 |
|
Dünya çempionu Maqnus Karlsenin təşkil etdiyi “Champions Chess Tour” onlayn şahmat seriyasının “New In Chess Classic” turnirinin 1/4 final mərhələsində şahmatçımız Şəhriyar Məmmədyarov uğurla çıxış edib.
Azərbaycan şahmatçısı 1/4 finalın birinci matçında 3:1, cavab oyunlarında da isə 2,5:0,5 hesabla FIDE təmsilçisi Alireza Firuzcaya qalib gələrək yarımfinala vəsiqə qazanıb.
Digər şahmatçımız Teymur Rəcəbov isə norveçli dünya çempionu Maqnus Karlsenə ikinci matçda 1,5:2,5 hesabla məğlub olub və yarışı tərk edib. Qeyd edək ki, T.Rəcəbovun M.Karlsenlə keçirdiyi birinci matç bərabərliklə (2:2) başa çatmışdı.
Beləliklə, yarımfinalda Ş.Məmmədyarovla yanaşı, M.Karlsen, amerikalı Hikaru Nakamura, ermənistanlı Levon Aronyan mübarizə aparacaqlar.
Ümumi mükafat fondu 100 000 ABŞ dolları olan turnir mayın 2-dək davam edəcək.
Bakıda karantin qaydalarını pozaraq işləyən idman zalında məşq edən 56 nəfər cərimələnib.
DİN Mətbuat xidmətindən “Qafqazinfo”ya verilən məlumata görə, paytaxtın Nəsimi rayonu ərazisində yerləşən “Anderqraund” adlı idman zalı xüsusi karantin rejiminin tələblərini pozaraq müştəri qəbul etdiyi məlum olub.
Obyektə baxış zamanı orada olan ümumilikdə 56 nəfər şəxsin karantin rejiminin tələblərini pozması aşkar edilib. Həmin şəxslərdən “Covid 19” virusunun yoxlanılması məqsədi ilə test nümunələri götürülüb. Onların hər biri barəsində İnzibati Xətalar Məcəlləsinin 211.1-ci maddəsi ilə protokollar tərtib edilib və cərimələniblər. Obyektin icarədarı Rafiq Günəşov barəsində isə Nəsimi RPİ-də araşdırmalar davam etdirilir.
***
Saxlanılanlar arasında tanınmış məşqçi Yusif Nurullayev də var.
Bu gün Çempionlar Liqasında yarımfinal mərhələsinə start veriləcək.
1-ci oyun günündə “Real” Madriddə “Çelsi”ni qəbul edəcək. Görüş Bakı vaxtı ilə 23:00-da başlayacaq.
Çempionlar Liqası, yarımfinal, ilk oyunlar
27 aprel
23:00. “Real” (Madrid, İspaniya) – “Çelsi” (İngiltərə)
Şahmat üzrə norveçli dünya çempionu Maqnus Karlsenin təşkil etdiyi Çempionlar Turunun "New In Chess" adlı V mərhələsində bu gün 1/4 final mərhələsinə start veriləcək.
Azərbaycan təmsilçilərindən Teymur Rəcəbov bu raundda Maqnus Karlsenlə, Şəhriyar Məmmədyarov isə Alireza Firuzca (FIDE) ilə üz-üzə gələcək.
Məmmədyarov 1/4 final mərhələsindəki ilk görüşünü ağ, Rəcəbov isə qara fiqurlarla oynayacaq. Bu raund iki gün davam edəcək. Qarşılaşmaların ardından qalib müəyyənləşməsə, tay-brek oynanılacaq.
1/4 finalda qarşılaşacaqlar:
Maqnus Karlsen (Norveç) - Teymur Rəcəbov
Şəhriyar Məmmədyarov - Alireza Firuzca (FIDE)
Levon Aronyan (Ermənistan) - Uesli So (ABŞ)
Le Kuanq Lyem (Vyetnam) - Hikaru Nakamura (ABŞ)
Qeyd edək ki, Şəhriyar Məmmədyarov təsnifat mərhələsini 9,5 xalla 3-cü, Teymur Rəcəbov isə 8,5 xalla 8-ci pillədə başa vuraraq, pley-offa vəsiqə qazanıb. Ümumi mükafat fondu 100 000 ABŞ dolları olan turnirə mayın 2-də yekun vurulacaq. Qalib 30 000 ABŞ dolları qazanacaq.
Şahmat üzrə Dünya çempionu Maqnus Karlsenin təşkil etdiyi Çempionlar Turunun V mərhələsinin püşkü atılıb.
Report xəbər verir ki, Azərbaycan təmsilçilərindən Şəhriyar Məmmədyarov "New In Chess" adlı mərhələnin ilk turunda ABŞ təmsilçisi Hikaru Nakamuraya rəqib olub.
Teymur Rəcəbov isə birinci turda Qaveyn Cons (Böyük Britaniya) ilə üz-üzə gələcək. Rəcəbov ağ, Məmmədyarov qara fiqurlarla oynayacaq.
Rəcəbov Ermənistan təmsilçisi Levon Aronyanla III, Məmmədyarov isə XIII turda qarşılaşacaq. Onlar müvafiq olaraq qara və ağ fiqurlarla mübarizə aparacaqlar.
V mərhələdə də 16 şahmatçı olacaq. Yarış İddiaçılar Turniri ilə eyni vaxta düşdüyü üçün siyahıya aparıcı qrossmeysterlərin əvəzinə bir neçə yeni şahmatçı daxil edilib.
Turnirin ümumi mükafat fondu 100 000 ABŞ dolları olacaq. Qalib 30 000 dollar qazanacaq.
Qeyd edək ki, aprelin 24-də start götürəcək yarış mayın 2-də başa çatacaq. Qeyd edək ki, püşkə əsasən, ilk 5 tur aprelin 24-də, VI - X turlar aprelin 25-də, XI - XV turlar aprelin 26-da keçiriləcək. İlkin mərhələnin yekununda 8 ən güclü şahmatçı 1/4 finala yüksələcək. Turnirə mayın 2-də yekun vurulacaq.
"Bavariya” və ya “PSJ” imtina edərsə, heç kim Super Liqanı ləğv etməyəcək".
Bunu Madrid “Real”ının prezidenti və Super Liqanın rəhbəri Florentino Peres deyib.
“İndiyə qədər Super Liqada təmsil olunan üç ölkə var. Bu günə qədər Fransa “PSJ”sini və Almaniyadan klublar dəvət etmədik. Komandaların sayının 15 olmasını istəyirik. Biz bunu futbolu xilas etmək üçün edirik”, - deyə Peres bildirib.
Xatırladaq ki, aprelin 19-na keçən gecə Avropanın 12 ən yaxşı klubu Super Liqanın yaradıldığını elan edib. Bunlar İngiltərənin “Mançester Yunayted”, “Mançester Siti”, “Tottenhem”, “Liverpul”, “Çelsi” və “Arsenal”, İspaniyanın “Barselona”, "Atletiko” və “Real”, İtaliyanın “Milan”, “İnter” və “Yuventus” klublarıdır. Onlar yeni turnirin təsisçi klubları arasında yer alıblar. Lakin dünən "Mançester Siti" Avropa Super Liqasından ayrıldığını rəsmən bəyan edib.
Polşanın paytaxtı Varşavada güləş üzrə Avropa çempionatı davam edir.
Yarışın ikinci günündə Azərbaycanın 9 idmançısı mübarizə aparacaq. Onlardan biri qızıl, dördü bürünc medal uğrunda qüvvəsini sınayacaqsa, digər 4 güləşçimiz ilk görüşünə çıxacaq.
57 kq
Əfqan Xaşalov bürünc medal uğrunda görüşə çıxacaq. Onun rəqibi Aryan Tsiutrin (Belarus) - Givi Davidovi (İtaliya) cütünün qalibi olacaq.
61 kq
1/8 final: Əhmədnəbi Qvarzatilov – Viktor Lizen (Almaniya)
65 kq
Əli Rəhimzadə üçüncülük mübarizəsində qüvvəsini sınayacaq. O, George Ramm (Böyük Britaniya) - Andrey Svirid (Ukrayna) cütünün qalibi ilə qarşılaşacaq.
70 kq
Turan Bayramov final görüşündə mübarizə aparacaq. Həmyerlimizin rəqibi rusiyalı İsrail Kasumovdur.
79 kq
Rəşad Yusifli bürünc medal uğrunda görüşdə Osman Haydari (Albaniya) - Alans Amirovs (Latviya) cütünün qalibi ilə üz-üzə gələcək.
97 kq
Şamil Zubairov təsəlliverici görüşə çıxacaq. Onun rəqibi Moldova təmsilçisi Radu Lefter olacaq.
74 kq
1/16 final: Əşrəf Aşırov – Fazlı Eryılmaz (Türkiyə)
86 kq
1/8 final: Hacımurad Məhəmmədsəidov Artur nayfonovla (Rusiya) üz-üz gələcək.
92 kq
1/8 final: Osman Nurməhəmmədov ilk cəhdində almaniyalı Robin Ferdinandla qarşılaşacaq.
Bu gün Azərbaycanın daha 2 cüdoçusu Portuqaliyanın paytaxtı Lissabonda davam edən Avropa çempionatında mübarizəyə qoşulacaq.
Yarışın ikinci günündə 81 kq çəki dərəcəsində çıxış edən Murad Fətiyev və Hidayət Heydərov qüvvəsini sınayacaq.
1/16 finalda Fətiyev türkiyəli Vedat Albayrak, Heydərov isə almaniyalı Niklas Blöxl ilə üz-üzə gələcək.
Qeyd edək ki, Avropa çempionatına aprelin 18-də yekun vurulacaq. Azərbaycan yarışda 9 cüdoçu ilə təmsil olunur. İlk gündə Kəramət Hüseynov (60 kq) bürünc medal qazanıb.
"Beşiktaş"ın futbolçusu Cenk Tosun ağır zədə alıb.
"Qafqazinfo" xəbər verir ki, Türkiyə millisinin üzvü Super Liqanın 34-cü turunda "Erzurumspor"la səfər matçının 73-cü dəqiqəsində dizindən zədələnib.
Meydanı xərəkdə tərk edən hücumçu ambulansla klubun təyyarəsinə aparılıb.
Təyyarə isə onu İstanbuldakı xəstəxanaya çatdırıb.
İlkin diaqnoza görə, diz bağlarında problem olan futbolçu mövsümün sonuna qədər meydana çıxa bilməyəcək.
“Yuventus”un ulduzu oyunçusu Kriştianu Ronaldo növbəti dəfə etdiyi hərəkətlə gündəmə gəlib. “Qafqazinfo” xəbər verir ki, o, “Cenoa”ya 3:1 hesabı ilə qalib gəldikləri matçdan sonra formasını yerə atıb.
Bir neçə saniyə sonra stadiondakı topdaşıyan uşaqlardan biri formanı yerdən götürüb. İtaliya mətbuatının yazdığına görə, Ronaldo məhz həmin topdaşıyanın xahişi ilə formasını yerə atıb.
Matçdan sonra turinlilərin çalışdırıcısı Andrea Pirlo da bununla bağlı açıqlama verib: “Ronaldo daim qol vurmaq istəyir. Onun əsəbiləşməsi normaldır. Buna görə cəzalanmayacaq”.
Xatırladaq ki, Ronaldo Portuqaliya millisinin heyətində DÇ-2022-nin seçmə mərhələsində Serbiya ilə matçda hakimin onun təmiz qolunu qeydə almadığı üçün əsəbiləşib və kapitanlıq sarğısını yerə çırpmışdı.