 |
|
Azərbaycan neftinin qiyməti kəskin bahalaşıb.
“Azeri Light” markalı neftin bir barrelinin qiyməti 2,12 dollar artaraq 69,72 dollar təşkil edib.
Qeyd edək ki, “Azeri Light” neftinin bir barrelinin qiyməti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.
Elektrik mühərrikli və istehsal tarixinə görə yeni nəqliyyat vasitələrinin dövriyyəsi ilə bağlı alıcılar üçün güzəştli kredit şərtlərinin tətbiqi ilə əlaqədar stimullaşdırıcı tədbirlərin görülməsi istiqamətində müvafiq işlər görülür.
Bu barədə Nazirlər Kabinetinin 2020-ci il üzrə hesabatında qeyd edilib.
İstehsal tarixinə görə yeni nəqliyyat vasitələrinin idxalı zamanı tətbiq edilən vergi və gömrük rüsumlarına yenidən baxılması istiqamətində işlər aparılır.
Bununla yanaşı, ekoloji və yol təhlükəsizliyinin təmin edilməsi məqsədilə elektrik mühərrikli nəqliyyat vasitələrinin idxalı, dövlət qeydiyyatı və istismarının bütün gömrük rüsumlarından və vergilərdən azad olunması, habelə hibrid avtomobillərin idxalı zamanı əlavə dəyər vergisindən azad olunması üçün tədbirlərin görülməsi istiqamətində işlər həyata keçirilir.
Bu gündən Azərbaycanda bütün növ siqaretlərin qiyməti artırılıb.
Bu barədə "Report"a siqaret satışı ilə məşğul olan şəxslər məlumat verib.
Onların sözlərinə görə, ötən günlə müqayisədə qiymətlərdə 20 qəpik artım var.
"Siqaretin topdan satışı ilə məşğul olan firmalar bu gündən bizə malları yeni qiymətlərlə göndərib. Qiymət artımı bütün siqaret markalarında olub", - pərakəndə siqaret satıcıları bildiriblər.
2018-2019-2020-ci illərdə müvafiq olaraq 8,8%, 6,1% və 15,2% kiçilmiş Azərbaycanın tikinti sektoru Qarabağda aparılan bərpa və yenidənqurma işləri hesabına 2021-ci ildə 9,1%, 2022-2025-ci illərdə isə hər il 4,4% böyüyəcək."Report" xəbər verir ki, bu proqnozla Böyük Britaniyanın paytaxtı Londonda fəaliyyət göstərən “Global Data” konsaltinq şirkəti çıxış edib.
Şirkət son 3 ildəki geriləməni əsasən neft qiymətlərinin azalması, koronavirus pandemiyası ilə izah edib.
"Azərbaycan hökuməti bu il Qarabağda görüləcək işlərə 1,3 milyard ABŞ dolları xərcləməyi planlaşdırır. Azərbaycan Avtomobil Yolları Dövlət Agentliyi bölgədə 2 661 km yolun təmir ediləcəyini və yaxud yenidən qurulacağını açıqlayıb", - deyə şirkətin açıqlamasında qeyd olunub.
"Azərbaycan hökuməti ölkə iqtisadiyyatına birbaşa xarici investisiya qoyuluşunu artırmağı, bu investisiyaların ümumi daxili məhsuldakı (ÜDM) xüsusi çəkisini 2,6%-dən 4%-ə çatdırmaq və bununla da qeyri-neft sektorunu gücləndirməyi planlaşdırır", - deyə "Global Data"nın iqtisadçısı Deni Riçards bildirib.
Prezident İlham Əliyevin bu il fevralın 15-də Füzuli rayonunda təməlini qoyduğu Horadiz-Ağbənd dəmir yolu xəttinin inşası davam etdirilir. Uzunluğu 100 km olacaq bu infrasturktur layihəsi işğaldan azad olunmuş torpaqlara gediş-gəlişində mühüm rol oynayacaq və ən vacibi Azərbaycanın əsas hissəsi ilə Naxçıvan MR arasında birbaşa dəmir yolu əlaqəsinin yaranmasına imkan verəcək.
“Report” dəmir yolu xəttində aparılan inşa işləri ilə bağlı reportaj hazırlayıb. Həmin reportajı təqdim edirik:
Prezident İlham Əliyevin bu il fevralın 15-də Füzuli rayonunda təməlini qoyduğu Horadiz-Ağbənd dəmir yolu xəttinin inşası davam etdirilir. Uzunluğu 100 km olacaq bu infrasturktur layihəsi işğaldan azad olunmuş torpaqlara gediş-gəlişində mühüm rol oynayacaq və ən vacibi Azərbaycanın əsas hissəsi ilə Naxçıvan MR arasında birbaşa dəmir yolu əlaqəsinin yaranmasına imkan verəcək.
“Report” dəmir yolu xəttində aparılan inşa işləri ilə bağlı reportaj hazırlayıb. Həmin reportajı təqdim edirik:
Avtomobil parkımız köhnədir. İstismar edilmiş nəqliyyat vasitələrinə vergi və rüsumları, aksiz dərəcələrini nə qədər artırsaq da qiymət və insanların alıcılıq qabiliyyətini nəzərə alaraq son dövrlərdə yeni nəqliyyat vasitələrinə deyil, istismar olunmuş avtomobillərə üstünlük verilir.
Bunu Dövlət Gömrük Komitəsinin sədri Səfər Mehdiyev Azərbaycan Respublikası xarici ticarətinin gömrük statistikası ilə bağlı keçirilən brifinqində deyib.
O bildirib ki, ölkəmizdə avtomobil parkının təzələnməsi üçün yeni nəqliyyat vasitələri üzrə gömrük rüsumlarının aşağı salınması və ya alternativ nəqliyyat vasitələrinin, xüsusilə də benzinlə işləməyən vasitələrə üstünlük verilməsi ilə bağlı müəyyən layihələr müzakirə olunur:
“Ekoloji tarazlığı təmin etmək üçün istismarı beş ildən yuxarı olan nəqliyyat vasitələri Azərbaycana gətirilməməli və ya gətirillərsə çox yuxarı vergilər tətbiq olunmalıdır ki, onların ölkəyə idxalı azalsın. Minik avtomobilləri ölkəyə gətirilən zaman onların istismarı insanların sağlamlığına zərər verməməlidir. Bununla bağlı hansı qərar və tövsiyə olarsa müsbət yanaşırıq. Hökumətdə də məsələ ilə bağlı müzakirələr olub. Buna qarşı çıxmırıq, əksinə dəstəkləyirik ki, avtomobil parkımızı son 10 ildə yeniləmək mümkün olsun. Bununla bağlı çalışmalarımız var”.
Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 0,50 ABŞ dolları, yaxud 0,78 % artıb.
, “Azeri Light” markalı neftin bir barelinin qiyməti 64,75 ABŞ dolları təşkil edib.
Xatırladaq ki, "Azeri LT CIF" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.
2020-ci il gömrük orqanları üçün uğurlu bir il kimi yadda qalıb.
Bunu Dövlət Gömrük Komitəsinin sədri Səfər Mehdiyev Azərbaycan Respublikası xarici ticarətinin gömrük statistikası ilə bağlı keçirilən brifinqdə deyib.
“Gömrük orqanları tərəfindən 2015-2017-ci illərdə 6 milyard 493 milyon manata yaxın vəsait dövlət büdcəsinə toplanılıb. 2018-2020-ci illər ərzində isə bu göstərici artıq 11 milyard 780 milyon manat olub.
Əvvəlki 3 illə müqayisədə Dövlət Gömrük Komitəsinin xətti ilə büdcəyə 5,3 milyard manat əlavə vəsaitin dövlət büdcəsinə köçürülməsi təmin olunub. Bu da büdcə daxilolmalarında DGK-nın xüsusi çəkisini 9,1 faizdən 18-19 faizə qədər artırıb”, - deyə Səfər Mehdiyev əlavə edib.
SOCAR-ın “Petkim” şirkəti qiymətlərin azalmasına baxmayaraq gəlirliyini artırıb.
Dövlət Neft Şirkətindən "Ölkə.Az" a verilən məlumata əsasən, pandemiya dövründə Türkiyədə mühüm ehtiyac duyulan məhsulların istehsalını artıran “Petkim” neft kimya kompleksinin 2020-ci il üzrə ümumi gəlirində daxili satışların payı 67 faizə çatıb.
Şirkət qlobal bazarlarda baş verən bütün çətinliklərə və məhsul portfelindəki məhsulların orta qiymətinin azalmasına baxmayaraq əməliyyat gəlirliliyini 2019-cu illə müqayisədə 21 faiz artırmağa müvəffəq oldu.
Türkiyənin ən böyük sənaye holdinqi “SOCAR Türkiyə”nin törəmə şirkəti olan “Petkim” qlobal pandemiyaya görə üzləşdiyi çətinliklərə və portfelindəki məhsulların qiymətinin dollar ifadəsində orta hesabla 20 faiz azalmasına baxmayaraq, 2020-ci ildə gəlirlərini əvvəlki ilə nisbətən 21 faiz artıraraq 1,9 milyard TL-yə çatdırıb.
“Daxili bazardakı müştərilərimizin tələblərinə üstünlük verdik”
Şirkətdən verilən məlumatda bildirilib ki, 2020-ci ilin əsas maliyyə nəticələrini açıqlayan “Petkim” Türkiyədə pandemiya dövründə əhəmiyyəti artan tibbi ləvazimat, qablaşdırma və gigiyena vasitələri üçün istifadə olunan xammalın istehsalında üstünlüyü daxili bazara verib. 2020-ci ildə satış həcmini 12,1 milyard TL-yə çatdıran “Petkim”in ümumi gəlirində ölkədaxili satışların payı 2019-cu ildəki 60 faizdən 67 faizə qalxıb. Türkiyənin ilk və yeganə inteqrasiya edilmiş neft-kimya müəssisəsi kimi 2020-ci il boyunca daxili sənaye müəssisələrinin tələbatını prioritet kimi qəbul etdiklərini bildirən “SOCAR Türkiyə” Emal və Neft-Kimya bölməsinin rəhbəri, “Petkim”in baş direktoru Anar Məmmədov əlavə edib ki, pandemiya dövründə Türkiyənin ehtiyacı olan neft-kimya xammalını problemsiz təmin etmək üçün var gücümüzlə çalışdıq və fasiləsiz istehsalı həyata keçirdik:
“Bu dövrdə bütün dünyada NEZ-lərin istehsalı dayandırmaq, yaxud azaltmaq məcburiyyətində qalması səbəbindən xammal tədarükündə problemlə üzləşən bəzi neft-kimya şirkətləri də istehsalı müəyyən müddətə dayandırmalı oldular. STAR NEZ ilə inteqrasiya şəraitində işləyən “Petkim” isə istehsala ara vermədən xüsusilə ölkədaxili müştərilərin ehtiyaclarını təmin etməyi bacardı. Daxili bazara yönəlməyimiz 2019-cu ildə 662 milyon dollar olan ixracat göstəricilərimizin 2020-ci ildə yarıbayarı azalaraq 363 milyon dollara enməsinə səbəb oldu. Ancaq daxili tələbatı ödəmək üçün fasiləsiz çalışmağımız nəticəsində ümumi satış həcmlərimiz və gəlirliyimiz 2019-cu ilə nisbətən artdı”.
Xalis mənfəət 14 faiz artıb
“Petkim”in əldə edilən maliyyə uğurlarında STAR NEZ ilə inteqrasiyalı istehsalın həyata keçirilməsi ilə yanaşı məhsuldarlıq və rəqəmsallaşma istiqamətində atılan addımların da böyük təsiri olub.
“Faiz və məzənnə riskləri ilə maliyyə vəsaitlərinin düzgün idarə olunması və əməliyyat xərclərinin optimallaşdırılması da əldə etdiyimiz nəticələrə müsbət təsir göstərdi. İstehsal prosesinin təkmilləşdirilməsi və effektiv xidmət proqramlarının icra olunması nəticəsində iş günlərimizin sayı maksimuma çatdı. Bu addımlar 2020-ci ildə xalis mənfəətimizin 14 faiz artaraq 1,1 milyard TL-yə, əməliyyat gəlirliliyimizin isə 1,9 milyard TL-yə çatmasında mühüm rol oynadı”, - deyə, A.Məmmədov vurğulayıb.
2020-ci ildə “Global Lighthouse Network”a Türkiyədən seçilən yeganə şirkət
Rəqəmsal tətbiq və sistemləri vasitəsilə əldə etdiyi Sənaye 4.0 standartı sayəsində 2020-ci ildə Dünya İqtisadi Forumunun (WEF) “Global Lighthouse Network” şəbəkəsinə Türkiyədən seçilən yeganə şirkət olan “Petkim”, bu gün Sənaye 4.0 texnologiyalarını istehsalatda uğurlu şəkildə tətbiq edən müəssisələr arasında möhkəm qərarlaşıb. 56 illik bilik və təcrübəsi ilə “Petkim” portfelinə daxil olan təxminən 60 növ neft-kimya məhsulu ilə plastik, kimya, qablaşdırma, boru, boya, inşaat, kənd təsərrüfatı, avtomobil, elektrik, elektron, tekstil sektorları ilə yanaşı dərman, yuyucu vasitə, kosmetik məhsullar sektoruna da inamla daxil oldu.
Maliyyə Nazirliyinin 2012-ci il 18 yanvar tarixli qərarı ilə təsdiqlənmiş “İşçilərin Ezamiyyə Qaydaları”nda dəyişiklik edilib.
Oxu.az məlumatına əsasən, bununla bağlı Maliyyə naziri Samir Şərifov müvafiq qərar imzalayıb.
Qərarda mehmanxana xərcləri ilə bağlı da məsələ yeni redaksiyada verilib.
Belə ki, işçiyə mehmanxana xərcləri onun ezamiyyətdə olduğu müddətdə hər təqvim günü üçün verilməsi nəzərdə tutulur. Lakin burada işçinin yolda olduğu müddət nəzərə alınmır.
Məbləğ Azərbaycan ərazisində ezamiyyə xərclərinin 1 günlük normasının mehmanxana xərcləri üçün müəyyən olunmuş hissəsi miqdarındadır.
Bu zamana qədər isə müvafiq təsdiqedici sənədlər təqdim edilmədiyi hallarda, ezamiyyə xərclərinin 1 günlük normasının mehmanxana xərcləri üçün müəyyən edilmiş hissəsinin 50 faizi ödənilirdi.