 |
|
Suriyada Bəşər Əsəd rejimini devirən müxalif qüvvələr rəsmən nizami ordu strukturuna keçir.
keçid hökuməti təcili olaraq yeni ordunun qurulmasına start verib.
Yeni ordu ilkin olaraq İdlibdəki qruplarla, mərhələli olaraq Suriya Milli Ordusu, Dera-Kuneytra xəttindəki cənub qruplarını vahid bir qurum altında birləşdiriləcək.
Yeni administrasiyanın müdafiə naziri Murhaf Əbu Kasranın başçılığı ilə Dəməşqdə keçirilən toplantıda bölgə və qrup fərqi nəzərə alınmadan bütün Suriyanın müdafiəsini öz üzərinə götürəcək ordu sxemi müxalifət komandirləri ilə paylaşıb.
Yeni Suriya ordusunun qurulmasında Türkiyə yaxından iştirak edəcək.
Türkiyənin Suriyanın dəniz, hava və quru qüvvələrinin yenidən qurulması prosesinə fəal şəkildə məsləhətçi-ekspert dəstəyi verəcəyi öyrənilib.
Bundan əlavə, əldə edilmiş razılaşmalar tətbiq olunduqdan sonra Suriyanın 5 fərqli nöqtəsində Türkiyənin hərbi varlığı olacaq.
Suriyalı general Əhməd Osmanın sözlərinə görə, ilkin mərhələdə təcili olaraq 70-80 min nəfərlik ordu formalaşdırılması nəzərdə tutulur və mərhələli şəkildə bu sayın 300 minə çatdırılması nəzərdə tutulur:
"Dəməşqin məqsədi yaxın bir il yarım ərzində 300 min nəfərlik ordu strukturu yaratmaqdır. Daxildəki həssas vəziyyət və İsrail təhlükəsi bunu zəruri edir".
O eyni zamanda bildirib ki, Əsəd rejiminin süqut etdiyi gün 470 min nəfərlik bir polis, ordu və kəşfiyyat qüvvəsi olub. "Yeni ordu qurularkən rejimdə cinayətlə əlaqəsi olmayan zabitlər, kəşfiyyatçılar və sıravilərin də orduya cəlb olunması nəzərdə tutulur. Onlarla birlikdə ordunun sayı qısa zamanda 150-200 minə çatdırılacaq. Əsədin verdiyi koordinatlarla dağıdılan hərbi infrastrukturumuzu tez bir zamanda bərpa edəcəyik. Bu nöqtədə Türkiyənin hərbi dəstəyi fövqəladə əhəmiyyət kəsb edir".
Balıkəsirdə Kavaklı kəndində ZSR partlayıcı maddələr istehsal edən zavodunda güclü partlayış baş verib.
Balıkesir valisi İsmail Ustaoğlunun sözlərinə görə, hadisə səhər saat 08:25 radələrində partlayıcı maddələr istehsal edən zavodda baş verib.
"Partlayış nəticəsində 12 nəfər ölüb, 4 nəfər yaralanıb", - vali qeyd edib.
Məlumatda o da bildirilir ki, partlayış baş verən korpusun binası çöküb.
Hadisənin baş verməsi ilə bağlı cinayət işi açılıb.
Qəzza xalqına qarşı hücumlar bitənə qədər dayanmayacağıq.
husilərin siyasi bürosunun üzvü Hezam Əl-Əsəd İsrailə qarşı son raket hücumu ilə bağlı verdiyi açıqlamada deyib.
İsrail hökumətinə səslənən Əl-Əsədin sözlərinə görə, Netanyahu anlayacaq ki, onun yeni Yaxın Şərq xəyalı özünə və təmsil etdiyi struktura yük olmaqdan başqa bir məqsədə xidmət etmir.
Yəməndə husilər İsrailə qarşı son raket hücumunu təsdiqləyiblər. Hezam Əl-Əsəd sosial media platformasında verdiyi açıqlamada hücumun uğurlu olduğunu qeyd edib.
İsrail Müdafiə Qüvvələri husilərin Yəməndən atdığı raket səbəbi ilə ölkənin mərkəzi və cənub bölgələrində təhlükəsizlik siqnalları çalındığını, atılan raketlərin isə zərərsizləşdirildiyi açıqlayıb.
ABŞ Tayvanı təhlükəli vəziyyətə doğru sürükləyir ki, bu da potensial olaraq hərbi qarşıdurmaya çevrilə bilər.
Teleqraf.com xəbər verir ki, bu barədə Çin Müdafiə Nazirliyinin rəsmi nümayəndəsi U Çyan bildirib.
“ABŞ Tayvanın müstəqilliyini dəstəkləməmək barədə verdiyi vədə əməl etmir. Tayvan boğazında gərginlik yaratmağa çalışır və bu ölkəni müharibə riski ilə üz-üzə qoyur”, - Çyan deyib.
ABŞ-nin yeni seçilmiş prezidenti Donald Tramp Arizonada gələcək hökumətin qarşısında duran əsas məqsədləri açıqlayıb.
“Qafqazinfo” xəbər verir ki, bu haqda “Reuters” məlumat yayıb.
Trampın siyahısında qanunsuz miqrantların kütləvi deportasiyası da daxil olmaqla bir neçə əsas punktlar yer alıb. Yeni prezident həmçinin transgender fərdlərin təhsil sistemindən kənarlaşdırılacağını da bəyan edib:
“Uşaqların cinsi istismarına son qoyacaq, transgenderləri ordudan və təhsil sistemindən xaric edəcək sərəncamlar imzalayacağam. Biz kişiləri qadın idman növlərindən kənarda saxlayacağıq. Bəli, Tramp administrasiyası dövründə ABŞ hökumətinin rəsmi siyasəti yalnız iki cinsə dayanacaq: kişi və qadın. Bununla belə, mən dini və söz azadlığını da bərpa edəcəyəm”.
O bildirib ki, bütün bu sadaladıqları bürokratiyanı azaltmaq planın bir hissəsidir.
“Mən Zelenskiyə dəfələrlə demişəm ki, o, Almaniya kansleri Olaf Şoltsu tənqid etməyi dayandırmalıdır, çünki fikrimcə, bu, ədalətsizlikdir”.
NATO-nun baş katibi Mark Rutte Almaniyanın DPA agentliyinə müsahibəsində belə deyib.
Rutte əlavə edib ki, Şoltsdan fərqli olaraq, o, Ukraynanı “Taurus” qanadlı raketləri ilə təmin edəcək və onların istifadəsinə məhdudiyyət qoymayacaq.
“Ümumiyyətlə, biz bilirik ki, bu cür imkanlar Ukrayna üçün çox vacibdir”.
Zelenski Almaniya kansleri ilə Vladimir Putin arasında Ukrayna prezidentinin iradəsinə zidd baş verdiyi iddia edilən telefon danışığından sonra Şoltsu kəskin tənqid edib./Modern.az/
Türkiyə Prezidenti Rəcəb Tayyib Ərdoğanın administrasiyası Rusiya və Ukrayna arasında sülh danışıqlarının İstanbulda keçirilməsi üçün dəstək verməyə hazır olduğunu bəyan edib.
Musavat.com xəbər verir ki, bu açıqlama, Türkiyənin son dövrlərdə beynəlxalq diplomatiyada oynadığı mühüm rolu bir daha ön plana çıxarır.
Türkiyə, Rusiya-Ukrayna müharibəsinin başlamasından bəri hər iki tərəflə yaxın əlaqələr saxlayan nadir ölkələrdən biri olaraq diqqət çəkir. Həm Rusiya, həm də Ukrayna ilə iqtisadi, enerji və hərbi sahələrdə əməkdaşlıq edən Türkiyə, daha əvvəl də sülh danışıqlarına ev sahibliyi edib. Xüsusilə 2022-ci ilin mart ayında İstanbulda keçirilən görüşlər tərəflər arasında müzakirələr üçün mühüm platforma olmuşdu.
İstanbulun sülh danışıqları üçün seçilməsi təsadüfi deyil. Şəhərin həm coğrafi mövqeyi, həm də siyasi neytrallığı, tərəflər arasında etimad mühiti yaratmaq baxımından əhəmiyyətlidir. Eyni zamanda, Türkiyə NATO üzvü olaraq Qərb və Rusiya arasında diplomatik körpü rolunu oynayır.
Türkiyə tərəfi bildirir ki, münaqişənin davam etməsi yalnız regional deyil, qlobal sabitlik və iqtisadiyyata ciddi təhlükə yaradır. Buna görə də, Ankara Rusiya və Ukraynanın danışıqlar masasına oturması üçün hər cür dəstəyi göstərməyə hazırdır. Prezident Ərdoğan daha əvvəl dəfələrlə vurğulayıb ki, müharibənin diplomatik həlli üçün bütün beynəlxalq resurslar səfərbər edilməlidir.
ABŞ-ın keçmiş prezidenti Donald Tramp Qrenlandiyanın ABŞ üçün strateji əhəmiyyət daşıdığını bildirərək, bu ərazinin "milli təhlükəsizlik və dünya azadlığının təminatı" məqsədilə ABŞ-ın nəzarətində olmasını "tamamilə zərurət" adlandırıb.
Trampın bu bəyanatı ABŞ-ın başqa bölgələrdəki iddialarını da gündəmə gətirib. Belə ki, o, əvvəlcə ABŞ-ın 1999-cu ildə təhvil verdiyi Panama kanalını geri almaqla bağlı təhdid edib və bununla bağlı Amerika bayrağının fonunda kanalın fotosunu paylaşıb.
Bundan öncə isə Tramp, Kanada ilə ticarət balansı və sərhəd problemlərinin həll edilmədiyi təqdirdə, bu ölkənin 51-ci ştat olması təklifini irəli sürmüşdü.
Bu cür açıqlamalar beynəlxalq mühitdə geniş müzakirələrə səbəb olub və Trampın siyasi ambisiyalarını bir daha gündəmə gətirib.
Rusiya prezidenti Vladimir Putinlə görüşməyi planlaşdırıram.
Belə bir bəyanatla ABŞ-nin yeni seçilmiş prezidenti Donald Tramp çıxış edib.
Onun sözlərinə görə, bu addım Ukraynada müharibəni mümkün qədər tez bitirmək məqsədi daşıyır.
“Bu mənim etmək istədiyim işlərdən biridir və tez... Prezident Putin mənimlə mümkün qədər tez görüşmək istədiyini söylədi. Ona görə də biz bunu gözləməliyik, lakin bu müharibəni bitirməliyik”, - Tramp bildirib.
Ukraynadakı müharibənin dəhşətli bir müharibə olduğunu qeyd edən Tramp bir daha təkrar edib ki, o vaxt ABŞ prezidenti olsaydı, bu müharibə başlamazdı.
“Bu müharibə dəhşətlidir. Heç kim belə bir şey görməmişdir. Biz, sadəcə, adamı dəli edəcək rəqəmlər görürük. Biz bunu dayandırmalıyıq", - Tramp qeyd edib.
İsrailin baş naziri Benyamin Netanyahu Yəməndə İranın dəstəklədiyi husilərə qarşı şiddətli əməliyyata başlayacaqlarını bəyan edib.
Baş nazir Netanyahu ölkənin şimalındakı Safed şəhərində İsrail Təhlükəsizlik Kabinetinin iclasından sonra yayımladığı videoda Yəməndəki husilərlə bağlı açıqlamalar verib.
Netanyahu Yəməndə husilərə qarşı “şiddətli əməliyyat” keçirəcəklərini bildirib və əlavə edib: “Husilərə qarşı İranın bölgədəki vəkil qüvvələrinə qarşı hərəkətə keçdikləri kimi, biz də onlara qarşı tədbir görəcəyik”.
O həmçinin əlavə edib ki, ABŞ və İsrail kimi digər ölkələr husiləri təkcə beynəlxalq daşımalara deyil, həm də dünya nizamına təhlükə olaraq görürlər.