 |
|
Türkiyənin "Beşiktaş" klubu "Qarabağ"ın futbolçusu Musa Qurbanlı ilə maraqlanır.
Report xəbər verir ki, İstanbul təmsilçisi baş məşqçisi Önder Karaveli 20 yaşlı hücumçunu istəyir.
48 yaşlı mütəxəssisin klub rəhbərliyindən icazə alaraq, "Qarabağ" rəsmiləri ilə görüşdüyü də iddia olunur.
Qeyd edək ki, Önder Karaveli 2020-ci ilin yanvarından 2021-ci ilin iyununadək "Qarabağ" klubunun akademiyasının koordinatoru Tacettin Doğanın köməkçisi olub. Musa Qurbanlı cari mövsüm Azərbaycan Premyer Liqasında 6 qol və 4 məhsuldar ötürmə ilə ən çox fərqlənən yerli oyunçudur. O, komandanın baş məşqçisi Qurban Qurbanovun oğludur.
Bu gün futbol üzrə İspaniya Super Kubokuna start veriləcək.
Report məlumatına görə, Superkubok tarixdə ilk dəfə 4 komandanın iştirakı ilə gerçəkləşəcək.
İlk yarımfinal oyununda "Real Madrid" "Barselona" ilə üz-üzə gələcək. Qarşılaşma Bakı vaxtı ilə saat 23:00-da başlayacaq. Cütün qalibi yanvarın 13-də keçiriləcək "Atletiko" (Madrid) - "Atletik" (Bilbao) duelinin güclüsü ilə qarşılaşacaq.
İndiyədək bütün rəsmi turnirlərdə baş tutan 247 "El Klasiko"nun 99-da paytaxt klubu, 96-da Kataloniya təmsilçisi qələbə qazanıb. 52 görüşdə isə qalib müəyyənləşməyib.
"El Klasiko"larda ən çox oyun keçirən futbolçular hər iki komandanın sabiq kapitanları - Lionel Messi və Serxio Ramosdur.
Hazırda Fransanın PSJ klubunda çıxış edən oyunçular 45 dəfə meydanda olublar. Kataloniya təmsilçisindən Paris komandasına keçən Messi 26 qolla əzəli və əbədi rəqabətdə ən çox fərqlənən futbolçudur.
Model İnna Kvirtiya bundan sonra futbol sahəsində fəaliyyət göstərəcək.
Yol-xeber.az xəbər verir ki, “White City” klubunun rəhbəri təyin edilib.
Hazırda bu klub U-9-dan U-14 komandasına qədər futbol akademiyası kimi fəaliyyət göstərir.
Kvirtiyanın klub rəhbəri təyin edilməsi, Azərbaycanda ilk olub.
Belə ki, ona qədər hələ Azərbaycanda qadın futbol klubuna rəhbərlik etməmişdi.
Xatırladaq ki, İnna uzun illər ölkəmizdə legioner həyatı yaşamış, ailə qurduqdan sonra Bakıda qalan Nuqzar Kvirtiyanın xanımıdır.//Sportinfo.az 
Türkiyə Superkubokunun qalibi müəyyənləşib.
Apasport.az xəbər verir ki, həlledici matç ilk dəfə Qətərdə təşkil olunub.
Dohada keçirilən görüşdə “Beşiktaş”la “Antalyaspor” üz-üzə gəlib. 21-ci dəfə Superkubok sınağına çıxan İstanbul klubu favoriti olduğu qarşılaşmada hesabı açsa da, üstünlüyünü qoruya bilməyib.0
Superkubokun debütantının müqavimətini 33-cü dəqiqədə Atiba Hatçinson qırıb. O, ikinci hissənin bitməsinə 13 dəqiqə qalmış öz qapısına da qol vurub – 1:1.
Qarşılaşmanın taleyi penaltilər seriyasında həll olunub. Daha dəqiq olan “Beşiktaş” (4:2) kuboku başı üzərinə qaldırıb.
Bununla da “Beşiktaş” 9-cu dəfə Superkuboka yiyələnib. Sonuncu dəfə bu mükafata 2006-cı ildə sahib çıxan “ağ-qaralar” “Fənərbaxça” və “Trabzonspor”a çatıb. Bu göstəricidə rekord 16 Superkubok qazanan “Qalatasaray”a məxsusdur.
Qeyd edək ki, 1966-cı ildən keçirilən Türkiyə Superkuboku Qətərdəki oyunadək yalnız üç dəfə ölkə xaricində baş tutub. 2006-08-ci illərdə matça Almaniya ev sahibliyi edib.
Azərbaycan Taekvondo Federasiyasında hesabat-seçki konfransı keçiriləcək.
“Qafqazinfo” xəbər verir ki, toplantı 30 dekabr saat 11:00-da başlayacaq. İclasın ardından mətbuat konfransı təşkil olunacaq.
Qeyd edək ki, Azərbaycan Taekvondo Federasiyasının hazırkı prezidenti fövqəladə hallar naziri general-polkovnik Kəmaləddin Heydərovdur.
Azərbaycan milli komandasının baş məşqçisi Canni De Byazi Yunanıstan millisini çalışdıracağı ilə bağlı çıxan iddialar haqda danışıb.
“Yol-xeber.az” xəbər verir ki, italiyalı məşqçi Azərbaycan millisinin baş məşqçi postunda qalacağını bildirib:
“Gələcəklə bağlı planlar? Mənə artıq çox yaxşı tanış olan Bakıda qalacam. Azərbaycan millisindəki işimə davam edəcəm. İndi bunu dəqiq deyə bilərəm”.
“İnsan jurnalist də, futbolçu da, biznesmen də ola bilər. Sonda insan olmaq lazımdır”.
Bunu İctimai TV-nin efirində yayımlanan “Bol İdman” verilişində Polşa “Legiya”sında çıxış edən millimizin hücumçusu Mahir Emreli deyib.
“Bir insanın nə qədər pis qəlbi olmalıdır ki, o şəkli 3-4 ay saxlasın, sonra yaysın. O şəkil 3-4 ayın şəkli idi. Biz “Slaviya” ilə ilk oyunu oynamışdıq.
Baş məşqçi bizə 2-3 gün istirahət vermişdi. Bu fotonu nə “Slaviya”dan öncə, nə də sonra heç kim paylaşmadı. Amma niyəsə uğursuzluq olan kimi, bu xəbərlər ortaya çıxmağa başladı.
Niyə mən “Slaviya”ya iki qol vurduğum oyundan sonra bu şəkil çıxmamışdı ki, Mahir gecə klubunda əylənir? Məqsəd nə idi burda? Mənə gülməli gəldi”, - Mahir bildirib.
Mahir həmin hadisə ilə bağlı verdiyi açıqlamanın azarkeşlərin xoşuna gəlmədiyini deyib:
“Bir ifadə oldu ki, mən demişəm müsəlmanam, alkoqol istifadə etmirəm. Açığı, mən belə bir ifadə işlətməmişəm. Müsəlmanam, içmirəm deyə bir şey yoxdur. Guya içən müsəlmanlar yoxdur? Bu bəzi azarkeşləri mənə qarşı qəzəbləndirdi”.
Qeyd edək ki, Mahir Emrelinin spirtli içki ilə görüntüləri yayımlanmışdı. Fotonu Arek adlı azarkeş Tvitter hesabında paylaşmışdı. Bildirilmişdi ki, Emreli komanda yoldaşı Abu Hanna ilə birlikdə gecə klubunda olub və foto avqust ayında çəkilib.
Fransanın PSJ klubu Lionel Messinin transferindən sonra argentinalı futbolçunun 1 milyona yaxın formasını satıb.
Bu barədə Paris təmsilçisinin sponsorluq üzrə direktoru Mark Armstronq "Goal" nəşrinə açıqlamasında deyib.
O bildirib ki, 34 yaşlı hücumçunun kluba kommersiya baxımından da inanılmaz faydası dəyir: "Düşünürəm ki, 2020-ci ildə digər klublardan daha çox forma satdıq. 2021-ci ildəki rəqəmlər isə daha yaxşıdır. Formalara tələbat ən azı 30-40% artıb".
Qeyd edək ki, Lionel Messi PSJ-yə cari mövsümün əvvəlində İspaniya "Barselona"sından azad agent kimi keçib.
Polşanın “Legiya”sında çıxış edən millimizin hücumçusu Mahir Emreli klubunda mövsümün ilk yarısındakı göstəricilərinə görə birinci olub.
“Yol-xeber.az” xəbər verir ki, həmyerlimiz bu müddətdə 11 qol və 2 məhsular ötürmə ilə yadda qalıb.
M.Emreli həm də 33 matçda forma geyinərək lider olub. Ümumilikdə 2066 dəqiqə meydanda olan Mahir bu göstəricidə 4 futbolçudan geri qalıb.
Azərbaycan 2025-ci ildə keçiriləcək III MDB Oyunlarına ev sahibliyi edəcək.
"Report"un məlumatına görə, bu barədə qərar MDB-yə üzv ölkələrin bədən tərbiyəsi və idman sahəsində əməkdaşlıq haqqında Saziş iştirakçılarının Bədən Tərbiyəsi və İdman Şurasının onlayn formatda baş tutmuş növbədənkənar iclasında qəbul olunub.
II MDB Oyunları isə 2023-cü ildə Belarusun payaxtı Minsdə təşkil olunacaq.
Toplantıda həmçinin idman sahəsində əməkdaşlığın aktual məsələləri də müzakirə edilib. O cümlədən, ayrı-ayrı idman növləri üzrə MDB çempionatlarının və kuboklarının keçirilməsi məsələsinə baxılıb. İşçi Qrupuna 2022-ci il iyunun 1-dək MDB yarışları ilə bağlı əsasnamə layihəsinin hazırlanması tapşırılıb.
Qeyd edək ki, I MDB Oyunları bu il 4 - 11 sentyabrda Rusiyanın Kazan şəhərində keçirilib.
