Sərəncama əsasən, Bakı şəhəri Nizami rayonunun Keşlə qəsəbəsi ərazisində avtomobil yollarının yenidən qurulması işlərinin davam etdirilməsi məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”ndə avtomobil yollarının tikintisi və yenidən qurulması üçün göstərilmiş vəsaitin 850,0 (səkkiz yüz əlli) min manatı Azərbaycan Avtomobil Yolları Dövlət Agentliyinə ayrılıb.

Twitter

BDYPİ sözçüsü ilə müsahibəni təqdim edirik:

- Kamran müəllim, martın 19-dan martın 29-dək Bakı şəhərində qeydiyyatda olan avtomobillər şəhərdən sərbəst olaraq çıxıb, daha sonra geri qayıda bilərmi?

- Nazirlər Kabineti yanında Operativ Qərargahın yaydığı məlumatda da qeyd edilib ki, Bakı, Sumqayıt və Abşeron qeydiyyatında olan maşınların giriş-çıxışına icazə veriləcək.

- Bəs Bakı qeydiyyatında olan avtomobillər respublikanın hər hansı bir rayonuna gedib qayıda bilərmi?

- Əlbəttə, gedib qayıda biləcək.

- Belə başa düşülür ki, Bakı qeydiyyatında olan avtomobili idarə edən, taksi fəaliyyəti ilə məşğul olan şəxslər də rayona gedib qayıda biləcəklər...

- Xeyr! Məlumatda da qeyd edilib ki, Bakı, Sumqayıt şəhərləri və Abşeron rayonunda qeydiyyatda olan sərnişindaşıma nəqliyyat vasitələrinin ölkənin başqa şəhər və rayonlarından Bakı, Sumqayıt şəhərlərinə və Abşeron rayonuna sərnişin daşımaları qadağan edilir.

- Kamran müəllim, bəs şəxsi avtomobillərində sərnişin aparıb-gətirənlər necə tənzimlənəcək?

- Əgər həmin avtomobil sürücülərinin Bakıya gətirdiyi şəxslər postlarda yoxlanılacaqlar. Paytaxt qeydiyyatında olanlar şəhərə buraxılacaq. Qeydiyyatda olmayan sərnişinlər isə Bakıya buraxılmayacaqlar.

- Elə şəxslər var ki, rayon qeydiyyatındadır, lakin hazırda Bakıda işləyirlər. Yaxud da paytaxtda müvəqqəti qeydiyyatda olan məcburi köçkünlər həmin müddətdə rayona gedib gələ biləcəklərmi?

- Əgər həmin şəxslər rayon qeydiyyatındadırlarsa, onda onların Bakıda qalması məsləhətdir. Nə ehtiyac var gedib-gəlməyə? Karantin elan edilibsə, ciddi rejimdirsə, bunu başa düşmək lazımdır. Çünki virusun yoluxma ehtimalı çoxalır. Gərək insanlarımız da bunu başa düşsünlər. Bu qərar insanlarımız üçündür. 

Twitter

Ləki-Qəbələ dəmir yolu xəttinin çəkilişində müasir texnologiyaların tətbiqi gözlənilir

“Ağdaş rayonunun Ləki qəsəbəsindən Qəbələ rayonuna çəkilən dəmir yolu xətti yenidir. Çünki, əvvəllər bu istiqamətdə yol olmayıb və 0-dan dəmir yolu xəttinin çəkilişi həyata keçirilir".

Yol-xeber.az xəbər verir ki, bunu “MediaPost”a açıqlamasında nəqliyyat infrastrukturu üzrə ekspert Yasin Mustafayev bildirib.

Onun sözlərinə görə, həmin yolun böyük hissəsi dağlıq ərazidən keçəcək: "Buna görə də relyefi və yol platformasını düzəltmək üçün geniş ərazilərdə qazma işləri həyata keçirilir. Bu işləri həyata keçirərəkən relyefin xüsusiyyətlərini nəzərə almaq çox vacibdir. Dolğu və qazma işləri olan yerlərdə müasir texnologiyaların, müasir metodların tətbiqi məqsədəuyğun olardı. Ləki-Qəbələ birxətli dəmir yolu layihəsində tikinti işlərinin daha keyfiyyətli aparılmasına nəzarəti gücləndirmək məqsədi ilə “Azərbaycan Dəmir Yolları” QSC-nin xarici ekspertləri dəvət eməsi təqdirə layiq haldır. Xarici mütəxəsislərin layihədə iştirakının üstünlüyü ondan ibarətdir ki, burada müasir tikinti materiallardan istifadə edilə bilər. Layihə keyfiyyətli və standartlara uyğun həyata keçirilməlidir ki, dəmir yolunun infrastrukturu uzunmüddətli olsun. Müəyyən müddətdən sonra dəmir yolunda çökmələr, deformasiyalar olmasın. Ona görə də xarici mütəxəsislərin burda işləməsi yaxşı haldır”.

Ekspert əlavə edib ki, dəmir yolu infrastrukturunda yüksək dolğularda geoqrid adlanan materiallardan istifadə edilməsi son zamanlar geniş yayılıb: “Xüsusilə inkişaf etmiş ölkələr bundan son zamanlar geniş istifadə edir. Bu materialın istifadə edilməsində əsas məqsəd çökmələrə qarşı dayanıqlığı artırmaqdır".

Qeyd edək ki, yeni dəmir yolu xətti Ləki stansiyasından Qəbələnin hava limanına qədər olacaq. 43 kilometrlik dəmir yolu xətti boyunca 103 suötürücü, 16 tunel və körpü, Ağdaş rayonunun Qarağan-Şıxlar ərazisində stansiya, Qəbələ hava limanı yaxınlığında vağzal tikiləcək.

Xatırladaq ki, 11 dekabr 2018-ci ilidə Prezident İlham Əliyev “Ləki-Qəbələ dəmir yolu xəttinin tikintisi ilə bağlı tədbirlər haqqında” sərəncam imzalayıb.

Twitter

Martın 14-ü saat 00:00-dan etibarən 10 günlük müddətə Azərbaycan və Gürcüstan arasında dövlət sərhədinin bütün nəqliyyat vasitələri üçün müvəqqəti bağlanması ilə əlaqədar Bakı-Tbilisi sərnişin qatarı Böyük Kəsik stansiyasına qədər hərəkət edib Bakıya qayıdır.

Yol-xeber.az-ın məlumatına görə “Report” bu barədə “Azərbaycan Dəmir Yolları” QSC-yə istinadən xəbər verir.

Məlumata görə, Bakı-Böyük Kəsik-Bakı sərnişin qatarının hərəkət cədvəlinə, stansiyalara çatma və yola düşmə vaxtlarına dəyişiklik edilməyib.

Qeyd edək ki, Bakı-Tbilisi qatarına alınmış biletlər üçün ödənilən məbləğ "Azərbaycan Dəmir Yolları" QSC tərəfindən bilet sahiblərinə geri qaytarılacaq.

Twitter

Bakı Nəqliyyat Agentliyi (BNA) ictimai nəqliyyatın hərəkəti üçün Bakının 19 küçəsində xüsusi zolaqların yaradılması ilə bağlı təkliflər hazırlayıb. Bu təkliflərin bir hissəsi Yol Hərəkəti Təhlükəsizliyi Komissiyası tərəfindən müsbət rəy alıb. Məsələyə münasibət bildirən nəqliyyat üzrə ekspert Rauf Ağamirzəyev "MediaPost"a bildirib ki, sözügedən yeniliyin tətbiqi avtobus marşrutlarının dayanmadan hərəkətini təmin edəcək:

"Layihənin icrası ilə 3-4 zolaqlı avtomobil yolunun bir zolağı yalnız avtobuslar üçün ayrılacaq. Təbii ki, burada əsas məsələ digər nəqliyyat vasitələrinin bu zolağa daxil olmasının qarşısını almaqdır. Əgər bu məhdudiyyət təmin olunarsa, tıxac və nəqliyyat sıxlıqlarında şəxsi avtomobillərdən və digər nəqliyyat vasitələrindən fərqli olaraq avtobus marşrutlarının dayanmadan hərəkəti təmin olunacaq, . Bu da zəncirvari olaraq avtobus marşrutlarının normal interval ilə hərəkəti üçün şərait yaradacaq".

Ekspert bu layihənin ictimai nəqliyyata marağı artıracağına da diqqət çəkib:

"Gün ərzində Bakı küçələrində 500 min şəxsi avtomobil hərəkət edir. Əgər ictimai nəqliyyat həm sürət, həm də keyfiyyət baxımından əlverişli olarsa, həmin şəxslərin əksəriyyəti şəxsi avtomobil ilə hərəkətdən imtina edərək ictimai nəqliyyata üz tutacaq. Belə ki, saatlarla tıxaclarda vaxt itirmək istəməyən şəxslər avtobus zolaqları ilə intensiv hərəkət edən avtobuslara maraq göstərəcək. Çünki bu gün insanlar üçün vaxt daha önəmli amilə çevrilib".

R. Ağamirzəyev əlavə edib ki, sözügedən layihə kompleks tədbirlər planının bir hissəsidir: "Ayrılmış zolaqlar, avtobus parkının yenilənməsi, şəhərin daxilində parklanma yerlərinin qismən yüksək qiymətlə müəyyən olunması insanların prioritetlərini dəyişmələri üçün stimul olacaq".

Twitter

Regionların sosial-iqtisadi inkişafı Dövlət Proqramında yer alan sosial infrastruktur layihələri arasında mühüm yer tutan və birbaşa olaraq sənayenin, kənd təsərrüfatı və turizmin inkişafına gətirib çıxaran yol infrastrukturunun yenidən qurulması ilə bağlı məsələlərin həlli istiqamətində dövlət başçısının tövsiyə və tapşırıqlarına əsasən, Ucar rayonunda 7 mindən artıq əhalinin ürəyincə olan avtomobil yollarının yenidən qurulması işlərinə başlanılıb.

Vətəndaşlarımızın sosial rifah halına müsbət təsir göstərən və bölgələrimizin müxtəlif istiqamətlər üzrə iqtisadi, həmçinin mədəni potensialını nümayiş etdirən yol infrastrukturu layihələrinin icrası hazırda Ucar rayonunda Müsüslü-Təzə Şilyan-Bərgüşad-Bağban-Yuxarı Şilyan-Boyat-Qazyan marşrutu üzrə 3 yaşayış məntəqəsini – Müsüslü, Təzə Şilyan və Boyat kəndlərinin yollarını əhatə edir. Ümumilikdə 21.4 km uzunluğa malik sözügedən yollar IV texniki dərəcəyə uyğun yenidən qurulur.

Müsüslü, Təzə Şilyan və Boyat kəndlərinin avtomobil yolları əsasən qara örtük və çınqıl örtükdən ibarətdir. Uzun müddət əsaslı şəkildə təmir edilmədən istifadə olunan yolların yatağı və örtüyü deformasiyaya uğrayıb, çalalar və çökmələr əmələ gəlib, çiyin hissələrin eni azalıb. Hazırda Azərbaycan Avtomobil Yolları Dövlət Agentliyi tərəfindən sadalanan problemlərin aradan qaldırılması istiqamətində təxirəsalınmaz tədbirlər həyata keçirilir.

Tikinti layihəsinə uyğun olaraq, mövcud yol örtüyü və zəruri olan yerlərdə yol yatağının yararsız qruntu mexanizmlə qazılaraq çıxarılır və kənara daşınır, torpaq yatağının bərpası və relyefdən aşağı olan hissələrin qaldırılması üçün yol boyu yararlı material tökülərək kipləşdirmə işləri aparılır. Bunun ardınca normativ qalınlıqda yol əsasının alt layının qum-çınqıl, üst layının isə optimal-qırmadaş qarışığı ilə tikintisi işləri aparılacaq. Bu işlər 220 min kv.m sahəni əhatə edəcək.

Yol boyu çiyinlərin qum-çınqıl qarışığı ilə tikilməsi, suötürücü boruların sıradan çıxması və yenilərinin inşası zərurəti yarandığından müxtəlif diametrli boruların quraşdırılması və izolyasiyası işlərinin aparılması da nəzərdə tutulub.

Tikinti norma və standartlarına uyğun olaraq torpaq işləri bitəndən sonra yolun 130 min kv.m sahəsinə 2 laydan ibarət 12 sm qalınlığında yeni asfalt-beton örtük döşənəcək. Bunun ardınca isə hərəkətin normal təşkili üçün yol nişanı və məlumatverici lövhələrin, siqnal dirəklərinin quraşdırılması, üfiqi nişanlanma xətlərinin çəkilməsi işlərinin aparılması planlaşdırılır.

Qeyd edək ki, Müsüslü, Təzə Şilyan və Boyat kəndlərinin avtomobil yolları 3 yaşayış məntəqəsinin 7 mindən artıq əhalisinin, həmçinin bu yoldan istifadə edən vətəndaşların Bakı-Ələt-Qazax-Gürcüstan Respublikası ilə dövlət sərhədi avtomobil yoluna rahat və təhlükəsiz şəkildə çıxışına imkan yaratmaqla rayon mərkəzinə və ölkənin istənilən istiqamətinə gediş-gəlişinə şarait yaradacaq, kənd təsərrüfatı məhsullarının bazarlara tez və xarab olmadan daşınmasının həcmi artacaq.

 

Regionların sosial-iqtisadi inkişafı Dövlət Proqramında yer alan sosial infrastruktur layihələri arasında mühüm yer tutan və birbaşa olaraq sənayenin, kənd təsərrüfatı və turizmin inkişafına gətirib çıxaran yol infrastrukturunun yenidən qurulması ilə bağlı məsələlərin həlli istiqamətində dövlət başçısının tövsiyə və tapşırıqlarına əsasən, Ucar rayonunda 7 mindən artıq əhalinin ürəyincə olan avtomobil yollarının yenidən qurulması işlərinə başlanılıb.

Vətəndaşlarımızın sosial rifah halına müsbət təsir göstərən və bölgələrimizin müxtəlif istiqamətlər üzrə iqtisadi, həmçinin mədəni potensialını nümayiş etdirən yol infrastrukturu layihələrinin icrası hazırda Ucar rayonunda Müsüslü-Təzə Şilyan-Bərgüşad-Bağban-Yuxarı Şilyan-Boyat-Qazyan marşrutu üzrə 3 yaşayış məntəqəsini – Müsüslü, Təzə Şilyan və Boyat kəndlərinin yollarını əhatə edir. Ümumilikdə 21.4 km uzunluğa malik sözügedən yollar IV texniki dərəcəyə uyğun yenidən qurulur.

Müsüslü, Təzə Şilyan və Boyat kəndlərinin avtomobil yolları əsasən qara örtük və çınqıl örtükdən ibarətdir. Uzun müddət əsaslı şəkildə təmir edilmədən istifadə olunan yolların yatağı və örtüyü deformasiyaya uğrayıb, çalalar və çökmələr əmələ gəlib, çiyin hissələrin eni azalıb. Hazırda Azərbaycan Avtomobil Yolları Dövlət Agentliyi tərəfindən sadalanan problemlərin aradan qaldırılması istiqamətində təxirəsalınmaz tədbirlər həyata keçirilir.

Tikinti layihəsinə uyğun olaraq, mövcud yol örtüyü və zəruri olan yerlərdə yol yatağının yararsız qruntu mexanizmlə qazılaraq çıxarılır və kənara daşınır, torpaq yatağının bərpası və relyefdən aşağı olan hissələrin qaldırılması üçün yol boyu yararlı material tökülərək kipləşdirmə işləri aparılır. Bunun ardınca normativ qalınlıqda yol əsasının alt layının qum-çınqıl, üst layının isə optimal-qırmadaş qarışığı ilə tikintisi işləri aparılacaq. Bu işlər 220 min kv.m sahəni əhatə edəcək.

Yol boyu çiyinlərin qum-çınqıl qarışığı ilə tikilməsi, suötürücü boruların sıradan çıxması və yenilərinin inşası zərurəti yarandığından müxtəlif diametrli boruların quraşdırılması və izolyasiyası işlərinin aparılması da nəzərdə tutulub.

Tikinti norma və standartlarına uyğun olaraq torpaq işləri bitəndən sonra yolun 130 min kv.m sahəsinə 2 laydan ibarət 12 sm qalınlığında yeni asfalt-beton örtük döşənəcək. Bunun ardınca isə hərəkətin normal təşkili üçün yol nişanı və məlumatverici lövhələrin, siqnal dirəklərinin quraşdırılması, üfiqi nişanlanma xətlərinin çəkilməsi işlərinin aparılması planlaşdırılır.

Qeyd edək ki, Müsüslü, Təzə Şilyan və Boyat kəndlərinin avtomobil yolları 3 yaşayış məntəqəsinin 7 mindən artıq əhalisinin, həmçinin bu yoldan istifadə edən vətəndaşların Bakı-Ələt-Qazax-Gürcüstan Respublikası ilə dövlət sərhədi avtomobil yoluna rahat və təhlükəsiz şəkildə çıxışına imkan yaratmaqla rayon mərkəzinə və ölkənin istənilən istiqamətinə gediş-gəlişinə şarait yaradacaq, kənd təsərrüfatı məhsullarının bazarlara tez və xarab olmadan daşınmasının həcmi artacaq.

 

Twitter

Satış məqsədilə sosial şəbəkələrdə narkotiklərin qanunsuz dövriyyəsi ilə məşğul olan şəxslərin ictimai təhlükəli əməlləri cinayət tərkibi yaradır, qanunla qadağan olunduğuna görə cəza təhdidi var”.

Bu barədə Bakı Şəhər Baş Polis İdarəsinin Mətbuat Xidmətinin rəisi, polis mayoru Elşad Hacıyev bildirib ki, cəmiyyəti qayğılandıran narkotik bəlasına qarşı mübarizədə dövrün bütün çağırış və təhdidlərinə uyğun olaraq, ən müasir metod və texnologiyaların imkanlarından geniş istifadə olunur.

O bildirib ki, narkotik vasitələrin, psixotrop maddələrin və onların prekursorlarının dövriyyəsi ilə əlaqədar daxil olan bütün informasiyalar yoxlanılır.

Bu tədbirlər kampaniya xarakteri daşımır.

Twitter