"Bakı-Tbilisi-Qars (BTQ) dəmir yolu xəttini daha intensiv istifadə etmək üçün çalışırıq. Təkcə bu ilin aprel ayında bu marşrutla daşınan vaqonların sayı yanvar ayına nisbətən təxminən 2,8 dəfə, yüklərin həcmi isə 2,4 dəfə artaraq müvafiq olaraq 344 vaqon və 10,194 min tona çatıb”

Yol-xeber.az-ın məlumatına görə “Report” xarici mətbuata istinadən xəbər verir ki, bu barədə Türkiyənin ticarət naziri Ruhsar Pekcan bildirıb.

Onun sözlərinə görə, Azərbaycan və gürcüstanlı tərəfdaşları ilə intensiv şəkildə videokonfrans və telefonla əlaqə saxlanılır: "Mövcud vəziyyət bütün ölkələri ticarəti davam etdirmək üçün alternativ yollar hazırlamağa sövq edir. Gündəlik ehtiyacları davamlı və effektiv şəkildə qarşılamaq üçün həmkarlarımızla birgə əlaqəli şəkildə çalışırıq".

Xatırladaq ki, BTQ 30 oktyabr 2017-ci ildə açılıb. Dəmir yolu xətti Asiya və Avropanın dəmir yol şəbəkələrinin birləşdirilməsini təmin edir. Bu təkcə 3 ölkə arasında deyil, həm də Asiya ilə Avropa arasında ən qısa yoldur. BTQ yüklərin daşınmasına sərf edilən vaxtı 2 dəfədən çox qısaltmağa imkan verir. BTQ dəmir yolu Mərkəzi Asiya ölkələrinin – Türkmənistan, Qazaxıstan, Özbəkistan, Qırğızıstan, Tacikistan və Əfqanıstanın Avropa və dünya bazarlarına çıxışını asanlaşdırır. 

Ümumi uzunluğu 846 kilometr olan BTQ-nin 504 kilometrlik hissəsi Azərbaycanın ərazisinə düşür. Dəmir yolu xəttinin 263 kilometri Gürcüstandan keçir. Yolun 79 kilometri isə Türkiyə ərazisindədir. Bu yol vasitəsilə birinci mərhələdə 5 milyon ton, ondan sonrakı mərhələdə 17 milyon ton, ondan sonra isə daha böyük həcmdə yüklərin daşınması nəzərdə tutulur.

Twitter

27 aprel tarixindən etibarən Azərbaycanda COVID-19 virusu ilə əlaqədar tətbiq edilən xüsusi karantin rejiminə aid məhdudiyyətlərin bir qisminin yumşaldılması tətbiq edilir. Nəticədə "ASAN Xidmət” mərkəzlərində vətəndaşların müyyən şərtlər çərçivəsində qəbuluna başlanılıb, eyni zamanda bir sıra iş və xidmət sahələrində fəaliyyət bərpa edilib. Vətəndaşların bir qisminin evdən çıxmasına tətbiq edilən məhdudiyyətlərin yumşaldılması ictimai nəqliyyatda sərnişin sayının artması deməkdir. Çünki fəaliyyətinə icazə verilən iş və xidmət sahələrində çalışan insanların kifayət qədər böyük hissəsi işə gedib-gəlmək üçün ictimai nəqliyyat vasitələrindən istifadə edir. Sərnişin sayının artması isə belə təhlükəli dövrdə dayanacaq və avtobuslarda sıxlıq yaranmasına, sosial məsafə qaydalarının pozulmasına səbəb olar bilər. Lakin nəzərə almaq lazımdır ki, sərnişin sayının artacağı təqdirdə, həm yarana biləcək sıxlığın qarısını almaq, həm də sərnişindaşımanı effektiv təşkil etmək də bir o qədər asan məsələ deyil.  

Bu şəraitdə ictimai nəliyyat sektorunda hansı addımların atılması məqsədəuyğun hesab olunur?

Nəqliyyat üzrə ekspert Elməddin Muradlı Qaynarinfo-ya açıqlamasında bildirib ki, müəyyən məsafə saxlamaq şərtilə avtobuslarda eyni vaxtda 30-40 nəfər sərişin daşınmasına icazə vermək olar:

"Pandemiya dövrü ilə bağlı sərnişinlərin ictimai nəqliyyatda davranış qaydaları xüsusi həssaslıq tələb edir. İctimai nəqliyyat insanların çox ünsiyyətdə olduğu, çox toplaşdığı yerlərdən biri sayılır. Odur ki, bu dövrdə avtobuslarda sosial məsafənin saxlanılması çox önəmlidir. Təəssüf ki, sərnişinlər bu məsələyə könüllü şəkildə riayət etmirlər. Aydın məsələdir ki, bu gün bizdə avtobus sayı azdır. Azərbaycanda təqribən 2 min civarında avtobus var və indiki şəraitdə bundan artıq avtobus gətirmək mümkün deyil. Həm "Bakubus” MMC, həm də digər daşıyıcı şirkətlər bu avtobuslarla sərnişindaşımanı maksimum şəkildə həyata keçirməyə çalışırlar. Sosial məsafənin qorunması məqsədilə avtobuslarda sərnişinlərin yalnız oturacaqlarda əyləşməsinə icazə verilir. Amma düşünürəm ki, bu məsələdə daşıyıcıları da nəzərə almaq lazımdır. Çünki normal halda 70-80 nəfəri daşıya biləcək avtobus bu gün 12-15 nəfəri daşıyır. Düşünürəm ki, ayaq üstə dayanmağa qabil olan sərnişinlərin də avtobusa minməsinə imkan vermək lazımdır. Bu məsələni həm dispetçerlər tənzimləyə, həm də avtobus sürücüləri mikrofonla elan edə bilərlər.

Bu gün ara məsafəsini qorumaq şərtilə avtobusda ayaq üstə də sərnişin daşımaq mümkündür. Məsələn, oturacaqlardan əlavə, əlillər üçün nəzərdə tutulan yer, avtobusun salonunun orta hissəsi də boş olur ki, bunlardan da istifadə etmək olar. Sıx təmasa səbəb olmadan, arada təqribən 1 metrlik məsafə saxlamaqla bunu etmək mümkündür. Çünki müəyyən iş yerləri açıldıqca metronun bağlı qaldığı təqdirdə vəziyyət daha da çətinləşəcək. Bu baxımdan sərnişinlərin yolda qalmaması üçün qeyd etdiyim məsələləri nəzərə almaq lazımdır. Bu gün metronun bağlı olması ilə yanaşı taksilərin də sayı azdır. Çünki fərqlənmə nişanı olmayan taksi sürücüləri fəaliyyət göstərə bilmirlər. Nəticədə əsas yük avtobusların üzərinə düşür. Adi halda 70-80 nəfəri daşıyan avtobusun indi 12-15 nəfər daşıması qeyri-adi mənzərə yarada bilər. Odur ki, sərnişinlərin ayaq üstə getməsinə də imkan yaratmaqla bir avtobusda təqribən 30-40 nəfər də daşımaq olar. 12 metrlik avtobusda 15 nəfər adamın daşınması bu gün üçün bir qədər uyğunsuzdur”.

Twitter

Azərbaycanda koronavirus (COVID-19) pandemiyasının qarşısının alınması üçün hərəkət məhdudlaşdırılsa da, xüsusi karantin rejimi dövründə fasiləsiz işləyən müəssisələr az deyil. Bunlardan biri "Azərbaycan Dəmir Yolları” QSC-dir (ADY). Qurumun Mətbuat katibliyi şöbəsinin müdiri Natəvan Bayramova pandemiya dövründə təmsil etdiyi səhmdar cəmiyyətinin fəaliyyəti ilə bağlı "Report"a müsahibə verib. 

- Hazırda yalnız Abşeron dairəvi dəmir yolu xəttində qatarlar hərəkət edir. Amma onların hərəkət cədvəlinə dəyişiklik edilib. Gündəlik bu qatarlarla nə qədər sərnişin daşınır? Azalma varmı?

- Nazirlər Kabineti yanında Operativ Qərargahın qərarına əsasən, martın 19-dan Abşeron dairəvi dəmir yolu xəttində hərəkət edən qatarlar istisna olmaqla, həm ölkədaxili, həm də beynəlxalq istiqamətlərdə sərinişin daşınması dayandırılıb. Karantin müddətində fəaliyyəti zəruri olan müəssisələrin əməkdaşlarının gediş-gəlişinin daha səmərəli təşkili məqsədilə Abşeron dairəvi dəmir yolu xətti üzrə elektrik qatarları uyğun qrafiklə işləyir. Karantin günlərinə olan statistikaya görə, hazırda Abşeron dairəvi dəmir yolu xətti üzrə gün ərzində 1 200-ə yaxın sərnişin daşınır. Halbuki adi günlərdə həmin göstərici 15 000-ə yaxın idi.

-  Hazırda sərnişindaşımada hansı məqamlara diqqət yetirilir? Stansiyalarda dezinfeksiya işləri necə həyata keçirilir?

- Koronavirusun yarada biləcəyi təhlükənin qarşısının alınması məqsədilə ADY-nin Həkim-Sanitar Xidməti Abşeron dairəvi dəmir yolu xətti ilə hərəkət edən sərnişin qatarlarında gündəlik dezinfeksiya işləri aparır. Virusla mübarizə tədbirləri çərçivəsində Abşeron dairəvi dəmir yolu xətti istiqamətindəki bütün stansiya, vağzal və dayanacaqlarda, eyni zamanda vaqonların içərisində xüsusi dezinfeksiyaedici məhlullarla dolu avadanlıqlar quraşdırılıb. Bütün sərnişin qatarları tibbi qutularla, bələdçi heyəti qoruyucu maska və əlcəklə təmin edilib. Bütün stansiyalarda müəyyən məsafədən bir "Məsafə saxla” lövhələrinə rast gələ bilərsiniz. Bu da sərnişinlərimizin sağlamlığına xidmət edən vacib xatırlatmadır. Bələdçilər və nəzarətçilər vaqonlarda sərnişinlərin tək-tək əyləşməsinə diqqət yetirirlər.

-  ADY-nin ölkədə koronavirusla mübarizəyə nə kimi töhfəsi oldu?

- Bu günlərdə ADY-nin kollektivi də dövlət baçısının sosial həmrəylik nümayiş etdirməklə bağlı tövsiyələrinə uyğun olaraq Koronavirusla Mübarizəyə Dəstək Fonduna 300 min manat köçürdü. Çağırışa QSC-nin törəmə şirkətləri də qoşuldu. Belə ki, "ADY Express” MMC 100 min, "ADY Konteyner” MMC 50 min manat vəsaiti Fonda ianə etdi. "Azərbaycan Dəmir Yolları” və Rusiya taxıl yüklərinin dəmir yolu ilə daşımaları üzrə nəhəng operatoru "Azrustrans” MMC də Koronavirusla Mübarizəyə Dəstək Fonduna 50 min manat vəsait köçürdü. Bununla yanaşı, ADY koronavirusu müəyyən edən 10 mindən çox tibbi müayinə məhsullarını alaraq, aidiyyəti üzrə paylanılmasını təşkil edib.

- Xüsusi karantin rejimi dövründə ADY-nin fəaliyyəti necə tənzimlənir?

- Beynəlxalq yükdaşımalar zamanı digər yerüstü nəqliyyat vasitələrindən fərqli olaraq, dəmir yolu ilə yükdaşımalarda dəfələrlə az sayda insan əməyindən istifadə edilir və bununla da sərhədləri keçən sürüclərin sayı, eləcə də yoluxma riski minimal olur. Xüsusi karantin rejiminə əsasən, ADY ölkəmizdəki epidemioloji vəziyyətin və ictimai sağlamlığın qorunmasına öz töhfəsini vermək məqsədi ilə bu qlobal səylərə qoşulub. Regiondakı epidemioloji vəziyyətlə bağlı məhdudiyyətlərə baxmayaraq, ADY region ölkələrindəki tərəfdaşları ilə birgə səylər nəticəsində yükdaşımaları əvvəlki qaydada davam etdirir. Azərbaycanda beynəlxalq və daxili yükdaşıma əməliyyatları fasiləsiz aparılır. ADY tərəfindən neft və neft məhsulları, qida məhsulları, tikinti materialları və digər yüklərin müntəzəm daşınması təmin edilir. Koronavirusun yarada biləcəyi təhlükənin qarşısının alınması məqsədi ilə ADY-nin Həkim-Sanitar Xidməti ölkə ərazisinə daxil olan yük qatarlarında mütəmadi dezinfeksiya tədbirləri həyata keçirir. Dezinfeksiya işlərində insan əməyinin minimuma endirilməsi məqsədi ilə Astara və Yalama sərhəd-keçid məntəqəsində dezinfeksiya qurğusu quraşdırılıb. Bununla da, ölkə ərazisinə daxil olan bütün yük qatarları insan əli dəymədən dezinfeksiya edilir. Proses həm qatarların üst hissəsini, həm də yüklər tam boşaldıldıqdan sonra daxili hissəsini əhatə edir. Azərbaycan - Gürcüstan sərhədində yerləşən Böyük-Kəsik stansiyası da avtomatlaşdırılmış dezinfeksiya qurğusu ilə təmin ediləcək. Hazırda sərnişindaşıma sahəsində məhdudiyyətlər tətbiq edilsə də, Azərbaycan dəmiryolçuları, xüsusən də QSC-nin yükdaşıma şöbəsinin əməkdaşları gücləndirilmiş iş rejimində fasiləsiz çalışırlar. Beləliklə, ölkədə müxtəlif məhsullara olan təlabatın ödənməsində çətinlik yaranmasın deyə Rusiya, İran və Gürcüstandan bütün yüklərin vaxtında və təhlükəsiz Azərbaycana çatdırılması həyata keçirilir.

Twitter

Ölkədə xüsusi karantin rejiminin tətbiq edilməsinə baxmayaraq, Bakıda ictimai nəqliyyatdan istifadə edən sərnişinlərin sayında artım müşahidə olunur. Yol-xeber.az xəbər verir ki, bunu Trend-ə açıqlamasında Bakı Nəqliyyat Agentliyinin (BNA) mətbuat katibi Mais Ağayev deyib. O qeyd edib ki, sərnişinlərin sayında artım əsasən pik saatlarda olur: "İlk olaraq xatırladım ki, hazırda xüsusi karantin rejimidir və bu vəziyyətdə sərnişindaşımalar da rejimin qaydalarına uyğun təşkil edilir. Sərnişinlərimizdən də xahiş edirik ki, bunu məhz bu cür qəbul edib və buna uyğun hərəkət etsinlər. Gündəlik istər müntəzəm, istərsə də ekspres xətlər üzrə sərnişindaşıma prosesinə yetərincə avtobus cəlb edilir. Hətta ekspres xətlər üzrə əlavə 100-ə yaxın ehtiyat avtobus da daha çox tələbatın olduğu ərazilərə toplanılır və zərurət olduqda xəttə çıxır. Lakin aparılan müşahidələr də onu göstərir ki, sərnişin axını hər ötən gün artır. Hazırda gündəlik daşınan sərnişin sayı 550-600 min arasında dəyişir. Daha çox sərnişin axını səhər və axşam saatlarında müşahidə olunur. Günorta saatlarında isə avtobuslar demək olar ki, boş hərəkət edirlər".

M.Ağayev bildirib ki, bu cür epidemik durumda sərnişindaşımanın ayaqda saxlanılması baxımından avtobuslar fasiləsiz fəaliyyət göstərir:

"Qarşıya çıxan çətinliklərə baxmayaraq, bütün qüvvə və səylərimizi ona səfərbər etmişik ki, avtobuslar dayanmadan fəaliyyət göstərsin. Bunu etməkdə də əsas məqsədimiz həyat əhəmiyyətli sahələrdə çalışan vətəndaşlarımızı nəqliyyat xidmətləri ilə təmin etməkdir. Bu gün nəqliyyat sektorunda çalışan minlərlə əməkdaş bu məqsəd üçün dayanmadan çalışırlar".

BNA rəsmisi deyib ki, gündəlik olaraq ərazilər üzrə aparılan müşahidələr onu göstərir ki, bəzi vətəndaşlar karantin rejimi qaydalarına əməl etmir və ya müvafiq icazələri məhz səhər saatlarında alırlar. Bu da öz növbəsində əlavə çətinliklər yaradır.

Twitter

Koronavirus pandemiyasının ölkə ərazisində geniş yayılmasının qarşısını almaq məqsədilə karantin rejimi tətbiq olundu. İctimai nəqliyyatda da bir sıra məhdudiyyətlər tətbiq olundu. Metropolitenin fəaliyyətinin müvəqqəti olaraq dayandırılması, ekspress marşrut xətlərinin işə salınması, ictimai nəqliyyatda sosial məsafə qaydalarının tətbiqi və s. tədbirləri buna misal göstərə bilərik.

Bəs koronavirus Bakının ictimai nəqliyyat sektoru ilə bağlı diqqətdən qaçan hansı problemləri üzə çıxardı? Karantin dövründə əldə etdiyimiz hansı təcrübələrdən postkoronavirus dövründə də istifadə etməliyik?

Yol-xeber.az-ın məlumatına görə məsələ ilə bağlı ANN.Az-a açıqlama verən nəqliyyat üzrə ekspert Rauf Ağamirzəyev bildirdi ki, karantin dövründə Bakının ictimai nəqliyyatında ciddi alternativlərə ehtiyac olduğu ortaya çıxdı:

"Bir nəqliyyat vasitəsinin bağlanması digərinin həddən artıq yüklənməsinə səbəb olur. Sərnişin sayının az olduğunu nəzərə alaraq avtobusların həmin sərnişinləri daşıya biləcəyini düşünsək də, koronavirus dövrünün sosial məsafə qaydaları bu sayı məhdudlaşdırmağa məcbur edir. Karantin rejiminin bitdiyi və normal həyata geri dönüldüyü bir vaxtda metro və avtobusların yükünü azaldacaq yerüstü nəqliyyat şəbəkəsinin qurulması əhəmiyyətli olar. Yüngül relsli dəmiryolu sisteminə keçid həyata keçirilməlidir. Çünki hər hansı bir fors-major vəziyyətlər, bununla bağlı olaraq metronun bağlanması bir sıra ciddi fəsadlara yol açır. Biz gələcəkdə belə böhranlarla yenidən qarşılaşmayacağımıza dair sığortalanmamışıq. Bu hadisələr bizi gələcəyə daha hazırlıqlı olmağa vadar etməlidir".

Ekspert əlavə edib ki, postkoronavirus dövrünün təcrübələrinə gəldikdə isə Bakı Nəqliyyat Agentliyinin (BNA) təklif etdiyi və hal-hazırda fəaliyyət göstərən ekspress avtobusların istifadəsini davam etdirmək olar. Həmçinin geniş küçələrdə avtobus zolaqlarını yaratmaqla və zolaqlardan istifadəyə ciddi nəzarət etməklə nəqliyyatdakı boşluqları doldurmaq mümkündür:

"Xüsusi zolaqların ayrılması avtobusların intensiv hərəkətinə və insanların mobilliyinə birbaşa təsir edəcək. Avtobus marşrutlarına ayrılmış xüsusi zolağın olması onların tıxacda qalmasını mümkünsüz edərək insanların prioritetinin dəyişməsinə səbəb olacaq. Həmçinin nəzərə almalıyıq ki, karantin dövründə də avtomobillərin yoxlanılması ilə bağlı qurulan postlar avtobusların nəqliyyat sıxlığında gecikməsinə və xüsusi zolaq probleminin aktuallaşmasına səbəb oldu".

"Yaxşı olar ki, biz postkoronavirus dövrünə iş saatlarının başlaması və bitməsi ilə bağlı fərqli saatlı, "sürüşkən" qrafikləri tətbiq edək. Bu da eyni anda sıxlığın yaranmasının qarşısını alar", - deyə ekspert vurğulayıb.

Twitter

Vətəndaşların gediş-gəlişində xüsusən payız-qış mövsümündə yaranan problemlərin aradan qaldırılması üçün Sabunçu rayonunda avtomobil yollarının yenidən qurulması işlərinin davam etdirilməsi ilə bağlı əlavə tədbirlər haqqında dövlət başçısının imzaladığı sərəncama əsasən, Azərbaycan Avtomobil Yolları Dövlət Agentliyi tərəfindən kompleks tədbirlər həyata keçirilib.

Agentlikdən Yol-xeber.az-a verilən məlumata görə, imzalanan sərəncama əsasən, Bakı şəhəri Sabunçu rayonu Pirşağı, Zabrat, Ramana və Maştağa qəsəbələri ərazisində avtomobil yollarının əsaslı təmiri məqsədi ilə ilkin olaraq 3 mln.manat ayrılıb. Ölkə başçısının imzaladığı sözügedən sərəncam çərçivəsində, agentlik tərəfindən Sabunçu rayonunun Pirşağı, Zabrat, Ramana və Maştağa qəsəbələri ərazisində ümumi uzunluğu 20 km olan daxili küçə və yollarda əsaslı təmir işləri həyata keçirilib. Ümumilikdə təmir işlərinin əhatə etdiyi sahə 110 min kv.m-dən çoxdur.

Təmir işləri əsasən uzun müddət əsaslı şəkildə təmir olunmadan istismar olunan, yol örtüyünün vəziyyəti qənaətbəxş olmayan, həmçinin torpaq əsaslı və çınqıl örtüklü küçə və yollarda aparılıb.

Bu Pirşağı qəsəbəsi üzrə A.Ağazadə və Ə.Məlikov küçələri, Bağlar massivi, Maştağa qəsəbəsi üzrə S.Vurğun küçəsi, Zabrat qəsəbəsi üzrə R.Axundov və Qazıməmməd küçələri, Ramana qəsəbəsi üzrə İslam Rəhmanov, Mirəsədulla Qafarov, Cəfər Cabbarlı, Hüseyn Cavid və Xanlar küçələri, həmçinin sadalanan küçə və yollara birləşən dalan, döngə və yollarda da təmir işləri görülüb.

Aparılan təmir-tikinti işləri çərçivəsində küçələr boyu zəruri olan yerlərdə köhnə örtük sökülüb və yararsız qrunt qazılaraq çıxarılıb, əvəzinə yararlı material tökülərək kipləşdirilib, yeni yol əsası inşa edilib. Daha sonra yollara yeni asfalt-beton örtüyü döşənib.

Təmir işləri “İnşaat Norma və Qaydaları”nın tələblərinə əsasən Azərbaycan Avtomobil Yolları Dövlət Agentliyinin rəhbərliyinin nəzarəti altında aparılıb.

Qeyd olunan ərazilərdə təmir işlərinin həcmi ilkin olaraq ayrılmış vəsait hesabına aparılıb. Növbəti mərhələdə 2020-ci ilin investisiya proqramına uyğun olaraq Sabunçu rayonu üzrə təmirə ehtiyacı olan daha 28 km uzunluğa malik 21 küçədə təmir işlərinin aparılması nəzərdu tutulur. Yaxın müddət ərzində bu istiqamətdə təmir işlərinin başlanılması planlaşdırılır.

Proqrama uyğun olaraq ayrılmış vəsait hesabına, sözügedən rayonun Balaxanı qəsəbəsində ümumi uzunluğu 5.5 km olan Şəfqət, M.Ə.Sabir, Gülüstan, Cahangir Cahangirov, Pir Məmməd, Müsəvi, Sarabski, Səfəvilər və Dirçəliş küçələrində, Zabrat qəsəbəsində ümumi uzunluğu 4 km olan Neftçilər, Mirzəağa Əliyev, Bəxtiyar Vahabzadə, Nəcəfbəy Vəzirov, Hüseyn Cavid, Zivər bəy Əhmədbəyov küçələrində, həmçinin Nardaran qaəsəbəsi üzrə ümumi uzunluğu 18.5 km olan Abşeron, Mübariz İbrahimov, Şeyx Əli Tuti, Asəf Zeynallı, M.F.Axundov və Səfxani küçələrində yenidənqurma işlərinin aparılması nəzərdə tutulur.

Qeyd edək ki, Prezident İlham Əliyevin sərəncam və tapşırıqları əsasında agentlik tərəfindən 2019-cu il ərzində Bakı şəhərinin Sabunçu rayonunun Maştağa, Bakıxanov, Ramana, Sabunçu, Kürdəxanı, Zabrat və Pirşağı qəsəbələrində 87 km uzunluğunda olan 135 küçə və yola asfalt-beton örtüyü döşənib.

Twitter

"Azərbaycan Dəmir Yolları" QSC-dən verilən məlumata görə, bununla əlaqədar Nazirlər Kabinetinin 2 aprel 2020-ci il tarixli 124 saylı qərarında qeyd edilən bütün tədbirlər, o cümlədən yük daşımaları istisna olmaqla, Azərbaycan ərazisinə yerüstü və hava nəqliyyatı yolu ilə giriş-çıxışa, yerli hava uçuşlarına tətbiq edilən məhdudiyyətlər həmin tarixədək qüvvədə saxlanılır.

Qərara əsasən, Bakı-Tbilisi- Bakı (Böyük Kəsiyə kimi), Bakı-Böyük Kəsik-Bakı, Bakı-Köçərli-Balakən-Bakı, Bakı-Astara-Horadiz-Bakı və Bakı-Gəncə-Bakı sərnişin qatarları həmin tarixədək hərəkətdə olmayacaq. Ölkədaxili və beynəlxalq istiqamətlərdə sərnişin daşımalarına qoyulan məhdudiyyət xüsusi göstərişədək tətbiq olunacaq.

Xatırladaq ki, karantin müddətində fəaliyyəti zəruri olan müəssisələrin əməkdaşlarının gediş-gəlişinin daha səmərəli təşkili məqsədilə Abşeron dairəvi dəmir yolu xətti üzrə elektrik qatarları uyğun qrafiklə hərəkət edəcək.

Twitter

Xəbər verdiyimiz kimi Gürcüstanda yeni qadağalar tətbiq olunur. Bu barədə Gürcüstan Baş nazirinin mətbuat katibi İrakli Çikovani məlumat verib. Qadğanın biri tibbi maskalrla bağlıdırsa, digəri isə avtomobillərlə bağlıdır. Gürcüstanda koronavirusun daha geniş yayılmasının qarşısının alınması məqsədilə ölkə ərazisində avtomobillərin hərəkəti tam qadağan olunub. Bildirilir ki, qadağa aprelin 17-dən saat 12:00-dan etibarən aprelin 21-dək qüvvədə olacaq.

Bəs, Azərbaycanda karantin rejiminin uzadılması ilə əlaqədar avtomobillərin hərəkətinə müəyyən olunmuş günlərdə qadağalar qoyula bilərmi? Bununla bağlı sonxeber.az-a danışan Bakı şəhər Baş Yol Polisi İdarəsinin bölmə rəisi Vaqif Əsədov sözügedən məsələnin mövcud karantin rejimində rast gəlinən yolxumaların sayından asılı olacağını deməklə açıqlama gətirib. Polis polkovniki bildirib ki, əgər gündəlik yoluxma sayı çoxalsa, hərəkətlə bağlı konkret tədbirlər görülə bilər:

"Belə olub-olmaması hesab edirəm ki, yoluxmanın sayından asılıdır. Gündəlik yoluxmanın sayında azalma olarsa, bu karantin müddətinin azalması, əksinə olduqda isə karantinin müddətinin uzadılması deməkdir. Qeyd olunan məqam təkcə polisdən asılı olan məsələ deyil, ən azından ictimaiyətdən də asılı məsələdir. Gündəlik yoluxma sayı çoxalırsa, ola bilsin hərəkətlə bağlı konkret təsirli tədbirlərin görülməsi zərurəti yaransın".

Vaqif Əsədov həmçinin mövcud pandemiyanın yayılmasının qarşısının alınmasında polislərin fəliyyətini yüksək qiymətləndirdiyini deyərək, ölkə üzrə karantin rejiminin tələblərinə əməl etməyən vətəndaşalrın sayını da açıqlayıb:

"Polisin fəaliyyətini yüksək səviyyədə həyata keçirdiyini hesab edirəm ki, bu gün cəmiyyət görür və qiymətləndirir. Gündəlik hərəkətlə bağlı virusa yoluxanların sayının azalması polisin fəaliyyətidir desəm, yanılmaram. Azərbaycan polisinin hər biri koronavirus deyilən gözəgörünməz təhlükəli virusla sanki müharibə aparır. Bu müharibədə ön sərgərdə Azərbaycan polisi həyatı hesabına cəmiyyəti yoluxmadan qorumağa çalışır. Təəssüflər olsun ki, hələ də karantin tələblərini yerinə yetirməməyə meylli olan şəxslər var. Karantin rejimi tətbiq ediləndən bu günədək ölkə üzrə 22 mindən artıq inzibati tənbeh tədirləri həyata keçirilib.
Mən hesab edirəm ki, gündəlik tərtib edilmiş inzibati tənbeh tədbirlərinın sayı azalırsa, bu vətəndaşlarla polis arasında hərməyliyin yaranması deməkdir. Yol nəqliyyət qəzalarının sayının, icazəsiz hərəkət edənlərin sayının azalması bunu deməyə əsas verir ki, karantinin müddəti uzadılmaycaq. Hesab edirəm ki, karantin tələbinə məhdudiyyət qoyula bilər".

Twitter

Sərnişindaşımanın rahat şəkildə təmin olunması məqsədi ilə Azərbaycan Avtomobil Yolları Dövlət Agentliyi tərəfindən müəyyən küçə və yollar təmir olunur. 

Yol-xeber.az xəbər verir ki, təmir işləri Bakı şəhərində 7 rayon ərazisində, həmçinin Abşeron rayonunda müntəzəm sərnişindaşıma ilə məşğul olan avtobusların marşrut hərəkəti üzrə Bakı Nəqliyyat Agentliyinin müraciəti əsasında aparılır.

Rahat gediş-gəlişin təmin edilməsi istiqamətində aparılan təmir işləri Qaradağ, Sabunçu, Binəqədi, Xətai, Səbail,Suraxanı, Xəzər və Abşeron rayonları ərazisində 26 marşrut xətt üzrə 40-a yaxın küçə və yollarda görülür. 

Təmir işləri zamanı çatlar əmələ gəlmiş hissələrdə köhnə asfalt beton örtüyünün üst qatı frezlənərək kənara daşınır, əvəzinə yeni asfalt-beton örtüyünün döşənməsi işləri həyata keçirilir. Asfaltlanma işləri ümumilikdə 1500 kv.m-ə yaxın sahəni əhatə edəcək.

Twitter

Yol infrastrukturunun yenidən qurulması ilə vətəndaşların rahat gediş-gəlişini təmin etmək, o cümlədən nəqliyyat sıxlığının azaldılması istiqamətində dövlət başçısının tapşırıq və sərəncamlarına əsasən, Azərbaycan Avtomobil Yolları Dövlət Agentliyi tərəfindən paytaxtın nəqliyyat sistemində mühüm əhəmiyyətə malik küçə və yollarında təmir-tikinti işləri davam etdirilir.

Bu çərçivədə Xətai rayonunda 2019-cu ildə sahəsi 221 min kv.m, uzunluğu 18 km olan küçə və yollarda təmir işləri aparılıb. 2020-ci ildə isə sözügedən rayon üzrə 23 km-ə yaxın küçə və yolun təmiri nəzərdə tutulur ki, artıq bu istiqamətdə işlərə start verilib. Yenidənqruma işləri Məzahir Rüstəmov küçəsində, həmçinin İngilab İsmayılov küçəsinin 1 km-lik hissəsində aparılaraq yekunlaşdırılıb.

Küçələrin uzun müddət əsaslı şəkildə təmir olunmadan istismar olunması vətəndaşların haqlı narazılığına səbəb olurdu. Çünki küçələr boyu yolun hərəkət hissəsində çalalar və torşəkilli çatlar əmələ gəlmişdi. Bu isə gediş-gəlişdə problemlərə səbəb olurdu.

Sadalanan problemlərin aradan qaldırlması istiqamətində Azərbaycan Avtomobil Yolları Dövlət Agentliyi tərəfindən uzunluğu 1.4 km, ortalama eni təqribən 10 metr olan Məzahir Rüstəmov küçəsində aparılan yenidənqurma və bərpa işləri artıq yekunlaşdırılıb. Aparılan işlər çərçivəsində köhnə asfalt beton örtüyünün üst qatı frezlənərək kənara daşınıb, zəruri yerlərdə əsasın deformasiyaya uğramış hissələri qazılaraq kənarlaşdırılıb. Bunun əvəzində yararlı material tökülərək yenidən kipləşdirmə işləri aparılıb və əsas yenidən bərpa edilib.

Yenidənqurma zamanı səth sularının yolun hərəkət hissəsindən kənarlaşdırılması üçün mövcud yağış-kanaliasiya sistemi də yenidən bərpa olunub, zəruri olan yerlərdə yeni sistem qurulub.

Bundan başqa küçə boyu piyadaların rahat gediş-gəlişi üçün mövcud piyada səkiləri yenidən qurulub, zəruri yerlərdə yeniləri inşa edilib, kənarlarına yeni səki daşları düzülüb. Layihə çərçivəsində küçə boyu xüsusi parkinq yerləri yaradılıb, avtobus dayanacaqları qurulub, vətəndaşların küçəni rahat və təhlükəsiz keçməsi üçün piyada keçidlərində xüsusi təhlükəsizlik adacıqları yaradılıb.

Daha sonra küçənin asfaltlanması işləri aparılıb ki, bu çərçivədə küçəyə 2 qat olmaqla yeni asfalt-beton örtyü döşənib. Asfaltlanma işləri təqribən 15 min kv.m sahəni əhatə edib.

Anoloji işlər İngilab İsmayılov küçəsinin təqribən 1 km-lik hissəsində də aparılıb, qalan hissədə isə davam etdirilir. Küçənin ümumi uzunluğu isə 2.9 km, eni isə ortalama təqribən 8 metr təşkil edir.

İngilab İsmayılov küçəsində də köhnə asfat beton örtüyünün üst qatı frezlənərək kənara daşınıb, zəruri yerlərdə əsasın deformasiyaya uğramış hissələri qazılaraq kənarlaşdırılıb, bunun əvəzinə yararlı material tökülərək kipləşdirmə işləri aparılıb. Növbəti mərhələdə isə yola iri və xırda dənəli olmaqla yeni asfalt-beton örtüyünün döşənməsi işləri görülür. Asfaltlanma işləri təqribən 25 min kv.m sahəni əhatə edir.

Aparılan yenidənqurma zamanı səth sularının yolun hərəkət hissəsindən kənarlaşdırılması üçün mövcud yağış-kanaliasiya sistemi də yenidən bərpa olunub, zəruri olan yerlərdə yeni sistem qurulub.

Piyadaların rahat gediş-gəlişi üçün küçə boyu şərait yaradılır. Belə ki, yeni piyada səkiləri inşa edilir, mövcud səkilər isə bərpa edilir, kənarlarına yeni səki daşları düzülür.

İşlərin sonuncu mərhələsində Məzahir Rüstəmov küçəsində, həmçinin İnqilab ismayılov küçəsinin 1 km-lik hissəsində boyu zəruri olan yerlərdə yol nişanları quraşdırılıb, hərəkətin normal təşkili üçün üfiqi nişanlanma xətləri və piyada zolaqları çəkilib.

Hazırda İnqilab İsmayılov küçəsinin qalan 1.9 km-lik hissəsində yenidənqurma işləri davam etdirilir. Bütün işlər mövcud “İnşaat Norma və Qaydaları”nın tələblərinə əsasən, Azərbaycan Avtomobil Yolları Dövlət Agentliyinin rəhbərliyinin nəzarəti altında aparılır. Tərtib olunmuş qrafikə uyğun işlərin vaxtında yekunlaşdırılması üçün əraziyə lazımi sayda qüvvə cəlb olunub.

İşlərin yekunlaşdırılması ardıcıllığına uyğun olaraq Xətai rayonu üzrə investisiya proqramına əsasən cari ildə bərpası nəzərdə tutulan 15 küçə və yolda da təmir-tikinti işlərinin aparılması nəzərdə tutulur.

 

Twitter