 |
|
Şəmkir rayon icra hakimiyyətinin sabiq başçısı Alimpaşa Məmmədova hökm oxunub.
"Report"un Qərb bürosunun məlumatına görə, Gəncə Ağır Cinayətlər Məhkəməsində keçirilən məhkəmədə Alimpaşa Məmmədovun məhkəmə prosesi keçirilib.
Son sözdən sonra məhkəmə Alimpaşa Məmmədova hökm oxuyub.
Məhkəmənin qərarı ilə o, 11 il 6 ay müddətinə azadlıqdan məhrum edilib.
Qeyd edək ki, dövlət ittihamçısı təqsirləndirilən Alimpaşa Məmmədovun 13 il müddətinə azadlıqdan məhrum edilməsini istəmişdi.
Xatırladaq ki, A.Məmmədov ötən ilin aprel ayında Dövlət Təhlükəsizliyi Xidməti (DTX) tərəfindən kompleks əməliyyat-istintaq tədbirləri nəticəsində həbs olunub.
Onun barəsində Cinayət Məcəlləsinin 179.4-cü (mənimsəmə), 193-1.3.2-ci (cinayət yolu ilə əldə edilmiş pul vəsaitlərini leqallaşdırma), 308.2 (vəzifə səlahiyyətlərindən sui-istifadə), 311.3.2 və 311.3.3-cü (təkrar, külli miqdarda rüşvət alma) maddələri ilə ittiham irəli sürülüb və məhkəmənin qərarı ilə həbs qətimkan tədbiri seçilib.
Xəbər verdiyimiz kimi, bugün polisin Şüvəlandakı əməliyyatı zamanı 3 polis əməkdaşı və 1 mülki şəxs güllələnib.
Gununsesi.info polisləri və qonşusunu qətlə yetirən Xəzər rayonu Şüvəlan qəsəbəsində əvvəllər dəfələrlə məhkum olunmuş,1986-cı təvəllüdlü Allahverdiyev Rövşən Oqtay oğlu haqqında məlumatlar əldə edib.
Əldə etdiyimiz özəl məlumatda bildirilir ki, Rövşən Allahverdiyev Cinayət Məcəlləsinin 178-ci (dələduzluq) maddəsi ilə axtarışda olub.
Əvvəllər də bu maddə ilə məhkum olunan Rövşən Allahverdiyev bu dəfə ayrı-ayrı vətəndaşlara 1.5 milyon manata yaxın zərər vurub.
Bildirilir ki, onun barəsində Xəzər Rayon Polis İdarəsində çoxsaylı şikayətlər olub.
Bir müddət əvvəl Türkiyədə yaşayan Rövşən Allahverdiyev bu yaxınlarda ölkəyə daxil olub.
Onun evində olmasına dair polisin əldə etdiyi məlumatdan sonra qarşıdurmada həlak olan polis əməkdaşları onun mənzilinə gedib.
Əvvəlcə polislərlə normal danışan Rövşən Allahverdiyev paltarını dəyişmək adıyla mənzilinə daxil olub və oradan ov tüfəngini götürərək qarşısındakıları güllələyib.
Onun növbəti hədəfi isə səs-küyə gələn qonşusu olub. Belə ki, Rövşənin atdığı növbəti güllə qonşusunun da həyatına son qoyub.
Qətlə yetirilən polis əməkdaşının 10 gün sonra toyu olacaqmış
Ötən gecə Bakıda keçirilən əməliyyat zamanı həlak olan polis əməkdaşlarının kimliyi məlum olub.
Onlar polis kapitanı Eldəniz Məmmədov, polis serjantları Mahir Ağayev və Mirəli Heydərovdur.
Vəfat edən serjantlar DİN-in Çevik Polis Alayının əməkdaşları olub.
Ölkə.az azxeber.com-a istinadən xəbər verir ki, polis serjantı Ağayev Mahir Mayıl oğlu nişanlı olub, 10 gün sonra isə toyu olacaqdı.
Ötən gecə Bakıda keçirilən əməliyyat zamanı həlak olan polis əməkdaşlarının kimliyi məlum olub.
Onlar polis kapitanı Eldəniz Məmmədov, polis serjantları Mahir Ağayev və Mirəli Heydərovdur.
Vəfat edən serjantlar DİN-in Çevik Polis Alayının əməkdaşları olub.
Dağıstanda 15-dən çox hüquq-mühafizə orqanı əməkdaşı və bir neçə mülki şəxs yaraqlıların hücumlarının qurbanı olub.
Bu barədə Dağıstanın rəhbəri Sergey Melikov öz Telegram kanalında bildirib. Onun sözlərinə görə, altı yaraqlı məhv edilib. "Mahaçqala və Dərbənddə əməliyyat-döyüş fəaliyyətinin aktiv mərhələsi başa çatıb",-Melikov qeyd edib.
“15-dən çox polis əl-ələ verib Dağıstanın əmin-amanlığını qoruyan bugünkü terror aktının qurbanı oldu. Toqquşmalar zamanı daha bir neçə mülki şəxs də həlak olub... Onların arasında 40 ildən artıq Dərbənddəki pravoslav kilsəsində xidmət etmiş ruhani Nikolay ata da var”, - Məlikov əlavə edib.
Zərərçəkənlərə və həlak olanların ailələrinə maddi yardım göstəriləcək.
İyunun 24-dən 26-dək Dağıstanda matəm elan edilib, respublikada bütün əyləncə tədbirləri ləğv edilib
Bu barədə Dağıstan rəhbərinin administrasiyasının mətbuat xidməti xəbər verir.
“24, 25 və 26 iyun Dağıstanda matəm günləri elan edilib. Müvafiq fərmanı indicə Sergey Melikov imzalayıb”, - məlumatda deyilir.
Matəm günlərində respublikanın hər yerində dövlət bayraqları yarıya qədər endiriləcək. Dağıstanda yerləşən mədəniyyət müəssisələri və televiziya və radio şirkətləri bütün əyləncə tədbirləri və proqramlarını ləğv edəcəklər.
Bazar günü axşam saatlarında Dərbənddə sinaqoq və kilsəyə, Mahaçqalada isə pravoslav kilsəsinə, həmçinin yol polisi postuna hücum nəticəsində 15-dən çox polis əməkdaşı və bir neçə mülki şəxs həlak olub.
Hadisə zamanı 16 nəfərə yaralanıb ki, onunda 13-ü polisdir.
Paytaxtın Xəzər rayonu Şüvəlan qəsəbəsində iyunun 24-də əvvəllər dəfələrlə məhkum olunmuş, hazırda axtarışda olan 1986-cı təvəllüdlü Allahverdiyev Rövşən Oqtay oğlu polis əməkdaşları tərəfindən saxlanılarkən silahlı müqavimət göstərilib.
“Bu barədə Daxili İşlər Nazirliyinin (DİN) və Baş Prokurorluğun yaydığı birgə məlumatda bildirilib.
Məlumata görə, o, polis əməkdaşlarına mane olmaq məqsədilə ailə üzvlərini önə verərək yayınmağa və cavab tədbirlərinin qarşısını almağa cəhd etmiş, yaranmış vəziyyətdən istifadə edərək “Lancaster” markalı ov silahından atəş açaraq 3 nəfər polis əməkdaşını və 1 nəfər mülki vətəndaşı qətlə yetirmişdir.
Davam etdirilən tədbirlərlə R.Allahverdiyev polis əməkdaşları tərəfindən zərərsizləşdirilmişdir.
Faktla bağlı cinayət işi başlanılıb, istintaq hərəkətləri davam etdirilir.
Şabran rayonunda evə basqın olub, ölən və yaralanan var.
"Report"un Şimal bürosunun məlumatına görə, Şabranın "Üç sotlar" yaşayış massivindəki fərdi yaşayış evlərdən birinə basqın olunub.
İlkin ehtimala görə, oğurluq məqsədilə edilən basqın zamanı ev sahiblərindən rayon sakini Hüseynova Gülnarə Şıxkərim qızı öldürülüb, onun həyat yoldaşı rayon sakini 1966-cı il təvəllüdlü Hüseynov Arif Qaspar oğlu isə ağır bədən xəsarətləri ilə xəstəxanaya aparılıb.
Hadisə yerinə hüquq-mühafizə orqanlarının əməkdaşları cəlb olunub.
Faktla bağlı araşdırma aparılır.
İyunun 22-si saat 08:00-a olan məlumatına əsasən ölkə ərazisində yağan intensiv yağıntılarla əlaqədar Şəki rayonu ərazisindən axan Kişçaydan, Quba rayonu ərazisindən axan Xınalıqçaydan və Qobustan rayonu ərazisindən axan Ceyrankeçməzçaydan sel keçib.
Bu barədə Milli Hidrometeorologiya Xidmətının Hidrologiya Mərkəzin məlumat verilib.
Onun sözlərinə görə, hazırda Şabran rayonu ərazisindən axan Gilgilçaydan və Qəbələ rayonu ərazisindən axan Dəmiraparançaydan sel keçib.
O vətəndaşlardan mümkün qədər çayların sahilindən uzaqda eyni zamanda, təhlükəsiz yerlərdə durmalarını, sel hadisəsi zamanı çayların yaxınlığında dayanıb prosesi izləməmələrini tövsiyə edib.
İyunun 21-i saat 12:25-dən 15:35-dək Kəlbəcər rayonunun Mollabayramlı yaşayış məntəqəsi istiqamətində yerləşən mövqelərimiz Ermənistan silahlı qüvvələrinin üzbəüz istiqamətdəki mövqelərindən atəşə tutulub.
Bu barədə Müdafiə Nazirliyi məlumat yayıb.
Azərbaycan Ordusunun qeyd olunan istiqamətdə yerləşən bölmələri tərəfindən adekvat cavab tədbirləri görülüb.
Bu ilin yanvar-aprel ayları ərzində istehsalatda baş vermiş 164 bədbəxt hadisənin təhqiqatı aparılıb, bu hadisələr nəticəsində 22 nəfər vəfat edib, 170 nəfər müxtəlif dərəcəli bədən xəsarətləri alıb.
Bu barədə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətindən (DƏMX) məlumat verilib.
Bildirilib ki, baş vermiş həmin hadisələrin səbəbləri sırasına zərbə, yol-nəqliyyat, sürüşmə- büdrəmə, hündürlükdən yıxılma, elektrik cərəyanı ilə təmas və sairə daxildir:
Hər bir istehsalat qəzası ilə bağlı "İstehsalatda baş verən bədbəxt hadisələrin təhqiqi və uçota alınması Qaydaları"na uyğun şəkildə təhqiqat işlərinin aparılması və nəticəsinə uyğun şəkildə qanunauyğun tədbirlərin görülməsi təmin edilib.
Əməyin mühafizəsi tələblərinin pozulmasına görə aidiyyəti işəgötürənlərə isə İnzibati Xətalar Məcəlləsinin müxtəlif maddələri ilə müvafiq məbləğlərdə cərimələr tətbiq edilib.
İstehsalatda baş vermiş bədbəxt hadisələrin təhqiqatı nəticəsində 159 zərərçəkmiş şəxsə "İZ" (istehsalat zədəsi) formalı akt verilib.
İnzibati tədbirlərlə yanaşı, iş yerlərində sağlam və təhlükəsiz əmək şəraitinin yaradılması, istehsalatda baş verə biləcək bədbəxt hadisələrin qarşısının alınması üçün önləyici tədbirlərin görülməsi ilə bağlı işəgötürənlər arasında məlumatlandırma işləri aparılıb və bu işlər mütəmadi olaraq davam etdirilir".