 |
|
Tibb elmləri doktoru, virusoloq Anatoli Altşteyn əmindir ki, koronavirus infeksiyasının aqressivliyi ən azı bir ildən sonra azalmağa başlaya bilər.
O, bu barədə “Komsomolskaya Pravda”ya verdiyi müsahibədə danışıb. Həkimin sözlərinə görə, hazırda bu virus xəstəliyin ağır formasına səbəb olmur və daşıyıcısını öldürmək “effektiv” deyil, çünki bu, onun ötürülmək və yayılmaq imkanlarını məhdudlaşdırır. Virusoloq qeyd edib ki, qarşıdakı üç il ərzində COVID-19-un aqressivliyi azalmağa doğru gedəcək.
Mütəxəssis onu da əlavə edib ki, tədqiqatçılar əvvəllər yoluxucu xəstəliklərin necə inkişaf etdiyini araşdırıb və bu qənaətə gəlib ki, viruslar yalnız ilkin vaxtlarda ağır formada olur, mutasiyaya uğradıqdan sonra təsir gücünü qismən itirir.
“Koronaviruslar, prinsipcə, orqanizmləri yumşaq şəkildə idarə etməyə, yəni öz qabiliyyətlərindən istifadə etməyə, çoxalmağa, ciddi zərər görmədən öz hesablarına yaşamağa uyğunlaşdırıb. Ümid edirik ki, virusun yeni növü də bu yolla gedəcək”, – Altşteyn vurğulayıb.
Virusoloq qeyd edib ki, SARS-CoV-2 digər koronaviruslardan, xüsusən, yüksək yoluxuculuq səviyyəsi ilə fərqlənir.
Məlumat üçün onu da bildirək ki, Ümumdünya Səhiyyə Təşkilatının Səhiyyə sahəsində fövqəladə vəziyyətlər üzrə proqram direktoru Maykl Rayan bəzi ölkələrdə koronavirus infeksiyasının yeni zirvəyə qalxdığını elan etmişdi. Lakin o, bunun ikinci dalğa olmadığını açıqlamışdı. Onun sözlərinə görə, başqa bir dalğanın olacağına dair əminlik yoxdur. (publika.az)
Hindistanda koronavirus vaksininin kliniki sınaqları başlayır.
Yerli vaksin Puna şəhərində Milli Virusologiya İnstitutunda əldə olunmuş ştammın istifadəsi ilə əldə edilib. Sınaqlar Hindistan Tibbi Tədqiqatlar Şurası və "Bharat Biotech International" şirkiəti tərəfində birgə keçiriləcək.
Sürətləndirilmiş sınaqlar 12 elmi-tibbi müəssisədə aparılacaq. Həmin vaksinin avqustun ortalarından etibarən satışa çıxarılması planlaşdırılır.
Qeyd edək ki, son sutka ərzində Hindistanda 20 mindən çox koronavirusa yoluxma qeydə alınıb. Bu günədək ölkədə 625 mindən çox şəxs virusa yoluxub, ölənlərin sayı 18 min nəfəri keçib.
Türkiyədə son sutkada koronavirusdan daha 17 ölüm qeydə alınıb.
Bu barədə Səhiyyə naziri Fahrettin Koca bildirib.
Onun sözlərinə görə, ölkədə koronavirus qurbanlarının sayı 5 167 nəfərə çatıb.
Bu gün koronavirusa 1 186 yeni yoluxma aşkarlanıb. Bununla da Türkiyədə COVID-19 xəstələrinin sayı 202 284 nəfərə yüksəlıb.
Nazir qeyd edib ki, son sutka ərzində 1 543 pasiyent sağalaraq evə buraxılıb. Beləliklə, Türkiyədə koronavirusdan sağalanların sayı 176 695 nəfərə çatıb.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
Dünyada gərginlik artmaqda davam edir. Bəşəriyyətin gələcəyi üçün aydın və daha inandırıcı proqnozlar demək olar ki, mövcud deyil. Gündəmə gətirilən ehtimallar da əsasən mənfi məzmunla yüklənib. Ən yaxşı halda, qeyri-müəyyənliyin hökm sürdüyünü iddia etmək mümkündür. Amma gələcəklə bağlı müxtəlif ssenarilər də mövcuddur. Əsas ssenarilərdən biri budur ki, pandemiya təxminən yaxın iki il ərzində sona çatacaq. Və bəşəriyyət yalnız bundan sonra pandemiyanın öz arxasında buraxdığı “fəlakət bataqlığı”nı qurutmaq üçün imkan qazanacaq. “Fəlakət bataqlığı”nın nə qədər müddətə qurudula biləcəyi isə yenə də qeyri-müəyyəndir, hətta müəmmalıdır. Bu, azmış kimi daha bir qorxunc ssenari müzakirə mövzusudur. İddialara görə, dünyada hazırda baş verənlərin sarsıdıcı nəticələri bəşəriyyəti üçüncü dünya müharibəsinə sürükləyə bilər. Dünyanın az qala bütün ölkələrinin bu müharibədə birbaşa və ya dolayısıyla iştirak etmək məcburiyyətində qalacağı da ehtimal olunur.
Dünyada gərginlik artmaqda davam edir. Bəşəriyyətin gələcəyi üçün aydın və daha inandırıcı proqnozlar demək olar ki, mövcud deyil. Gündəmə gətirilən ehtimallar da əsasən mənfi məzmunla yüklənib. Ən yaxşı halda, qeyri-müəyyənliyin hökm sürdüyünü iddia etmək mümkündür.
Amma gələcəklə bağlı müxtəlif ssenarilər də mövcuddur. Əsas ssenarilərdən biri budur ki, pandemiya təxminən yaxın iki il ərzində sona çatacaq. Və bəşəriyyət yalnız bundan sonra pandemiyanın öz arxasında buraxdığı “fəlakət bataqlığı”nı qurutmaq üçün imkan qazanacaq.
“Fəlakət bataqlığı”nın nə qədər müddətə qurudula biləcəyi isə yenə də qeyri-müəyyəndir, hətta müəmmalıdır.
Bu, azmış kimi daha bir qorxunc ssenari müzakirə mövzusudur. İddialara görə, dünyada hazırda baş verənlərin sarsıdıcı nəticələri bəşəriyyəti üçüncü dünya müharibəsinə sürükləyə bilər.
Dünyanın az qala bütün ölkələrinin bu müharibədə birbaşa və ya dolayısıyla iştirak etmək məcburiyyətində qalacağı da ehtimal olunur.
Ermənistanın “Çiçəklənən Ermənistan” Partiyasının və parlamentdə fraksiya lideri Qaqik Çarukyan yeni növ koronavirusa yoluxub.
“Ölkə.Az” erməni mediasına istinadən xəbər verir ki, Qaqik Çarukyan virusa yoluxmasına baxmayaraq özünü yaxşı hiss edir.
“Onun 37,1, 37,2 dərəcə temperaturu var. Axşam temperatur bir az artıq olub. Onda eyni zamanda yüngül pnevmaniya əlamətləri var”- vəkil Emin Xaçatryan deyib.
İndoneziyada Surabaya şəhərinin meri Tri Rismaxarini koronavirusa görə həkimlərdən üzr istəyib.
Mer xəstəliyin yayılması ilə mübarizə üçün müxtəlif tədbirlər görməyə çalışsa da, pandemiyanın qarşısını ala bilməyib.
bu səbəbdən o, həkimlər və xəstəxana müdirləri ilə görüşdə dizləri üstə çökərək, göz yaşları içində onlardan üzr istəyib. Jakarta Post qəzetinin yazdığına görə, mer yerli xəstəxananın pulmonoloqunun CoViD-19 xəstələrinə daha yer çatdıra bilməməsi haqqında şikayətinə sonra belə reaksiya verib
İclasda iştirak edən həkimlər, tələsik meri ayağa qaldırmağa və onu sakitləşdirməyə başlayıblar. Onlar bu işdə yerli sakinlərin də günahkar olduqlarını, koronavirus infeksiyasının daha da yayılmasının qarşısını almaq üçün təhlükəsizlik tədbirlərinə riayət etmədiklərini bildiriblər.
Türkiyədə Van gölündə qaçqınları daşıyan qayıq batıb.
“Qafqazinfo” “Sözcü” qəzetinə istinadən xəbər verir ki, Türkiyə Daxili İşlər naziri Süleyman Soylunun verdiyi açıqlamaya görə, batan qayıqda 55-60 arası insanın olduğu müəyyənləşdirilib.
Hadisənin dünən baş verməsinə baxmayaraq, bu barədə bu gün xəbər verilib. Gəminin batdığı yerin hələ təyin olunmadığını açıqlayan Soylu 11 nəfərin saxlanıldığını və hadisədən 18 saat sonra xəbər verildiyi üçün bir muxtarın vəzifədən uzaqlaşdırıldığını açıqlayıb.
Axtarışlar nəticəsində hələlik 6 nəfərin cəsədi tapılıb.
Axtarış-xilasetmə işləri davam etdirilir, bölgəyə xüsusi axtarış avadanlıqları gətizdirilib.
İngiltərə iqtisadiyyatında 1979-cu ildən bəri ən böyük çöküş müşahidə olunub, mütəxəssislər iqtisadi geriləmənin daha da böyüyəcəyini proqnozlaşdırır.
“Reuters” xəbər verir ki, bu ilin yanvar-mart aylarında krallığın ÜDM-in 2,2 faiz azalması ilə rekord geriləmə qeydə alınıb. Bu barədə krallığın Milli Statistika İdarəsinin (ONS) son hesabatında məlumat verilib.
Hesablamalara görə, aprel ayında İngiltərə iqtisadiyyatı mart ayına nisbətən 20,4 faiz geriləyib. Bu fonda Baş Nazir Boris Conson iyunun 29-da infrastruktur xərclərinin artırılacağını elan edib. İlkin mərhələdə xəstəxanalar və yol təmiri üçün beş milyard funt (6,13 milyard dollar) ayrılması planlaşdırılıb.
Britaniyalı iqtisadçı Tomas Pyunun sözlərinə görə, geriləmənin səbəblərindən biri məişət xərclərinin azalması olub.
“Əksər müəssisələrin bağlanması o demək idi ki, insanlar istəsələr də pullarını xərcləyə bilmirdilər”,- deyə o, bildirib.
Pyu ölkə iqtisadiyyatının yalnız 2020-ci ilin sonuna yaxın böhrandan əvvəlki səviyyəyə çata biləcəyini söyləyib.
İngiltərə Bankının proqnozlarına görə, bu il ümumi iqtisadi geriləmə 14 faizə çata bilər ki, bu da son üç əsrdə, yəni 1706-dan bu günə qədər ən pis göstərici olaraq tarixə keçəcək.
Ölkədə orta əmək haqqının iki faiz azalacağı, işsizlik səviyyəsinin isə 4 faizdən 9 faizə qalxacağı proqnoz edilir.
9 fərqli ölkədə aparılan beynəlxalq narkotik əməliyyatı nəticəsində 1992-ci ildən bəri “Türk Eskobar” olaraq tanınan Nejat Daşla birlikdə aralarında həyat yoldaşı və baldızının da olduğu 67 şəxs saxlanılıb.
“Hürriyet” xəbər verir ki, saxlanılan şəxslər arasında 3 nəfər hüquq-mühafizə orqanları əməkdaşları da var.
Türkiyə Daxili İşlər naziri Süleyman Soylu əməliyyatın Ankara Baş Prokurorluğu, Narkotiklərlə Mübarizə İdarəsi, Ankara və İstanbul Polis Şöbələri, Maliyyə Cinayətlərinin İstintaqı İdarəsi (MASAK) ilə birlikdə uzun müddət planlaşdırıldığını bildirib.
“Dostlarımız cümhuriyyətin və yaxın keçmişimizin ən əhəmiyyətli əməliyyatlarından birini həyata keçiriblər. Bu əməliyyatın adı “Bataqlıq”dır. Bu əməliyyatın vacib tərəfi narkotik və narkotiklə əlaqəli qanunsuz gəlirlərlə mübarizə aparmaqdır. Əməliyyat Hollandiya, Belçika, İspaniya, İtaliya, Çili, Ekvador və Braziliya ilə birlikdə ortaq şəkildə təşkil olunub. Hədəfdə 94 şəxs var idi. İndiyə qədər 67 şəxs saxlanılıb”,- deyə Soylu vurğulayıb.
Qeyd edək ki, dünyanın ən təhlükəli narkotik qaçaqçılarından hesab olunan Nejat Daş ilk dəfə 90-cı illərdə Aralıq dənizində narkotik daşıyan gəmilərin saxlanılması ilə gündəmə gəlib. O dövrdə “Qismətim-1” və “Lucky-S” gəmiləri ilə narkotik qaçaqmalçılığına görə saxlanılan Nejat Daş 1994-cü ildə məhkəməyə gətirilərkən qaçıb. Daha sonra isə o, saxta pasportla ölkədən qaçaraq Ukrayna, Rusiya, Rumıniya və s. ölkələrdə gizlənib.
1997-ci il iyulun 7-si İspaniyanın paytaxtı Madriddə 14 kq heroin ilə tutulan Nejat Daş 2003-cü ildə Türkiyəyə ekstradisiyası rədd edilərək sərbəst buraxılmışdı.
Ərinin başqası ilə evlənməsinə qarşı çıxan qadını küçədə saçından tutub sürüyüblər.
Oxu.az məlumatına görə, qorxunc kadrlar Hindistanda qeydə alınıb.
Məlumata görə, Muzəffərpur şəhərində yaşayan qadın ərinin başqası ilə evlənəcəyini eşidərək toyun olacağı kəndə gəlib.
O, kişinin qanunla artıq evli olduğunu elan edib. Bunu eşidən gəlin namizədinin ailəsi toyu ləğv edib.
Hadisədən sonra əri qadının saçlarından tutaraq, kəndin küçələri boyu sürüyüb.
Polis yayılan kadrlarla bağlı araşdırmalara başlayıb.
