 |
|
Rusiyanın məşhur idman saytlarından olan "Sports.ru" milli komandamızın və Polşa "Legiya"sının üzvü Mahir Emrelini erməni futbolçu kimi təqdim edib.
Offsideplus xəbər verir ki, ötən gecə UEFA Avropa Liqasının qrup mərhələsi çərçivəsində Moskva "Spartak"ı ilə "Legiya" arasında keçirilən görüşün (0:1) canlı nəticələrini yayımlayan sayt 24 yaşlı hücumçunu erməni futbolçu kimi qələmə verib.
Qeyd edək ki, Emreli matçın 83-cü dəqiqəsində əvəzlənib.
UEFA Çempionlar Liqasında qrup mərhələsinin ilk turunun birinci oyun gününə yekun vurulub.
Gecənin mərkəzi görüşü İspaniyada "Barselona" və Almaniya "Bavariya"sı arasında keçirilib. Görüş qonaq komandanın böyük hesablı qələbəsi ilə yekunlaşıb - 3:0. Qollardan ikisini 2020-ci ilin ən yaxşı futbolçusu Robert Levandovski vurub.
Kriştianu Ronaldunun qol vurmasına baxmayaraq, hazırkı klubu İngiltərə "Mançester Yunayted"i İsveçrədə "Yanq Boyz"a 1:2 hesabı ilə uduzduğu halda, keçmiş komandası İtaliya "Yuventus"u İsveçdə "Malmö"nü darmadağın edib.
Qitənin ən nüfuzlu klub turnirinin qalibi "Çelsi" İngiltərədə Rusiya "Zenit"ini minimal hesabla yenib.
UEFA Çempionlar Liqası
Qrup mərhələsi, I tur
14 sentyabr
E qrupu
23:00. "Barselona" (İspaniya) - "Bavariya" (Almaniya) - 0:3
Qollar: Tomas Müller, 34. Robert Levandovski, 56; 85
23:00. "Dinamo" (Kiyev, Ukrayna) - "Benfika" (Portuqaliya) - 0:0
F qrupu
20:45. "Yanq Boyz" (İsveçrə) - "Mançester Yunayted" (İngiltərə) - 2:1
Qollar: Nikolas Mumi Nqamalyo, 66. Jordan Sibaço, 90+5 - Kriştianu Ronaldu, 13
Qırmızı vərəqə: Aron Van-Bissaka, 35 ("Mançester Yunayted")
23:00. "Vilyarreal" (İspaniya) - "Atalanta" (İtaliya) - 2:2
Qollar: Manu Trigeros, 39. Arno Qruneveld, 73 - Remo Fröyler, 6. Robin Qosens, 83
Qırmızı vərəqə: Frensis Koklen, 84 ("Vilyarreal")
G qrupu
20:45. "Sevilya" (İspaniya) - "Zaltsburq" (Avstriya) - 1:1
Qollar: İvan Rakitiç 42 (pen.) - Luka Suçiç, 21 (pen.)
Qırmızı vərəqə: Yussef En-Nesiri, 50 ("Sevilya")
23:00. "Lill" (Fransa) - "Volfsburq" (Almaniya) - 0:0
Qırmızı vərəqə: Con Bruks, 63 ("Volfsburq")
H qrupu
23:00. "Çelsi" (İngiltərə) - "Zenit" (Rusiya) - 1:0
Qol: Romelu Lukaku, 69
23:00. "Malmö" (İsveç) - "Yuventus" (İtaliya) - 0:3
Qollar: Aleks Sandro, 23. Paulo Dibala, 45 (pen.). Alvaro Morata, 45+1
Qeyd edək ki, ilk turun digər 8 oyunu sentyabrın 15-də keçiriləcək.
Bu gün UEFA Çempionlar Liqasında qrup mərhələsinə start veriləcək.
4 qrupda 8 qarşılaşma baş tutacaq.
Günün əsas oyunu İspaniyada baş tutacaq. “Barselona” “Bavariya” ilə üz-üzə gələcək.
Çempionlar Liqası
Qrup mərhələsi, 1-ci tur
14 sentyabr
E qrupu
23:00. "Barselona" (İspaniya) - "Bavariya" (Almaniya)
23:00. "Dinamo" (Kiyev, Ukrayna) - "Benfika" (Portuqaliya)
F qrupu
20:45. "Yanq Boyz" (İsveçrə) - "Mançester Yunayted" (İngiltərə)
23:00. "Vilyarreal" (İspaniya) - "Atalanta" (İtaliya),
G qrupu
20:45. "Sevilya" (İspaniya) - "Zaltsburq" (Avstriya)
23:00. "Lill" (Fransa) - "Volfsburq" (Almaniya)
H qrupu
23:00. "Çelsi" (İngiltərə) - "Zenit" (Rusiya)
23:00. "Malmö" (İsveç) - "Yuventus" (İtaliya)
Qeyd edək ki, ilk turun digər 8 oyunu sentyabrın sabah keçiriləcək.
UEFA Konfrans Liqasının qrup mərhələsinin I turundakı "Qarabağ" - "Bazel" (İsveçrə) oyununun stadionu dəyişdirilib.
Yol-xeber.az report-a istinadən xəbər verir ki, matç daha əvvəl nəzərdə tutulduğu kimi Tofiq Bəhramov adına Respublika stadionunda keçirilməyəcək.
Qarşılaşma Bakı Olimpiya Stadionunda oynanılacaq. Buna səbəb Respublika stadionunun ot örtüyünün istənilən səviyyədə olmamasıdır.
Qeyd edək ki, sentyabrın 16-da gerçəkləşəcək "Qarabağ" - "Bazel" görüşü saat 20:45-də başlayacaq.
Rusiyanın Kazan şəhərində keçirilən I MDB Oyunlarında Azərbaycan idmançısı erməni rəqibini məğlub edib.
"Yol-xeber.az" xəbər verir ki, sambo isman növü üzrə 98 kq-da yarışan Rəsul Aydəmirov Ermənistan təmsilçisi Norik Xurşudyanı 8:0 hesabı ilə üstələyib.
R.Aydəmirov final görüşündə isə rusiyalı İosif Siminə məğlub olaraq gümüş medal qazanıb.
“Mən futbolu uşaqlıqdan sevirəm. Çalışıram ki, mühüm oyunlara stadiondan baxım. Dünən də milli komandamızın oyununu stadiondan izlədim”.
"Yol-xeber.az"ın “Report”a istinadən xəbərinə görə, bunu yeni gənclər və idman naziri Fərid Qayıbov deyib.
“Dünənki oyunda çox təəssüf ki, komandamız məğlub oldu. Mən də digər vətəndaşlarımız kimi komandamızın uduzduğuna təəssüflənirəm. İstərdik ki, futbolçularımız daha yaxşı oynasınlar”, - nazir vurğulayıb.
O həmçinin bildirib ki, Azərbaycan futbolu ilə bağlı bir sıra işlər görülüb: “Hesab edirəm ki, bu idman növünün daha da inkişaf etdirilməsi ilə bağlı Futbol Federasiyası ilə işlərimiz olacaq. Onlarla bu sahə ilə bağlı işlər aparmalıyıq”.
Qeyd edək ki, Azərbaycan millisi DÇ-2022-nin seçmə mərhələsində Portuqaliyaya Bakı Olimpiya Stadionunda 0:3 hesabı ilə uduzub.
Azərbaycan millisinin qapıçısı Şahruddin Məhəmmədəliyev Portuqaliyaya uduzduqları 2022-ci il dünya çempionatının seçmə oyunundan sonra üzr istəyib.
"26 yaşlı qolkiper bu barədə instaqram hesabından paylaşım edib.
"Azərbaycan milli komandasının formasını geyinmək mənim üçün böyük şərəfdir. Sizi sevindirə bilmədiyimiz üçün üzr istəyirik", - deyə Məhəmmədəliyev bildirib.
Qeyd edək ki, qarşılaşma Portuqaliyanın 3:0 hesablı qələbəsi ilə yekunlaşıb.
Ötən gün Azərbaycan Respublikasının Gənclər və İdman naziri vəzifəsinə təyin edilən Fərid Qayıbovun ailəsi ilə fotoları yayılıb.
"Yol-xeber.az" xəbər verir ki, şəkillərdə nazirin həyat yoldaşı və övladları yer alıb.
Məlumat üçün bildirək ki, Gənclər və İdman naziri postuna təyin edilən Fərid Qayıbovun iki azyaşlı oğlu və bir qızı var.
Qeyd edək ki, 42 yaşlı Fərid Fazil oğlu Qayıbov Prezident İlham Əliyevin sərəncamı ilə Azərbaycan Respublikasının Gənclər və İdman naziri təyin edilib.
"Bütövlükdə idman sahəsi Azərbaycanda sürətlə inkişaf edibdir və bu gün dünya miqyasında Azərbaycan idman ölkəsi kimi tanınır. Beynəlxalq yarışlarda idmançılarımız yüksək nəticələr göstərirlər. Düzdür, Azərbaycan ictimaiyyəti bizim idman sahəsindəki qələbələrə öyrəşib və əgər biz hansısa nəticəni əldə edə bilmiriksə, əlbəttə ki, məyus olur".
Bunu Azərbaycan Prezidenti İlham Əliyev Fərid Qayıbovu gənclər və idman naziri təyin olunması ilə əlaqədar videoformatda qəbul edərkən deyib.
"Ancaq hamımız bilməliyik ki, idman sahəsində rəqabət kifayət qədər güclüdür və bütövlükdə son illər ərzində idman sahəsində göstərilən nəticələr, əlbəttə, qürurvericidir. İdmançılarımız Dünya, Avropa oyunlarında, digər beynəlxalq yarışlarda bizi sevindirirlər. Son Yay Olimpiya Oyunlarında Rio Olimpiya Oyunları ilə müqayisədə az medal qazansaq da, yenə də hesab edirəm ki, idmançılarımız yaxşı nəticə göstəriblər. Medalların sayına görə Azərbaycan 33-cü yeri, Avropa ölkələri arasında 20-ci, müsəlman ölkələri arasında isə 4-cü yeri tutub. Düzdür, idmançılarımız bu dəfə qızıl medal qazana bilmədilər, amma ona çox yaxın idilər. Amma yenə də deyirəm, idmanda məğlubiyyətlər də olur, qələbələr də olur. Bütövlükdə idman sahəsində əldə edilmiş nəticələr çox müsbətdir. Paralimpiyaçılarımız bizi çox sevindirib və böyük məharət, peşəkarlıq, fədakarlıq göstərərək çoxlu medallar, o cümlədən bir çox qızıl medallar qazanıblar. Əlbəttə ki, bu da çox önəmli hadisədir və biz haqlı olaraq paralimpiyaçılarımızla fəxr edirik", - Prezident vurğulayıb.
Rusiyanın Kazan şəhərində keçirilən I MDB Oyunlarında bu gün Azərbaycan idmançıları 7 idman növü üzrə mübarizə aparacaq.
Yol-xeber.az report-a istinadən xəbər verir ki, stolüstü tennis, güllə atıcılığı, sambo, badminton və futzal növlərində ölkə təmsilçiləri ilk dəfə səhnəyə çıxacaqlar.
Stolüstü tennisçilər qrup mərhələsində 3 görüş keçirəcəklər.
Güllə atıcısı Xanna Əliyeva qızlar arasında 10 m məsafəyə pnevmatik tapançadan atəş açma yarışına qatılacaq. O, təsnifat mərhələsindən keçəcəyi təqdirdə, bu gün finalda da iştirak edəcək.
Eyni zamanda Azərbaycanın 7 samboçusu mübarizə aparacaq.
Badminton növündə komandalar qrup mərhələsinin görüşlərini keçirəcəklər.
Azərbaycanın futzal yığması isə Belarusla qrup mərhələsinin oyununda üz-üzə gələcək.
Stend atıcısı Cavid Həsənov dairəvi stenddə çıxışlarını davam etdirəcək. O, təsnifat mərhələsinin yekununda finala vəsiqə qazansa, elə bu gün həlledici qarşılaşmada iştirak edəcək.
Tayboksda isə Əli Əliyev (60 kq), Məhər Əsədzadə (63,5 kq) və Rəvan Ağazadənin (67 kq) iştirakı ilə yarımfinal görüşləri olacaq.
I MDB Oyunları
7 sentyabr
Stend atıcılığı
Keçirilmə yeri: "Sviyaqa" Stend Atıcılığı Kompleksi
Cavid Həsənov
10:00 - 12:00. Təsnifat mərhələsi
15:30 - 16:00. Final
Stolüstü tennis
Keçirilmə yeri: "Boks və stolüstü tennis Mərkəzi" İdman Kompleksi
Qrup mərhələsi – I Tur
11:00 - 14:00. Komanda yarışları
Qrup mərhələsi – II Tur
14:00 - 17:00. Komanda yarışları
Qrup mərhələsi – III Tur
17:00 - 20:00. Komanda yarışları
Güllə atıcılığı
Keçirilmə yeri: "Dinamo" İdman Mərkəzi
10 m məsafəyə pnevmatik tapançadan atəş – qızlar
Xanna Əliyeva
11:00 - 12:15. Təsnifat mərhələsi
13:15 - 14:00. Final
Sambo
Keçirilmə yeri: "Ak Bars" Döyüş Növləri Sarayı
11:00 - 15:00. Təsnifat mərhələsi
Adil Adilzadə
Rəsul Aydəmirov
Elvin Bağırov
Kamran Qasımov
Nihat Məmmədli
Ağani Məmmədov
Toğrul Salmanov
15:00 - 17:00. Final
Badminton
Keçirilmə yeri: "Badminton Mərkəzi" Universal İdman Mərkəzi
Komanda yarışları
11:30 - 15:30. Qrup mərhələsi – I Tur
15:30 - 19:30. Qrup mərhələsi – II Tur
19:30 - 22:30. Qrup mərhələsi – III Tur
Futzal
Keçirilmə yeri: "Miras" İdman Təlim Mərkəzi
Qrup mərhələsi
14:00 - 16:00. Azərbaycan – Belarus
Tayboks
Keçirilmə yeri: "Tulpar" Universal İdman Kompleksi
16:00 - 21:00. 1/2 final
60 kq. Əliyev Əli
63,5 kq. Məhər Əsədzadə
67 kq. Rəvan Ağazadə.