Yağışlı havada bir çox yollarda sürət həddi endirilir və bir çox küçələrdə svetoforlar işləməsində problem yaşanır. Mövzu ilə bağlı Avtosfer TV sürücülər üçün tövsiyyələr hazırlayıb.

Videomaterialı təqdim edirik:

Bir vaxtlar "Sehirli xalat" filmində baxdığımız televizyafon indi mobil telefon olaraq realdır. Lakin insanlar gələcək barəsində daim yeniliklər edir. Yol-xeber.az xəbər verir ki, sosial şəbəkələrdə paylaşılmış videoda uçan avtomobillər, divarda gəzən maşınlar əks olunub. Lazım olan anda yük maşınının altında qalsa belə əzilməyən modellər üzrə iş gedir. Yəqin ki, yaxın gələcəkdə biz bunların da şahidi olacağıq. Maraqlı videonu təqdim edirik:

Yol Hərəkəti Təhlükəsizliyi üzrə ekspert Əziz Talıbov dairəvi hərəkət təşkil olunmuş yolayrıcı ilə bağlı izahlı video çəkərək sosial şəbəkədə paylaşıb. Yol-xeber.az xəbər verir ki, ekspert dairədə necə hərəkət etməklə bağlı sürücülərə öz tövsiyələrini verib. Yol Hərəkəti Haqqında Qanunun 42-ci madəsində qeyd olunub ki, dairəvi hərəkət təşkil olunmuş yolayrıcının qarşısında qoyulmuş 4.3 nişanı olduqda, sürüclər dairə boyunca hərəkət edən nəqliyyat vasitələrinə yol verməlidir. Əgər 4.3 dairə nişanı ilə birgə baş yol nişanı quraşdırılmışdırsa, dairəyə daxil olan sürücülər üstünlüyə malik olurlar. Dairə boyunca hərəkət edən sürücülər isə dairəyə baş yoldan daxil olan nəqliyyat vasitələrinə yol verməlidir.

Bu gün prezident İlham Əliyev Sumqayıt Dənizkənarı Bulvar Kompleksinin yeni salınmış hissəsində yaradılan şəraitlə tanış olub. Yol-xeber.az xəbər verir ki, Sumqayıt Şəhər İcra Hakimiyyətinin başçısı Zakir Fərəcov Bulvarda görülən işlərlə bağlı Prezidentə məlumat verib.

İlham Əliyev Bulvarın ərazisini elektromobillə gəzib.

Yolda hərəkət edən piyadaların əksəriyyəti, yolun hərəkət hissəsini necə keçməli olduqlarını bilmirlər. Yol-xeber.az xəbər verir ki, paytaxtın Şıxəli Qurbanov küçəsində piyadaların yolu təhlükəli şəkildə keçmə anı avtomobildəki kameraya qeyd olunub. Həmin piyadalar, onlara qırmızı işıq yanmasına baxmayaraq yolun hərəkət hissəsini keçərək sürücülərə təhlükə yaradıblar.

Yol Hərəkəti Haqqında Qanunun 40-cı maddəsində qeyd olunub ki, "piyadalar hərəkətin nizamlandığı yerlərdə nizamlayıcının və ya piyada svetoforunun, o olmadıqda isə, nəqliyyat svetoforunun işarəsini əsas tutmalıdır".

Əgər yolda piyadalar üçün svetofor olmazsa, onlar nəqliyyat vasitələri üçün quraşdırılmış svetoforu üstün tutaraq avtomobillərə qırmızı işıq yandıqdan sonra hərəkət hissəsini keçməlidirlər.

Prezident yanında QHT-lərə Dövlət Dəstəyi Şurasının və "Ümid yeri" İctimai Birliyinin təşkilatçılığı ilə "Valideyn himayəsindən məhrum olan uşaqlar üçün yol hərəkəti təhlükəsizliyinin öyrədilməsi" adlı layihə həyata keçirilib. Yol-xeber.az xəbər verir ki, tədbirdə Bakı şəhər Dövlət Yol Polisi İdarəsinin, müxtəlif təşkilatların nümayəndələri, o cümlədə mətbuat təmsilçiləri iştirak edib. 

Tədbirdə çıxış edən  “Ümid yeri” uşaq sığınacağının rəhbəri Nigar Məsimova bildirib ki, əsas məqsəd uşaqların yol hərəkəti qaydalarını öyrənməsi və əməl etməsidir.

Daha sonra sığınacağın uşaqlarının hazırladığı müxtəlif səhnəciklər nümayiş olunub.

Hazırda Bakıda və ətraf ərazilərdə avtomobil yollarında piyada keçidi zolaqları var. Ancaq onların əksəriyyəti, demək olar, görünməz haldadır və ya tamamilə gözdən itib. Təbii ki, bu da haqlı narazılığa səbəb olur. Adətən, mərkəzdə belə hallar olanda həmin zolaqlar qısa müddətdə rənglənir. Ancaq şəhər ətrafında paytaxtın mərkəzi hissəsi ilə müqayisədə silinən piyada zolaqları daha çoxdur. Əlbəttə, bu da yollarda bədbəxt hadisələrin baş verməsinə və sürücülərin cərimələnməsinə səbəb olur. Bəs sözügedən problemi necə həll etmək olar?

Nəqliyyat sahəsi üzrə ekspert Elməddin Muradlı “Report”a açıqlamasında bildirib ki, rəngi solan və ya silinən piyada zolaqları məsələsi çox aktualdır və belə zolaqlar potensial qəza mənbəyidir: “Bu gün nəinki Bakıətrafı qəsəbələrdə, hətta şəhərin özündə belə həmin zolaqların silindiyinin şahidi oluruq. Doğrudur, mərkəzdə belə zolaqlar mütəmadi olaraq rənglənir, amma ətraf ərazilərdə biz bunu görmürük. Bakıətrafı qəsəbələrdə bu məsələ bir qədər diqqətdən kənarda qalıb. Əvvəllər bu boyaların tərkibinə fosfor, şüşə tozu, alüminium qırıntıları və digər kimyəvi maddələr qatırdılar. Axşam saatlarında avtomobillərin işığında piyada keçidi işıq saçırdı və görünürdü. Nəticədə sürücü piyada keçidini görüb sürəti azaldırdı. İndi isə piyada keçidlərində bu effekti cəmi bir ay görə bilərsən”. 

Onun sözlərinə görə, paytaxtın bəzi küçələrində piyada keçidlərinin yeri düzgün müəyyənləşməyib: "Bəzi ünvanlarda zolaq var, amma nişan qoyulmayıb, bəzilərində zolaqlar silinərək görünməz hala düşüb. Mircəlal küçəsi Azərbaycan Avtomobil Yolları Dövlət Agentliyi tərəfindən yenicə təmir edilməsinə baxmayaraq, hazırda həmin ərazidə vəziyyət olduqca acınacaqlıdır. Əvvəldən piyada zolağının mövcudluğuna baxmayaraq, 30 metr sonra daha bir piyada zolağı çəkilib və əvvəlkini silməyiblər. Belədə sürücü ilə piyada arasında müəyyən gərgin anların yaşanmasına səbəb olur. Sürücülər də deyir ki, zolağın silinməsi onlarla piyadalar arasında mübahisəyə səbəb olur. Piyada "yol mənimdir" deyib yolu keçir, biz isə yolda zolaq görmədiyimiz üçün piyadaya yol vermək istəmirik. Nəticədə də qəza şəraiti yaranır, hətta piyada vurulması riskini artırır". 

Bakı Nəqliyyat Agentliyinin (BNA) Mətbuat Xidmətinin rəhbəri Mais Ağayev “Report”a deyib ki, paytaxtın küçə-yol şəbəkəsində mövcud eyni səviyyəli piyada keçidlərinin, yəni zolaqların yenilənməsi işləri mütəmadi olaraq aparılır: "Bu, bəzi hallarda vətəndaş müraciətləri, bəzi hallarda isə əməkdaşlarımızın apardığı monitorinqlər əsasında zolaqların silinməsi ilə bağlı aşkarlanan hallar aradan qaldırılır. Ötən dövr ərzində 1400 piyada zolağı çəkilib. Onlardan artıq mini yenilənib. Təkcə sentyabr ayında yüzdən artıq məktəbin qarşısında piyada zolaqları yenilənib". 

Onun sözlərinə görə, yaxın gələcəkdə paytaxtın daha çox risk qrupuna daxil olan küçələrində Avropa ölkələrində geniş tətbiq olunan 3D formatlı piyada zolaqlarından istifadə edilməsi nəzərdə tutulur: "3D formatlı piyada zolaqlarının bütün küçələrdə istifadə edilməsi hələlik mümkün deyil. Daha çox risk qrupuna daxil olan və piyadaların kütləvi istifadə etdiyi küçələr var, onlar da təhlillərlə müəyyənləşdiriləcək. Bundan sonra 3D formatlı piyada zolaqlarından istifadə edilməsi planlaşdırılacaq". 

Qeyd edək ki, qaydalara görə, piyada zolaqlarının rəngləmə işləri magistral yollarda hər 5-6 aydan bir, şəhərdaxili yollarda isə 2-3 aydan bir intensivliyə görə yenidən rənglənməlidir.

"Bakı Metropoliteni" QSC-də korporativ sosial məsuliyyət çərçivəsində daha bir tədbir keçirilib. Bakı Şəhər Gənclər və İdman Baş İdarəsinin təşəbbüsü ilə Arif Hüseynzadə adına 20 saylı məktəb-liseyin 8-ci sinif şagirdlərinin QSC-nin Təlim-tədris mərkəzində ekskursiyası təşkil edilib.
Məqsəd uşaqları metropolitenin fəaliyyəti ilə tanış etmək, onlarda əməyə münasibətin formalaşmasına, istehsalatla, texnika və texnologiyalarla tanış olmasına, gələcək peşə seçiminə, müxtəlif peşələrə maraq yaratmaqdır.
Mətbuat xidməti və ictimaiyyətlə əlaqələr şöbəsinin rəisi Bəxtiyar Məmmədov,Təlim-tədris mərkəzinin rəisi Rüfət Qədəşov, hərəkət qatarlarının istismarı üzrə iş departamentin rəis müavini Elmar Əzimov şagirdlərə Bakı metrosunun inkişaf tarixindən, yenidən qurulan təlim-tədris mərkəzi, burada keyfiyyətli təhsil prosesinin təmin olnması üçün yaradılmış şərait, metropolitendə peşəkar kadrlara xüsusi diqqət yetirilməsi barədə məlumat veriblər. 
Metro qatarını xatırladan 8 vaqon-guşə, dərslərin canlı və dərindən mənimsənilməsi üçün sifarişlə hazırlanmış və tədris prosesində hər sahənin özəlliklərini əks etdirən 18 maket və 100-dən artıq əyani-praktiki vəsaitlər şagirlərin marağına səbəb olub. 
Məktəblilər burada hər sahəyə aid xüsusi avadanlıqlarla təchiz edilmiş kabinetlər, eləcə də elektron imtahan otaqları ilə tanış olublar.
Sonda ən əhəmiyyətli yeniliklərindən biri olan qatar trenajoru ilə uşaqları təlimatçı-maşinist Niyazi Hətəmov tanış edib, bu qurğu haqqında onlara ətraflı məlumat verib. Şagirdlər trenajorun maşinist sükanı arxasında ilk təlimlərini alaraq, qatarın idarə edilməsinin bəzi xususiyyətləri ilə əyani tanış olublar. Onlara maşinistlərin yeni seçim qaydası izah edilərək, bu şərəfli peşəyə indi texniki təhsili olan gəncin sahib olmasının mümkünlüyü də əyani izah edilib. Ekskursiyada bu seçimlərin cari təlim kursunun müdavimləri və onu bitirmiş maşinstlə söhbət etmək imkanı yaradılıb.
Ekskursiya zamanı şagirdləri maraqlandıran bütün suallar cavablandırılıb.