 |
|
Qızıl qiymətləri bazar ertəsi böyük günlük itki ilə üzləşib.
Qızıl fyuçersləri təqribən 2,5% ucuzlaşaraq 13 iyun 2022-ci ildən bəri ən böyük gündəlik itkisini yaşayıb və bir troy unsiya üçün 2350 dollara enib.
Bu isə qızıl qiymətlərinin 2400 dollardan çox olan tarixi maksimumundan 4% aşağıdır.
Gümüş isə təqribən 5% ucuzlaşaraq bir unsiya üçün 27,50 dollara enib.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
"Avronun məzənnəsi 0,1% azalaraq 1,8109 manat, Rusiya rublunun məzənnəsi dəyişməyərək 0,0182 manat, Türkiyə lirəsi 0,4% ucuzlaşaraq 0,0521 manat təşkil edib.
ABŞ dollarının məzənnəsi isə dəyişməyərək 1,7000 manat olub.
Xəbər verdiyimiz kimi, İsveçrədə Türkiyə istehsalı "Beypazarı" markalı mineral su qadağan edilib.
Buna səbəb kimi, mineral suyun tərkibində yüksək miqdarda bor olması göstərilib.
sözügedən qərar bir çox ölkədə, o cümlədən Azərbaycanda istehlakçıları narahat edib.
"Beypazarı" mineral su şirkəti mineral sularda həddindən artıq bor olması barədə iddialara cavab verib.
"Ölkəmizin 100 faiz yerli və milli dəyəri olan "BEYPAZARI" brendi beynəlxalq aləmdə sürətlə böyüyür. Şirkət olaraq 30-dan çox ölkəyə ixracat etmişik və Türkiyə, Avropa və Dünya keyfiyyət mükafatları, İSO 22000; ISO 45001; ISO 45001; Səhiyyə Nazirliyi tərəfindən mütəmadi olaraq təhlil edilir.
Müxtəlif ölkələr və beynəlxalq təşkilatlar içməli suyun keyfiyyət standartlarını müəyyən edərkən müxtəlif elmi məlumatlara və siyasi yanaşmalara əsaslanaraq dəyişikliklər edə bilərlər. Bu siyasət və yanaşmalar hansı elmi araşdırmaya əsaslandığından, istehlak vərdişlərindən, bədən çəkilərindən və digər amillərdən asılı olaraq dəyişir. Digər beynəlxalq təşkilatlar da içməli suda borun miqdarı üçün fərqli təlimat dəyərləri müəyyən etmişlər.
İçməli suda bor üçün sağlamlıq əsaslı tənzimləyici hədlər Ümumdünya Səhiyyə Təşkilatı (ÜST) tərəfindən 2,4 mq/L, Avstraliya Milli Sağlamlıq və Tibbi Tədqiqatlar Şurası tərəfindən 4 mq/L və Avropa İttifaqı tərəfindən 1 mq/l olaraq müəyyən edilmişdir. Amerika Birləşmiş Ştatlarının Ətraf Mühitin Mühafizəsi Agentliyi (ABŞ EPA) içməli suda bor mineralı üçün tənzimləyici həddi müəyyən etməmişdir, lakin ömür boyu sağlamlıq məsləhəti dəyərini 5 mq/L olaraq təyin etmişdir.
Ümumdünya Səhiyyə Təşkilatı və Amerika Birləşmiş Ştatlarının Ətraf Mühitin Mühafizəsi Agentliyi tərəfindən müəyyən edilmiş bütün parametrlər üçün müvafiq dəyərlər daxilində olduğumuzu vurğulayırıq. Qeyd etmək istərdik ki, İsveçrənin akkreditə olunmuş EUROFİNS analiz laboratoriyasının əvvəlki illərdə apardığı bor analizinin də nəticəsini paylaşaraq şəffaf və dəqiq məlumat ötürülməsinə önəm veririk" - məlumatda deyilir.
Qeyd edək ki, bor təbiətdə bol olan elementdir və müxtəlif sənaye sahələrində istifadə olunur. Bor mineralı bədən minerallarının, xüsusilə kalsium və D vitamininin tənzimlənməsində iştirak edir, lakin yüksək miqdarda bor istehlakı insan sağlamlığına zərərlidir.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Avronun məzənnəsi 0,4% azalaraq 1,8082 manat, Rusiya rublunun məzənnəsi 0,6% irəliləyərək 0,0181 manat, Türkiyə lirəsi 0,2% ucuzlaşaraq 0,0522 manat təşkil edib.
ABŞ dollarının məzənnəsi isə dəyişməyərək 1,7000 manat olub.
Nəsimi rayonunda söküntü işləri başlayıb. Sözügedən ərazidə çoxmərtəbəli bina inşa ediləcək.
Lakin Mənzil-Tikinti Kooperativinin (MTK) rəhbərliyi ərazidəki obyekt sahibləri ilə ortaq məxrəcə gələ bilməyib.
Daha ətraflı "ATV Xəbər”in süjetində:
Azərbaycan Mərkəzi Bankının bu günə olan rəsmi valyuta məzənnələri açıqlanıb.
"Avronun məzənnəsi 0,5% artaraq 1,8152 manat, Rusiya rublunun məzənnəsi dəyişməyərək 0,0180 manat, Türkiyə lirəsi 0,2% bahalaşaraq 0,0523 manat təşkil edib.
ABŞ dollarının məzənnəsi dəyişməyərək 1,7000 manat olub.
Azərbaycan Avtomobil Yolları Dövlət Agentliyi Əsgəran avtomobil yolunun inşasına başlayıb.
Bu barədə agentli xəbər verir.
Məlumata görə, Bərdə–Ağdam avtomobil yolunun 40-cı kilometrini Əsgəran qəsəbəsi ilə birləşdirən (Ağdam şəhərinin dairəvi yolu) və uzunluğu 18 km olan avtomobil yolu Qarabağın inkişaf planı nəzərə alınmaqla II texniki dərəcəyə uyğun olaraq inşa edilir.
Hazırda avtomobil yolunda layihə üzrə torpaq işləri görülür. Belə ki, xüsusi texnikalardan istifadə olunmaqla yararsız qruntun çıxarılması, yolun genişləndirilərək profilə salınması işləri həyata keçirilir. Bunun üçün tikinti ərazisinə lazımi sayda qüvvə cəlb edilib.
Yeni inşa edilən yol boyunca layihəyə uyğun suların ötürülməsini təmin etmək məqsədilə müxtəlif ölçülü suötürücü borular, su keçidləri, həmçinin zəruri olan yerlərdə yeraltı və kommunikasiya xətləri üçün nəzərdə tutulan ehtiyat keçidlərinin inşası da aparılır.
Avtomobil yolunun tikintisinin başa çatdırılması imkan verəcəkdir ki, Bərdə istiqamətindən Xankəndi, Şuşa və Laçın şəhərlərinə getmək istəyən sürücü və sərnişinlər, Ağdam şəhərinə daxil olmadan bu dairəvi yoldan istifadə edərək sürətlə və təhlükəsiz hərəkətlərini davam edələr.
Əsgəran avtomobil yolu Qarabağ və Şərqi Zəngəzur iqtisadi rayonları ərazisində icra olunan və işğaldan azad edilmiş ərazilərimizin sosial-iqtisadi inkişafında mühüm rol oynayacaq yol infrastrukturu layihələrindən biri sayılır.
Son 15 ildə Rusiyada, ən azı, 3 böyük böhran olub. 2008-2009-cu illərdə rubl dəyər itirdi, iqtisadi aktivlik azaldı, gəlirlər düşdü, 2014-2015-ci illərdə kəskin böhran dalğası oldu, 2022-ci ildə sanksiyalar, müharibə, ölüm-itim təhlükəsi başladı. Lakin hər 3 böyük böhran dalğasında Rusiyadan Azərbaycana soydaşlarımızın geri köç dalğası baş vermədi, Qazaxstana, Orta Asiyaya, Ukraynaya (2008-2022 arası), Belarusa köçdülər, amma məmləkətə dönmədilər.
"Bunu iqtisadçı ekspert Natiq Cəfərli deyib. O bildirib ki, geri köçün olmamasının quru sərhədlərin bağlı olması ilə heç bir əlaqəsi yoxdur. 2008-2020-ci illər arası sərhədlər açıq idi, lakin köç olmadı:
"İndi bəzi söhbətlər gəzir ki, bölgəmizdə böyük müharibə olarsa və İran ciddi zərbələr alarsa, cənubdan böyük köç dalğası ola bilər. Quru sərhədləri məhz ona görə bağlı saxlayıblar - yenə məntiqsiz yanaşmadır. Müharibədən qaçanlara istənilən ölkə sərhədlərini açmalıdır. BMT qərarları, beynəlxalq hüquq var. Necə təsəvvür etmək olar ki, İrandan qaçanlara, Azərbaycan “pandemiyadır, karantin rejimidir, ona görə sərhəd bağlıdır” desin. Gələnlər cənublu qardaşlarımız, soydaşlarımız olsa, qapılar açılmalıdır".
Natiq Cəfərli qeyd etdiklərinə əsasən "sərhəd ona görə bağlıdır ki, Rusiyadan müharibədən qaçanlar gəlməsin, İran vurulsa, insan axınının qarşısı alınsın” tezisini inandırıcı və məntiqli görmədiyini bildirib.
Laçında tikilən hava limanından yeni görüntülər yayılıb.
Bu barədə kadrlar AZTV-nin efirində yayımlanıb.
Kadrlarda dronla çəkilmiş görüntüləri görmək mümkündür.
Ətraflı videoda:
Əsası Azərbaycan və Türkiyə prezidentləri tərəfindən qoyulmuş 123,6 km uzunluğunda Horadiz - Cəbrayıl - Zəngilan - Ağbənd (Zəngəzur dəhlizi) avtomobil yolunun tikintisinin yeni görüntüləri yayılıb.
Hacıqabul - Horadiz - Ağbənd - Zəngəzur avtomobil yolunun bir hissəsi olan Goradiz - Cəbrayıl - Zəngilan - Ağbənd avtomobil yolu Qarabağın və Şərqi Zəngəzurun iqtisadi inkişafı üçün böyük əhəmiyyət kəsb edir.