 |
|
"Düşünürəm ki, Emreli daha cəld qərar qəbul etməlidir. 1-2 qol epizodunu əldən verdikdən sonra özünə inamı azalıb".
"Report" məlumatına görə, bunları Polşa millisinin və "Legiya"nın sabiq futbolçusu Marek Yujvyak Varşava təmsilçisinin heyətində 6 oyundur qol vura bilməyən Azərbaycan millisinin hücumçusu Mahir Emreli barədə "Super Express" nəşrinə müsahibəsində deyib.
Veteran müdafiəçi bildirib ki, bəzi epizodları gözübağlı qola çevirmək lazımdır: "Amma Mahir belə etmir. Mən demirəm ki, o, hər şeyə cavabdehdir. Çünki digər oyunçular da effektiv deyil. "Legiya" dərin çuxura düşüb. Bundan çıxmaq istəyirsinizsə, qol fürsətlərindən yararlanmalısınız".
Qeyd edək ki, Marek Yujvyak 1987 - 1996 və 2001 - 2005-ci illərdə "Legiya"nın formasını geyinib. O, Polşa millisində 14 oyun keçirib.
Fransanın “Pari Sen-Jermen” (PSJ) futbol komandasının hücumçusu Lionel Messi İspaniyanın "Barselona" klubuna idman direktoru kimi qayıtmaq istədiyini bildirib.
Report xəbər verir ki, "Mən həmişə demişəm ki, əgər kluba bacardığım qədər kömək edə bilsəm, çox şad olaram. İdman direktoru olmaq istəyirəm. Bilmirəm, bu "Barselona"da baş verəcək, ya yox. Amma belə bir şey mümkünsə, kömək etmək üçün geri qayıtmaq istərdim, çünki sevdiyim klubdur və o, qaydasında olsa, çox xoşbəxt olacam", - agentlik Messidən sitat gətirib.
Avqustun 10-da PSJ Lionel Messi ilə müqavilə imzaladığını rəsmən elan edib. Müqavilə 2023-cü ilə qədər qüvvədədir. Fransanın "L equipe" nəşrinin məlumatına görə, argentinalı ilk ildə 30 milyon avro qazanacaq. Məbləğ yaxın iki ildə bonus sayəsində 10 milyon avro artacaq.
Messi Kataloniya klubunun yetirməsidir. O, 2004-cü ildə əsas komandada debüt edib. Hücumçu komanda ilə birlikdə 35 titula sahib olub. Forvard 6 dəfə “Qızıl top”u qazanıb. Messi ötən mövsüm İspaniya çempionatında 35 matçda iştirak edib, 30 qol vurub və 9 məhsuldar ötürmə edib.
“Barselona” klubunun niderlandlı baş məşqçisi Ronald Kuman tutduğu postdan kənarlaşdırılıb.
Oxu.az xəbər verir ki, bu gecə Kataloniya klubunun rəhbərliyi 58 yaşlı mütəxəssisin vəzifəsindən uzaqlaşdırıldığını açıqlayıb.
Qərar İspaniya La Liqasının XI turunda “Rayo Valyekano” ilə oyundan sonra verilib.
Səfərdə 0:1 hesablı məğlubiyyətin ardından “Barselona” prezidenti Xuan Laporta R.Kumanın istefaya göndərildiyini açıqlayıb.
Xatırladaq ki, daha əvvəlki turda “Barselona” evdə Madrid “Real”ına 1:2 hesabı ilə uduzub.
Hazırda “Barselona” futbol üzrə İspaniya çempionatında 10 görüşdən sonra 15 xal toplayaraq turnir cədvəlinin 9-cu pilləsində qərarlaşıb.
Bu gün Türkiyə Superliqasında İstanbul derbisi baş tutacaq.
10-cu tur çərçivəsində “Beşiktaş” “Qalatasaray”la üz-üzə gələcək. Qarşılaşma “Vodofon Arena”da oynanılacaq və Bakı vaxtı ilə saat 21:00-da start götürəcək.
21:00. “Beşiktaş” – “Qalatasaray”
"Vodofon Park" stadionu
Polşa Ekstraklasasının növbəti turunda keçirilən "Piast" - "Legiya" matçında qonaqların azərbaycanlı hücumçusu Mahir Emreli fərqlənməyə yaxın olub.
Belə ki, görüşün ilk hissəsində qol vurmaq üçün əlverişli fürsət yaxalayan 24 yaşlı forvardın hər iki zərbəsi qapı dirəyinə tuş gəlib.
Qeyd edək ki, ilk yarıdan sonra "Legiya" 1:2 hesabıyla uduzur.
Güləş üzrə dünya və Avropa çempionu Rəsul Çunayev 3-cü dəfə universitet oxuyacaq.
"Yol-xeber.az" xəbər verir ki, bu barədə tanınmış idmançı paylaşım edib. O, Dövlət İdarəçilik Akdemiyasına qəbul olunduğunu bildirib.
"Uşaq olarkən təhsilin əhəmiyyətini anlamadığım vaxtlarda məktəbə getməyi heç sevməz, dərs oxumaq istəməzdim. Amma böyüdükcə anladım ki, təhsilin insan həyatında böyük və mühüm bir rolu var.
Əgər Vətəninə, xalqına xeyirli bir övlad olmaq istəyirsənsə, lazım olan əsaslardan biri də təhsildir. Yəni təhsil, həqiqətən də, bir millətin gələcəyidir.
İndi isə Azərbaycan Respublikasının Prezidenti yanında Dövlət İdarəçilik Akademiyasının tələbəsiyəm və təhsil həyatında 3-cü dəfə universitet oxuyacaq bir tələbə kimi demək istəyirəm ki, təhsil almaq üçün heç bir vaxt gec deyil.
Siz də mənim kimi sonradan peşman olmayasınız deyə, verəcəyim ən önəmli tövsiyələrdən biri də budur ki, təhsili öz həyatınızda əhəmiyyətli tutun. Çünki savad hər sahədə lazımlı və vacibdir".
Qeyd edək ki, R.Çunayev bundan öncə Azərbaycan Dövlət Bədən Tərbiyəsi və İdman Akademiyası (ADBTİA) və Bakı Dövlət Universitetində (BDU) ali təhsil alıb.
Lüksemburqla matçda het trik edən Portuqaliya millisinin hücumçusu Kriştianu Ronaldu özünə aid olan dünya rekordunu yeniləyib.
"Yol-xeber.az" xəbər verir ki, oyunun 8 və 13-cü dəqiqələrində penalti zərbələrini dəqiq yerinə yetirən və 87-ci dəqiqədən oyun epizodundan fərqlənən ulduz futbolçu yığmanın heyətində 113, 114 və 115-ci qollarını vurub.
Qeyd edək ki, təkcə bu il ərzində “Mançester Yunayted”in oyunçusu Portuqaliya seçməsinin heyətində 13 dəfə rəqib qapısını silkələyib.
Azərbaycan milli komandasının üzvü Mahir Emrelinin COVID-19 testi pozitiv nəticələnib.
Yol-xeber.az xəbər verir ki, UEFA-nın tətbiq etdiyi tibbi protokola uyğun olaraq, Mahir Emreli Serbiya - Azərbaycan oyununda iştirak edə bilməyəcək.
Qeyd edək ki, Dünya çempionatının seçmə mərhələsi çərçivəsində baş tutacaq qarşılaşma bu gün Belqrad şəhərində keçiriləcək. Görüş Bakı vaxtı ilə saat 22:45-də başlayacaq.
Azərbaycanın məşhur idmançısı Zabit Səmədov uğurlarının sihasına daha birini əlavə edib.
Yol-xeber.az xəbər verir ki, təcrübəli idmançımız Fransan təmsilçisi Nayf Didie ilə üz-üzə gəlib.
Oktyabrın 4-də Çeçenistanda baş tutan görüşdə Z.Səmədov nokautla rəqibni üstələyib.
Qeyd edək ki, Çeçenistanın dövlət başçısı Ramzan Kadırov da qarşılaşmanı izləyənlər arasında olub.
ABŞ-da avqustun 21-də keçirilən turnirdə Castin Tornton Dillon Kleklerlə qarşılaşıb. Döyüş zamanı rəqibi Torntonu nokauta salıb.
Yol-xeber.az xəbər verir ki, Amerikada qarışıq döyüş ustası (MMA) nokautdan sonra 39 yaşında dünyasını dəyişib.
Tornton xəstəxanaya yerləşdirilib, həkimlərin müdaxiləsinə baxmayaraq onun həyatını xilas etmək mümkün olmayıb.
