 |
|
.jpg)
Ağstafada şübhəli bağlamanın içindən qumbara çıxıb.
"Ölkə.Az" ANAMA-ya istinadən xəbər verir ki, 2020-ci il 22 Yanvar tarixində saat 11:25-də Daxili İşlər Nazirliyinin ″102″ Xidməti-Zəng mərkəzi sistemindən Agentliyə Ağstafa rayonu, Poylu qəsəbəsi ərazisində iki ədəd şübhəli bağlamanın tapılması barədə məlumat daxil olub.
Məlumata əsasən, Agentliyin xüsusi mobil çevik əməliyyat qrupu, Daxili İşlər Nazirliyinin Ağstafa rayon Polis Şöbəsinin və Mərkəzi Xəstəxanasının əməkdaşları dərhal həmin əraziyə göndərilib.
Agentliyin mütəxəssisləri və Ağstafa rayon Polis Şöbəsinin əməkdaşları tərəfindən birlikdə yuxarıda adı qeyd olunmuş ərazidə məişət tullantıları sahəsinə baxış keçirilib.
Təhlükəsizliyi təmin etmək məqsədilə ərazi polislər tərəfindən mühasirəyə alınıb.
Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində altı ədəd F-1 əl qumbarası (iki ədədi boş), 3 240 ədəd 5.45 mm-lik təlim məqsədli patronlar və bir ədəd tir tüfəngi (TOZ-8) aşkar olunub, tüfəng Ağstafa rayon Polis Şöbəsinin əməkdaşlarına təhvil verilib, hərbi təyinatlı əşyalar zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.
Hərbi təyinatlı əşyaların ətrafında 250 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.
Hadisə nəticəsində xəsarət alan olmasa da avtomobillərə ziyan dəyib
Göygöl rayonunda sürücü idarəetməni itirərək avtomobilini ağaca çırpıb.
BAKU.WS-in bölgə müxbirinin verdiyi məlumata görə, hadisə rayonun Yeni Qızılca qəsəbəsində qeydə alınıb.
"VAZ-2106" markalı avtomobil qarşı tərəfsən gələn "VAZ-2107" markalı avtomobillə toqquşub.
Ardından yoldan çıxaraq ağaca çırpılıb.
Hadisə nəticəsində xəsarət alan olmasa da avtomobillərə ziyan dəyib.
Hadisə yerinə Göygöl rayon Dövlət Yol Polisinin əməkdaşları cəlb olunub.
Qəzanın səbəbləri dəqiqləşdirilir.
Bakıda aptek işçiləri narkotik vasitələri satarkən saxlanılıblar.
Bu barədə "Ölkə.Az"a Daxili İşlər Nazirliyinin (DİN) Mətbuat Xidmətindən məlumat verilib.
Belə ki, DİN Baş Narkotiklərlə Mübarizə İdarəsi əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində Xətai rayonu ərazisindəki apteklərin birində, əczaçı işləyən Abşeron rayon sakini M.Salmanov və Bakı şəhər sakini V.Məmmədova 9 ədəd “Tramadol” və 5 ədəd “Prebagalin” həblərini satarkən tutulublar.
Aptekə baxış zamanı satışına məhdudiyyət qoyulmuş 2380 ədəd “Tramadol”, 667 ədəd “Pregabalin”, 659 ədəd “T-doll”, 246 ədəd “Contramal”, 10 ədəd “Tamol XX”, 58 ədəd “Royal”, 70 ədəd “Lyrica” və 126 ədəd “Regapen” aşkar edilərərk götürülüb.
Bakı şəhər sakini S.Köçərili saxlanılıb
Abşeron Rayon Polis İdarəsinə Hökməli qəsəbəsində yaşayan ruhi xəstə Ceyhun Əhmədovun yanvarın 8-də evdən çıxaraq geri qayıtmaması barədə müraciət daxil olub.
Bu barədə Daxili İşlər Nazirliyi məlumat yayıb.
Məlumatda bildirilib ki, müraciətlə əlaqədar dərhal əməliyyat-axtarış tədbirlərinə başlanılıb.
C.Əhmədovun üzərində zorakılıq əlamatləri olan meyitinin yanvarın 21-də Çaylı kəndinin ərazisindən keçən çayda tapılması faktı ilə əlaqədar rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib.
İstintaq və əməliyyat tədbirləri ilə C.Əhmədovun yanvarın 8-də saat 20 radələrində Bakı-Şamaxı yolunun 15-ci kilometrliyində “Ford Tranzit” markalı avtomobillə vurulduqdan sonra qeyd edilən nəqliyyat vasitəsində sürücü və sərnişini tərəfindən aparılması müəyyən edilib.
Əməliyyat-axtarış tədbirləri ilə qeyd edilən avtomobilin sürücüsü, Xırdalan şəhər sakini H.Xudiyev və sərnişini, Bakı şəhər sakini S.Köçərili saxlanılıb.
Araşdırmalar rayon prokurorluğu tərəfindən aparılır.
O, qapalı kəllə-beyin travması ilə 1 saylı Xəstəxanaya yerləşdirilib
Bakının Binəqədi rayonunda orta yaşlı qadın sərnişin avtobusundan yıxılıb. Yol-xeber.az APA-ya istinadən xəbər verir ki, hadisə Azadlıq prospektində baş verib. 88 nömrəli marşut xətti üzrə hərəkət edən avtobusun sürücüsü qəfil əyləcdən istifadə edib. Bu zaman sərnişin - 1963-cü il təvəllüdlü Haqverdiyeva Lida Ənvər qızı yıxılıb. O, qapalı kəllə-beyin travması ilə 1 saylı Xəstəxanaya yerləşdirilib.
Qeyd edək ki, L.Haqverdiyeva 1 saylı Xəstəxanada tibb bacısı kimi çalışır.
V.Abbasov telefonunu yaşadığı evdə unudub
Bakıda kafedə spirtli içki içərək sərxoş olan şəxs telefonunun oğurlandığı barədə polisə məlumat verib.
Yol-xeber.az Unikal.org-a istinadən xəbərinə görə, hadisə yanvarın 14-də gencə saatlarında, Binəqədi rayonu Rəsulzadə qəsəbəsində yerləşən kafelərin birində qeydə alınıb.
Belə ki, kafedə yeyib-içən V.Abbasovun mobil telefonunun masanın üzərindən oğurlandığı barədə “102 Zəng Mərkəzi” Xidmətinə müraciət daxil olub.
Daxil olan müraciət üzrə Binəqədi Rayon Polis İdarəsinin 4-cü Polis Şöbəsi əməkdaşlarının keçirdikləri müvafiq əməliyyat-axtarış tədbirləri nəticəsində müəyyən edilib ki, V.Abbasovun mobil telefonu həmin kafedə oğurlanmayıb. Müvafiq tədbirlərlə müəyyən olunub ki, V.Abbasov telefonunu yaşadığı evdə unudub.
Hadisə yerinə polis və təcili tibbi yardım briqadaları cəlb olunub
Sumqayıtda baş verən qəzada ölən piyadanın kimliyi müəyyənləşib.
Yol-xeber.az Oxu.Az-a istinadən əldə etdiyi məlumata görə, ölən şəxs 1993-cü il təvəllüdlü Tural Məmmədovdur.
09:29
Sumqayıtda baş verən qəzada bir nəfər ölüb, bir nəfər yaralanıb.
Yol-xeber.az xəbər verir ki, bu barədə Oxu.Az-a TƏBİB-in mətbuat xidmətindən məlumat verilib.
Bildirilib ki, mikroavtobus yolu keçmək istəyən piyadanı vurub. Nəticədə, piyada hadisə yerində ölüb.
İdarəetməni itirən sürücü isə mikroavtobusu dirəyə çırpıb.
İlkin olaraq sürücüyə diz qapağının əziyi diaqnozu qoyulub.
08:03
Sumqayıt şəhərində ağır yol qəzası baş verib.
Səhər saatlarında şəhərin çıxışında qeydə alınıb. Sumqayıtdan Bakı istiqamətinə hərəkət edən “Mercedes Sprinter” markalı 10 ND 312 dövlət nömrə nişanlı sərnişin mikroavtobusu idarəetməni itirərək yolun kənarındakı dirəyə çırpılıb.
Hadisə yerinə polis və təcili tibbi yardım briqadaları cəlb olunub.
Qəzada xəsarət alanların olub-olması ilə bağlı dəqiq məlumat yoxdur.
Cinayət törətməkdə şübhəli bilinən 40 nəfər saxlanılıb
Ötən gün respublikanın daxili işlər orqanları tərəfindən qeydə alınan cinayət və hadisələrin statistik məlumatı açıqlanıb. Daxili İşlər Nazirliyinin (DİN) Mətbuat Xidmətindən Yol-xeber.az-a verilən məlumata görə, gün ərzində törədilmiş 26 cinayətin üstü “isti izlər”lə açılıb.
Əvvəlki dövrlərdən bağlı qalmış 7 cinayətin açılması təmin olunub.
Axtarışda olduğuna görə ümumilikdə 34 nəfər, o cümlədən mülki-hüquqi öhdəliklərin icrasından yayındığına görə 3 nəfər, borclu şəxs qismində axtarışda olan 19 nəfər saxlanılaraq aidiyyəti üzrə təhvil verilib.
Respublikanın avtomobil yollarında 1 ağır yol-nəqliyyat hadisəsi baş verib, nəticədə 1 nəfər dünyasını dəyişib.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 20, qanunsuz saxlanılan silah-sursatla bağlı 1 fakt müəyyən edilib.
Cinayət törətməkdə şübhəli bilinən 40 nəfər saxlanılıb.
Araşdırma aparılır
Bakıda avtomobilinin dövlət qeydiyyat nişanlarını oğurlamaqda şübhəli bilən şəxs saxlanılıb. Daxili İşlər Nazirliyinin (DİN) Mətbuat Xidmətindən Yol-xeber.az-a verilə məlumata görə, Xəzər RPİ-nin 1-ci Polis Şöbəsinə yanvarın 18-də Türkan qəsəbə sakini N.Məmmədovun “Forland” markalı avtomobilinin dövlət qeydiyyat nişanlarının oğurlanması barədə məlumat daxil olub. Dərhal polis əməkdaşları tərəfindən müvafiq tədbirlər görülüb. Əməliyyat-axtarış tədbirləri nəticəsində yanvarın 21-də DİN-in Təhlükəsiz Şəhər Xidmətinin əməkdaşları tərəfindən həmin dövlət qeydiyyat nişanları üzərində olan “Daewoo” markalı avtomobilin hərəkətdə olması aşkar edilib.
Qeyd olunan avtomobili idarə edən Bakı şəhər sakini, əvvəllər məhkum olunmuş Z.Hadıyev Xətai RPİ-nin əməkdaşları tərəfindən saxlanılıb.
FHN ADNSU-da yanğın olması barədə yayılan məlumatlara münasibət bildirib.
FHN-in mətbuat xidmətinin rəhbəri Gülçin Mehdiyeva APA-ya açıqlamasında deyib ki, nazirliyin "112" xidmətinə ADNSU-da yanğın olması barədə məlumat daxil olub.
Daxil olan məlumat əsasında hadisə yerinə yanğınsöndürənlər çıxıb. Lakin məlumat təsdiqini tapmayıb:
"Yanğın olması barədə yayılan məlumatlar yalandır".