 |
|
Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzi və “AzPul” MMC bank olmayan kredit təşkilatı (BOKT) arasında biometrik texnologiya əsasında şəxsin kimliyini müəyyən edərək, həmin şəxsin sorğusu əsasında e-imza sertifikatlarının verilməsi həlli ilə bağlı müqavilə imzalanıb.
"Yol-xeber.az" xəbər verir ki, bu brədə nazirlik məlumat yayıb.
Müqaviləyə əsasən, “AzPul” kiçik məbləğli kreditlər verilərkən vətəndaşın şəxsiyyəti real vaxt rejimində biometrik eyniləşdirmə vasitəsilə müəyyənləşdirəcək və ona kredit müqaviləsini imzalamaq üçün birdəfəlik elektron imza sertifikatı təqdim edəcək.
Qeyd olunan həll üztanıma və açıq açar texnologiyasını özündə birləşdirir. Bu texnologiyadan istifadə edərək elektron imza tələb olunan istənilən əməliyyatı məsafədən, onlayn formada aparmaq mümkündür. Biometrik texnologiyaya əsaslanan bu həll vasitəsilə aparılan bütün əməliyyatlar avtomatlaşdırılmış şəkildə həyata keçirilir. Bu da istifadəçilərə operativlik qazandırır.
Həllin təhlükəsiz, avtomatlaşdırılmış və operativ olması istifadəçilərlə yanaşı, xidmət təklif edən qurumlar üçün də böyük üstünlüklər yaradır. Belə ki, bu həll tərəfdaşlara öz xidmətlərinin inkişaf etdirilməsi üçün aşağıdakı imkanları verir:
• Real vaxt rejimində müştərinin elektron imza sertifikatı əldə etməsi;
• Məkandan və zamandan asılı olmadan xidmətdən istifadə;
• Saxtakarlıq hallarının qarşısının alınması (şəxsin xəbəri və iştirakı olmadan adına əməliyyat aparılması mümkünsüzdür);
• Sistemin istənilən cihaza inteqrasiyası;
• Real vaxt rejimində məlumatların əldə edilməsi.
Təklif edilən həll istər dövlət, istərsə də özəl sektorun təmsilçiləri tərəfindən istifadə oluna bilər. Ölkəmizdə rəqəmsal transformasiyaya keçid bu texnologiyadan istifadəni daha aktual edir.
Dünya birjalarında neft qiymətləri dəyişib.
"Yol-xeber.az" xəbər verir ki, ICE London qitələrarası birjasında "Brent" markalı neftin qiyməti 0,06 dollar və ya 0,09% artaraq 68,71 dollar olub.
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində "WTI" neftinin qiyməti 0,03 dollar və ya 0,05% azalaraq 66,04 dollar təşkil edib.
“2020-ci ilin dövlət büdcəsində “Azərbaycan Beynəlxalq Bankı” ASC-nin (ABB) dövlət büdcəsinə dividend ödənməsi proqnozlaşdırılsa da, Bankın 2019-cu ildə kənar audit hesablamalarına əsasən 215,7 milyon manat xalis mənfəət əldə etməsi səbəbindən həmin məbləğdən 150 milyon manat vəsaitin dividend şəklində səhmdarlara verilməsinə qərar verilib.
"Yol-xeber.az" “Report”a istinadən xəbər verir ki, bu barədə Hesablama Palatasının “2020-ci il dövlət büdcəsinin icrası haqqında” qanun layihəsinə və büdcənin icrasına dair illik hesabata verdiyi rəydə bildirilir.
“Dövlətə məxsus səhmlərin payının 95,15% təşkil etməsi nəzərə alınaraq dövlətə çatacaq dividend məbləği 142,7 milyon manat təşkil edib. Həmin məbləğ isə “Aqrarkredit” QSC bank olmayan kredit təşkilatının dövlət zəmanəti ilə buraxdığı qiymətli kağızlar üzrə yaranmış borc öhdəliklərinin əvəzləşdirilməsinə yönəldilib.
Nəticə etibarı ilə dövlət zəmanətli veksellər üzrə öhdəliklərin Təminat Fondundan icra edilməli və müvafiq məbləğdə vəsaitin Fonda bərpa edilməsi haqqında əsas borcalanla müqavilə bağlanılmalı olduğu halda, dövlət təminatlı borc üzrə vaxtı çatmış öhdəliklər dövlət büdcəsinin gəlirləri hesabına əvəzləşdirilib, ödənilmiş vəsaitin isə Fonda bərpa edilməsinə şərait yaradılmaması qənaətinə gəlməyə əsas verib.
ABB-nin yalnız 2021-ci ilin dövlət büdcəsində son illərdə ilk dəfə 120 milyon manat məbləğində dividend ödəməsi nəzərdə tutulub”, - deyə Rəydə qeyd olunub.
Dünya birjalarında neft qiymətləri artıb.
" ICE London qitələrarası birjasında "Brent" markalı neftin qiyməti 0,20 dollar və ya 0,29% artaraq 68,66 dollar olub.
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində "WTI" neftinin qiyməti 0,11 dollar və ya 0,17% artaraq 66,16 dollar təşkil edib.
Ötən il dövlət büdcəsindən işğaldan azad edilmiş, habelə əvvəllər hərbi poliqon kimi istifadə olunmuş ərazilərin partlamamış hərbi sursat və minalardan təmizlənməsi işlərinin yerinə yetirilməsi üçün 7 milyon manat vəsait sərf edilib.
“Bu barədə Azərbaycan Respublikasının “2020-ci il dövlət büdcəsinin icrası haqqında” qanun layihəsində bildirilib.
Xatırladaq ki, sənəd yaxın günlərdə Milli Məclisin plenar iclasında I oxunuşda müzakirəyə çıxarılacaq.
Azərbaycanın müdafiə potensialının gücləndirilməsi və silahlı qüvvələrin maddi-texniki təminatının daha da yaxşılaşdırılması məqsədilə dövlət büdcəsində nəzərdə tutulmuş dövlət əsaslı vəsait qoyuluşu xərclərindən və ehtiyat fondlarından ayrılmış 670,3 milyon manat vəsait də nəzərə alınmaqla, 2020-ci ildə müdafiə və milli təhlükəsizlik xərclərinə dövlət büdcəsi xərclərinin 16,8%-i həcmində və ya 4 milyard 425,4 milyon manat vəsait yönəldilib.
"Yol-xeber.az"ın məlumatına görə, bu, “Azərbaycan Respublikasının 2020-ci il dövlət büdcəsinin icrası haqqında” qanun layihəsində əksini tapıb.
Qanun layihəsinə əsasən, bu, 2019-cu illə müqayisədə 1 milyard 63,8 milyon manat və ya 31,6% çoxdur.
Müdafiə qüvvələrinə 1 milyard 627 milyon 553 min 480 manat, milli təhlükəsizliyə 240 milyon 668 min 725 manat, sərhəd xidmətinə 278 milyon 792 min 577 manat, müdafiə və milli təhlükəsizlik sahəsində tətbiqi tədqiqatlara 3 milyon 704 min 889 manat, müdafiə və milli təhlükəsizlik sahəsinə aid edilən digər fəaliyyətlərə 1 milyard 604 milyon 370 min 767 manat sərf olunub.
Sənədə əsasən, 2020-ci il dövlət büdcəsinin ehtiyat fondundan isə xüsusi müdafiə təyinatlı layihələrin maliyyələşdirilməsi üçün 139 milyon manat ayrılıb.
Ötən il dövlət büdcəsindən Azərbaycan Respublikasının işğaldan azad edilmiş ərazilərinin şəhərsalma və arxitektura işləri üçün 1 milyon manat vəsait sərf edilib.
“Yol-xeber.az” xəbər verir ki, bu barədə “Azərbaycan Respublikasının 2020-ci il dövlət büdcəsinin icrası haqqında” qanun layihəsində bildirilib.
Sənəddə qeyd edilib ki, bir sıra rayonlar və şəhərlər üzrə müfəssəl ərazi planlarının hazırlanması üçün 300 min manat vəsait sərf olunub.
Qanun layihəsi yaxın günlərdə Milli Məclisin plenar iclasında I oxunuşda müzakirəyə çıxarılacaq.
Azərbaycan Mərkəzi Bankının bu günə olan rəsmi valyuta məzənnələri açıqlanlıb.
"Yol-xeber.az" xəbər verir ki, avronun məzənnəsi 0,42% azalaraq 2,0708 manat, Rusiya rublunun məzənnəsi dəyişməyərək 0,0231 manat, türk lirəsi 0,04% ucuzlaşaraq 0,2019 manat təşkil edib.
ABŞ dollarının məzənnəsi dəyişməyərək 1,7000 manat olub
Azərbaycan Respublikasının Dövlət Turizm Agentliyi tərəfindən Şəki şəhəri “Yuxarı Baş” Milli Tarix-Memarlıq Qoruğu ərazisində yerləşən “Yuxarı Karvansaray” kompleksinin yenidənqurma, bərpa və abadlıq işlərinin layihə-smeta sənədlərinin hazırlanmasının satın alınması üçün dərc edilmiş açıq tenderə yekun vurulub.
“Chiza Architectural Bureau” MMC tenderin qalibi elan olunub.
Qalib şirkətlə 196 min 777,14 manat dəyərində müqavilə imzalanıb.
Dünya bazarlarında "Azeri Light" (CIF) markalı neftin qiyməti artıb.
Azərbaycan neftinin 1 barelə olan qiyməti 0,38 ABŞ dolları və ya 0,57% artaraq 66,88 dollar təşkil edib.