Bakıda yol polisinin nümunəvi hərəkəti vətəndaşlardan biri tərəfindən görüntülənib. Avtosfer.az xəbər verir ki, videoda YPX insoektoru hərəkət zolağının dağılmış hissəsini qum ilə doldurur. Əlində bel yaxınlıqdakı dayanacaqdan qum götürən yol polisi sürücülərin rahat keçməsi üçün yolu düzəldir.

Avtosfer.az-ın araşdırmasına görə hadisə Suraxanı rayonu İlqar Musayev küçəsində baş verib. Görüntülərdə əks olunan YPX əməkdaşı isə Suraxanı rayon Dövlət Yol polisi Şöbəsinin əməkdaşı, polis baş serjantı Tural Kamranzadədir.

Avtosfer.az-a açıqlamasında Tural Kamranzadə bildirib ki, ərazidə 99 YP 288 dövlət nömrə nişanlı patrul avtomobili ilə xidmət apararkən yolun ortasında yağışdan sonra yaranmış dağıntıya görə avtomobillərin məcburən əks istiqamətə çıxdığını görüb. “Mənimlə bilikdə xidmət aparan inspektor Elçin İsmayılovla birlikdə ərazidə dayandıq. Elçin avtomobillərin hərəkətini tənzimlədi. Mən isə yaxınlıqda yeni quraşdırılan və təmir gedən dayanacaqda işləyən fəhlələrdən bel istədim. Ardınca orda olan qumla dağılmış yeri düzəltdim ki, avtomobillər əks yola çıxmağa məcbur olmasınlar. Bu təhlükə yaradır.”

Bu polisin işi deyil, bunun üçün aidiyyəti qurumlar var fikrinə münasibət bildirən Tural Kamranzadə qeyd edib ki, polis də bir vətəndaşdır. “İlk növbədə bizim işimiz hərəkətin təhlükəsizliyini təmin etməkdir. Mövcud vəziyyətdə isə yolda təhlükə yaranırdı. Orda gözləmək, aidiyyəti qurumları çağırmaq kifayət qədər vaxt aparardı. Amma qəza hər an baş verə bilər. Odur ki, bunu etməklə sürücülərin təhlükəsiz hərəkətini təmin etmiş olduq. Bizim işimiz hər zaman vətəndaşın xidmətində olmaqdır.”

Avtosfer.az olaraq yol polisi əməkdaşına bu nümunəvi davranışına görə təşəkkürümüzü bildiririk.

Azərbaycanda yaşayan Türkiyəli iş adamı Yusuf Ziya Dəmir yol polisinə təşəkkür edib. Avtosfer.az xəbər verir ki, bu barədə o, öz Facebook hesabında yazıb. Yusuf bəy deyir ki, Bakıdan İsmayıllı – Gəncə- Qazax istiqamətində səyahət edərkən çətin anlar yaşayıb. “İsmayıllıda bir az qar var idi, havanın temperaturu -1 dərəcəydi, axşam 23.00-a yaxın idi. Maşınımın təkəri boşalmışdı. Ehtiyat təkəri dəyişmək istəyirdim. Bu zaman qan təzyiqimin yüksəldiyini hiss etdim və bir az düşməyini gözlədim. Həmin baxt ərazidə xidmət aparan bir yol polisi mənə yaxınlaşıb problemin nə olduğunu soruşdu. Təkəri dəyişdirməli olduğumu, amma təzyiqim olduğu üçün dəyişə bilməyəcəyimi dedim. Yol polisi təkəri dəyişdirməyimə kömək etdi. Hətta məni xəstəxanaya aparmaq istədi, amma özüm gedəcəyimi söylədim və həmin polis qardaşımın telefon nömrəsi, adı və soyadı qeyd eddim. Təşəkkür edərək yolumda davam etdim.”

28 ildir Azərbaycanda yaşadığını bildirən Ziya bəy hər gün hər şeyin yaxşılaşdığını, insanların rifahının yüksəldiyini, psixoloji və sosioloji baxımdan daim müsbət inkişafların müşahidə edildiyini gördüyünü bildirib. “Yol polislərinin vətəndaşa qarşı davranışı çox müsbətdir. Azərbaycanı hər gün irəli aparan siyasəti həyata keçirmək əzmində olan Prezidentimiz İlham Əliyevə, Daxili İşlər naziri Vilayət Eyvazov və DYP rəisi Ramiz Zeynalova xüsusilə təşəkkür edirəm.”

Orxan Əli

Qəzaların əksəriyyəti yolayrıcına baş verir. Əsas səbə isə içıqforun son və ilk saniyəsində hərəkətə başlamaqdır. Bəzi sürücülər sarı işıq yananda yolayrıcına daxil olur. Hətta qırmızı işığın ilk saniyəsində də “tələsən” sürücülər bunu edirlər. Nəricədə digər istiqamətdən gələn avtomobil ilə toqquşma baş verir. Avtosfer.az-ın bu dəfə təqdim etdiyi videoda da analoji hal yaşanıb. Belə ki, digər avtomobillər dayandığı halda taksi sürücüsü qırımızı işıqda keçərək yolayrıcına daxil olur. Soldan hərəkətə başlayan “KİA” markalı avtomobil ilə toqquşur. Nəticədə ağır yol-nəqliyya hadisəsi baş verir. Sürücülər yüngül xəsarət alsalar da avtomobillərə ciddi ziyan dəyir.

Avtosfer.az olaraq bir daha tövsiyə edirik ki, yolayrıcına içıqforun son saniyəsində daxil olmaq təhlükəlidir. Həmçinin yaşıl yanan kimi hərəkətə başlamaq ağır nəticələrə səbəb ola bilər. Videonu təqdim edirik. Ümid edirik ki, sürücülər bu görüntülərdən özləri üçün nəticə çıxardar.

"Heç kim yol qəzalarının qurbanı olmasın" . Yeganə övladını avtoqəzada itirən bir qadın müəllim uşaqları bundan sığortalamaq üçün onlara yol hərəkət qaydalarını tədris edir. Söhbət Bakıda 1 nömrəli uşaq gənclər inkişaf mərkəzinin şöbə müdiri Fəridə Süleymanovadan gedir. Fəridə müəllimə artıq illərdir ki, məktəblilərə yol hərkəti qaydalarını öyrədir.

Bu sözləri neçə ildir hələ də balası üçün dərdi dağ, qəlbi yara olan ana dilə gətirir. Onun övladı da avtoqəzalar zamanı həyatını itirən yüzlərlə uşaqdan biridir. Sürücünün səhlənkarlığı onu aman zaman bir övladından ayrı salıb.

Elə bu bədbəxt hadisədən sonra Fəridə müəllimə maraqlı və bir o qədər faydalı bir işə imza atıb. İxtisasca riyyaziyyat müəlliməsi olsa da, o məktəbələrdə yol hərəkəti haqqında dərslər keçməyə başlayıb. Məqsəd uşaqların yol qəzalarının qurbanı olmamasıdır.

İndi müəllimə tək təsəllini bu balaca fidanlara yol hərəkəti qaydalarını tam dəqiqliyi ilə aşılamaqla tapır. Hər səhər dərsə gələrək uşaqlara ya tapşırıqlar verir, ya da onlara bilmədiklərini ən incə detalı ilə başa salır.

Qeyd edək ki, Fəridə müəllimə dərsləri yol polisi iə birgə hazırladıqları plan əsasında tədris edir. Həmçinin hər il bununla bağlı uşaqlar arasında intelektual yarışlar da təşkil edir.