 |
|
26 noyabr 2024-cü il tarixində hərraca çıxarılan nəqliyyat vasitələrinin siyahısı açıqlanıb.
Azərbaycan Respublikasının Mərkəzi Bankı tərəfindən hərraca 15 nəqliyyat vasitəsi çıxarılıb.
Nəqliyyat vasitələrinin siyahısı belədir:
Qeyd edək ki, hərraclarda iştirak etmək istəyən şəxslər aşağıdakı sənədləri hərracın başlanmasına ən geci 3 bank günü qalanadək Əmlak Məsələləri Dövlət Xidmətinin Əmlak Xidmətləri Məkanına təqdim etməlidirlər. Sənədlər beh ödənişinin bankın hesabına hərracın başlanmasına ən geci 3 bank günü qalanadək daxil olduğu təqdirdə qəbul ediləcəkdir. Hərraca çıxarılan nəqliyyat vasitələri ilə bağlı əlavə məlumat almaq istəyən şəxslər bu nömrə (+994 50 312 21 55) ilə əlaqə saxlaya bilərlər. (BAKU.WS)
Azərbaycanın işğaldan azad edilmiş ərazilərindəki kənd təsərrüfatı təyinatlı torpaqlar sahibkarlıq subyektlərinə müvafiq icra hakimiyyəti orqanının müəyyən etdiyi orqanın (qurumun) müəyyən etdiyi qaydada investisiya müsabiqələri vasitəsilə icarəyə veriləcək.
Report xəbər verir ki, bu, “Torpaq icarəsi haqqında” qanuna təklif olunan əlavə və dəyişikliklərdə bağlı qanun layihəsində öz əksini tapıb.
Sənəd Milli Məclisin Aqrar siyasət komitəsinin bu gün keçirilən iclasında müzakirə edilir.
Bundan başqa, qanun layihəsinə əsasən, Qarabağ və Şərqi Zəngəzur iqtisadi rayonlarındakı əhalinin məskunlaşdığı kənd və qəsəbə ərazi vahidlərinin sərhədləri daxilində yaşayış məntəqələrinə yaxın aqrar təyinatlı torpaqlar müvafiq icra hakimiyyəti orqanının müəyyən etdiyi orqanın (qurumun) müəyyən etdiyi qaydada kənd və qəsəbə sakinlərinə (birillik və çoxillik əkinlərin aparılması üçün) güzəştli şərtlərlə icarəyə veriləcək.
Amerika, Koreya, Türkiyə, demək olar ki, dünyanın bir sıra ölkələrində təqdim olunan xidmət Azərbaycanda da aktivləşib.
Milli.Az xəbər verir ki, artıq Azərbaycanda da avtomobillərin qəza tarixçəsinə baxmaq mümkün olacaq. Bu xidmətdən "Smsradar" tətbiqi vasitəsi ilə yararlanmaq mümkündür.
Xidmətdən yararlanmaq üçün avtomobilin vin kodunu yazmaq kifayət edir.
3 manata avtomobilin Azərbaycanda baş verən qəzalarına dair tarixçəni öyrənmək olur.
Qeyd edək ki, sığortanın çağırılmadığı qəzalar sistemdə göstərilmir.
Azərbaycan Avtomobil Yolları Dövlət Agentliyi tərəfindən ümumi istifadədə olan avtomobil yollarının qorunması üçün iriqabaritli və ağırçəkili nəqliyyat vasitələrinin icazə verilən qabarit, çəki və yüklə birlikdə oxa düşən kütlə parametrlərinə dair tələblərin pozulmasına yol verilməməsində yeni texnologiyaların tətbiqi və bu sahədə tələblərin pozulmasına görə inzibati tənbehvermə haqqında elektron qərarın çıxarılması imkanını yaradan müvafiq elektron tərəzilərin avtomobil yollarında quraşdırılması işləri davam etdirilir.
AAYDA-dan Yol-xeber.az-a verilən məlumata görə, avtomobil yollarında yeni texnologiyaya əsaslanan elektron tərəzilərin quraşdırılması prosesi 2 mərhələ üzrə aparılır. Belə ki, 1-ci mərhələdə 11 yerdə 17 tərəzi, 2-ci mərhələdə 20 yerdə 34 olmaqla, ümumilikdə isə 31 yerdə 51 tərəzinin quraşdırılması planlaşdırılıb.
Artıq 1-ci mərhələ üzrə 4 ərazidə elektron tərəzilərin quraşdırılması işləri tamamlanıb:
1. M-1 Bakı-Quba-Rusiya Federasiyası ilə dövlət sərhədi avtomobil yolunun 44,6-cı kilometrində sağ tərəfdə.
2. M-1 Bakı-Quba-Rusiya Federasiyası ilə dövlət sərhədi avtomobil yolunun 65-ci kilometrində sol tərəfdə.
3. M-1 Bakı-Quba-Rusiya Federasiyası ilə dövlət sərhədi avtomobil yolunun 129-cu kilometrində sağ və sol tərəfdə.
4. M-2 Bakı-Ələt-Qazax-Gürcüstan ilə dövlət sərhədi avtomobil yolunun 47,9-cu kilometrində sağ və sol tərəfdə.
5 ərazi üzrə işlər davam etdirilir:
1. M-3 Ələt-Astara-İran İslam Respublikası ilə dövlət sərhədi avtomobil yolunun 11,3-cü kilometrində sağ və sol tərəfdə.
2. M-3 Bakı-Ələt-Qazax-Gürcüstan ilə dövlət sərhədi avtomobil yolunun 244,2-ci kilometrində sol tərəfdə.
3. M-4 Bakı-Şamaxı-Yevlax avtomobil yolunun 55,3-cü kilometrində sağ və sol tərəfdə.
4. M-4 Bakı-Şamaxı-Yevlax avtomobil yolunun 264-cü kilometrində sağ və sol tərəfdə.
5. M-5 Yevlax-Zaqatala-Gürcüstan ilə dövlət sərhədi avtomobil yolunun 44,9-cu kilometrində sağ və sol tərəfdə.
Daha 2 ərazi üzrə isə işlərə yaxın günlərdə başlanılacaq :
1. M-6 Hacıqabul- Bəhrəmtəpə-Mincivan-Ermənistan Respublikası ilə dövlət sərhədi avtomobil yolunun 91.6-cı kilometrində sağ və sol tərəfdə.
2. “Zəfər Yolu”nun 21,4-cü kilometrində sağ və sol tərəfdə.
2-ci mərhələdə 20 yerdə 34 tərəzinin quraşdırılması planlaşdırılır. Layihənin 2026-cı ilin sonlarında yekunlaşdırılması planlaşdırılır.
Məlumatların vahid mərkəzdə toplanılması üçün İdarəetmə Mərkəzinin (Monitorinq mərkəzi) qurulması işləri də tamamlanıb. Bundan başqa, iriqabaritli və ya ağırçəkili nəqliyyat vasitələri tərəfindən törədilən inzibati xəta elektron tərəzi vasitələrinin köməyi ilə aşkar edilərək elektron qərarın çıxarılmasının təmin olunması üçün Daxili İşlər Nazirliyinin elektron məlumat bazasına məlumatların ötürülməsinin təmin edilməsi istiqamətində də müvafiq işlər tamamlanmaq üzrədir.
Bakıda BMT-nin İqlim Dəyişmələri üzrə Tərəflərin İlkin Konfransının (Pre-COP29) ikinci günü çərçivəsində iqlim və inkişaf üzrə nazirlərin görüşü (C&DM) keçirilir.
Panel iclasının keçirilməsində məqsəd iqlimə həssas ölkələrin prioritet məsələlərinin həlli üçün müxtəlif ölkələrin ekologiya və ətraf mühit nazirlərini bir araya gətirməkdir.
C&DM-də müşavirələr vasitəsilə tərəflər ən az inkişaf etmiş ölkələrin və kiçik ada dövlətlərinin prioritet ehtiyaclarını qarşılamaq üçün qərarlar qəbul edir, iqlim maliyyəsi məsələləri ilə bağlı qlobal müzakirələr çərçivəsində onların tələbatlarına uyğun tədbirlərin görülməsini təmin edir.
COP26 çərçivəsində nazirlərin birinci görüşü 2021-ci ildə Qlazqoda keçirilib.
Qeyd edək ki, oktyabrın 10-da Bakıda Pre-COP29 konfransı öz işinə başlayıb. Heydər Əliyev Mərkəzində keçirilən tədbir “Ambisiyaların artırılması və iqlim fəaliyyətinə təkan” mövzusuna həsr olunub. Panel müzakirələri çərçivəsində COP29-da uğurlu nəticələrin əldə edilməsi yolları müzakirə olunur. Konfrans oktyabrın 11-də başa çatacaq.
Bakıda mənzil bazarında bahalaşma olacaq.
Bunu daşınmaz əmlak məsələləri üzrə ekspert Elnur Fərzəliyev Milli.az-a açıqlamasında qeyd edib.
Onun sözlərinə görə, İpoteka və Kredit Zəmanət Fondunun nizamnamə kapitalının artırılması mənzil bazarında qıtlığa səbəb olacaq:
"Mənzil bazarı 2023-cü ildən öz durğunluq dönəmini yaşayır. Son illərdə ölkədə mənzil satışlarının böyük bir hissəsi ipoteka kreditləşməsi ilə reallaşdırılır. Buna səbəb də mənzil bazarında olan qiymət artımıdır. Bahalaşma səbəbindən mənzil almaq istəyən əhali nağd şəkildə mənzil ala bilmədiyindən ipoteka krediti üçün müraciət edirdi.Buna görə də kredit üçün müraciət edən çox olurdu. Lakin limit olduğuna görə hər kəsə ipoteka krediti verilmirdi" .
Ekspert qeyd edib ki, limitin artırılması alıcıların da artmasına və mənzil bazarında ev qıtlığına səbəb olacaq:
"Limitin artırılması bunu deməyə əsas verir ki, alıcılar da artacaq.Təbii ki, hər ipoteka kreditləri veriləndə, bazara yüzlərlə müştəri müraciət edəcək. Və bu da ev qıtlığına və eyni zamanda qiymət artımına səbəb olacaq".
Qeyd edək ki, İpoteka və Kredit Zəmanət Fondunun nizamnamə kapitalı 87.7 milyon manat artırılaraq 1 milyard 68 milyon manata çatdırılıb.
İllərini dəmir yollarının inkişafına həsr edən təcrübəli mütəxəssislərimiz #məndəmiryolçuyam şüarı ilə sənayeyə yeni qoşulan gənc kadrların peşəkar kimi yetişməsi üçün onlarla zəngin təcrübələrini bölüşürlər.
Yol-xeber.az" xəbər verir ki, 144 illik nəsildən nəsilə ötürülən bilik və təcrübə hər bir dəmiryolçu tərəfindən qorunur və yaşadılır.
ABŞ Mərkəzi Bankı vaxtaşırı dollar əskinaslarının dizaynını dəyişir. Bu addım sizə valyutanı saxtakarlıqdan daha yaxşı qorumağa və ona inamı saxlamağa imkan verir.
2013-cü ildə yeni 100 dollar peyda olub - bəzi fərqləri olan "mavi" dollarlar. В The U.S. Currency Education Program əskinasların əsas yenilənməsini göstərib.
“Mavi” dollar nə deməkdir?
Yeni 100 dollarlıq əskinaslar adi gözlə görünən mavi rəngli kağız üzərində buraxıldığı üçün “mavi” əskinaslar adlanır.
Qeyd etmək lazımdır ki, mavi lent 2009-2017-ci illərdə dövriyyəyə buraxılmış dollarlarda mövcuddur, ona görə də bu illərin əskinaslarına “mavi” də deyilir.
Yeni dollarların bir sıra fərqləri var. Belə ki, yeni əskinaslarda Benjamin Franklinin portreti və vinyetkası bir qədər böyükdür və oval çərçivə yoxdur. Bundan əlavə, əskinaslar üçün kağız hazırlamaq üçün pambıq və kətandan istifadə olunur ki, bu da onlara məxmər hissi və bir qədər kobudluq verir.
Yeni 100 dolları necə yoxlamaq olar?
Təbii ki, əskinasda su nişanı olmalıdır. 100 dolların üzərində Benjamin Franklinin portreti var.
Yeni əskinaslardakı mürəkkəbə də diqqət yetirməyə dəyər - onlar rəngini dəyişir, xüsusən də bunu mürəkkəb qabındakı zəngdə görmək olar. Əskinasda mavi rəngli üçölçülü qoruyucu zolaq var.
Hər bir əskinasın üzərində onu verən Federal Ehtiyat Bankını müəyyən edən hərf və nömrə olmalıdır. Əskinaslarda həmçinin mikro çap elementləri var, yəni: “ABŞ”, kiçik çapda nominal, “Amerika Birləşmiş Ştatları” ifadəsi.(lent.az)
Dronların texniki xidməti və təmiri üzrə texnik ixtisası yaradılır.
Bu barədə "Peşə təhsili üzrə ixtisasların Təsnifatı"nda edilən dəyişiklikdə qeyd edilib.
Qeyd edilib ki, "Uçan aparatların planer və sistemlərinin təmiri və istismarı" ixtisas qrupuna "Aviasiya yanacaq-sürtkü materiallarının texnoloji avadanlıqları üzrə mexanik" ixtisasından sonra "Dronların texniki xidməti və təmiri üzrə texnik" ixtisası əlavə edilir.
Yükdaşımalarda saatlarla davam edən "iş icazəsi" sənədləşməsi artıq elektron versiyada müştərilərin istifadəsinə verilib və əməliyyatların müddəti 20 dəqiqəyə qədər azaldılıb.
Yol-xeber.az" xəbər verir ki, “ADY Smart” sistemində mövcud olan bu funksiya müştərilərə yük qaimələrini elektron qaydada hazırlamaq və prosesin bütün mərhələ və statuslarını izləmək imkanı verir.
Əsas rəqəmsal yeniliklərimizdən biri də tarif kalkulyatorudur. Saytımıza əlavə edilmiş bu rəqəmsal həll yükdaşıma xərclərinin hesablanmasını və müştərilərlə qarşılıqlı əlaqəni sadə və sürətli prosesə çevirir.
Dünya Bankı və BMT-nin logistika platformalarına inteqrasiya və digər atdığımız addımlar ölkəmizin dəmir yollarını beynəlxalq müstəvidə etibarlı nəqliyyat arteriyasına çevirməyi hədəfləyir.
