüraciət paylaşmışdı.
Türkiyədə sosial məsafənin qorunması və maska taxılması kimi qaydalara əməl edilməməsi səbəbiylə yoluxmaların artması ilə bəzi qadağaların tətbiqi bərpa olunub.
“Milliyet” xəbər verir ki, bir çox vilayətdə 65 yaşdan yuxarı vətəndaşların şəhərdə hərəkəti məhdudlaşdırılıb. Ankara, Kastamonu, Kütahya, Eskişehir, Erzincan, Ordu və Bursa şəhərlərində də qaydaların qüvvəyə minməsi ilə 65 yaşdan yuxarı vətəndaşlara məhdudiyyət qoyulan şəhərlərin sayı 20-yə yüksəlib.
Qaydalara görə, 65 yaşdan yuxarı vətəndaşlara ictimai nəqliyyatın sıx vaxtlarında bu nəqliyyat vasitələrindən istifadə etmələrinə icazə verilməyəcək. Xroniki xəstəlikləri olan və 65 yaşdan yuxarı vətəndaşların toy, cənazə, və s. insan sıxlığının yaşandığı kütləvi tədbirlərdə iştirakı qadağan ediləcək.
Tədbirlərin səmərəli həyata keçirilməsini təmin etmək üçün qurulmuş Küçə Nəzarət Mərkəzləri daxilində “Məhəllə Nəzarət Heyətləri” yaradılacaq. Bu qruplar məhəllələrdə müəyyən edilmiş və karantində olan insanları izləyəcəklər.
Məlumatlandırılmaqlarına baxmayaraq, karantin qaydalarını pozduğu aşkar edilən şəxslər haqqında Ümumi Səhiyyə Qanununun 282-ci maddəsinə uyğun olaraq inzibati cərimə tətbiq ediləcək.
Yaponiyada anomal istilər hökm sürür - Sidzuoka prefekturasının Hamamatsu şəhərində termometrlər 41,1 dərəcəni göstərib.
AZƏRTAC bildirir ki, avqust ayında bütün ölkə ərazisi isti hava şəraitinin təsirinə məruz qalıb. Hazırda Tokio şəhərində havanın hərarəti 35 dərəcəyə çatıb. Havaların yaxın günlərdə də isti keçəcəyi gözlənilir. Yerli hakimiyyət orqanları əhalini günvurmadan qorunmağa çağırıb.
Qeyd edək ki, ötən il Yaponiyada isti hava şəraiti ilə əlaqədar 70 mindən çox insan günvurma simptomları ilə xəstəxanalara müraciət edib, onlardan 126 nəfəri dünyasını dəyişib.
Ümumdünya Səhiyyə Təşkilatı (ÜST) dünyaya müraciət edərək, yeni koronavirus infeksiyasına görə daha karantin tətbiq etməməyə çağırıb, baxmayaraq ki, əvvəl bunun əksini tələb edirdi.
"Ölkə.Az" bildirir ki, uzun müddət idi ÜST dünyanın demək olar ki, bütün ölkələrinə, pandemiyanın inkişafını yüngülləşdirən sərt karantin rejiminə bağlanmağı tövsiyə edirdi. Və budur, indi təşkilatın baş epidemioloqu Maria van Kerkxov ikinci və sonrakı COVİD-19 dalğalarında karantinin yolverilməz olduğunu bəyan edib.
“Demə, karantinin iqtisadi nəticələri dəhşətli dərəcədə çoxdur və tibbi planda şərti qazancı xeyli üstələyir. İkincisi, ÜST ekspertlərinin fikrincə, pandemiya dövründə maska geyilməsi və sosial məsafəyə riayət olunması tamamilə kifayətdir”,- deyə "Medikforum"yazır.
Bundan başqa, BMT-nin rəhbəri Antoniu Quterriş karantin dövründə məktəblərin bağlanmasını "nəsillərarası fəlakət" adlandırıb və bunun heç bir müsbət nəticə vermədiyini bildirib. Mütəxəssislərin sözlərinə görə, həkimlər məhdudiyyətlərə görə insult, xərçəng və infarkt xəstələrini buraxıblar. Beləliklə, karantin həm də bəzi xəstəlikləri kəskinləşdirə bilər.virtualaz.org
Dünyanın ilk COVID-19 peyvəndi olan “Sputnik V”nin əhaliyə tətbiq olunacağı tarix açıqlanıb.
Bu barədə Rusiya Qamaleya Epidemiologiya və Mikrobiologiya Araşdırmaları İnstitutunun direktoru Aleksandr Gintsburq açıqlama verib.
“Peyvəndin vətəndaşlara tətbiq olunması üç mərhələdə aparılacaq. Peyvənd istehsalının davam etdiyi vaxtda, yəni ilk mərhələdə, qeydiyyatdan keçənlərə vurulacaq. Bu proses 7-10 günə baş tutacaq. İstehsal olunan əlavə peyvəndlər əhaliyə tətbiq olunacaq. Bu isə üç həftə və ya bir aya gerçəkləşə bilər”, – Gintsburq deyib.
Gintsburq ötən həftə peyvəndin bir gənc qadına tətbiq olunduğunu və müsbət nəticə verdiyini sözlərinə əlavə edib. (teleqraf.com)
Qlobalistlər 17 sentyabrdan başlayaraq yeni xaos planı üzrə #WhiteHouseSiege həştəqi ilə Ağ Evi mühasirəyə alacaqlar.
Bu sözləri türkiyəli ekspert Murad Akan deyib.
O bildirib k, təxribatı Sorosun maliyyələşdirdiyi, Ərəb Baharı və Gəzi olaylarının “memarları” törədəcək:
“17 sentyabrdan 3 noyabra qədər davam edəcək təxribatların əsas hədəfi yeni qlobal düzən formalaşdırmaq və bunu ABŞ-la məhdudlaşdırmayıb, “Qlobal bahar”a çevirməkdir”. (axar.az)