 |
|
Təbii ki, Suriyada baş verən hadisələr fonunda İsrail və Türkiyənin uğurları bölgəmizə doğru hərəkət edəcək. Türkiyə, İsrail və onların müttəfiqləri - yəni Azərbaycan - ətrafımızda cərəyan edən regional proseslərdə daha inamlı mövqedən çıxış edəcək.
Axar.az xəbər verir ki, bu sözləri erməni ekspert Şiraz Xaçatryan yerli mediaya geniş müsahibəsində deyib.
O bildirib ki, Rusiya və İranın Suriyada faktiki məğlubiyyəti fonunda xüsusilə Türkiyənin təsir imkanlarının son dərəcə genişlənməsi regional tənzimləmədə əhəmiyyətli dəyişiklik deməkdir:
“Hazırda regionumuzda daha aktiv addımlar atmaq, böyük oyunçularla yeni sövdələşmələr aparmaq üçün Türkiyənin əla fürsəti yaranıb. Deməli, Suriyada hərbi və siyasi baxımdan yekun nizamlanmadan sonra bölgəmizdə maraqlı inkişaflar başlaya bilər”.
Onun sözlərinə görə, Suriyada müxalifətin hakimiyyətə gəlməsi ilə İran Hizbullaha çatmaq üçün əsas quru yolunu, eyni zamanda, bu ölkədə İsraillə döyüşmək imkanı olan proksilərini itirdi:
“Bundan əlavə, İranın Aralıq dənizinə çıxışı daha da çətinləşdi və məhdudlaşdı. Deməli, Əsədin gedişi vəziyyəti kökündən dəyişir və İranın bölgədəki mövqeyi zəifləyir, o özünün proksi qüvvələri ilə əlaqədən və kommunikasiyalara nəzarətdən məhrum olur.
Hazırda görünən odur ki, ABŞ və kollektiv Qərb müttəfiqləri Türkiyə və İsrail timsalında Suriyada ciddi uğurlar qazanıb, orada Rusiya və İranın mövqelərini zəiflədiblər. Xüsusilə də Türkiyənin Yaxın Şərqdə uğurları bölgəmizdə davam edəcək. Necə, hansı alətlərlə və hansı məsələlər çərçivəsində? Aydındır ki, Türkiyə üçün ilk və əvəzolunmaz layihələrdən biri Zəngəzur dəhlizidir. Türkiyə də dəfələrlə bəyan edib ki, Zəngəzur dəhlizi ilə bağlı problem Ermənistanda deyil, İrandadır. Və hadisələrin necə inkişaf edəcəyi, Suriyadan sonra Yaxın Şərqdə hansı hərbi-siyasi vəziyyətin yarana biləcəyi, İranın ətrafındakı halqanın necə daralacağı və İranın bu çağırışlara necə reaksiya verəcəyi məsələsi var”.
O, təəssüflə qeyd edib ki, artıq İran ətrafında dairə daralır.
Suriya Mərkəzi Bankının qızıl ehtiyatları 26 ton olaraq qalır, bu da 2011-ci ildə vətəndaş müharibəsi başlamazdan əvvəlki göstəriciyə bərabərdir.
Reuters-in dörd mənbəsinə görə, bu ehtiyatların bazar dəyəri təxminən 2.2 milyard dollar təşkil edir.
Eyni zamanda, Suriya Mərkəzi Bankının valyuta ehtiyatlarının kəskin şəkildə azaldığı bildirilir. Mənbələrə əsasən, hazırda bu ehtiyatlar yüz milyonlarla dollar səviyyəsindədir. Müharibədən əvvəl – 2010-cu ildə – ölkənin valyuta ehtiyatları 18.5 milyard dollar idi.
Qeyd edək ki, keçmiş prezident Bəşər Əsəd və ailəsi 8 dekabrda ölkədən çıxarılaraq Rusiyada sığınacaq tapıb. Əsəd hökumətinin valyuta ehtiyatlarının bir hissəsi əvvəllər ərzaq, yanacaq və silah alışı üçün istifadə edilib.
“Financial Times”ın məlumatına görə, 2018-2019-cu illərdə Suriya Moskvaya ümumilikdə 250 milyon dollar nağd vəsait göndərib.
uriyadakı qeyri-müəyyənliklərin həllində açar ölkə Türkiyədir. Bölgədəki son vəziyyətin necə olacağını və qalib ölkənin kim olacağını heç kim bilmir. Amma məncə bu, Türkiyə olacaq.
Bunu ABŞ-nin yeni seçilən prezidenti Donald Tramp Suriyada Bəşər Əsəd rejiminin devrilməsinə səbəb olan və bundan sonrakı proseslərlə bağlı açıqlamasında deyib.
ABŞ-nin bölgədə Türkiyə ilə birgə işləyə biləcəyini ifadə edən Tramp Suriyadakı 900 amerikalı hərbçinin gələcək taleyi ilə bağlı məsələyə aydınlıq gətirib.
"Bunun başqa bir yolu olmalıdır. Bunlardan biri də Türkiyədir", - Tramp bildirib.
Türkiyənin "vacib bir güc" olduğunu qeyd edən Tramp bildirib ki, prezident Ərdoğan yaxşı anlaşdığı biridir: "Türkiyə böyük bir hərbi gücə malikdir. Və bu güc müharibələrdə zəifləmədi. Çox güclü bir dövlət və ordu qurdu".
“Bir neçə gündən sonra evliliyimizin 27-ci ildönümü olacaq, amma biz de-yure evli deyilik”.
“News.am” xəbər verir ki, bunu Ermənistanın Baş naziri Nikol Paşinyan həyat yoldaşı Anna Akopyan barədə deyib.
“Biz nə dövlət qeydiyyatı, nə də dini baxımdan evliyik. Münasibətimiz ümumi övladlarımızla möhkəmlənir. Üstəlik, artıq neçə illərdir ki, Anna Akopyan faktiki olaraq Baş nazirin həyat yoldaşı kimi bəyannamə təqdim edir. Əslində, 27 ildir ailəliyik, amma evli deyilik”, - deyə o qeyd edib.
Akopyan isə əlavə edib ki, o, 17 yaşından həyatını Paşinyanla bağlayıb və ömrünün daha çox hissəsini onunla yaşayıb.
Suriyadakı yeni hakimiyyətin lideri Əhməd əl-Şaraa (Əbu Məhəmməd əl-Culani ləqəbi ilə tanınır) Qərb ölkələrinə müraciət edib.
“Bu barədə “New-York Times”a istinadən xəbər verir.
“Ölkəmizdən bütün məhdudiyyətlərin götürülməsinə çağırırıq ki, dirçələ bilək. Hazırda ölkəni tərk edən cəllada qarşı sanksiyalar tətbiq edilib. Suriyada bütün sakinlərə xidmət edən ictimai qurumlar yaratmaq prioritet olmalıdır”.
Nəşr yazır ki, jurnalistlərə görüşdə, o, hərbi forma deyil, boz kostyum və mavi köynək geyinib. İçəriyə mobil telefonlar və səsyazma cihazları buraxılmayıb.
Əl-Şaraa geyimindəki dəyişikliyi ilə bağlı suala belə cavab verib: “Döyüş olduğu üçün biz hərbi geyimdə idik. Mülki görüşlərimiz olanda mülki geyim geyinirik”.
Moskvada yaşayış binasının birinci mərtəbəsində güclü partlayış baş verib.
“Bu barədə məlumatı rəsmi qurumlardakı mənbəyə istinadən TASS yayıb.
Bildirilib ki, ilkin məlumata görə, Ryazan prospektində qeydə alınan hadisə nəticəsində 2 nəfər həlak olub.
Rusiyanın “Baza” teleqram kanalı isə partlayışda həlak olanların rusiyalı general-leytenant İqor Kirillov və onun müavini olduğunu yazıb.
Generalın Rusiya Silahlı Qüvvələrinin Radiasiya, kimyəvi və bioloji müdafiə qoşunlarının sədri olduğu qeyd olunub.
ABŞ-nin yeni seçilən prezidenti Donald Tramp Ukraynada müharibənin bitməsi üçün saziş imzalanmalıdır və bununla bağlı Putin və Zelenski ilə danışacam.
"Reuters" xəbərinə görə, Tramp bildirib ki, Volodimir Zelenski Ukraynadakı üç illik müharibəni bitirmək üçün Putinlə saziş imzalamağa hazır olmalıdır. "Bunun üçün saziş imzalanmalıdır".
O əlavə edib ki, qanlı müharibənin kadrları onu dəhşətə gətirdiyindən müharibəni bitirmək üçün Putin və Zelenski ilə danışacaq. "Bu müharibə bitməlidir", - o bildirib.
Ukraynanın Rusiyaya ərazilərinin danışıqlar yolu ilə güzəştə getməsi sualına konkret cavab verməyən Tramp bildirib ki, müharibəyə son qoyulmalıdır.
Tramp əlavə edib ki, onsuz da mübahisəli ərazilərin böyük bir qismi xarabalığa çevrilib və oranı yenidən bərpa etmək üçün yüz illər lazımdır.
“Avropa İttifaqı bu gün Gürcüstan məsələsi ilə bağlı siyasi ikiüzlülük üzrə dünya rekordu vurdu”.
Teleqraf.com-a istinadən xəbər verir ki, bunu Macarıstanın xarici işlər naziri Peter Siyarto deyib.
Onun sözlərinə görə, Gürcüstanda parlament seçkilərində Brüsselin arzuolunan hesab etdiyi liberal partiyalar qələbə qazanmadığına görə ölkəyə qarşı siyasi hücumlar başladı.
“Ötən həftə Gürcüstanın xarici işlər naziri Budapeştdə olanda mənə söylədi ki, aksiyalarda olduqca aqressiv iştirakçılar olub və bunun da nəticəsində 40-a yaxın polis əməkdaşı xəsarətlər alıb, onların 20-sinin yaraları ciddi olub”, - nazir deyib.
XİN başçısı qeyd edib ki, Tbilisidəki aksiyalarda yalnız polis tərəfindən zorakılıqların olması barədə məlumatlar birtərəflidir.
Türkiyə Prezidenti Rəcəb Tayyib Ərdoğan çox ağıllı adamdır.
“Report” xəbər verir ki, bunu ABŞ-nin yeni seçilmiş prezidenti Donald Tramp deyib.
O, Ərdoğanla münasibətlərinin yaxşı olduğunu bildirib.
Siyasətçi, həmçinin Türkiyənin çox güclü ordu qurduğunu diqqətə çatdırıb.
Bundestaq (Almaniya Federativ Respublikası Parlamenti) növbədənkənar iclasında Almaniya kansleri Olaf Şoltsa etimad məsələsi ilə bağlı debat və səsvermə keçirəcək.
“Report” xəbər verir ki, hökumət başçısı parlamentdə 25 dəqiqəlik çıxış edəcək, ardınca isə təqribən iki saatlıq fraksiyalararası müzakirələr aparılacaq.
Sonra səsvermə baş tutacaq. Şolts, konstitusiyanın 68-ci maddəsinə uyğun olaraq, dekabrın 11-də etimad səsverməsi üçün parlamentə yazılı müraciət göndərib.
Onun Bundestaqa gəlişi ilə müzakirə və səsvermə arasında ən azı 48 saat keçməlidir ki, parlamentarilərin qərar qəbul etmək üçün kifayət qədər vaxtı olsun. Parlamentdə kanslerin öz xahişinin əsaslandırmasını təfərrüatlı şəkildə açıqlaması və ölkənin mövcud daxili siyasi şəraitdə tutmalı olduğu gələcək yolu göstərməsi gözlənilir.
Deputatlar Bundestaqda qüvvələr nisbətini nəzərə alaraq Şoltsa etibar etməkdən imtina etsələr, qanuna görə, Almaniya prezidenti 21 gün ərzində kanslerin təklifi ilə parlamenti buraxmağa borclu olacaq.
Şolts daha əvvəl müvafiq təkliflə dövlət başçısı Frank-Valter Ştaynmayerə müraciət edəcəyini bildirib. Bundestaqın buraxılmasından sonra 60 gün ərzində yeni seçkilər keçirilməlidir.
Prezident artıq 2025-ci il fevralın 23-də növbədənkənar seçkilərin mümkün keçirilməsini təsdiqləyib. Onların nəticələrinə əsasən yeni hökumət formalaşacaq, yeni kansler seçiləcək.