 |
|
Koronavirus infeksiyasının qarsısının alınması məqsədilə avtobuslarda olan yer qədər sərnişin daşınmasına icazə verilib.
Real xəbər verir ki, bugünkü mənzərə onu göstərir ki, sərnişindaşımada ara məsafəsinin saxlanılması tələbinə riayət edən, demək olar ki, yoxdur.
Bu, karantin qaydalarını pozmaqla yanaşı, həm də koronavirus infeksiyasının inkişafına dəstək verməkdir.
Hazırda paytaxtda avtobuslarda problem azalmaq yerinə getdikcə çoxalır. Necə deyərlər, iynə atsan, insan əlindən yerə düşməz.
Karantin rejiminin qaydalarına məhəl qoymayanlar da vətəndaşlardır, mövcud vəziyyətdən narazı qalıb şikayətlənənlər də...
Vəziyyət hər ötən gün daha da pisləşir.
Bu həftədən xaricdə qeydiyyatda olan avtomobillərin Azərbaycana müvəqqəti gətirilməsinə il ərzində 90 gün məhdudiyyət qoyulması barədə qərar qüvvəyə minib.
Bu, Nazirlər Kabinetinin “Fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan malların gömrük sərhədindən keçirilməsinin güzəştli və sadələşdirilmiş Qaydaları”nda dəyişiklik edilməsi barədə” 19 mart 2020-ci il tarixli qərarında əksini tapıb.
Bundan əvvəl qüvvədə olan Qaydalara əsasən, xarici dövlətlərdə daimi qeydiyyatda olan avtonəqliyyat vasitələrinin və onların qoşqularının (yarımqoşqularının) qeyri-rezidentlər tərəfindən müvafiq təsdiqedici sənədlə gömrük ərazisinə müvəqqəti olaraq gətirilməsinə 90 gün müddətinədək, bu müddətin uzadılmasına görə isə Gömrük Məcəlləsində müəyyən edilmiş gömrük borcunun ödənilməsinin təmin edilməsi üçün təminat üsullarının tətbiqi ilə 1 ildən artıq olmamaq şərti ilə həmin şəxsin vizasında və ya Azərbaycan Respublikasının ərazisində müvəqqəti yaşamaq üçün icazə vəsiqəsində, yaxud əcnəbinin və ya vətəndaşlığı olmayan şəxsin Azərbaycan Respublikasında müvəqqəti olma müddətinin uzadılması haqqında qərarda göstərilən müddətə icazə verilib.
Bu həftədən qüvvəyə minən dəyişikliyə əsasən, avtomobillərin müvəqqəti olaraq gətirilməsinə hər təqvim ili ərzində 90 gün məhdudiyyət müəyyənləşib. Başqa sözlə, xarici dövlətlərdə daimi qeydiyyatda olan avtonəqliyyat vasitələrinin və onların qoşqularının (yarımqoşqularının) qeyri-rezidentlər tərəfindən müvafiq təsdiqedici sənədlə gömrük ərazisinə müvəqqəti olaraq gətirilməsinə hər təqvim ili ərzində ümumilikdə 90 gün müddətinədək, bu müddətin uzadılmasına görə isə Gömrük Məcəlləsində müəyyən edilmiş gömrük borcunun ödənilməsinin təmin edilməsi üçün təminat üsullarının tətbiqi ilə 1 ildən artıq olmamaq şərti ilə həmin şəxsin vizasında və ya Azərbaycan Respublikasının ərazisində müvəqqəti yaşamaq üçün icazə vəsiqəsində, yaxud əcnəbinin və ya vətəndaşlığı olmayan şəxsin Azərbaycan Respublikasında müvəqqəti olma müddətinin uzadılması haqqında qərarda göstərilən müddətə icazə verilir. /qazet.az
Alimlərin fikrincə, yalnız kütləvi vaksinləmə üsulu ilə koronavirus pandemiyasına qalib gəlmək ola bilər.
Mütəxəssislərin bu fikrini “Science Alert” nəşri açıqlayıb.
İmmunologiya professoru Erik Vilve nəşrə bildirib ki, insan orqanizmində RNK əsaslı viruslara qarşı anticisimlərin (orqanizmə yad zülallar, bakteriyalar-red) yetərli miqdarını yığmaq üçün üç həftə tələb olunur. Anticisimlər bu halda orqanizmin müdafiəsini bir neçə aya təmin edə bilər.
Amma alim hesab edir ki, bu yalnız nəzəriyyədir. Çünki yeni koronavirus virusoloqlara və epidemioloqlara bütün yeni sürprizləri göstərir.
Virusa yoluxmuş immunitetli xəstələrin sağalmalarına baxmayaraq, koronavirusun yenidən yaranması halları da məlumdur. Buna Cənubi Koreya təcrübəsi misal ola bilər.
Virusun heç vaxt orqanizmdə “yatan” və simptomsuz, məsələn, “herpes” kimi tamamilə yox olmayaraq qalması da daha çox ehtimal ediləndir.
Bu və digər qeyri-müəyyənlikləri nəzərə alaraq, ekspertlər müəyyən müddət ərzində dünyada koronavirusa qarşı kollektiv immunitetin əmələ gələcəyini və pandemiyanın öz-özünə yox olacağını da ehtimal edirlər.
Avstraliyanın Kertin Universitetinin professoru Arçi Klements bildirib ki, hazırda koronavisula mübarizədə yeganə həll yolu vaksin istehsalıdır.
Qeyd edək ki, koronavirusdan vaksinin kliniki sınaqlarına bu ilin iyununda başlanılması planlaşdırılır.
Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
Azərbaycanda sabaha gözlənilən hava şəraiti açıqlanıb.
Milli Hidrometeorologiya Xidmətindən verilən məlumata görə, aprelin 22-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.
Gecə və səhər bəzi yerlərdə duman olacaq, arabir güclənən şimal-qərb küləyi əsəcək.
Havanın temperaturu Abşeron yarımadasında gecə 8-11, gündüz 14-17, Bakıda gecə 8-10, gündüz 14-16 dərəcə isti olacaq.
Atmosfer təzyiqi norma daxilində 760 mm civə sütunu, nisbi rütubət gecə 70-80, gündüz 40-45 faiz təşkil edəcək.
Azərbaycanın rayonlarında şimşək çaxacağı, arabir yağış yağacağı, ayrı-ayrı yerlərdə intensiv olacağı, qərb rayonlarında dolu düşəcəyi, dağlıq ərazilərdə qar yağacağı gözlənilir. Gecə və səhər duman olacaq, qərb küləyi ayrı-ayrı yerlərdə arabir güclənəcək.
Havanın temperaturu gecə 6-11, gündüz 18-23, dağlarda gecə 0-5, gündüz 5-8 dərəcə isti olacaq.
Azərbaycanda sabaha gözlənilən hava şəraiti açıqlanıb.
Milli Hidrometeorologiya Xidmətindən "Ölkə.Az"a verilən məlumata görə, aprelin 22-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.
Gecə və səhər bəzi yerlərdə duman olacaq, arabir güclənən şimal-qərb küləyi əsəcək.
Havanın temperaturu Abşeron yarımadasında gecə 8-11, gündüz 14-17, Bakıda gecə 8-10, gündüz 14-16 dərəcə isti olacaq.
Atmosfer təzyiqi norma daxilində 760 mm civə sütunu, nisbi rütubət gecə 70-80, gündüz 40-45 faiz təşkil edəcək.
Azərbaycanın rayonlarında şimşək çaxacağı, arabir yağış yağacağı, ayrı-ayrı yerlərdə intensiv olacağı, qərb rayonlarında dolu düşəcəyi, dağlıq ərazilərdə qar yağacağı gözlənilir. Gecə və səhər duman olacaq, qərb küləyi ayrı-ayrı yerlərdə arabir güclənəcək.
Havanın temperaturu gecə 6-11, gündüz 18-23, dağlarda gecə 0-5, gündüz 5-8 dərəcə isti olacaq.
Karantin dövründə xərc tələb edən hansı avtomobil ehtiyat hissələrini əldə etməli?
Koronavirus səbəbi ilə şəhərlərdə tətbiq olunan özünü təcrid etmək, insanların hərəkətini məhdudlaşdırır. Eyni zamanda, həm piyada, həm də avtomobil ilə hərəkətə qoyulan qadağaların qaldırılması üçün son tarixlər aydındır. Lakin, avtomobil "istehlak malları"nın, eləcə də avtomobillərin özləri üçün qiymətlər qalxa bilər. Avtosfer.az portalı sizə hansı "istehlak materialları"nı ehtiyat üçün almağınızı və hansını almamağanızdan danışacaq.
Avropadakı bir çox zavodların işləmədiyi üçün ehtiyat hissələrinin verilməsində fasilələr daha çoxdur. Bəli və bunun neçəyə olacağını, deyək ki, xaricdən gətirilən mühərrik yağını əvvəlcədən demək çətindir. Hələ ki, çatışmazlığımız yoxdur. Böyük internet məkanlarda əksər hissələr və yağlar əldə edə bilərsiniz. Ehtiyata nə ala biləcəyinizdən danışaq.
ƏYLƏC MAYESİ
2-3 il saxlanılır. Əsas odur ki, qabın qapağı möhkəm olsun və içəriyə nəm daxil olmasın. Əks təqdirdə, əyləc mayesi öz xüsusiyyətlərini itirəcək və qabı atmaq məcburiyyətində qalacaqsız.
Əyləc qəliblərinə və ya disklərinə gəldikdə, onlarla heç bir problem olmayacaqdır. Vaxt keçdikcə ucuz qəliblər sürpriz edə bilər - yastıqlar bazadan uzaqlaşacaq. Onda hesab edin ki, qənaətləriniz puça gedib.
AKKUMLYATOR BATAREYASI
Akkumlyator batareyası - qısa müddətli bir şeydir. Xüsusilə satışdan əvvəl olduğu şəkildə saxlanılıbsa. Buna görə ehtiyat üçün batareya alsanız, onun istehsal tarixinə baxın. Batareyanın bir il yarımdan çox əvvəl istehsal edildiyi təqdirdə, belə bir alışdan imtina etmək lazımdır. Maksimum batareyanın ömrü 1-1,5 ildir. Eyni zamanda, batareyanı evdə saxlamaq olmaz. İnsanlara zərərli olan elektrolitin buxarlanması və batareyanın istidə tez boşalması faktını unutma. 0 ilə 15 dərəcə istilikdə saxlanmalıdır. Üstəlik, enerji ehtiyatı səviyyəsini yoxlayın. Beləliklə, əgər yeni batareyanız varsa, başqa bir yenisini almağa tələsməyin.
SƏRİNLƏŞDİRİCİ MAYE
Möhürlənmiş zavod qablaşdırmasında 3-5 il qalır. Burada istehsalçıya və mayenin keyfiyyətinə baxmaq lazımdır. Zamanla orada çöküntü yaranarsa, onda belə bir mayeni soyutma sisteminə tökmək doğru deyil.
MÜHƏRRİK YAĞI
Mühərrik yağı 3 il saxlanılır. Gələcək istifadə üçün ala bilərsiniz, ancaq unutmayın ki, əvvəlcə yağın istehsal tarixinə (qablaşdırmada var), daha sonra keyfiyyət qrupuna baxmalısınız. Bütün bunlara məhəl qoymasaz təəssüflənə bilərsiniz, çünki, məsələn, SL keyfiyyət qrupunun yağları artıq hər mühərrikə uyğun deyil. Müasirlərə yalnız SN tökülür.
“Təəssüf ki, son illərdə toylar mahiyyətini dəyişib, bir növü rəqabət meydanına çevrlilib. Bəzi işbazlar isə bu tendensiyadan sui-istifadə edərək, münbit psixoloji mühit, saxta rəqabət mühiti formalaşdırıb, fundamental ailə dəyərlərinin zədələnməsi hesabına külli miqdarda pul qazanırlar”.
Bunu Milli Məclisin Təbii ehtiyatlar, energetika və ekologiya komitəsinin sədri Sadiq Qurbanov deyib.
Komitə sədri deyib ki, mən burada toy biznesini idarə edənləri, ölkə boyu sıralanan şadlıq saraylarını, restoranları nəzərdə tuturam.
“Azərbaycan xalqının adət-ənənələri sırasında ən başlıca yeri toy etmək, oğul evləndirib, qız ərə vermək tutur. Toy yeni bir ailənin təməl qoyma mərasimidir. Hətta mən deyərdim ki, övlad toyu görmək bizdə hər ata-ananın həyatının mənasına, mahiyyətinə çevrilib. Təsadüfi deyil ki, bir insan vaxtsız dünyasını dəyişəndə, ilk növbədə onun övladlarının toyunu görüb-görmədiyi soruşulur. Hə cavabını eşidəndə rəhmətə gedən haqqında “gözü dolu getdi” deyirlər. Bax, biz belə övlad sevən xalqıq...
Ta qədimdən toy ərəfəsi və sonrası bütün qohum-əqrəba toy evinə yığılar, yeni qurulacaq ailənin çatışmayanlarını müəyyən edər və hər kəs imkan daxilində yeni qurulan ailənin təməlinin möhkəm olması üçün maddi və mənəvi köməklik göstərərdi. Təəssüf ki, son illərdə toylar mahiyyətini dəyişib, bir növü rəqabət meydanına çevrlilib”, - komitə sədri bildirib.
Şadlıq evləri və restoran sahiblərinin xalqın koronavirus pandemiyası kimi çətin dövrdə ortada olmamasına diqqət çəkən komitə sədri bildirib ki, maraqlıdır, illik dövriyyələri çox böyük rəqəmlərlə ifadə olunan “toy biznesmenləri” xalqımızın bu ağır günündə niyə gözə dəymirlər? “İndi onlardan soruşmaq lazımdır, belə çətin günlərdə koronavirusla mübarizədə dövlətə dayaq oldunuzmu, cənab Prezidentin dəstək çağırışlarına qoşuldunuzmu? İmkansız, aztəminatlı ailələrə yardım etdinizmi?
Müşahidələr belə deməyə əsas verir ki, “toy biznesmenlərinin” əksəriyyəti yoxa çıxıb. Koronavirusla mübarizəyə Dəstək Fonduna ianə köçürən, ehtiyacı olanlara yardım kampaniyası aparan böyük restoran, şadlıq evi sahibləri barmaqla sayılacaq qədər azdır.
Necə deyərlər, hər işdə bir xeyir var. Fikrimcə, düşdüyümüz bu vəziyyət tələb edir ki, bir daha düşünüb-daşınaq, mövcud toy adət-ənənələrimizə yenidən baxaq. Toylarımızı əvvəlki məcrasına qaytaraq, xüsusən imkansız ailələri illərlə davam edən maddi-mənəvi çətinliyə salan mənasız bəhsəbəsdən, “el nə deyər” düşüncəsindən xilas edək. Belə psixoloji mühitdən sui-istifadə edərək asan yolla böyük pullar qazanan, lakin xalqın ağır günlərində gözə görünməyən işbazlara da bundan sonra çox da fürsət verməyək”- S.Qurbanov bildirib.
TƏBİB-in Yoluxucu xəstəliklər işçi qrupunun rəhbəri, Nazirlər Kabineti yanında Operativ Qərargahın üzvü Vasif Əliyevin Day.Az-a müsahibəsini təqdim edirik:
Pandemiya dövrü ərzində aldığımız statistik göstəriciləri müqayisə etsək, deyə bilərik ki, ötən həftə qeyd edilən rəqəmlər öncəki dövrlərə nisbətən xeyli yaxşı olub. Çünki aparılan testlərin sayı artıb, bunun fonunda yeni yoluxma faktlarının sayı isə xeyli azalıb.
Bu, çox müsbət haldır. Dinamikada azalma müşahidə edilir, bazar günü 25 yeni yoluxma faktı qeydə alınıb. Ölənlərin sayına gəlincə, təəssüf ki, bu faktlar var, amma ümumi yoluxanların sayına nisbətdə azdır.
Bizi həmçinin sevindirir ki, Azərbaycanda koronavirusdan sağalanların sayı yeni yoluxanların sayından daha çoxdur. Bu, artıq ölkəmizdə epidemik fəallığın azalmasını göstərir.
Tibbi heyətimiz artıq təcrübəsini daha da artırıb, tibbi müəssisələrimizdə xəstələrin uğurlu müalicəsi üçün bütün şərait var, preparat çatışmazlığı yoxdur.
Hələ bir həftə öncə mən açıqlamamda pandemiyanın pik həddindən ehtiyatla danışırdım. Çünki xatırladım ki, elə günlər var idi ki, bizdə 104-105 yeni yoluxma faktı qeydə alınırdı. Lakin bu gün bizdə vəziyyət dəyişib və deyə bilərik ki, ölkəmizdə pandemiyanın pik həddi artıq geridə qalıb. Bunu demək üçün bu gün əlimizdə yetərincə əsaslar var. Epidemik vəziyyət pozitiv şəkildə dəyişir.
Bununla belə biz yenə ehtiyatlı davranmalıyıq. Yaxşı statistikaya rəğmən, azalma dinamikasını möhkəmləndirməliyik. Bu səbəbdən çox doğru olaraq karantin müddəti uzadıldı. Karantin bu gün dərhal yumşaldılsa, bu, problemlər yarada bilər. Məhdudiyyətlərdə yumşaltma, təbii ki, olacaq, lakin bu, mərhələli şəkildə aparılacaq.
Ümumilikdə Azərbaycanda koronavirusla bağlı vəziyyəti bu gün müsbət qiymətləndirmək olar. Bu, onu göstərir ki, biz doğru yoldayıq, dövlət tərəfindən görülən tədbirlər zamanında və düzgün olub. Düşünürəm ki, Prezident İlham Əliyevin qeyd etdiyi kimi, biz pandemiya ilə mübarizədən az itkilərlə çıxacağıq. Azərbaycan koronavirusa yoluxanlar, bu virusdan ölənlər və sağalanların sayı ilə bağlı ən yaxşı statistik göstəricilərə malik ölkələr sırasında yer alıb və bu vəziyyəti nəzarətdə saxlamaq üçün bizdə bütün şərait yaradılıb.
Aprelin 20-də Heydər Əliyev Fondunun vitse-prezidenti Leyla Əliyevanın təşəbbüsü ilə Milli Hematologiya və Transfuziologiya Mərkəzinə koronavirus (COVID-19) pandemiyası ilə əlaqədar yaranmış məhdudiyyətlər fonunda ehtiyac duyulan dərman preparatları təqdim edilib.
Təqdim olunmuş dərman preparatları “Cırtdan” adlı ailəvi meqaşoudan əldə edilən gəlir hesabına alınıb. “Biz birlikdə güclüyük!” şüarı altında təqdim edilən yardım xüsusi karantin rejiminin tətbiq olunduğu vaxtda dövlət səviyyəsində həyata keçirilən tədbirləri dəstəkləmək məqsədi daşıyır.
Son illər ərzində Azərbaycanda xəstə və yardıma ehtiyacı olanlara, xüsusilə də uşaqlara qayğı və diqqəti ilə seçilən Leyla Əliyeva tərəfindən bu insanlara ardıcıl olaraq müxtəlif şəkildə yardım və dəstək göstərilib, onun təşəbbüsü ilə “Cırtdan” meqaşoudan əldə edilən gəlirlər xüsusi qayğıya ehtiyacı olan uşaqların sağlamlığının bərpa və təmin olunmasına yönləndirilir.
Qeyd edək ki, keçən il sözügedən layihə çərçivəsində Talassemiya Mərkəzinə maliyyə yardımı, Milli Onkologiya Mərkəzinin uşaq şöbəsinə dərman preparatları, müxtəlif oyuncaq və digər hədiyyələr təqdim edilib.
(axar.az)
Bakıda və Abşeron yarımadasında sabah havanın dəyişkən buludlu olacağı, əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, gecə və səhər bəzi yerlərdə duman olacaq, mülayim cənub-qərb küləyi səhər arabir güclənən şimal-qərb küləyi ilə əvəz olunacaq.
Havanın temperaturu Abşeron yarımadasında gecə 9-13, gündüz 15-19, Bakıda igecə 10-12, gündüz 16-18 dərəcə isti təşkil edəcək.
Atmosfer təzyiqi 756 mm civə sütunundan 761 mm civə sütununa yüksələcək, nisbi rütubət gecə 70-80, gündüz 40-45 faiz olacaq.
Aprelin 21-də Azərbaycanın rayonlarında arabir yağış yağacağı, ayrı-ayrı yerlərdə intensiv olacağı, şimşək çaxacağı, dağlıq ərazilərdə qar yağacağı gözlənilir. Gecə və səhər duman olacaq, qərb küləyi ayrı-ayrı yerlərdə arabir güclənəcək.
Havanın temperaturu gecə 8-13, gündüz 23-28, dağlarda gecə 3-8, gündüz 10-15 dərəcə isti olacaq.
Sərnişinlərin hərəkətində məhdudiyyətlərin qoyulmasına baxmayaraq, hələ də səhər və axşam saatlarında istər avtobuslarda, istərsə də dayanacaqlarda sıxlıq müşahidə olunur.
Bununla bağlı sosial şəbəkələrdə xeyli paylaşımlar edilsə də, sərnişinlər sosial məsafənin qorunmasına əməl etmir.
Sözügedən fotolardan biri bu gün səhər saatlarında Bakının “Şamaxinka” adlandırılan ərazisində çəkilib. Marşrut avtobusu gözləyən sərnişinlərin sıxlıq yaratmaqla yanaşı maska və əlcəkdən istifadə etməmələri müşahidə olunub. /Qafqazinfo/
