 |
|
Şuşa şəhərində yeni isitmə və isti su qazanxanaları tikiləcək.
“Yol-xeber.az” xəbər verir ki, bu barədə işğaldan azad edilmiş ərazilərdə məsələlərin mərkəzləşdirilmiş qaydada həlli məqsədilə yaradılmış Əlaqələndirmə Qərargahının nəzdində fəaliyyət göstərən İdarələrarası Mərkəzin “Enerji təminatı məsələləri” İşçi Qrupunun iyirminci iclasında məlumat verilib.
Məlumata görə, artıq növbəti istilik mövsümündə Şuşa şəhəri istilik və isti su ilə təmin ediləcək.
Oclasda həmçinin bu istiqamətdə qarşıda duran vəzifələr, atılacaq növbəti addımlar və planlar haqqında məlumat verilib.
İstilik mövsümü hər il noyanrın 15-də başlayır, növbəti il aprelin 15-də bitir.
"Bakı Metropoliteni" QSC Rusiyadan Azərbaycana gətirilən yeni qatarların yolda vandalizmə məruz qalması və geri qaytarılması barədə sosial şəbəkələrdə yayılmış məlumatlara münasibət bildirib.
Qurumdan "Yol-xeber.az"a verilən açıqlamada deyilir ki, 4 qatar Bakıya yola salınmazdan əvvəl metronun nümayəndələri onların texniki şərtlərə uyğun istehsal olunub - olunmadığını təftiş edib.
Hər hansı problem aşkar edilmədiyi üçün qatarlar səfərə hazırlanıb. İyunun 29-da 2 qatar, iyunun 30-da isə daha 2 qatar ölkəmizə yola salınıb. Hazırda qatarlar yoldadır və onlarla bağlı problem yoxdur. Ümumiyyətlə isə, qatarların saz vəziyyətdə çatdırılmasının məsuliyyəti istehsalçı müəssisənin üzərinə düşür. Qatarlar Bakıya çatdıqda və “Nərimanov” elektrik deposuna daxil olduqda ictimaiyyətə əlavə məlumat veriləcək. Bu, həmişə belə olub və bu dəfə də belə olacaq.
“Azərbaycan və Türkiyə arasında beynəlxalq avtomobil daşımaları haqqında Saziş”in şərtlərinə əsasən, İstanbulda Azərbaycan – Türkiyə Qarışıq Komissiyasının növbəti iclası keçirilib.
"Bu barədə Nəqliyyat, Rabitə və Yüksək Texnologiyalar Nazirliyi məlumat yayıb.
Məlumata görə, iclasda iki ölkə arasında beynəlxalq avtomobil daşımaları sahəsində mövcud vəziyyət müzakirə edilib, "İcazə" blanklarının istifadəsi ilə bağlı statistik məlumatların mübadiləsi, yük və sərnişin daşımaları zamanı avtodaşıyıcıların qarşılaşdığı problemlər, onların həlli yolları haqqında fikir mübadiləsi aparılıb.
Naxçıvan MR-in avtodaşıyıcılarının Türkiyə ərazisi ilə Gürcüstana və digər ölkələrə səfəri zamanı əlverişli şəraitin yaradılması, türk daşıyıcılarının muxtar respublika ərazisindən tranzit hərəkət imkanları və Azərbaycan üzərindən Xəzər dənizi vasitəsilə tranzit keçməklə Orta Asiyaya daşımaları həyata keçirərkən xərclərinin optimallaşdırılması müzakirə edilib.
Pandemiya zamanı bəzi ölkələrin sərhəd-keçid məntəqələrində yaranan məhdudiyyətlər, Türkiyə daşıyıcılarının Azərbaycan ərazisindən tranzit keçidinə ehtiyacının artması və ticari-iqtisadi əlaqələrin genişlənməsi nəzərə alınaraq, beynəlxalq daşımalar üçün istifadə olunan "İcazə" blanklarının kvota sayı mövcud ehtiyaca uyğunlaşdırılıb.
Tərəflər arasında Şərq-Qərb istiqamətindəki yükdaşımaların asanlaşdırılması ilə bağlı müxtəlif platformalardakı layihələrdə birgə fəaliyyət istiqamətləri razılaşdırılıb və bu sahədə ölkəmizin daşıyıcılarının rolunun artırılması üzrə əməkdaşlığın genişləndirilməsinin vacibliyi vurğulanıb.
İclasda "Bakı – İstanbul – Bakı" marşrutu üzrə sərnişin daşınmasının “COVID-19” pandemiyası ilə əlaqədar dayandırılması və karantin şərtlərinin yumşaldılması ilə əlaqədar bərpa edilməsinin mümkünlüyü barəsində də fikir mübadiləsi aparılıb.
Yekunda perspektivlər və digər aktual məsələlərə dair müvafiq Protokol imzalanıb.
Dünya bazarında "Azeri Light" (CIF) markalı neftin qiyməti azalıb.
"Yol-xeber.az"ın məlumatına görə, Azərbaycan neftinin 1 barelə olan qiyməti 0,1 ABŞ dolları və ya 0,13% azalaraq 75,95 dollar təşkil edib.
Azərbaycanın işğaldan azad edilən ərazilərində məsələlərin mərkəzləşdirilmiş qaydada həlli ilə bağlı yaradılmış Əlaqələndirmə Qərargahı nəzdində fəaliyyət göstərən İdarələrarası Mərkəzin İqtisadi Məsələlər işçi qrupun növbəti iclasında Əlaqələndirmə Qərargahının təsdiq etdiyi Strateji Fəaliyyət Planında nəzərdə tutulmuş tədbirlərin icrası məqsədilə İqtisadiyyat Nazirliyi tərəfindən görülən işlər barədə sözügedən nazirliyin rəsmisi hesabatı dinlənilib.
"Hesabatda qeyd edilib ki, ötən dövr ərzində Cəbrayıl, Füzuli, Qubadlı, Zəngilan, Ağdam, Xocavənd, Tərtər, Şuşa, Xocalı və Kəlbəcər rayonları üzrə cəmi 13 307 daşınmaz əmlakın (10 483 ədəd tikili və 2 824 ədəd infrastruktur obyekti) çöl inventarlaşdırma işləri tamamlanıb.
1 525 km avtomobil yolunun, 292 km elektrik verilişi xəttinin, 45 km qaz təchizatı xəttinin, 19 km su təchizatı xəttinin, 249 km suvarma şəbəkəsinin ilkin inventarlaşdırılması başa çatdırılıb. Bundan əlavə 533 000 ha torpaq sahəsi ortofoto xəritələr əsasında vektorlaşdırılaraq elektron məlumat bazasına daxil edilib.
Həmçinin 10 rayon üzrə 177 yaşayış məntəqəsində daşınmaz əmlakın ilkin inventarlaşdırma işləri yekunlaşıb, 2 yaşayış məntəqəsində işlər davam etdirilərək, 409 yaşayış məntəqəsinin tamamilə dağıdılıb yararsız hala gətirildiyi müəyyən edilib.
Dünya birjalarında neft qiymətləri artıb.
ICE London qitələrarası birjasında "Brent" markalı neftin qiyməti 0,37 dollar və ya 0,49% artaraq 75,13 dollar olub.
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində "WTI" neftinin qiyməti 0,10 dollar və ya 0,14% artaraq 73,57 dollar təşkil edib.
“Biz 30 ilə yaxın işğal altında saxlanılan torpaqlarımızın azad edilməsinin şahidi olduq. Sözsüz ki, həmin ərazilərdə müşahidə etdiyimiz mənzərə XXI əsrin, bütövlükdə isə bəşəri dəyərlərlə üst-üstə düşmür”.
“Bunu Qarabağ Dirçəliş Fondunun Müşahidə Şurasının sədri, iqtisadiyyat naziri Mikayıl Cabbarov qurumun “Karabakh.Center” layihəsinin təqdimat mərasimində çıxışı zamanı deyib.
Onun sözlərinə görə, “Karabakh.Center” layihəsi Birinci vitse-prezident Mehriban Əliyevanın təşəbbüsü ilə həyata keçirilib: “Bu layihə imkan verir ki, biz mövcud vəziyyəti gözümüzün qarşısına gətirək. Biz işğaldan azad edilmiş ərazilərdə abidələrimizin bərpa edilməsinin şahidi olacağıq. Artıq Prezident İlham Əliyevin tapşırığına əsasən, bu istiqamətdə işlərə başlanılıb”.
Azəbaycan Avtomobil Yolları Dövlət Agentliyin (AAYDA) 2020-ci ildə əsas fəaliyyətdən gəliri ƏDV nəzərə alınmamaqla 1 105,651 mln manat olub.
“Yol-xeber.az”ın məlumatına görə, bu, ötən ilin eyni dövrü ilə müqayisədə 1,8% çoxdur.
Agentliyin əlavə dəyər vergisi 150,089 mln manat təşkil edib, sair gəliri isə olmayıb.
2020-ci ildə Agentliyin xərci 1 105,651 mln manat olub. Bu da ötən ilin yekunu ilə müqayisədə 1,8% çoxdur.
Agentlik üzrə 2020-ci ildə alınan gəlir tam xərcləndiyindən balans üzrə mənfəət və zərər olmayıb.
AAYDA 2019-cu ildə isə 1,230 min manat mənfəət əldə etmiş, mənfəətdən ilə 246 manat mənfəət vergisi hesablanmış və agentliyin sərəncamında 984,32 manat sərbəst mənfəət qalmışdı.
Qeyd edək ki, qurumun əlavə kapitalına 8 854,958 mln manat daxil olub, 1 076,040 mln manat xərclənib və nəticədə əlavə kapital 19 870,821 mln manat olub. Ehtiyat kapitalı isə 1,830 mln daxil olub, 1,740 mln manat xərclənib və 29,977 mln manat təşkil edib. Büdcədən məqsədli maaliyyələşmə və daxilolmalar 2020-ci il üzrə 300 mlnm manat, sahələr və sahələrarası büdcədənkənar fondlardan məqsədli maliyyələşmə və daxilolmalar isə 4,684 manat olub və tam olaraq xərclənib. Yığım fondundan isə 3,902 min manat xərclənib və 9,948 mln manat təşkil edib. Qurumun nizamnamə kapitalı isə 713 mln manat olub.
Bu gün Bakı sərnişin stansiyasına daxil olmaq istəyən qatarlar yolda qalıb.
"Azərbaycan Dəmir Yolları" QSC-dən "Yol-xeber.az"a verilən məlumata görə, buna səbəb güclü küləyin törətdiyi fəsad olub.
"Güclü külək Bakı Sərnişin Stansiyasının yaxınlığında iri gövdəli ağacı aşıraraq həm kontakt şəbəkəni qırıb, həm də dəmir yolunu bağlayıb. Hazırda bir xəttdən istifadə olunduğu üçün Sumqayıt istiqamətindən Bakıya gələn qatarlarda gecikmə müşahidə edilir", - deyə qurum qeyd edib.
Qurum nümayəndəsi fəlakətin fəsadlarının aradan qaldırılması istiqamətində iş aparıldığını deyib.
Qeyd edək ki, qatarların hadisə səbəbindən 30-35 dəqiqə gecikdiyi deyilir.
“Bakı Metropoliteni” QSC 2020-ci ili 83,543 mln manat xalis zərərlə başa vurub.
“Yol-xeber.az”ın məlumatına görə, 2019-cu ilin yekunu ilə müqayisədə QSC-nin zərərində 28,5 mln manat və ya 51,7% artım müşahidə olunub. Qurumun əməliyyat zərəri də 55,543 mln manat təşkil edib.
Sərnişindaşımadan gəlirləri 3 dəfədən çox azalıb
Metropolitenin 2020-ci il ərzində sərnişindaşımadan gəlirləri 3 dəfədən çox azalaraq 21,623 mln manata düşüb. Büdcədən subsidiya isə illik müqayisədə 37% artaraq 67,679 mln manat olub, sair əməliyyat gəlirləri isə 38% azalaraq 3,534 mln manat olub.
Qurumun istifadə edilmiş neft məhsulları üzrə xərci 679,720 min manat, material ehtiyatları xərcləri 4,928 mln manat, istifadə edilmiş elektrik enerjisi 6,628 mln manat, istifadə edilmiş qaz xərcləri 167,655 min manat, istifadə edilmiş su, çirkab su və qrunt suları üzrə xərcləri 4,156 mln manat olub.
İşçi heyəti üzrə xərcləri isə 3,1% azalaraq 44,660 mln manat təşkil edib.
“Bakı Metropoliteni” QSC ötən ilin yekununda cəmi aktivləri illik müqayisədə 2,5% artaraq 2 513,284 mln manat, cəmi öhdəlikləri isə 9% artaraq 58,917 mln manat təşkil edib.
Yığılmış zərəri 565 milyon manatı ötüb
İl ərzində nizamnamə kapitalı 140,198 mln manat artaraq 3 019,606 mln manata çatdırılan qurumun bölüşdürülməmiş zərəri isə illik müqayisədə 17,3% artaraq 565,240 mln manat olub.
Nəticədə, qurumun cəmi kapitalı 2,4% artaraq 2 454,367 mln manat təşkil edib.