 |
|
Azərbaycanda keçiriləcək AVRO-2020-nin qrup oyunlarına gələcək azarkeşlər koronavirus pandemiyası səbəbindən karantinə alınmayacaq.
"Yol-xeber.az" xəbər verir ki, bu barədə Uels mətbuatına AFFA-dan məlumat verilib.
Qurum öz komandalarını dəstəkləmək üçün Bakıya gələcək qonaqların karantindən azad edildiyini açıqlayıb. Türkiyə, İsveçrə və Böyük Britaniyadan olan bilet sahibləri, həmçinin 1/4 final iştirakçılarının azarkeşləri vizaları Bakıya çatarkən hava limanında əldə edəcək. Onlar bu sənədi onlayn şəkildə də ala bilərlər. Standart vizalar onlayn rejimdə üç iş gününə alınırsa, bunu təcili şəkildə 3-5 saata həll etmək olacaq.
Bütün azarkeşlərə müvafiq qaydalara əməl etmək tövsiyə olunacaq. Azarkeşlər ölkəyə daxil olarkən sərhəddə bileti və koronavirus testinin mənfi nəticə göstərdiyini təsdiqləyən sənədi göstərməlidir. Stadiona giriş üçün əlavə testə ehtiyac olmayacaq.
Koronavirus pandemiyası nəzərə alınaraq Bakıda fanzonalar təşkil edilməyəcək. Bu, insanların bir yerə toplaşmaması üçündür.
Türkiyə milli komandasının baş məşqçisi Şenol Güneş Avropa çempionatı üçün yekun heyəti açıqlayıb.
"69 yaşlı mütəxəssis təlim-məşq toplanışına çağırdığı oyunçulardan 4-nü "26-lığ"a daxil etməyib. Avropa çempionatında qapıçı Gökhan Akkan ("Rizespor"), yarımmüdafiəçi Mahmut Tekdemir (“Başakşehir”), hücumçu Efecan Karaca (“Alanyaspor”) və Halil Akbunar (“Göztepe”) aparılmayacaq.
Türkiyə millisinin yekun heyəti:
Qapıçılar: Mert Günok (“Başakşehir”), Uğurcan Çakır (“Trabzonspor”), Altay Bayındır (“Fənərbağça”)
Müdafiəçilər: Zeki Çelik (“Lill”, Fransa), Mert Müldür (“Sassuolo”, İtaliya), Merih Demiral (“Yuventus”, İtaliya), Ozan Kabak (“Liverpul”, İngiltərə), Çağlar Söyüncü (“Lester”, İngiltərə), Kaan Ayhan ("Sassuolo", İtaliya), Umut Meraş (“Havr”, Fransa), Rıdvan Yılmaz (“Beşiktaş”)
Yarımmüdafiəçilər: Taylan Antalyalı (“Qalatasaray”), Dorukhan Toköz (“Beşiktaş”), Okay Yokuşlu (“Vest Bromviç” İngiltərə), Ozan Tufan ("Fənərbağça), Orkun Kökçü (“Feyenord” Niderland), Yusuf Yazıcı (“Lill”, Fransa), İrfan Can Kahveci (“Fənərbağça”), Hakan Çalhanoğlu (“Milan”, İtaliya)
Hücumçular: Cengiz Ünder (“Lester”, İngiltərə), Abdülkadir Ömür (“Trabzonspor”), Kerem Aktürkoğlu ("Qalatasaray"), Burak Yılmaz (“Lill”, Fransa), Enes Ünal (“Xetafe”, İspaniya), Kenan Karaman (“Fortuna”, Almaniya), Halil İbrahim Dervişoğlu (“Qalatasaray”).
Qeyd edək ki, AVRO-2020 bu il iyunun 11-dən iyulun 11-dək keçirilməlidir. Təqvimə əsasən, Bakı Olimpiya Stadionu A qrupunun iyunun 12-də İsveçrə – Uels, iyunun 16-da Türkiyə – Uels və iyunun 20-də Türkiyə – İsveçrə qarşılaşmalarına, eləcə də 1/4 final mərhələsinin iyulun 3-də keçiriləcək 1 oyununa ev sahibliyi etməlidir.
Milanın “İnter” klubu komandanı A Seriyasının çempionu edən baş məşqçi Antonio Konte ilə qarşılıqlı razılıq əsasında yollarını ayırdığını açıqlayıb.
"Bununla bağlı klub rəsmi açıqlama yayıb.
Bundan əlavə, “SKY İtalia” xəbər verir ki, razılaşmaya əsasən, Konte 7 milyon avro təzminat alacaq.
Onun yerinə əsas namizəd kimi “Yuventus”un keçmiş çalışdırıcısı Maksimiliano Alleqri və hazırda “Latsio”nun sükanı arxasında olan Simone İndzaqinin adı hallanır.
Avropa Liqasında 2020/21 mövsümünə yekun vurulub.
"Qitənin ikinci dərəcəli klub turnirinin final matçı Polşanın Qdansk şəhərində baş tutub.
Həlledici görüşdə İspaniyanın “Vilyarreal” və İngiltərənin “Mançester Yunayted” klubları üz-üzə gəlib. Matçın əsas və əlavə vaxtı qalibi müəyyənləşdirməyib.
Unay Emerinin yetirmələri ilk yarıda hesabı açsalar da, İngiltərə təmsilçisi fasilədən sonra hesabda tarazlıq yaradıb. Əlavə vaxtda nə ispaniyalılar, nə də Ole-Qunnar Sulşerin yetirmələri fərqlənib.
Kubokun sahibi oyunsonrası penaltilər seriyasında müəyyənləşib. Daha dəqiq olan "Vilyarreal" turnirin qalibi olub.
Qeyd edək ki, tarixində ilk dəfə titul qazanan “Vilyarreal” bu qələbə ilə həm növbəti mövsüm Çempionlar Liqasının qrup mərhələsinə, həm də Superkubok matçına vəsiqə qazanıb.
Şahmat üzrə dünya çempionu Maqnus Karlsenin təşkil etdiyi Çempionlar Turunun VI mərhələsində bu gün təsnifat mərhələsinin son görüşləri keçiriləcək.
"Yol-xeber.az" xəbər verir ki, "The FTX Crypto Cup"un üçüncü yarış günündə daha 5 tur oynanılacaq.
Azərbaycan şahmatçılarından Şəhriyar Məmmədyarov argentinalı Alan Piçot, çinli Dinq Liren və rusiyalı Daniil Dubovla qara, niderlandlı Aniş Giri və daha bir rusiyalı Aleksandr Qrişukla ağ fiqurlarla qarşılaşacaq.
Teymur Rəcəbov isə Giri, Qrişuk və Karlsenlə qara, Liren və Dubovla ağ fiqurlarla üz-üzə gələcək.
10 turdan sonra Rəcəbov ABŞ təmsilçiləri Fabiano Karuana və Hikaru Nakamura ilə birgə hərəyə 6,5 xalla ilk 3 yeri bölüşür. Məmmədyarov isə 5 xalla 10-cu pillədə gedir.
XI tur
Alan Piçot (Argentina) - Şəhriyar Məmmədyarov
Aniş Giri (Niderland) - Teymur Rəcəbov
XII tur
Teymur Rəcəbov - Dinq Liren (Çin)
Şəhriyar Məmmədyarov - Aniş Giri (Niderland)
XIII tur
Dinq Liren (Çin) - Şəhriyar Məmmədyarov
Aleksandr Qrişuk (Rusiya) - Teymur Rəcəbov
XIV tur
Teymur Rəcəbov - Daniil Dubov (Rusiya)
Şəhriyar Məmmədyarov - Aleksandr Qrişuk (Rusiya)
XV tur
Daniil Dubov (Rusiya) - Şəhriyar Məmmədyarov
Maqnus Karlsen (Norveç) - Teymur Rəcəbov
Qeyd edək ki, yarış 23 - 31 mayda gerçəkləşəcək. Turnirin mükafat fondu 220 min ABŞ dolları və 100 min dollar məbləğində bitkoin bonusdur.
"Formula 1" üzrə Azərbaycan Qran-prisi ilə əlaqədar Bakının mərkəzi yolları bir həftə bağlı olacaq.
""Report" xəbər verir ki, bu barədə Bakı Şəhər Halqası Əməliyyat Şirkətinin İctimaiyyətlə Əlaqələr Şöbəsinin müdiri Ayan Nəcəf-Ağayeva açıqlama verib.
O bildirib ki, hələlik yollar tam bağlanmayıb: "Hər il olduğu kimi yolların bir həftə bağlı olacağı gözlənilir".
Qeyd edək ki, Azərbaycan Qran-prisi 4 - 6 iyunda keçiriləcək.
Rusiya Karate Federasiyasının vitse-prezidenti, karate üzrə SSRİ çempionu Viktor Xan 14-cü dəfə Avropa çempionatında finala çıxan Rafael Ağayevi tərifləyib.
"O, azərbaycanlı dostuna göndərdiyi videoda bundan bəhs edib.
“Azərbaycanın üç karateçisinin finala çıxması çox yaxşı nəticədir. Rafael Ağayevin dünənki döyüşləri dərsliklərə düşməlidir. Gənc karateçilər bundan faydalanmalıdır. O, həqiqətən dünya karatesinin “brilyantı”dır. Unikal idmançıdır. Onun zədəsi vardı, amma belə gözəl döyüşə görə əhsən düşür”.
Qeyd edək ki, Rafael Ağayev Xorvatiyanın Poreç şəhərində keçirilən Avropa çempionatının finalında iki il əvvəl Avropa Oyunlarının finalında məğlub olduğu Stanislav Qoruna (Ukrayna) ilə qarşılaşacaq. Bu görüş mayın 22-də olacaq.
36 yaşlı Rafael qalib gələcəyi halda, 12-ci dəfə öz çəkisində Avropanın ən güclü karateçisi olacaq.
“Yuventus”- "Atalanta" oyunundakı qalibiyyətindən sonra “Yuventus”un türk əsilli oyunçusu Merih Demiral İnstaqramda canlı yayım açıb.
“ Türkiyə mətbuatı xəbər verir ki, oyunçu Kristiano Ronaldodan türkcə söz söyləməsini istəyib.
Ulduz futbolçu isə türkcə söyüş işlədib.
M.Demiral gülərək canlı yayımda Ronaldodan uzaqlaşıb.
Qeyd edək ki, “Yuventus”- "Atalanta" oyunu 2:1 hesabla başa çatıb.
Sözügedən görüntüləri təqdim edirik:
"Real" bu mövsüm baş məşqçi Zinədin Zidan və bir çox futbolçusu ilə yollarını ayıra bilər.
Offsideplus.az xəbər verir ki, "Kral klubu" 10 oyunçusunu satmağı planlaşdırır. Onların arasında, Eden Hazard, Qaret Beyl, Rafael Varan, Marko Asensio, Marselo, Yuka Yoviç, Mariano Diaz, Mayoral və Dani Sebalyos var.
Bu futbolçulardan Rafael Varan ilə "Mançester Yunayted", "Çelsi", PSJ kimi Avropa nəhəngləri yaxından maraqlanır.
Satışlardan əldə edilən gəlir ilə "Real" yeni transferlər və oyunçuları ilə yeni müqavilələr imzalamağı düşünür.
Xocalı Futbol Klubu səhifəsində yeniyetmə üzvlərinin enerji içkisi içdiyini əks etdirən foto paylaşıb.
Səhifədə həmçinin enerji içkisinin adı işarələnib.
Sözügedən foto sosial şəbəkələrdə ciddi müzakirələrə səbəb olub.
İdman jurnalistləri və xeyli sayda insan azyaşlılara enerji içkisinin paylanılmasına və bundan reklam xarakterlki istifadə edilməsinə görə klubu tənqid edib.
Xocalı FK-nın Ölkə.Az-a açıqlamasında bildirildi ki, fotoda olan uşaqlara energetik içkiləri valideynləri alıb:
“Bizdə valideynlər oyundan sonra uşaqlara enerji içkisi alıblar və bunun da fotosunu çəkiblər. Klubun əməkdaşları da qadınlar olduğuna görə bunu bilmədən paylaşıblar. Biz klub olaraq heç vaxt uşaqlarımıza enerki içkisi təklif etmirik. Bunun ictimailəşdirilməsindən klubun prezidentinin və əməkdaşlarının xəbəri olmayıb”.
Çoxsaylı tənqidlərdən sonra paylaşım səhifədən silinib.
Xatırladaq ki, Xocalı FK 2019-cu ilin 20 noyabrında yaradılıb.
