 |
|
Bir müddət əvvəl yeni inzibati binaya köçən Şəki Şəhər İcra Hakimiyyətinin köhnə binasının istifadəsiz qaldığı bildirilir.
Üzərindəki yazıları da çıxarılan binanın söküləcəyi ilə bağlı məlumatlar yayılıb.
Artıq 3 gündür binanın taleyi ilə bağlı məlumat almaq üçün icra hakimiyyətinin saytında qeyd olunan nömrələrə zəng etsək də, dəstəyi götürən olmadı.
Qeyd edək ki, Şəki Şəhər İcra Hakimiyyətinin yeni inzibati binasınının açılışı ötən il dekabrın 2-də baş tutub.
“Göyçə Zəngəzur Respublikası”nın prezidenti və “Qərbi Azərbaycana Qayıdış” İctimai Birliyinin rəhbəri kimi təqdim edilən Rizvan Talıbov, həmçinin “respublika”nın yeni prezidenti olduğu bildirilən, müvəqqəti olaraq Türkiyədən Azərbaycana gəlmiş Tünzalə Çələbiyeva barəsində Azərbaycan Respublikası Dövlət Təhlükəsizliyi Xidmətində (DTX) araşdırmalar aparılıb. Müvafiq axtarışların həyata keçirilməsi, sorğulanmaları ilə əlaqədar hər iki şəxs istintaq orqanına cəlb olunub.
“Qafqazinfo”nun məlumatına görə, hazırda R.Talıbov və T.Çələbiyeva ilə əlaqə saxlanılması mümkün deyil.
Xatırladaq ki, 2022-ci ildə “Qərbi Azərbaycana Qayıdış” İctimai Birliyinin rəhbəri Rizvan Talıbov “Göyçə Zəngəzur Respublikası”nın yaradıldığını elan etmiş, onun “respublika”nın dövlət başçısı olduğu, həmçinin “respublika”nın öz parlamenti, nazirlər kabinetinin olduğu iddia edilmişdi. (Qeyd olunan təşkilatların Qərbi Azərbaycan İcması ilə heç bir bağlılığı mövcud deyil).
Sentyabrın 19-da Türkiyənin Ankara şəhərində “respublika”nın nümayəndəliyinin açıldığı bəyan edilmişdi.
2023-cü ilin yanvar ayında “Göyçə Zəngəzur Respublikası” və “Qərbi Azərbaycana Qayıdış” İctimai Birliyi tərəfindən Rizvan Talıbovun “Göyçə Zəngəzur Respublikası”na rəhbər vəzifələrə təyinatları barədə məlumatlar və siyahı yayılmışdı.
Qərbi Azərbaycan İcması bəyanat verərək, belə bir təşəbbüsün dəstəklənmədiyini bəyan etmişdi.
Məlum olduğu kimi, Rizvan Talıbov tərəfindən mənsubiyyəti məlum olmayan dairələrlə birgə özbaşına olaraq “Göyçə Zəngəzur Respublikası” adlı qurumun elan edilməsi Qərbi Azərbaycan ziyalıları tərəfindən böyük təxribat kimi qiymətləndirilmişdi.
Daha sonra Rizvan Talıbovun rəhbər vəzifələrə təyin etdiyini bildirdiyi xarici ölkə vətəndaşlarının İraq kürd icmaları ilə və digər ölkələrdə müəmmalı görüşləri, xarici ölkə vətəndaşları tərəfindən Rizvan Talıbovun “respublika” prezidentliyindən uzaqlaşdırılaraq Tünzalə Çələbiyevanın prezident elan edilməsi ictimaiyyətdə əlavə çaşqınlıq və suallar yaratmışdı.
Qeyd edək ki, 1989-cu ildən fəaliyyət göstərən “Azərbaycan Qaçqınlar Cəmiyyəti” İctimai Birliyinin hüquqi varisi olan Qərbi Azərbaycan İcması həmin ildən etibarən Qərbi Azərbaycan qaçqınlarının problemləri ilə məşğul olan və 1987-1991-ci illərdə qaçqın düşən azərbaycanlılar barədə faktların və sənədlərin toplandığı və saxlandığı yeganə leqal ictimai qurumdur.
Avqustun 8-də birdən-birə peyda olan “Səlibçilər” təşkilatının üzvləri İrəvanda Ermənistan hökumətinin binası qarşısında Xankəndidəki terrorçu-quldur dəstəsinə dəstək vermək adı altında aksiya keçirdilər. Özlərini Qarabağ müharibələrinin iştirakçıları adlandıran “Səlibçilər” dəstəsinin komandiri Sarkis Poqosyan İrəvanın mərkəzi meydanında yekə-yekə bəyanatlar verərək deyib ki, hakimiyyət dəstək verməsə belə, onlar özləri sərhədə gedəcəklər. O, hətta gurultulu bəyanatla çıxış edərək Kornidzora gedərkən yolda hərbi hissələrə baş çəkib hərbi hissələrdən onları silahla təmin edilməsini istəyəcəklər.
“Geri yolumuz yoxdur, biz həmişə irəli gedirik, kimisə döymək olar, kimisə zədələmək olar, amma bu, zəifləyəcəyimiz demək deyil. Belə bir şey yoxdur”, - Poqosyan bildirib.
İrəvanın meydanında gurultulu bəyanat versələr də, avqustun 9-da Laçın sərhədinə cəmi 30-40 “səlibçi” gələ bildi. Qalanları elə İrəvandaca “əriyib” yoxa çıxdılar. Səbəbi isə bəllidir. Onlar “igidlik ondur, doqquzu qaçmaq, biri isə heç meydanda görünməməkdir” prinsipinə əməl edərək aradan çıxdılar. Yaxşı bilirlər ki, onları Laçında hansı acı aqibət gözləyə bilər.
Lakin hələ də “sinəsinə döyən” 5-10 nəfər vaxtı ilə havadarlarının hesabına Azərbaycan torpaqlarını zəbt edən “səlibçi”çilər özlərini köhnə əyyamda olduğu kimi hiss edərək Azərbaycan əsgərlərinin dayandığı Laçın sərhəd-buraxılış məntəqəsinin bir neçə kilometrliyinədək, yəni durbinlə baxa bildikləri məsafəyədək gəldilər. Uzaqdan vəziyyəti seyr edən “səlibçilər” burada da “hamımız xidmət etmişik, bura niyə gəldiyimizi çox yaxşı bilirik”, “rus sülhməramlılarla danışıqların nəticəsini gözləyirik, müsbət cavab olmasa belə, biz güc yolu ilə yolu açıb Xankəndiyə gedəcəyik” kimi səs-küylü açıqlamalar verdilər.
Amma çox çəkmədi ki, həmin “səlibçilər” gəldikləri kimi də, yoxa çıxdılar.
Azərbaycan sərhədi yaxınlığında reallığın nə yerdə olduğu onlara anladıldı. Qulaqlarına pıçıldandı ki, vəziyyət nə üşündüyünüz, nə də 90-cı illərin əvvəlində olduğu kimidir. Orada dayanan Azərbaycan sərhədçisi və komandos qüvvələridir! Bu gün bütöv erməni ordusu gəlsə belə, oradakı Azərbaycan komandos qüvvələrinin qarşısında nəinki uzunmüddətli, heç bir neçə günlük tab gətirmək gücündə deyil. Azərbaycan komandosu insana həyatı onun başa düşdüyü dildə necə başa salmağı çox yaxşı bilir. Odur ki ağlınızı başınıza yığın! Və necə gəlmisinizsə... Vəziyyət onlara necə başa salındısa, hay dığaları necə gəlmişdisə, eləcə də kirimişcə, bir andaca... (necə başa düşürsünüzsə) yox oldular.
Hesab edirəm ki, artıq erməni cəmiyyəti anlamalıdır ki, oyun bitib. Belə oyunlar isə ancaq və ancaq onları daha da bitirəcək.
Xarici ölkələrə aşağı qiymətə aviabilet və tur paketlər təşkil edəcəyi adı ilə vətəndaşları aldadan şəxs həbs edilib.
DİN-in Mətbuat xidmətindən “Qafqazinfo”ya verilən xəbərə görə, cinayət əməlinin Bakı şəhər sakini Zeynalova Mələk Nazim qızı tərəfindən törədildiyi müəyyən edilib
Dələduzluqda şübhəli bilinən həmin şəxsin yeri Daxili İşlər Nazirliyinin əməkdaşları tərəfindən müəyyən edilib və o, qısa zamanda saxlanılaraq istintaqa təqdim olunub.
Faktla bağlı Cinayət Məcəlləsinin 178.3.2-ci (külli miqdarda ziyan vurmaqla dələduzluq etmə) maddəsi ilə cinayət işi başlanılıb və saxlanılan şəxs barəsində məhkəmənin qərarı ilə həbs qətimkan tədbiri seçilib:
“ Mələk Zeynalovanın əməllərindən zərərçəkən şəxslər bu barədə Daxili İşlər Nazirliyinə müaciət edə bilərlər”, deyə məlumatda qeyd edilib.
Ermənistanda əsir saxlanılan Azərbaycan Ordusunun əsgəri Bəbirov Aqşin Qabil oğlu ailəsi ilə əlaqə saxlayıb.
Modern.az-ın məlumatına görə, videozəng Beynəlxalq Qırmızı Xaç Komitəsinin vasitəçiliyi ilə baş tutub.
“Hər şey qaydasındadır. Gələcəyəm. Ana, sən ağlasan, mən burada narahat oluram. Mən yaxşıyam, narahat olmayın”, - deyə əsir hərbçimiz bildirib.
Xatırladaq ki, Naxçıvan Muxtar Respublikasının Şahbuz rayonunun Ermənistanla sərhədboyu ərazisində əlverişsiz hava şəraitində məhdud görmə səbəbindən Azərbaycan ordusunun itkin düşmüş əsgərləri - 2004-cü il təvəllüdlü Aqşin Qabil oğlu Bəbirov və 2003-cü il təvəllüdlü Hüseyn Əhliman oğlu Axundov Ermənistan tərəfindən əsir götürülüblər.
Aqşin Bəbirov və Hüseyn Axundov “Ermənistanın dövlət sərhədini qanunsuz keçməkdə, odlu silah və döyüş sursatı daşımaqda” ittiham olunurlar. Qondarma məhkəmə prosesində Aqşin Bəbirova 11,5 il, Hüseyn Axundova isə 20 il müddətinə həbs cəzası verilib.
Narkotik vasitələrin qanunsuz dövriyyəsinin qarşısının alınması istiqametinde DİN əməkdaşları tərəfindən əməliyyatlar davam etdirilir.
DİN-in Baş Narkotiklərlə Mübarizə İdarəsindən verilən xəbərə görə, tədbirlərlə İrandan ölkəyə narkotik vasitələri qaçaqmalçılıq yolu ilə gətirən daha bir mütəşəkkil dəstə DİN-in Baş Narkotiklərlə Mübarizə İdarəsinin əməkdaşları tərəfindən müəyyən edilib. Bakı şəhəri ərazisində keçirilən əməliyyat-axtarış və əməliyyat-texniki tədbirlər nəticəsində 1987-ci il təvəllüdlü Naiq Hacıyev, eləcə də əvvəllər məhkum olunanalar – 1990-cı il təvəllüdlü Yusif Hüseynov və 1985-ci il təvəllüdlü Ramid Abdullayev saxlanılıblar. Şübhəli şəxslərdən və onlara məxsus ünvanlardan 21 kq güclü təsirə malik narkotik vasitə heroin, 4 kiloqram tiryək, tərkibi psixotrop maddələrlə zənginləşdirilən 41 kiloqram qurudulmuş marixuana, 7 kiloqram metamfetamin olmaqla umumilikde 73 kq narkotik vasite ve psixotrop madde, hemcinin 1500 ədəd "Metadon" həbi aşkarlanıb.
Faktla bağlı Cinayət Məcəlləsinin müvafiq maddeleri ilə cinayət işi başlanılıb, dəstə üzvləri barəsində həbs qətimkan tədbiri seçilib, əməliyyat-axtarış, əməliyyat-istinaq tədbirləri davam etdirilir.
Ermənistan mediası Xankəndidə “mülki erməniləri” Laçın postuna gətirəcək avtobuslarla bağlı daha bir iddia irəli sürüb.Bu avtobusların əslində erməniləri Qarabağdan çıxarmaq üçün hazırlandığı deyilir.
“Hraparak” nəşri yazır ki, Xankəndinin mərkəzində 25 avtobus erməniləri Həkəri körpüsünə (Laçın postu bu körpüdədir) aparacaq: “Təbii ki, bunu “hökumət” (separatçılar) edir, əks təqdirdə, mövcud vəziyyətdə 25 avtobus ayırmazdılar. Lakin məsuliyyəti kim üzərinə götürəcək? Camaatı niyə sərhəd xəttinə aparırlar? Bunu başa düşmək olmur. Deyirlər, “biz dinc, silahsız” gedirik. Bu yürüşün məqsədi nədir?
Bu, ilk baxışdan macəra proqramı kimi görünsə də, elə deyil. İnsanların həyatını, taleyini düşünmədən məqsədyönlü şəkildə həyata keçirilən plandır. Və bəlkə də bu, yerdəyişmə, yaxud başqa bir proqramdır. “Artsax” rəhbərliyi öz yaxınlarını bu avtobuslara dolduracaq və Qarabağı tərk edəcəklər”.
Qeyd edək ki, separatçılar bir qrup ermənini Laçın postuna gətirməyə hazırlaşır.“Aksiya”nın məqsədinin Laçın postunun açılmasına nail olmaq olduğu haqda məlumatlar var. Lakin Ermənistan mediasında məqsədin başqa olduğunu və ya bu “aksiya”nın baş tutmayacağına dair fikirlər irəli sürülür. //Publika.az//
Rusiya sülhməramlı kontingentinin (RSK) müşayiəti ilə separatçıların Qarabağda qanunsuz hərbi yükləri daşımaları ilə bağlı daha bir fakt qeydə alınıb.
Bununla bağlı görüntüləri unikal.az saytı paylaşıb.
Görüntülərdən aydın olur ki, daşınma gecə-gündüz həyata keçirilir.
Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva və Ombudsmanın İşgəncələrin qarşısının alınması üzrə Milli Preventiv Qrupunun üzvləri tərəfindən şəxslərin öz iradəsi ilə tərk edə bilmədiyi saxlama yerlərinə əvvəlcədən xəbərdarlıq etmədən başçəkmələr keçirilib.
Ombudsman Aparatından verilən məlumata görə, Ombudsman tərəfindən Milli Preventiv Mexanizm fəaliyyəti çərçivəsində milli və beynəlxalq hüquq normalarının, o cümlədən BMT-nin İşgəncə və digər qəddar, qeyri-insani və ya ləyaqəti alçaldan rəftar və ya cəza əleyhinə Konvensiyasının Fakültativ Protokolunun tələblərinə uyğun keçirilən növbəti başçəkmə çərçivəsində 29 iyul 2023-cü il tarixində Azərbaycan Respublikasının Dövlət Sərhəd Xidmətinin əməkdaşları tərəfindən Azərbaycan-Ermənistan dövlət sərhədinin Laçın sərhəd-keçid məntəqəsində saxlanılan Vaqif Xaçaturyan fərdi qaydada qəbul edilib.
Ombudsman və onun İşgəncələrin qarşısının alınması üzrə Milli Preventiv Qrupunun üzvlərinin, ixtisasca həkim və psixoloq ekspertlərinin də iştirak etdiyi başçəkmə zamanı qəbul edilmiş V.Xaçaturyanın müraciəti dinlənilib. O, ilkin tutulma anından ona göstərilən humanist münasibətdən, keyfiyyətli tibbi xidmətdən razılığını bildirib və səhhətində müsbət dəyişikliklər olduğunu qeyd edib. V.Xaçaturyan bütün bunlara, eyni zamanda onunla rəftara, saxlanma şəraitinə, ailəsi ilə əlaqə imkanı yaradıldığına görə Azərbaycan dövlətinə minnətdarlığını bildirib.
Başçəkmə çərçivəsində müəssisədə saxlanma şəraiti – şəxsi gigiyena və sanitariya, tibbi xidmət, qidalanma məsələləri yerində araşdırılıb, həmin şəxsə münasibətdə də heç bir fərq qoyulmadan milli qanunvericiliyə və beynəlxalq sənədlərə uyğun olaraq hüquqlarının, lazımi tibbi-psixoloji xidmətin təmin olunduğu, palatasında bədii ədəbiyyat və lazımi informasiya materiallarının olması müəyyən edilib.
Qəbul edilmiş şəxsə hüquqları üzrə müraciət mexanizmləri ilə bağlı öz dilində qanunvericilik aktları və beynəlxalq sənədlər, Ombudsmana və 916 Çağrı Mərkəzinə müraciət imkanlarına dair məlumatlandırıcı nəşrlər təqdim olunub.
Başçəkmə çərçivəsində qəbul edilmiş həmin şəxslə bağlı məlumatlar, video və fotoşəkillər müvafiq beynəlxalq qurumlara da göndərilib.
2 avqust saat 23:20 radələrində ADY-na məxsus elektrovoz Qala-Binə mənzilində hərəkətdə olarkən dövlət qeydiyyat nişanı 77-FV-520 olan "Hyundai Elantra" markalı avtomobil dəmiryol keçidini keçməyə cəhd edib.
Bu barədə Azərbaycan Dəmir Yolları QSC-dən məlumat verilib.
Qeyd olunub ki, maşinist tərəfindən təcili tormozlanma aparılsa da tormoz məsafəsi az olduğundan toqquşma qaçılmaz olub. Hadisə nəticəsində xəsarət almış sürücü və 1 sərnişin təcili tibbi yardım briqadasının köməyi ilə xəstəxanaya çatdırılarkən sürücü yolda dünyasını dəyişib.
"ADY olaraq bir daha nəqliyyat vasitələri sürücülərini Azərbaycan Respublikasının "Yol-Hərəkəti haqqında" qanunun 44-cü maddəsinin tələblərinə ciddi riayət etməyə, dəmir yolu keçidlərinə yaxınlaşarkən yüksək sayıqlıq göstərməyə və keçidin qatardan boş olduğuna tam əmin olduqdan sonra hərəkətlərini davam etdirməyə çağırırıq".
Qeyd edək ki, sürücülərin yol-hərəkəti haqqında Qanunun tələblərini kobud pozması nəticəsində cari ildə keçidlərdə 18 hadisə baş verib, 6 nəfər xəsarət alıb , 3 nəfər isə dünyasını dəyişib. Ötən ilin eyni dövrü ərzində isə dəmiryolu keçidlərində 12 hadisə baş vermiş, 4 nəfər xəsarət alıb, 1 nəfər isə həlak olub.
Xatırladaq ki, Аzərbаycаn Rеspublikаsının İnzibаti Хətаlаr Məcəlləsində edilmiş dəyişikliklərə əsasən dəmiryol keçidlərindən keçmə qaydalarının pozulması, nəqliyyat vasitələrinin dəmir yollarını dəmiryol keçidlərindən kənar yerlərdən keçməsinə görə sürücülərə 100 AZN məbləğində cərimə tətbiq olunur.