 |
|
Ermənistan Silahlı Qüvvələrinin birləşmələri Seysulan və Yarımca kəndləri istiqamətindəki döyüş mövqelərini, postları tərk edirlər.
“Ölkə.az” bunu əks etdirən görüntüləri əldə edib.
Həmin videonu təqdim edirik:
Azərbaycan hərbçisi lokal xarakterli antiterror tədbirləri zamanı yaralanan erməni əsgərinin həyatını xilas edib.
Baku TV-nin hərbi jurnalisti Fərdin İsazadə bildirib ki, hərbçilərimizin yardım göstərdiyi bu əsgər Ermənistan vətəndaşı Karen İsanyandır.
Qeyd edək ki, Karen Xankəndidə yaşayan Ermənistan vətəndaşıdır.
Ətraflı süjetdə:
"Ermənistanın bəzi sosial media hesablarında guya Silahlı Qüvvələrimizin Xankəndi istiqamətində hücuma keçməsi barədə yayılan məlumatlar tamamilə yalandır və dezinformasiya məqsədi daşıyır".
Bu barədə Azərbaycan Müdafiə Nazirliyindən (MN) məlumat verilib.
"Yayılan bu məlumatı qəti surətdə təkzib edirik", - məlumatda vurğulanıb.
Gəncə şəhəri, Nizami Gəncəvi küçəsində yerləşən Mərkəzi Univermaq binasının bir hissəsinin çökmə ehtimalının olması barədə Fövqəladə Hallar Nazirliyinə (FHN) məlumat daxil olub.
Məlumatla əlaqədar dərhal FHN-in Gəncə Regional Mərkəzinin qüvvələri əraziyə cəlb olunub, aidiyyəti dövlət qurumları məlumatlandırılıb.
Univermaq binasında çökmə ehtimalı nəzərə alınaraq binadakı vətəndaşların təxliyəsi təşkil olunub.
***
Gəncə şəhərində ticarət mərkəzinin bir hissəsində çökmə olub.
“Report”un məlumatına görə, çökmə “Univermaq” binasında qeydə alınıb.
Hadisə yerinə təcili tibbi yardım briqadası və aidiyyəti qurumların əməkdaşları cəlb olunublar. Faktla bağlı araşdırma aparılır.
Sentyabrın 19-da qanunsuz erməni silahlı birləşmələrinin təxribat-diversiya qrupu tərəfindən Xocavənddə yerləşdirilən minanın partladılması ilə törədilən terror aktı nəticəsində həlak olan polis əməkdaşı Xəzər Zamanovla vida mərasimi keçirilir.
“Report” xəbər verir ki, mərasim Bakı şəhəri Nizami rayonu Əli Vəliyev küçəsi, ev 9-da keçirilir.
Mərasimdə mərhumun yaxınları, rəsmi şəxslər, ictimaiyyət nümayəndələri iştirak edirlər.
Qeyd edək ki, sentyabrın 19-u DİN-in əməkdaşlarının olduğu “Kamaz” markalı nəqliyyat vasitəsi həmin gün Əhmədbəyli-Füzuli-Şuşa yolunun Xocavənd rayonundan keçən 58-ci kilometrliyində Azərbaycan Avtomobil Yolları Dövlət Agentliyi əməkdaşlarının öldürülməsi ilə nəticələnmiş terror hadisəsinin baş verdiyi yer istiqamətində hərəkət edərkən saat 04:30 radələrində Xocavənd rayonunun Tağaverd kəndi ərazisində yeni inşa olunan tunel yolunda sülhməramlıların müvəqqəti yerləşdiyi ərazidə fəaliyyət göstərən qanunsuz erməni silahlı birləşmələrinin təxribat-diversiya qrupu tərəfindən yerləşdirilmiş minaya düşərək partlamış, törədilmiş terror aktı nəticəsində DİN-in əməkdaşları olan 05.02.1994-cü il təvəllüdlü Camalzadə Asim Knyaz oğlu, 08.07.1987-ci il təvəllüdlü Şirinov Ramil Arif oğlu, 12.07.1991-ci il təvəllüdlü Mahmudov Seymur Elsevər oğlu və 21.07.1998-ci il təvəllüdlü Zamanov Xəzər Azər oğlu hadisə yerində həlak olublar.
Sentyabrın 19-da qanunsuz erməni silahlı birləşmələrinin təxribat-diversiya qrupu tərəfindən Xocavənddə yerləşdirilən minanın partladılması ilə törədilən terror aktı nəticəsində həlak olan polis Seymur Mahmudovla vida mərasimi keçirilir.
"Report" xəbər verir ki, mərasim Bakının Rəsulzadə qəsəbəsində keçirilir.
Mərasimdə mərhumun yaxınları, rəsmi şəxslər, ictimaiyyət nümayəndələri iştirak edirlər.
Qeyd edək ki, sentyabrın 19-u DİN-in əməkdaşlarının olduğu “Kamaz” markalı nəqliyyat vasitəsi həmin gün Əhmədbəyli-Füzuli-Şuşa yolunun Xocavənd rayonundan keçən 58-ci kilometrliyində Azərbaycan Avtomobil Yolları Dövlət Agentliyi əməkdaşlarının öldürülməsi ilə nəticələnmiş terror hadisəsinin baş verdiyi yer istiqamətində hərəkət edərkən saat 04:30 radələrində Xocavənd rayonunun Tağaverd kəndi ərazisində yeni inşa olunan tunel yolunda sülhməramlıların müvəqqəti yerləşdiyi ərazidə fəaliyyət göstərən qanunsuz erməni silahlı birləşmələrinin təxribat-diversiya qrupu tərəfindən yerləşdirilmiş minaya düşərək partlamış, törədilmiş terror aktı nəticəsində DİN-in əməkdaşları olan 05.02.1994-cü il təvəllüdlü Camalzadə Asim Knyaz oğlu, 08.07.1987-ci il təvəllüdlü Şirinov Ramil Arif oğlu, 12.07.1991-ci il təvəllüdlü Mahmudov Seymur Elsevər oğlu və 21.07.1998-ci il təvəllüdlü Zamanov Xəzər Azər oğlu hadisə yerində həlak olublar.
Əgər hazırda Qarabağda Ermənistan silahlı qüvvələri yoxdursa, onda Nikol Paşinyana üç sual:
1) Niyə bu hərbçilər Ermənistanın dövlət büdcəsindən, yəni mənim vergilərimdən maliyyələşir?
2) Nə üçün bu hərbi qulluqçuların komandanlığı Ermənistan Baş Qərargahı tərəfindən koordinasiya edilir?
3) Ermənistanda məhkəmələr niyə 44 günlük müharibədən qalan Qarabağ komandirlərini mühakimə edirlər?
Axar.az xəbər verir ki, bu sözləri erməni bloger İşxan Verdyan Teleqram səhifəsində paylaşıb.
“Beynəlxalq ictimaiyyəti istədiyiniz qədər (Qarabağda Ermənistan ordusunun olmaması yalanı ilə - red.) aldada bilərsiniz, amma məni, Ermənistan Respublikasının məsuliyyətli vətəndaşını aldada bilməyəcəksiniz”, - o bildirib.
Qeyd edək ki, Azərbaycan ötən gün Qarabağ iqtisadi zonasının rus sülhməramlıların müvəqqəti məsuliyyət zonasında fəaliyyət göstərən erməni terrorçuları və Ermənistan ordusunun hələ də ərazimizdə olan qüvvələrinə qarşı antiterror tədbirlərinə başlayıb. Ermənistan MN isə ötən gün məlumat yayaraq, guya Qarabağda Ermənistan ordusunun heç bir bölməsinin olmadığını iddia edib.
Sentyabrın 19-dan başlayaraq Azərbaycan Respublikasının Silahlı Qüvvələri tərəfindən Qarabağ iqtisadi rayonunda keçirilən lokal xarakterli antiterror tədbirləri uğurla davam edir.
Bu barədə Azərbaycanın Müdafiə Nazirliyindən bildirilib.
Azərbaycanın Qarabağ bölgəsində Kərkicahan-Xəlfəli yolunda Ermənistan Silahlı Qüvvələrinin postu dağıdılıb.
Bu barədə “Caliber” görüntülər yayıb.
Bundan əlavə, Ermənistan silahlı qüvvələrinin qanunsuz birləşmələrinin Azərbaycanın Qarabağ bölgəsində yerləşdirilmiş radioelektron mübarizə alayı dəqiq nöqtə atışı ilə məhv edilib.
Xocalı rayonu və Qırmızı Bazar istiqamətində Ermənistan silahlı qüvvələrinin birləşmələrinin döyüş mövqeləri, uzunmüddətli atəş nöqtələri, döyüş vasitələri və hərbi təyinatlı obyektləri bölmələrimizin sərrast atəşi nəticəsində məhv edilir.
Bu barədə Müdafoiə Nazirliyindən məlumat verilib.