 |
|
“Bayer” Avropanın ən yaxşı, sabit çıxış edən komandalarından biridir.
Bunu klubun saytına açıqlama verən “Qarabağ”ın baş məşqçisi Qurban Qurbanov deyib.
Avropa Liqasının 1/8 final mərhələsinin bu gün keçirilən püşkatmasına münasibət bildirən təcrübəli mütəxəssis “Bayer”lə qrup mərhələsində qarşılaşdıqlarını xatırladıb. Qurbanov güclü rəqiblə matçlarda baxımlı oyun nümayiş etdirməyə çalışacaqlarını bildirib:
“Avropa Liqasının 1/8 final mərhələsinin püşkü maraqlı nəticə ilə yekunlaşdı. “Qarabağ”a hamının Bundesliqa və avrokuboklardan yaxşı tanıdığı “Bayer” rəqib oldu. Azarkeşlərimiz bu komandanı qrup mərhələsində canlı görmüşdülər. Yenə bu komanda ilə rəqib olduq. Mən bu klubun düşərgəsində oldum, iş prinsipləri ilə maraqlandım. Çox ciddi komanda yaradıblar. İstəkli, uduzmağı xoşlamayan baş məşqçiləri var. Məncə, maraqlı oyun olacaq. Baxmayaraq ki, güclü rəqibdir. Leverkuzendə Xabi Alonso ilə diskussiyamız, maraqlı fikirlərimiz oldu. “Bayer”lə görüşlər bizim üçün böyük təcrübədir. Meydana azarkeşlərimiz üçün yaxşı mübarizə aparacaq komanda çıxarmağa çalışacağıq ki, baxımlı futbol oynayaq və yaxşı nəticə əldə edək. Belə böyük komandaların Bakıya gəlməsi Azərbaycanda futbolun sevilməsi üçün səbəb, hamı üçün böyük təcrübədir".
Qeyd edək ki, “Qarabağ”la “Bayer” arasında ilk oyun martın 7-də Bakıda, cavab matçı bir həftə sonra Leverkuzendə olacaq.
Ötən gecə Portuqaliyanın "Braqa" klubunu Avropa Liqasından kənarlaşdırmaq "Qarabağ"ın büdcəsini daha 1,2 milyon avro zənginləşdirib.
Qaynarinfo xəbər verir ki, Ağdam təmsilçisi 1/8 final mərhələsinə vəsiqə qazanmaqla ənənəvi olaraq bu məbləği hesabına köçürəcək. Azərbaycan çempionu bu turnirin qalibi olarsa, mövsümlük qazancı 23 milyon 982 min avro təşkil edəcək.
Qeyd edək ki, "Qarabağ” UEFA Avropa Liqasının pley-off mərhələsinin cavab oyununda doğma azarkeşləri önündə Portuqaliya klubu "Braqa”ya 2:3 hesabla uduzsa da ümumi görüşün nəticəsinə görə 6:5 hesablı qələbə ilə 1/8 finala vəsiqə qazanıb. Bu gün Bakı vaxtı ilə 15:00-da 1/8 final mərhələsinin püşkü atılacaq.
UFC-nin rəhbəri Dana Uayt verdiyi sonuncu açıqlama ilə diqqət mərkəzinə düşüb.
Rusiya prezidenti Vladimir Putin Həbib Nurməhəmmədovu irlandiyalı Konor Makqreqor üzərində qələbədən sonra yüksək məbləğdə hədiyyə ilə mükafatlandırıb.
“O, döyüşdən dərhal sonra, soyunub-geyinmə otağına hələ çatmamış, Vladimir Putin artıq ona zəng etmişdi. Vladimir Putin ona və atasına Rusiyada təxminən 20 milyon dollar dəyərində daşınmaz əmlak hədiyyə etdi” – UFC rəhbəri söyləyib.
Xatırladaq ki, Həbib Nurməhəmmədovla Konor Makqreqor arasında baş tutan döyüş 2018-ci ilin oktyabr ayında baş tutub. H.Nurməhəmmədov dördüncü raundda rəqibi Konor Makqreqoru boğucu fəndlə təslim olmağa məcbur edib.(oxu.az)
“Qarabağ” tarixində ilk dəfə avrokubokların 1/8 finalına yüksəlib.
Azərbaycan çempionu UEFA Avropa Liqasının pley-off mərhələsində Portuqaliyanın “Braqa” klubunu üstələyərək, bunu reallaşdırıb.
Səfərdə 4:2 hesablı qələbə qazanan Ağdam təmsilçisi Tofiq Bəhramov adına Respublika stadionundakı cavab qarşılaşmasında 2:3 hesabı ilə uduzsa da, mərhələni adlamağı bacarıb.
Birinci hissədə qapılara qol vurulmayıb. 57-ci dəqiqədə “Qarabağ” meydançada azlıqda qalıb. Müdafiəçi Elvin Cəfərquliyev qırmızı vərəqə alıb. Say üstünlüyündən istifadə edən qonaqlar 70-ci dəqiqədə hesabı açıblar. Rocer Fernandes yaxın məsafədən çərçivəni dəqiq nişan alıb. “Braqa” 83-cü dəqiqədə ikinci qolu vurub. Bu dəfə Alvaro Calo fərqlənib.
Portuqaliyalılar 90 dəqiqəni 2:0 hesabı ilə öndə tamamlayıblar. Ümumi hesab 4:4 olduğundan, əlavə 30 dəqiqə oynanılıb.
102-ci dəqiqədə Mateus Silva fərqlənərək, “Qarabağ”ı ümumi hesabda önə keçirib. Lakin 115-ci dəqiqədə Simon Banza penaltini dəqiq yerinə yetirərək, görüşdə hesabı komandasının xeyrinə 3:1-ə çatdırıb.
Ancaq təslim olmayan Azərbaycan çempionu 120+2-ci dəqiqədə növbəti mərhələni gətirən qolu vurub. Nəriman Axundzadə qapıçı ilə təkbətək şansı əldən verməyib. Nəticədə təmsilçimiz 2:3 hesabı ilə məğlub olsa da, ümumi hesabda 6:5 qalib gəlib.
Beləliklə, “Qarabağ” Azərbaycan futbol tarixində avrokubokların 1/8 finalına yüksələn ilk klub olub. Bu mərhələnin oyunları martın 7-də və 14-də keçiriləcək.
Bu gün UEFA Avropa Liqasının pley-off mərhələsinin cavab oyunları keçiriləcək.
Azərbaycanı turnirdə təmsil edən “Qarabağ” Bakıda "Braqa"nı qəbul edəcək. Bu oyun Azərbaycan futbol tarixinə düşə bilər. Ağdam klubu mərhələ adlasa, ölkəmiz adına ilk olacaq.
Tofiq Bəhramov adına Respublika stadionunda keçiriləcək görüş saat 21:45-də başlayacaq.
Ətraflı
UEFA Avropa Liqası
22 fevral
Pley-off mərhələsinin cavab oyunu
21:45.“Qarabağ” (Azərbaycan) – “Braqa” (Portuqaliya)
Baş hakim: Georgi Kabakov
Bakı, Tofiq Bəhramov adına Respublika stadionu
İlk oyun - 4:2
Etiraf etməliyik ki, bizim günümüz deyildi. “Qarabağ” tank kimi üstümüzdən keçdi. Növbəti oyunlarda daha diqqətli olmalı, vəziyyəti öz xeyrimizə dəyişməliyik.
Bu sözləri "Braqa"nın futbolçusu Abel Ruis UEFA Avropa Liqasının pley-off mərhələsində Portuqaliyada "Qarabağ"a 2:4 hesabı ilə uduzduqları oyundan sonra mətbuata açıqlamasında deyib.
Nəticənin ürəkaçan olmadığını bildirən 24 yaşlı hücumçu əlavə edib: “Qarşıda daha bir oyun var. Əvvəlcə diqqətimizi çempionata yönəldəcəyik, sonra isə “Qarabağ”la səfər matçı haqqında düşünəcəyik. Cavab qarşılaşmasında əlimizdən gələni edəcəyik”.
Qeyd edək ki, "Qarabağ"la "Braqa" arasında ikinci oyun fevralın 22-də Bakıda keçiriləcək.
Ciddi və sürətli komandaya qarşı oynadıq. Qələbə qazansaq da, bu, hələ ilk hissə idi. Belə turnirlərdə istənilən nəticələr qeydə alına bilər. Cavab matçında daha məsuliyyətli olmalıyıq.
Bu sözləri "Qarabağ"ın baş məşqçisi Qurban Qurbanov UEFA Avropa Liqasının pley-off mərhələsində Portuqaliyada "Braqa"ya 4:2 hesabı ilə qalib gəldikləri oyundan sonra mətbuat konfransında deyib.
Heç vaxt proqnozlara fikir vermədiyini bildirən 52 yaşlı mütəxəssis əlavə edib: “Matçdan öncə "Braqa"nı favorit görənlərin fikirlərini normal qarşılayıram. Amma bizim də avrokubok təcrübəmiz var. Düzdür, özümüzə inansaq da, 4 qol vuracağımızı gözləmirdik. Amma bu gün hər şey bizim üçün yaxşı alındı. Mərhələnin taleyinin həll olunduğunu düşünmürəm. Şanslar hələ də bərabərdir. Daha soyuqqanlı olmalı, cavab görüşünə ciddi yanaşmalıyıq. Çünki qarşımızda "Braqa" kimi komanda var. Bakıda daha diqqətli olmağa və səhvsiz oynamağa çalışacağıq”.
O, yaxın günlərdə müdafiə xəttinə transfer gözlənilmədiyini söyləyib: "Pəncərə artıq bağlanıb. Son anlarda qol buraxmağı istəməzdik. Məşqlərdə bunun üzərində işləyirik. Hər iki qol standart vəziyyətdən vuruldu. Qapımızda top görürüksə, daha diqqətli oynamalıyıq".
Q.Qurbanov son dəqiqələrdə qol fürsətini boşa verən Nəriman Axundzadənin matçdan sonra ağlamasına da münasibət bildirib: "Nərimanla ayrılıqda danışmadım. Onu, ümumiyyətlə, paltardəyişmə otağında görmədim. Yəqin, gizlənirdi (gülür). Normal haldır. Qol vura bilmədiyinə görə ağlayırsa, deməli, vəziyyəti dərk edir. Amma bəlkə də fərqlənsəydi, futbolçu kimi daha gec böyüyəcəkdi. Bu cür hallar futbolçunun inkişafına müsbət təsir göstərir. Perspektivli oyunçudur. Bu barədə onunla mütləq söhbətimiz olacaq".
Təcrübəli mütəxəssis bütün rəqiblərə hörmətlə yanaşdıqlarını vurğulayıb: "Kimsə bizdən üstündürsə, bunu qəbul edirik. Amma bu, o demək deyil ki, biz bacarıqsızıq. Özümüzə inanırıq. Bu gün futbolçular çox əziyyət çəkdilər. Tutduğumuz yolla gedirik. Getdikcə qarşımıza daha güclü komandalar çıxır. Qalibiyyətin digər tərəfi də var. Bu cür qələbələr futbolçulara inam verir ki, çox çalışsalar, uğur qazana bilərlər".
Baş məşqçi komandasının cavab oyunu öncəsi eyforiyaya qapılmasını istəmədiyini əlavə edib: "Qarşımızda ciddi rəqib var. Çalışacağam ki, kənar fikirlər futbolçularıma təsir etməsin. Təbii ki, azarkeşlər, mətbuat bizdən daha böyük uğurlar gözləyir. Bu da normal haldır. Odur ki, cavab görüşünə psixoloji baxımdan daha ciddi hazırlaşmalı olacağıq".
O, klubları büdcəsinə görə analiz etməyi xoşlamadığını diqqətə çatdırıb: "Futbol elə bir səviyyəyə gəlib çatıb ki, istənilən nəticələr qeydə alına bilər. Mən öz işimə daha çox sevgi ilə yanaşıram. Futbolçularıma da bunu tövsiyə etmişəm. Düzdür, yaxşı maliyyə ilə daha davamiyyətli iş görmək, daha da böyümək olar. Amma bugünkü durum bizi qane edirsə, gözümüz daha böyük pullarda deyilsə, nəticələrimiz mütləq olacaq".
Qeyd edək ki, komandalar arasında cavab oyunu fevralın 22-də Bakıda keçiriləcək.
Ciddi və sürətli komandaya qarşı oynadıq. Qələbə qazansaq da, bu, hələ ilk hissə idi. Belə turnirlərdə istənilən nəticələr qeydə alına bilər. Cavab matçında daha məsuliyyətli olmalıyıq.
Bu sözləri "Qarabağ"ın baş məşqçisi Qurban Qurbanov UEFA Avropa Liqasının pley-off mərhələsində Portuqaliyada "Braqa"ya 4:2 hesabı ilə qalib gəldikləri oyundan sonra mətbuat konfransında deyib.
Heç vaxt proqnozlara fikir vermədiyini bildirən 52 yaşlı mütəxəssis əlavə edib: “Matçdan öncə "Braqa"nı favorit görənlərin fikirlərini normal qarşılayıram. Amma bizim də avrokubok təcrübəmiz var. Düzdür, özümüzə inansaq da, 4 qol vuracağımızı gözləmirdik. Amma bu gün hər şey bizim üçün yaxşı alındı. Mərhələnin taleyinin həll olunduğunu düşünmürəm. Şanslar hələ də bərabərdir. Daha soyuqqanlı olmalı, cavab görüşünə ciddi yanaşmalıyıq. Çünki qarşımızda "Braqa" kimi komanda var. Bakıda daha diqqətli olmağa və səhvsiz oynamağa çalışacağıq”.
O, yaxın günlərdə müdafiə xəttinə transfer gözlənilmədiyini söyləyib: "Pəncərə artıq bağlanıb. Son anlarda qol buraxmağı istəməzdik. Məşqlərdə bunun üzərində işləyirik. Hər iki qol standart vəziyyətdən vuruldu. Qapımızda top görürüksə, daha diqqətli oynamalıyıq".
Q.Qurbanov son dəqiqələrdə qol fürsətini boşa verən Nəriman Axundzadənin matçdan sonra ağlamasına da münasibət bildirib: "Nərimanla ayrılıqda danışmadım. Onu, ümumiyyətlə, paltardəyişmə otağında görmədim. Yəqin, gizlənirdi (gülür). Normal haldır. Qol vura bilmədiyinə görə ağlayırsa, deməli, vəziyyəti dərk edir. Amma bəlkə də fərqlənsəydi, futbolçu kimi daha gec böyüyəcəkdi. Bu cür hallar futbolçunun inkişafına müsbət təsir göstərir. Perspektivli oyunçudur. Bu barədə onunla mütləq söhbətimiz olacaq".
Təcrübəli mütəxəssis bütün rəqiblərə hörmətlə yanaşdıqlarını vurğulayıb: "Kimsə bizdən üstündürsə, bunu qəbul edirik. Amma bu, o demək deyil ki, biz bacarıqsızıq. Özümüzə inanırıq. Bu gün futbolçular çox əziyyət çəkdilər. Tutduğumuz yolla gedirik. Getdikcə qarşımıza daha güclü komandalar çıxır. Qalibiyyətin digər tərəfi də var. Bu cür qələbələr futbolçulara inam verir ki, çox çalışsalar, uğur qazana bilərlər".
Baş məşqçi komandasının cavab oyunu öncəsi eyforiyaya qapılmasını istəmədiyini əlavə edib: "Qarşımızda ciddi rəqib var. Çalışacağam ki, kənar fikirlər futbolçularıma təsir etməsin. Təbii ki, azarkeşlər, mətbuat bizdən daha böyük uğurlar gözləyir. Bu da normal haldır. Odur ki, cavab görüşünə psixoloji baxımdan daha ciddi hazırlaşmalı olacağıq".
O, klubları büdcəsinə görə analiz etməyi xoşlamadığını diqqətə çatdırıb: "Futbol elə bir səviyyəyə gəlib çatıb ki, istənilən nəticələr qeydə alına bilər. Mən öz işimə daha çox sevgi ilə yanaşıram. Futbolçularıma da bunu tövsiyə etmişəm. Düzdür, yaxşı maliyyə ilə daha davamiyyətli iş görmək, daha da böyümək olar. Amma bugünkü durum bizi qane edirsə, gözümüz daha böyük pullarda deyilsə, nəticələrimiz mütləq olacaq".
Qeyd edək ki, komandalar arasında cavab oyunu fevralın 22-də Bakıda keçiriləcək.
"Qarabağ" UEFA Avropa Liqasının pley-off mərhələsində ilk oyununu keçirib.
Qurban Qurbanovun baş məşqçisi olduğu komanda Portuqaliyada "Braqa"nın qonağı olub.
Meydan sahiblərində 44-cü dəqiqədə Simon Banza, 90+1-ci dəqiqədə Joau Moutinyu (pen) fərqləniblər.
Qeyd edək ki, tərəflər arasında cavab görüşü fevralın 22-də Tofiq Bəhramov adına Respublika stadionunda gerçəkləşəcək.
***
Portuqaliyada "Braqa" və "Qarabağ" komandaları arasında keçirilən UEFA Avropa Liqasının pley-off mərhələsinin ilk oyunu başlayıb.
"Qarşılaşma saat 00:00-da start götürüb.
Görüşü Danimarkadan olan Morten Kroq idarə edir.
Qeyd edək ki, tərəflər arasında cavab görüşü fevralın 22-də Tofiq Bəhramov adına Respublika stadionunda gerçəkləşəcək.
***
UEFA Avropa Liqasının pley-off mərhələsinin ilk oyununda üz-üzə gələcək "Braqa" və "Qarabağ"ın start heyətləri bəlli olub.
"Komandalar meydan aşağıdakı "11-lik"lərlə çıxacaqlar.
"Braqa": 1. Mateus, 2. Viktor Qomes, 15. Paulo Oliveyra, 4. Siku Niakate, 26. Kristian Borxa, 28. Joao Moutinyo, 18. Vitor Karbvalyo, 16. Rodriqo Zalazar, 23. Simon Banza, 9. Abel Ruiz (k), 14. Alvaro Djalo
Baş məşqçi: Artur Jorje
"Qarabağ": 99. Andrey Lunyov, 44. Elvin Cəfərquliyev, 13. Bəhlul Mustafazadə, 55. Bədavi Hüseynov (k), 2. Mateus Silva, 7. Yassin Benzia, 6. Julio Romao, 8. Marko Yankoviç, 10. Abdullah Zubir, 15. Leandro Andrade, 18. Juninyo Olavio
Baş məşqçi: Qurban Qurbanov
Qeyd edək ki, bu gün reallaşacaq oyun Bakı vaxtı ilə saat 00:00-da start götürəcək.
UEFA Çempionlar Liqasının 1/8 final mərhələsinin iki matçı baş tutub.
Turnirin favoritləri sayılan “Mançester Siti” ilə “Real” səfər oyununa çıxıb.
İngiltərə təmsilçisi Danimarkada “Kopenhagen”in qonağı olub. Görüş "şəhərlilər"in qələbəsi ilə nəticələnib - 3:1.
“Real” isə Almaniyada “Leypsiq”lə qarşılaşıb. "Kral klubu" səfərdən minimalhesablı üstünlüklə ayrılıb - 1:0.
Komandalar arasında cavab oyunları martın 6-da baş tutacaq.
00:00. "Kopenhagen" (Danimarka) – "Mançester Siti" (İngiltərə) 1:3
Qollar: Maqnus Mattson, 34 - Kevin De Breyne, 10, Bernardo Silva, 45+1, Fil Foden, 90+2
Baş hakim: Xose Maria Martines (İspaniya).
00:00."Leypsiq" (Almaniya) – "Real" (İspaniya) 0:1
Qol: Brahim Diaz, 48
Baş hakim: İrfan Peljto (Bosniya və Herseqovina).