- Xəta
-
- Komponent yüklənərkən xəta: com_users, 1
 |
|
"Legiya"nın baş məşqçisi Çeslav Mixneviç Çexiyanın "Slaviya" (Praqa) klubu ilə keçirəcəkləri Avropa Liqasının pley-off mərhələsinin cavab oyunundan öncə mətbuat konfransı keçirib.
Fanat.az xəbər verir ki, Polşa klubunun çalışdırıcısı Azərbaycan millisinin üzvü Mahir Emrelidən də danışıb. Mütəxəssis bildirib ki, Emreli "Slaviya" matçında ilk dəqiqələrdən meydanda ola bilər:
"Mahir "Budo Qlimt"ə qarşı Çempionlar Liqası oyunundan öncə də mənimlə mətbuat konfransında idi. O, bizim maskotumuzdur. "Slaviya" matçında start heyətində ola bilər. Emreli bunun üçün hər şeyi edir və deyərdim ki, şansı yüksəkdir. Lakin hazırda start heyəti ilə bağlı 2 şübhəli məqam var. Birincisi, müdafiənin mərkəzində və cinahlarında oynaya bilən Artur Yendjeyçikin heyətə daxil edilməsidir. Digər sual işarəsi isə Bartoş Slişlə əlaqədardır. O oynamasa, meydana kim çıxmalıdır? Bütün suallara oyun günü aydınlıq gələcək".
Qeyd edək ki, bu gün oynanılacaq "Legiya" - "Slaviya" matçı Bakı vaxtı ilə saat 23:00-da başlayacaq. İlk görüşdə 2:2 hesablı heç-heçə qeydə alınıb.
PSJ klubunun sahibi Təmim bin Həmad Əl-Taninin qardaşı Xəlifə Messi və Ronaldunun komandanın formasında birgə fotosunu dərc edib.
"Ölkə.az" xəbər verir ki, o, özünün “Twitter” səhifəsindəki paylaşımına “Bəlkə?” yazaraq qeyd edib.
Xatırladaq ki, Xəlifə bin Həmad Əl-Tani Messi ilə razılaşma barədə də öncədən xəbər vermişdi.
Danimarkada keçirilən "Vendsissel FF" - "Frederisia" matçına baş hakim Nils Heer damğa vurub.
Fanat.az xəbər verir ki, oyunu davam etdirməli olduğu epizodda səhvən fit çalan və hücumu dayandıran referi buna görə çox peşiman olub. Bundan sonra diz üstə çökən Nils Heer səhvinə görə ağlayıb.
Verdiyi qərara görə özünü günahkar sayan hakim futbolçulardan üzr istəyib.
Fransada futbol Birinci Liqada gərgin anlar yaşanıb.
"Nitsa" - "Marsel" oyununda qonaqların futbolçusu Dmitri Payet azarkeşlərin ona atdığı butulkanı geri qaytarıb. Nəticədə fanatlar daha da qəzəblənib və gərginlik artıb.
Baş verənlərdən sonra "Marsel" futbolçuları meydançaya çıxmaq istəməyib.
Bununla qonaq komandanı 0:3 hesablı texniki məğlubiyyət gözləyir.
Tokio-2020 Yay Paralimpiya Oyunlarında koronavirusa yoluxan şəxslərin sayı açıqlanıb.
"Report xəbər verir ki, indiyədək 101 nəfərin testi müsbət çıxıb, onlardan 67-si işçilərdir.
Təşkilatçılar infeksiya statistikasını avqustun 12-dən toplamağa başlayıb.
Qeyd edək ki, paralimpiada 24 avqust - 5 sentyabrda keçiriləcək. Azərbaycanın 36 idmançısı 9 idman növündə, 47 proqramda mübarizə aparacaq.
Azərbaycan paralimpiya komandası Tokio-2020 Yay Paralimpiya Oyunları üçün Yaponiyaya yollanıb.
"Yol-xeber.az" xəbər verir ki, Heydər Əliyev Beynəlxalq Hava Limanında idmançıları Gənclər və İdman Nazirliyi İdman şöbəsinin müdiri Fərid Mansurov, Milli Paralimpiya Komitəsinin prezidenti İlqar Rəhimov, Bakı şəhər Gənclər və İdman Baş İdarəsinin rəisi Raqif Abbasov, Vətən müharibəsi iştirakçıları, qazilər və idman ictimaiyyətinin nümayəndələri yola salıb.
Qeyd edək ki, paralimpiada 24 avqust - 5 sentyabrda keçiriləcək. Azərbaycanın 36 idmançısı 9 idman növündə, 47 proqramda mübarizə aparacaq.
UEFA Azərbaycan klublarına Çempionlar Liqası və Konfrans Liqasının 2021/2022 mövsümünün təsnifat mərhələsində iştirakı ilə əlaqədar ödəniş edib.
Vəsait AFFA-nın vasitəçiliyi ilə klubların hesabına köçürülüb.
"Neftçi" Çempionlar Liqasında iştirak üçün 200 min avro əldə edib. "Keşlə" və "Sumqayıt" Konfrans Liqasına görə 450 min avro, "Qarabağ" isə eyni turnirə qatıldığı üçün 100 min avro alıb.
Qeyd edək ki, bu komandalardan yalnız "Qarabağ" və "Neftçi" Konfrans Liqasında mübarizəyə davam edir.
Ağdam təmsilçisi pley-offda Şotlandiyanın "Aberdin", paytaxt klubu isə İsrailin "Makkabi" (Hayfa) komandası ilə üz-üzə gələcək.
Amerikalı məşhur boksçu Məhəmməd Əlinin nəvəsi Niko Əli Uolş peşəkar karyerasında ilk döyüşündə qalib gəlib.
21 yaşlı boksçu rəqibini 70 saniyəyə nokauta salıb.
“Top Rank Inc”in rəhbəri Bob Arum Məhəmməd Əlinin nəvəsinin çıxışını yüksək qiymətləndirib:
“Əla çıxış etdi. Babası nəvəsi ilə fəxr edə bilərdi”, - deyə o vurğulayıb.
UFC çempionu Həbib Nurməhəmmədov uşaqlıq arzusunu reallaşdırıb.
Fanat.az xəbər verir ki, dağıstanlı döyüşçü peşəkar futbola başlayıb. Belə ki, Həbib Rusiyanın 3-cü liqasında çıxış edən "Legion Dinamo" (Mahaçqala) klubu ilə müqavilə bağlayıb. Onun komanda ilə məşqlərə başlayacağı bildirilir.
Qeyd edək ki, Nurməhəmmədov daha öncə verdiyi açıqlamada peşəkar şəkildə futbolla məşğul olmaq istədiyini bildirmişdi: "Peşəkar futbolçu olmaq mənim uşaqlıq arzumdur. Futbol bütün idman növlərinin kralıdır. Futbolçu olmaq üçün kimlərə danışmamışam ki? Bunu necə edə biləcəyimlə bağlı Kriştianu Ronaldu, PSJ prezidenti Nasir Əl Xəlifə, UEFA prezidenti Aleksander Ceferinlə danışmışam. Moskva "Spartak"ında məşqlərə çıxmışam. "Spartak" yaxşı komandadır, amma mənim arzum "Real Madrid"dir. Baxdığım ilk matç "Real Madrid"in oyunu olub. 1998-ci ildə Çempionlar Liqasının finalında Miyatoviçin vurduğu qolu hələ də unutmamışam".
Bu gün futbol üzrə Azərbaycan Premyer Liqasında 2021/22 mövsümünə start veriləcək.
“Yol-xeber.az” xəbər verir ki, mövsümün və 1-ci turun ilk oyun günündə iki qarşılaşma baş tutacaq.
Əvvəlcə “Sabah” və “Səbail” komandaları üz-üzə gələcək. Bu matç Masazırda keçiriləcək.
Günün digər matçında isə “Keşlə” və “Sumqayıt” qarşılaşacaq.
Azərbaycan Premyer Liqası
1-ci tur
14 avqust
18:30. “Sabah” – “Səbail”
Hakimlər: Rəşad Əhmədov, Rahil Ramazanov, Eyyub İbrahimov, Fərid Hacıyev.
Masazır. “Bank Respublika Arena”.
20:30. “Keşlə” – “Sumqayıt”
Hakimlər: Kamal Umudlu, Müslüm Əliyev, Kamran Bayramov, Vüqar Həsənli.
Bakı. “ASK Arena”.