 |
|
Ötən gün "Barselona"dan ayrılan Lionel Messini heyətinə qatmaqla adından növbəti dəfə söz etdirən Fransa PSJ-si maliyyə vəziyyətini normal hala gətirməyə çalışır.
Offsideplus xəbər verir ki, daha əvvəl Corcinyo Veynaldum və Serxio Ramos kimi ulduzları da heyətə qatan Paris klubu bu səbəbdən yeni mövsümün startına qədər bir sıra futbolçularla yollarını ayıracaq.
"Sky Sport" nəşri PSJ-nin ümumilikdə 10 futbolçu ilə yolları ayıracağını yazıb. Bunlar arasında, Lionel Messinin Argentina yığmasında da görmək istəmədiyi Mauro İkardi ilə yanaşı, Tilo Kerer, İdrissa Geye, Rafinya və Ander Errera kimi adlar da var.
PSJ Lionel Messinin transferini rəsmən açıqlayıb.
Müvafiq videoçarx klubun “Twitter” səhifəsində yayımlanıb.
Klubun mətbuat xidmətindən yayılan məlumata görə, Messi ilə 2+1 prinsipi əsasında müqavilə imzalanıb. Sənəddə Argentina millisinin Fransa klubu üzərindəki prioriteti də öz əksini tapıb.
“PSJ-də karyeramın yeni fəslini başlamağıma çox şadam. Klubda hər şey mənim futbol ambisiyalarıma uyğun gəlir. Mən burada necə istedadlı kollektiv və məşqçi heyətinin olduğunu bilirəm. “Park de Prens”in meydançasına çıxmağı səbirsizliklə gözləyirəm”, -deyə Messi jurnalistlərə açıqlamasında bildirib.
Qeyd edək ki, 34 yaşlı futbolçu Fransa klubunda 30 nömrəli forma ilə çıxış edəcək.
UEFA Kiprdə AEL və "Qarabağ" komandaları arasında Konfrans Liqasının III təsnifat mərhələsinin ilk oyunu ilə bağlı intizam işi açıb.
"Yol-xeber.az" xəbər verir ki, bu barədə "Report"un sorğusuna cavab olaraq qurumun Nəzarət, Etika və İntizam Komitəsindən məlumat daxil olub.
Bildirilib ki, Limassol təmsilçisinə qarşı iki ittiham irəli sürülüb. Bunlardan biri meydançaya yad cisimlərin atılması, digəri isə yerli azarkeşlərin iğtişaş törətməsidir.
Məsələ ilə bağlı yekun qərar komitənin qarşıdakı iclasında qəbul olunacaq. Toplantının vaxtı hələ dəqiqləşməyib.
Qeyd edək ki, "AEK Arena"da keçirilən qarşılaşma 1:1 hesabı ilə başa çatıb. "Qarabağ"ın bərabərlik qolundan sonra azarkeşlər Azərbaycan təmsilçisinə qarşı qeyri-etik hərəkətlər ediblər. Baş məşqçi Qurban Qurbanov başda olmaqla, texniki zonadakılar baş hakimə bununla bağlı etirazını çatdırıb. Oyunda məcburi fasilə yaranıb. Daha sonra matç qaldığı yerdən davam edib.
"Bu il 2-3 yarışda iştirak etmişdim. Tokio Olimpiadası 1,5 aydan sonra ilk yarışım idi".
"Bunu Tokio-2020 Yay Oyunlarında gümüş medal qazanan Azərbaycan karateçisi Rafael Ağayev Heydər Əliyev aeroportunda jurnalistlərə açıqlamasında deyib.
75 kq çəki dərəcəsində fəxri kürsünün ikinci pilləsinə qalxan 5 qat dünya və 11 qat Avropa çempionu yarışdakı çıxışını dəyərləndirib: "Rəqiblərim çətin olsa da, qrupdan çıxmağı bacardım. Bu yarışı çox yaxşı hiss etdim. İkinci olmağıma baxmayaraq, tam formada idim. Hələ Bakıdan Tokioya yola düşəndə demişdim ki, mən ora gümüş yox, qızıl medal üçün gedirəm. Qismət Allahdandır. Bu günümüzə şükürlər olsun. Bundan da pis ola bilərdi, vətənə medalsız da qayıda bilərdik. Bu, tək mənim yox, bütün Azərbaycanın və müsəlmanların qələbəsidir".
Karatenin ilk dəfə olimpiya oyunlarının proqramına salınmasına toxunan Ağayev bu idman növünün 2024-cü ildə Parisdə keçiriləcək olimpiadada olub-olmayacağının bilinmədiyini söyləyib: "Karate yarışlarından sonra iclas olub. Dünya Karate Federasiyası (WKF) və EKF-in prezidenti Antonio Espinos bu idman növünün Parisdəki yarışın proqramında yer alması üçün daha böyük addımlar atır. Alınsa, orada da çıxış edəcəyəm".
Noyabrda Birləşmiş Ərəb Əmirliklərinin Dubay şəhərində dünya çempionatının keçiriləcəyini xatırladan titullu idmançı olimpiadanın finalında uduzduğu italiyalı Luici Busadan revanş almaq barədə düşünmədiyini vurğulayıb: "Təqribən 3 aydan sonra dünya çempionatı keçiriləcək. Özümü yaxşı hiss edirəm. Allah bütün idmançılarımızı, hamımızı qorusun. Düşünürəm ki. orada da iştirak edəcəyəm. Heç bir rəqibimi aşağılamıram və Busadan revanş almaq barədə düşünmürəm. Çünki 11 dəfə mən qalib gəlmişəm, bir dəfə italiyalı idmançı. Sadəcə, Busa indiyədək tatamidə rəqibim idisə. bundan sonra düşmənimdir".
Tokio 2020-nin karate yarışlarının hakimlərindən biri türkiyəli Uğur Kobaş ölümlə təhdid olunur.
Fanat.Az xəbər verir ki, buna səbəb ədalət təmsilçisinin kişilərin +75 kiloqram çəki dərəcəsi üzrə Səudiyyə Ərəbistanından olan Tareq Hamedi və İran karateçisi Səccad Gənczadənin final görüşü vaxtı birinci ilə bağlı elan etdiyi diskvalifikasiya qərarıdır.
Baş verənləri şərh edən qarşılaşmanın tatami hakimi qərarının arxasında durduğunu bildirib: "İranlı karateçi yerdə uzananda vəziyyətə müdaxilə edən həkim mənə idmançının görüşü davam etdirə bilməyəcəyini bildirdi. Ayrıca, Dünya Karate Federasiyasının həkimi də "davam edə bilməz" dedi. Qarşılaşmanın yan hakimlərini toplayıb dəyərləndirmə etdik. Onların hamısı mənimlə eyni qənaətdə idi. İranlı idmançı tatamini xərəkdə tərk etdiyi üçün qaydalara əsasən rəqibinə "hansoku" verildi. Mənim üzərimə düşən sadəcə doktorların və hakimlər heyətinin qərarını elan etmək idi".
Görüşdən sonra sosial şəbəkə hesablarına yüz minlərlə şərh və mesaj yazıldığını deyən Kobaş bunların arasında ölüm təhdidlərinin olduğunu, həmçinin ailəsinin də hədə və təhqirlərə məruz qaldığını qeyd edib.
Qeyd edək ki, Səudiyyə Ərəbistanın Tokio 2020-dən qazancı Hamedinin gümüş medalı olub. İran isə 32-ci Yay Olimpiya Oyunlarını 3 qızıl, 2 gümüş, 2 bürünc mükafatla başa vurub.
Lionel Messinin gedişindən sonra "Barselona"nın düşərgəsində gərginlik yaranıb.
Yol-xeber.az Fanat.az-a istinadən xəbər verir ki, yeni transferlərdən olan Serxio Aquero komandadan ayrılmaq istəyir. Buna səbəb Messinin gedişi olub.
Belə ki, transferdən əvvəl Aqueroya Messi ilə birlikdə oynamaq vədi verilib. Amma həmyerlisinin gedişi ona pis təsir edib və vəkillərinə müqaviləni pozmaq üçün variantlar axtarmağı tapşırıb.
Qeyd edək ki, Aquero bu yay "Mançester Siti"dən "Barselona"ya keçib.
Azərbaycan karateçisi İrina Zaretska Tokio-2020 Yay Olimpiya Oyunlarında mübarizəyə start verib.
"Yol-xeber.az"ın məlumatına görə, 61 kq-dan yuxarı çəkidə çıxış edən idmançı A qrupundakı ilk görüşündə yaponiyalı Ayumi Uekusa ilə üz-üzə gəlib.
Zaretska rəqibinə 4:1 hesabı ilə qalib gəlib. O, növbəti döyüşünü Silviya Semeraroya (İtaliya) qarşı keçirəcək.
Qrupda ilk 2 yerdən birini tutacağı təqdirdə, Azərbaycan təmsilçisi yarımfinala yüksələcək və ən azı bürünc medalı təmin edəcək.
Jurnalist Ceyhun Rzayev Kiprdə "Qarabağ"ın baş məşqçisi Qurban Qurbanova qarşı təxribatdan danışıb.
Kiprə ezam olunmuş media nümayəndəsi meydanda yaşananları belə şərh edib:
"Stadionda azarkeşlər bizimkiləri söyür, meydana müxtəlif əşyalar atır, AEL-in nümayəndəsi və futbolçusu Qurban Qurbanovun üzərinə yeriyir. Aranın qarışdığını görən hakim oyunu saxladı. Hamı tuneldən içəri daxil olub paltardəyişmə otağına yollandı. Bizimkilər də, kiprlilər də. Bir də nə görsəm yaxşıdır? Qurban müəllim meydandadır. Tək özü, yanında heç kim yox. Dik duruşla, qartal baxışla minlərlə ermənipərəst yunana baxırdı. Qürurverici, fəxrediləsi mənzərə idi. Adam bütün yunan Kiprinə meydan oxudu: Mən tək, siz hamınız! Ruslar da bir ifadə var - лицо нации. Qurban Qurbanov millətin siması, fəxarət tablosudur!"
Xatırladaq ki, Konfrans Liqası turniri çərçivəsində "Qarabağ" səfərdə AEL-in qonağı olub. Təmsilçimiz səfərdə heç-heçə elə sərfəli nəticə əldə edib (1:1).
“İstəməzdik ki, oyunun sonunda belə hal yaşansın”.
"Yol-xeber.az" saytının məlumatına görə, bunu “Qarabağ”ın baş məşqçisi Qurban Qurbanov Konfrans Liqasının III təsnifat mərhələsində AEL-lə keçirilən səfər matçının son dəqiqələrində baş verən insident barədə danışarkən deyib.
Təcrübəli mütəxəssis kiprli azarkeşlərin təxribatçı hərəkətləri səbəbindən təxminən 10 dəqiqə dayandırılan matçda baş verən xoşagəlməz hadisəyə münasibət bildirib: “Hadisə ilə bağlı hansı qərarın verilməsinə UEFA baxacaq. Bu, onların üzərinə düşür. Amma belə hal nə rəqibin futbolçuları, məşqçiləri, nə də bizim üçün xoş haldır”.
Qurbanov bu cür təxribatlarla çox üzləşdiklərini söyləyib: “Biz idmançılar meydanda daha çox çalışmalı, öz işimizlə məşğul olmalıyıq. Bəzən elə hallar olur ki, buna hamımız reaksiya veririk. Çünki həddən artıq şişirdilir. Tanımadığımız, bilmədiyimiz kimlərsə belə hallara yol verirlər. “Qarabağ”a qarşı belə təxribatlar dəfələrlə olub. Biz həmişə öz mədəniyyətimizi göstərmişik. Çünki Azərbaycanı təmsil edirik. Maksimum dərəcədə səbirli olmağa çalışırıq. Heç kimdən qorxmuruq, çəkinmirik. Sadəcə, idman prinsiplərinə uyğun özümüzü idarə etməyə çalışırıq, əxlaqımızı, mədəniyyətimizi qoruyuruq. Dünya futbolunda da belə hallar çox olub. Bu, bəlkə də, futbolun gözəlliyi, özəlliyidir. Təbii ki, heç kim belə hadisənin yaşanmasını istəməz. Çünki nəticə heç də yaxşı olmur”.
Çalışdırıcı qarşılaşmadan sonra UEFA nümayəndəsinin onlara təşəkkür etdiyini vurğulayıb: “UEFA nümayəndəsi sonda davranışımıza görə bizə təşəkkür elədi. Çünki azarkeşlərin həddən artıq aqressiv olduğunu o da görürdü. Həm futbolçuların üstünə yad əşyalar atdılar, birinin başına, birinin qoluna dəydi. Belə şeylər bizə təsir eləməz. UEFA nümayəndəsi də görürdü ki, futbolçularımızı sakitləşdirməyə çalışırdım. Sonda mən də özümü bir az aqressiv apardım. Bakıda yenə idman prinsiplərini qoruyub saxlamağa çalışacağıq. Çünki işimiz meydanda özümüzü doğru idarə etmək və uğurlu nəticə əldə etməkdir”.
Qeyd edək ki, oyunun 90+3-cü dəqiqəsində Abdullah Zubirin qolundan sonra yerli azarkeşlərin təxribatçı davranışları və təhqiramiz ifadələrə yol vermələri səbəbindən “Qarabağ”ın texniki zonası ilə gərginlik yaşanıb və görüş bir neçə dəqiqəlik dayandırılıb. Yenidən bərpa olunan və 112 dəqiqə çəkən mübarizə 1:1 hesabı ilə yekunlaşıb.
Kişilər arasında hündürlüyə tullanma yarışlarında qətərli Mütaz Əssa Barşim və italiyalı Canmarko Tamberi çempion elan edilib.
Tokio-2020 Olimpiayasında kişilər arasında hündürlüyə tullanma üzrə kişilər keçirilən yarışın finalında italiyaklı Canmarko Tamberi qətərli Mutaz Əssa Barşim ilə qarşı-qarşıya gəlib.
Haber7 xəbər verir ki, hər iki idmançı finalda 2,37 metr hündürlüyə tullanıb və yarışın səlahiyyətliləri qərar verib ki, qalibin müəyyən olunması üçün onlar yenidən güclərini sınamalıdır. Lakin heç biri 2,37 metrdən yuxarı qalxmayıb.
Hər ikisinə daha bir sınaq verildi, ancaq italiyalı Tampberi ayağından ciddi zədə aldığı üçün son sınaqdan çəkilməli olub.
Qətərli müsəlman Barşimin qarşısında başqa rəqibi yox idi, ancaq o, məmurdan soruşub: "Son cəhddən çəkilsəm, qızıl medalı ikimiz arasında paylaşa bilərikmi?"
Bu təklif rəsmi yoxlanılıb və təsdiq edilib: "Bəli, qızıl medal siz ikinizin arasında bölünəcək".
İtalyan idmançı bu qərardan sonra böyük sevinc yaşayıb.
Qətərli Mutaz Barşim və italiyalı Canmarko Tamberi qızıl medallar qazanıb.
Kişilər arasında hündürlüyə tullanma yarışlarında qətərli Mütaz Əssa Barşim və italiyalı Canmarko Tamberi çempion elan edilib.
Tokio-2020 Olimpiayasında kişilər arasında hündürlüyə tullanma üzrə kişilər keçirilən yarışın finalında italiyaklı Canmarko Tamberi qətərli Mutaz Əssa Barşim ilə qarşı-qarşıya gəlib.
Haber7 xəbər verir ki, hər iki idmançı finalda 2,37 metr hündürlüyə tullanıb və yarışın səlahiyyətliləri qərar verib ki, qalibin müəyyən olunması üçün onlar yenidən güclərini sınamalıdır. Lakin heç biri 2,37 metrdən yuxarı qalxmayıb.
Hər ikisinə daha bir sınaq verildi, ancaq italiyalı Tampberi ayağından ciddi zədə aldığı üçün son sınaqdan çəkilməli olub.
Qətərli müsəlman Barşimin qarşısında başqa rəqibi yox idi, ancaq o, məmurdan soruşub: "Son cəhddən çəkilsəm, qızıl medalı ikimiz arasında paylaşa bilərikmi?"
Bu təklif rəsmi yoxlanılıb və təsdiq edilib: "Bəli, qızıl medal siz ikinizin arasında bölünəcək".
İtalyan idmançı bu qərardan sonra böyük sevinc yaşayıb.
Qətərli Mutaz Barşim və italiyalı Canmarko Tamberi qızıl medallar qazanıb.