 |
|
Bakının Suraxanı rayonunda orta yaşlı kişi bıçaqlanıb.
"Ölkə.Az" hadisə Bülbülə qəsəbəsində baş verib.
Bəydəmirov küçəsində iki nəfər mübahisə edib.
Hadisə şahidlərinin verdiyi məlumata görə, 1982-ci il təvəllüdlü Nəcəfov Vüqar Rafiq oğlu küçədə yüksək səslə qeyri-etik sözləri eşidib. Buna etiraz olaraq həmin şəxslərə iradını bildirib. Lakin naməlum şəxslərdən biri V.Nəcəfovun kürəyinə bıçaqla zərbə vurub. O, huşunu itirib. Yaralı qonşularının köməkliyi ilə 3 saylı Şəhər Klinik Xəstəxanasına yerləşdirilib.
Faktla bağlı Suraxanı Rayon Polis İdarəsində araşdırma aparılır.
Faktla bağlı araşdırma aparılır
Balakən rayonunda avtomobil təmiri sexi yanıb.
"Report" un Şimal-qərb bürosunun məlumatına görə, hadisə gecə saatlarında Katex kəndində qeydə alınıb.
Belə ki, həmin kənd sakini Fərrux Piriyevə məxsus ümumi sahəsi 80 kvadratmetr olan avtomobil təmiri sexində baş verən yanğının söndürülməsi üçün əraziyə Zaqatala və Balakən rayonlarının dövlət yanğından mühafizə hissələrinin üç yanğınsöndürən texnikası və şəxsi heyəti cəlb olunub.
Yanğın nəticəsində sexin yanar konstruksiyaları və təmirə gətirilən "Mercedes" markalı avtomobil yanıb. Yanğının ətrafdakı tikililərə keçməsinin qarşısı alınıb və xəsarət alan olmayıb.
Faktla bağlı araşdırma aparılır.
Bir sürücü donuzu avtomobili ilə vurub öldürüb
Türkiyənin Kırşehir vilayətində sürücünün vəhşiliyi kameraya çəkilib.
DHA-nın xəbərinə görə, bir sürücü donuzu avtomobili ilə vurub öldürüb.
Öldürülmüş heyvanı başqa bir sürücü avtomobilinə bağlayaraq sürüyüb.
Bu hadisə başqa bir şəxs tərəfindən kameraya çəkilib.
Faktla bağlı araşdırma aparılır
Sumqayıtda ağır xəsarətlə nəticələnən yol-nəqliyyat hadisəsi baş verib.
APA-nın yerli bürosunun məlumatına görə, hadisə şəhərin Koroğlu prospektində qeydə alınıb. "Mercedes Vito" markalı avtomobil eyni istiqamətdə hərəkətdə olan digər "Mercedes" markalı avtomobilə, daha sonra isə 7 saylı marşrut avtobusuna çırpılıb. Qəza nəticəsində "Mercedes Vito" markalı avtomobilin sürücüsü, 1970-ci il təvəllüdlü Məmmədov Natiq Bilal oğlu ağır bədən xəsarətləri alaraq xəstəxanaya aparılıb.
Faktla bağlı araşdırma aparılır.
Araşdırma aparılır
Bakıda quldurluq edən şəxs yaxalanıb. Daxili İşlər Nazirliyinin (DİN) Mətbuat Xidmətindən Yol-xeber.az-a verilən məlumata görə, Sabunçu RPİ-nin 13-cü Polis Bölməsinə Bakıxanov qəsəbəsi ərazisində bir qadının bıçaqla hədələnərək mobil telefonunun alınması barədə müraciət daxil olub. Keçirilmiş əməliyyat-axtarış tədbirləri nəticəsində quldurluğu törətməkdə şübhəli bilinən Füzuli rayon sakini, əvvəllər məhkum olunmuş T.Namazov polis əməkdaşları tərəfindən müəyyən edilərək saxlanılıb.
Araşdırma aparılır.
Suraxanı-Zığ Şossesində dayanaraq bu "əməli" törədir
Bakıda daha bir fırıldaqçı peyda olub. Sürücülərin unikal.org-a verdiyi məlumata görə, paytaxtın Suraxanı rayonunda yolun kənarında dayanan qadın hərəkət edən avtomobillərin içərisinə baxır. Sonra yolda saxlayan maşına əyləşən qadın sürücüdən 50 manat pul tələb edir. Sürücü pulu vermək istəmədiyində isə qadın polisə şikayət edəcəyini və yaxud onları şərləyəcəyini bildirir.
Qeyd edək ki, həmin qadın Suraxanı Rayon Dövlət Yol Polisi Şöbəsindən bir qədər aralıda və Suraxanı-Zığ Şossesində (keçmiş 7 saylı internatın yaxınlığında) dayanaraq bu "əməli" törədir.
Baş İstintaq və Təhqiqat İdarəsi tərəfindən araşdırma aparılır
Hacıqabul rayonunda piyadanın vurulması ilə nəticələnən yol nəqliyyat-hadisəsi baş verib. Daxili İşlər Nazirliyinin (DİN) Mətbuat Xidmətindən Avtosfer.az-a verilən məlumata görə, yanvarın 28-də saat 2 radələrində Hacıqabul rayonunun Rəncbər kəndi ərazisində Bakı şəhər sakini X.Şahmuradov idarə etdiyi “Toyota” markalı avtomobillə yolu keçən Quba rayon sakini Vahid Yusifovu vurub və nəticədə piyada aldığı xəsarətlərdən hadisə yerində dünyasını dəyişib.
Baş İstintaq və Təhqiqat İdarəsi tərəfindən araşdırma aparılır.
Cinayət 29-cu Polis Bölməsinin əməkdaşları tərəfindən araşdırılır
Yanvarın 27-də Bakının Yasamal rayonunda taksi sürücüsü soyğunçuluğun qurbanı olub.
Bu barədə Rayon Polis Şöbəsindən məlumat daxil olub.
Saat 04:00-radələrində Abbas Mirzə Şərifzadə küçəsində “Chevrolet Aveo” markalı avtomobilin sürücüsü, 31 yaşlı Xəqani Səfərov sərnişin kimi avtomobilinə minən iki naməlum şəxs tərəfindən hücuma məruz qalıb.
Hücum edənlərdən biri H.Səfərovu yumruqla başından vurub, nəticədə, o huşunu itirib.
Sonra cinayətkarlar taksi sürücüsünü maşından sürüyüb çıxararaq avtomobilini oğurlayıblar.
Cinayət 29-cu Polis Bölməsinin əməkdaşları tərəfindən araşdırılır.
Hələlik faktla bağlı həbs olunanlar yoxdur.
Cinayət törətməkdə şübhəli bilinən 27 nəfər saxlanılıb
Ötən gün daxili işlər orqanlarında qeydə alınan cinayət faktları və hadisələr haqqında statistik məlumatlar açıqlanıb.
Daxili İşlər Nazirliyinin (DİN) Mətbuat Xidmətindən verilən məlumata görə, törədilən 22 cinayətin üstü “isti izlər”lə açılıb.
Əvvəlki dövrlərdən bağlı qalan 17 cinayətin açılması təmin olunub.
Axtarışda olduğuna görə ümumilikdə 33 nəfər, o cümlədən mülki-hüquqi öhdəliklərin icrasından yayındığına görə 1 nəfər, borclu şəxs qismində axtarışda olan 17 nəfər saxlanılaraq aidiyyəti üzrə təhvil verilib.
Avtomobil yollarında 4 ağır yol-nəqliyyat hadisəsi baş verib, nəticədə 4 nəfər ölüb.
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 11, qanunsuz saxlanılan silah-sursatla bağlı 1 fakt müəyyən edilib.
Cinayət törətməkdə şübhəli bilinən 27 nəfər saxlanılıb.
Yaralı xəstəxanaya aparılıb
Qazaxda piyadanın xəsarət alması ilə nəticələnən yol-nəqliyyat hadisəsi baş verib.
"Report"un Qərb Mərkəzinin məlumatına görə, hadisə Bakı-Qazax-Gürcüstan avtomobil yolunun Qazaxın Birinci Şıxlı kənd ərazisindən keçən hissəsində qeydə alınıb.
Belə ki, avtomobil yolu qarşı tərəfə keçmək istəyən piyadanı (şəxsiyyəti dəqiqləşdirilir-red) vurub. Nəticədə piyada müxtəlif bədən xəsarətləri alıb. Yaralı xəstəxanaya aparılıb. Onun vəziyyətinin orta-ağır olduğu bildirilir.
Faktla bağlı araşdırma aparılır.