 |
|
İran Qafqaz regionunda geosiyasi dəyişikliklərin əleyhinədir.
İRNA xəbər verir ki, Rusiyanın Tehrandakı səfiri Aleksey Dedov bazar ertəsi axşam saatlarında İran XİN-ə çağırılıb.
Bu barədə məlumat verən İran XİN-in xarici siyasət qrupunun rəsmisi Müctəba Dəmirçilu bildirib ki, İranın xarici işlər nazirinin müavini və Avrasiya məsələləri üzrə baş direktoru Tehranın regional sülh və sabitliyə dəstəyini və beynəlxalq səviyyədə tanınmış sərhədlər və geosiyasi status-kvonun hər hansı dəyişikliyinə qarşı olduğunu vurğulanıb.
Qafqazda baş verən hadisələrlə bağlı fikir mübadiləsi aparan hər iki diplomat, onların fikrincə, davamlı sülhün və regional əməkdaşlığın təminatçısı olan ölkələrin milli suverenliyinə, ərazi bütövlüyünə və qarşılıqlı maraqlarına hörmətlə yanaşdıqlarını qeyd ediblər.
Görüşdə həmçinin Cənubi Qafqazın üç ölkəsi olan Azərbaycan, Ermənistan və Gürcüstan , həmçinin Rusiya, Türkiyə və İranın daxil olduğu 3+3 məşvərətçi formatının qarşıdakı görüşü müzakirə olunub. Format regionda təhlükəsizlik, iqtisadi və nəqliyyat əlaqələrinin açılması məsələlərini nəzərdən keçirir.
Qeyd edək ki, son günlər Moskvanın Ermənistan ərazisindən keçməklə Bakını Naxçıvanla birləşdirən dəhlizə dəstək verməsindən sonra İran Xarici İşlər Nazirliyinin Rusiyanın Tehrandakı səfirini görüşə çağırması barədə mətbuatda məlumat yayılıb.
Azərbaycan Respublikasının Prezidenti İlham Əliyev və birinci xanım Mehriban Əliyeva sentyabrın 2-də Kəlbəcər rayonuna səfər ediblər.
"Yol-xeber.az" xəbər verir ki, Prezident İlham Əliyev Kəlbəcər rayonunun İstisu qəsəbəsinin təməlini qoyub.
Sonra Prezident İlham Əliyev və birinci xanım Mehriban Əliyeva Kəlbəcər rayon sakinləri ilə görüşüblər.
Ermənistanın Baş naziri Nikol Paşinyanın son açıqlamaları reallıqdan uzaqdır. Bu, Azərbaycanın haqlı olaraq Ermənistan Konstitusiyasında yer almış əsassız ərazi iddialarına qarşı erməni tərəfinin növbəti oyunudur. Görünən odur ki, növbəti siyasi oyun gedir. Ermənistan üçün bu ilin payızı o qədər də asan olmayacq. Paşinyan da özünü mümkün qədər bu təhlükələrdən sığortalamağa can atır.Bunu Teleqraf.com-a politoloq Zərdüşt Əlizadə deyib.
O qeyd edib ki, Ermənistan müxalifəti Rusiyanın təzyiqi ilə Paşinyanı devirmək istəyir:
“Bunun üçün Ermənistanda yeni nümayiş dalğasını başlatmaq niyyətləri var. İşi elə qurmaq istəyirlər ki, mütləq bu aksiyalar nəticəsində ölənlər olsun, qan tökülsün. Daha sonra “cəllad erməni xalqının qanını tökdü” bağırtısı ilə hansısa silahlı qiyam təşkil edə bilsinlər. Bu həmin qüvvələrin son ümididir. Paşinyan bütün bunları bildiyi halda dövlət aparatını buna qarşı hazırlayır. Eyni zamanda xalqın diqqətini yayındırmaq üçün cürbəcür mənasız sözlər işlədir”.
Politoloq hesab edir ki, Ermənistan konstitusiyasında Azərbaycana qarşı ərazi iddiaları ilə bağlı müddəaların yer alıb-almamasının prosesə təsiri yoxdur və olmayacaq:
“Azərbaycanla Ermənistan arasında qüvvələr nisbəti göz qabağındadır. 10 milyondan artıq əhalisi olan Azərbaycana qarşı 2 milyonluq Ermənistan heç nə edə bilməz. Pulu, müttəfiqi, ordusu olan Azərbaycan qarşısında darmadağın olmuş Ermənistanın duruş gətirməsi mümkün deyil”.
Zərdüşt Əlizadəyə görə, indiki halda Paşinyanın bu cür açıqlamalar verməsi siyasi oyunun tərkib hissəsidir: “Bu siyasi oyunda regional və qlobal qüvvələr də iştirak edir. Ortaya atılan yeni kartlar isə mənasızdır. Azərbaycan isə real amillərə baxır. Bu güc, iqtisadi amillərlə bağlıdır. Kimin nə deməsindən, Ermənistanda kimin hakimiyyətdə olmasından asılı olmayaraq Azərbaycana təsir imkanları yoxdur”.
Xəbər verdiyimiz kimi, bu gün Prezident İlham Əliyev və birinci xanım Mehriban Əliyeva Kəlbəcər rayonuna səfər ediblər və burada görülən bir sıra bərpa-quruculuq işləri ilə tanış olublar.
“Yol-xeber.az”ın məlumatına görə, səfər çərçivəsində çəkilən daha bir rəngli görüntüləri birinci xanım Mehriban Əliyeva rəsmi instaqram hesabında paylaşıb.
Həmin görüntüləri təqdim edirik:
Azərbaycan Prezidenti İlham Əliyev sentyabrın 2-də Kəlbəcər rayonunun İstisu qəsəbəsində “Azərişıq” ASC-nin 110/35/10 kV-luq “İstisu” yarımstansiyasının açılışında iştirak edib.
Yol-xeber.az xəbər verir ki, bu barədə Prezidentin Mətbuat Xidməti məlumat yayıb.
Azərbaycan Prezidenti İlham Əliyev və Birinci xanım Mehriban Əliyeva sentyabrın 2-də Kəlbəcər şəhərində 524 ailəlik yaşayış kompleksinin tikintisi ilə tanış olublar.
Yol-xeber.az-ın məlumatına görə, bu barədə Prezidentin Mətbuat Xidməti məlumat yayıb.
Məhrum deputat Qənirə Paşayevanın təmsil etdiyi dairədən sabiq nazir müavinin qardaşı seçilib.
106 saylı Tovuz seçki dairəsindən mərhum Qənirə Paşayevanın yerinə İqtisadiyyat nazirinin sabiq müavini Niyazi Səfərovun qardaşı Nizami Səfərov seçilib.
Qeyd edək ki, deputat Nizami Səfərovun qardaşı Niyazi Səfərov 2022-ci ilədək Azərbaycan iqtisadiyyat nazirinin müavini olub.
Nizami Səfərov isə özü bundan öncəki çağırışlarda Milli Məclisin deputatı olub. Bu dəfə isə onun namizədliyi hakim partiya tərəfindən mərhum Qənirə Paşayevanın təmsil etdiyi 106 saylı Tovuz seçki dairəsindən verilib.
Qeyd edək ki, mərhum deputat Qənirə Paşayva 2023-cü il sentyabrda dünyasını dəyişib.
Qeyd edək ki, Nizami Səfərov Azərbaycan Dövlət Universitetinin Hüquq fakültəsini fərqlənmə diplomu ilə bitirib. 1985–1988-ci illərdə M.V.Lomonosov adına Moskva Dövlət Universitetinin hüquq fakültəsinin aspiranturasını bitirərək, hüquq elmləri namizədi elmi dərəcəsini alıb. 2005–2007-ci illərdə Rusiya Federasiyası Xarici İşlər Nazirliyinin Beynəlxalq münasibətlər İnstitutunun (MGİMO – Universitet) doktoranturasını bitirərək, hüquq elmləri doktoru elmi dərəcəsini alıb.
Nizami Səfərov deputat seçilənədək müxtəlif illərdə Azərbaycan Milli Elmlər Akademiyasının Fəlsəfə və Hüquq İnstitutunda şöbə müdiri, Azərbaycan Respublikası Ədliyyə Nazirliyinin Hüquq kadrlarını təkmilləşdirmə institutunda prorektor, Azərbaycan Respublikası Ədliyyə Nazirliyinin Beynəlxalq hüquq əməkdaşlığı şöbəsinin rəisi, 18 avqust 1995-ci ildə Mərkəzi Seçki Komissiyasının üzvü seçilib. O həmçinin müxtəlif illərdə Milli Məclis Aparatının Konstitusiya qanunvericiliyi şöbəsində müdir müavini və İnzibati və hərbi qanunvericilik şöbəsinin müdiri vəzifəsində çalışıb.
Azərbaycan Prezidenti İlham Əliyev və Birinci xanım Mehriban Əliyeva sentyabrın 2-də Kəlbəcər rayonunda İstisu Mineral su zavodunun açılışında iştirak ediblər.
Bu barədə Prezidentin Mətbuat Xidməti məlumat yayıb.
Azərbaycan Respublikasının Prezidenti İlham Əliyev sentyabrın 2-də Kəlbəcər şəhərində inzibati binanın təməlini qoyub.
VII çağırış Milli Məclisə seçkilər əvvəlki seçkilərdən daha çox diplomatların deputat seçilməsi ilə fərqlənir.
VII çağırış Milli Məclisdə Azərbaycan diplomatiyasının, əgər bura Azərbaycanın İstanbuldakı sabiq Baş konsulu olmuş Səyyar Aranı və ADA Universitetinin prorektoru Fariz İsmayılzadəni də bu kateqoriyaya aid etsək, o zaman 6 nümayəndəsi təmsil edəcək.
Soyahını təqdim edirik:
1. XİN-də idarə rəisi işləyən Qaya Məmmədov;
2. Azərbaycanın CAR-kl müvəqqəti işlər vəkili, diplomatik missiyanın rəhbəri Zaur Şükürov;
3.XİN Linqvistik təminat idarəsinin rəsisi Rizvan Nəbiyev;
4. Azərbaycanın Rusiyadakı səfiri Polad Bülübüloğlu;
5. ADA Universitetinin prorektoru Fariz İsmayılzadə;
6. Səyyad Salahlı (Aran)-Azərbaycanın 2006-2010-cu illərdə İstqanbuldakı Baş konsulu vəzifəsində çalışıb.