 |
|
Azərbaycan Respublikasının Prezidenti İlham Əliyev sentyabrın 2-də Kəlbəcər şəhərində ikinci yaşayış kompleksinin təməlini qoyub.
Yol-xeber.az-ın məlumatına görə, bu barədə Prezidentin Mətbuat Xidməti məlumat yayıb.
Azərbaycan Prezidenti İlham Əliyev və birinci xanım Mehriban Əliyeva sentyabrın 2-də Kəlbəcər rayonunun Toğanalı-Kəlbəcər-İstisu avtomobil yolu layihəsi çərçivəsində inşa olunan 4-cü tuneldə və bu yolun 15,2 kilometrlik hissəsində görülən işlərlə tanış olublar.
Yol-xeber.az-ın məlumatına görə, bu barədə Prezidentin Mətbuat Xidməti xəbər verib.
Azərbaycan Prezidenti İlham Əliyev və birinci xanım Mehriban Əliyeva sentyabrın 2-də Kəlbəcər rayonunda Xudavəng monastır kompleksində olublar.
Bu barədə Prezidentin Mətbuat Xidməti xəbər verib.
Azərbaycan Respublikasının Prezidenti İlham Əliyev və birinci xanım Mehriban Əliyeva sentyabrın 2-də Kəlbəcər rayonunda Tərtər çayı üzərində yerləşən “Azərenerji” ASC-nin 22,5 MVt gücündə olan “Yuxarı Vəng” Su Elektrik Stansiyasının açılışında iştirak ediblər.
Bu barədə Prezidentin Mətbuat Xidməti xəbər verib.
Prezident İlham Əliyev Vyetnam Sosialist Respublikasının Prezidenti To Lama təbrik məktubu göndərib.
Məktubda deyilir:
"Hörmətli cənab Prezident,
Ölkənizin milli bayramı – Müstəqillik Günü münasibətilə Sizə və Sizin simanızda dost Vyetnam xalqına öz adımdan və Azərbaycan xalqı adından ən səmimi təbriklərimi və xoş arzularımı çatdırıram.
Azərbaycan ilə Vyetnam arasında dostluq və əməkdaşlıq əlaqələrinin xoş ənənələri mövcuddur. Dövlətlərarası münasibətlərimizin yüksələn xətt üzrə inkişaf edərək hazırkı səviyyəyə çatması məmnunluq doğurur. Beynəlxalq təşkilatlar çərçivəsində uğurlu birgə fəaliyyətimiz və qarşılıqlı dəstəyimiz də bizi sevindirir.
Siyasi münasibətlərimizin yüksək səviyyəsi və fəal dialoqumuz bütün sahələrdə, xüsusilə də iqtisadi-ticari, mədəni-humanitar, təhsil və digər sahələrdə səmərəli əməkdaşlığımızın genişləndirilməsi üçün yaxşı zəmin yaradır.
İnanıram ki, sağlam təməllər üzərində qurulmuş, qarşılıqlı inam və etimada əsaslanan Azərbaycan-Vyetnam dostluq əlaqələrinin daha da inkişafı, həm ikitərəfli, həm də çoxtərəfli müstəvidə əməkdaşlığımızın dərinləşdirilməsi istiqamətində birgə səylərimizi bundan sonra da müvəffəqiyyətlə davam etdirəcəyik.
Bu bayram günündə Sizə möhkəm cansağlığı, xoşbəxtlik, işlərinizdə müvəffəqiyyətlər, dost Vyetnam xalqına daim əmin-amanlıq və rifah diləyirəm".
VII çağırış Milli Məclisin tərkibində ümumilikdə 40-a yaxın dəyişikliklik olub.
Ölkə.Az-ın araşdırması nəticəsində bəlli olub ki, ümumlikdə 35 nəfər yeni tərkibə düşə bilib. VII çağırış Milli Məclisə ilk dəfə seçilənlərlə yanaşı, bundan öncə müxtəlif dövrlərdə deputat olan şəxslər də yenidən deputat mandatı qazanıb. Onu da qeyd etmək istərdik ki, ötən çağırışda bir neçə dairədə seçkinin nəticələri ləğv olunması, deputat mandatından məhdum edilməsi və dünyasını dəyişənlər nəticəsində 10-dan artıq yer boş idi.
1 sentyabrda seçilən seçkilərdən seçilənlərdən 29-u ilk dəfə, 6 -sı isə müxtəlif dövrlərdə Milli Məclisin deputatları olan şəxlərdir.
İndi isə VII çağırış Milli Məclisə düşən 35 deputatın siyahısını təqdim edirik:
1.Vüqar Rəhimzadə
2.Elşad Musayev
3 Gülşən Paşayeva
4.Günay Əfəndiyeva
5. Göydəniz Qəhrəmanov
6. Samir Vəliyev
7. Əli Əhmədov8. Arzuxan Əlizadə
9 Azər Allahverənov
10. Qaya Məmmədov
11. Pərvanə Vəliyeva12. Mehriban Vəliyeva
13. Səbinə Salmanova
14.Elnarə Akimova
15. Zaur Şükürov
16. Nigar Məmmədova
17. Rizvan Nəbiyev
18.Ramid Namazov
19. Heydər Əsədov
20. Mahir Süleymanlı
21. Əlibala Məhərrəmzadə
22. Günay Ağamalı
23. Tənzilə Rüstəmxanlı
24. Fariz İsmayılzadə
25. Vasif Qafarov26. Səyyad Salahlı 27. Elçin Mirzəbəyli
28. Bədəl Bədəlov
29. Xanlar Fətiyev
30. Mübariz Qurbanlı
31. Əsgərov Asif
32.Qurbanov Eyvaz
33. Muradov Rövşən
34. Qasımlı Mircəlil
35. Polad Bülbüloğlu
“Necə oldu ki, Ruben Vardanyan Rusiya vətəndaşlığından imtina etdi? Bu addımı atmağı ona kim məsləhət görüb və ya göstəriş verib? Onu bu mənada kim göndərib, Ermənistana göndərib, kim Qarabağa hansı məqsədlə, hansı zəmanətlə, hansı təminatla, hansı vədlərlə göndərib?"
Bunu Ermənistanın baş naziri Nikol Paşinyan Bakıda həbsdə olan Ruben Vardanyan haqqında danışarkən deyib.
Paçinyan daha sonra əlavə edib:
"Və sonunda kim dedi: “Bilirsən nə var? Biz onun kim olduğunu bilmirik, çünki o, başqa ölkənin vətəndaşıdır”. Bu suallara cavab istəyirik, yoxsa yox? Bu, həqiqətən də bizim üzləşdiyimiz ciddi problemdir".
O əlavə edib ki, sülh sazişinin uğurla həyata keçirilməsi də bu məsələ üçün vacibdir. "Son nöqtə vacib deyil, vacib olan uğurlu proses, normal iş mühiti, qarşılıqlı etimadın tədricən formalaşması və s.”, - Paşinyan bildirib.
1 sentyabr 2024-cü ildə VII çağırış Milli Məclisə keçirilən növbədənkənar parlament seçkilərində 29 namizəd ilk dəfə deputat seçilib.
İlk dəfə seşilən deputatlaırn siyahısnı təqdim edirik.
1. 10 Saylı Binəqədi Üçüncü Seçki Dairəsindən Böyük Azərbaycan Partiyasının sədri Elşad Musayev.
2. 13 Saylı Xəzər İkinci Seçki Dairəsindən Gülşən Paşayaeva
3.14 Saylı Xəzər-Pirallahi Seçki Dairəsindən Günay Əfəndiyeva
4.17 Saylı Yasamal Üçüncü Seçki Dairəsindən Göydəniz Qəhrəmanov
5.20 Saylı Nərimanov İkinci Seçki Dairəsindən Samir Vəliyev
6.27 Saylı Sabunçu İkinci Seçki Dairəsindən AMİP sədri Arzuxan Əlizadə
7.29 Saylı Sabunçu Dördüncü Seçki Dairəsindən Azər Allahverənov
8.31 Saylı Suraxani İkinci Seçki Dairəsindən Qaya Məmmədov
9. 35 Saylı Xətai Üçüncü Seçki Dairəsindən Pərvanə Vəliyeva
10.44 Saylı Sumqayit Üçüncü Seçki Dairəsindən Mehriban Vəliyeva
11. 45 Saylı Sumqayit Dördüncü Seçki Dairəsindən Səbinə Salmanova
12. 46 Saylı Sumqayit Beşinci Seçki Dairəsindən Elnarə Akimova
13. 47 Saylı Sumqayit-Abşeron-Qaradağ Seçki Dairəsindən Zaur Şükürov
14. 48 Saylı Abşeron Birinci Seçki Dairəsindən Nigar Məmmədova
15. 49 Saylı Abşeron İkinci Seçki Dairəsindən Rizvan Nəbiyev
16. 50 Saylı Abşeron Üçüncü Seçki Dairəsi Ramid Namazov
17. 51 Saylı Şirvan Seçki Dairəsindən Heydər Əsədov
18. 56 Saylı Şabran-Xaçmaz Seçki Dairəsindən Mahir Süleymanlı
19.59 Saylı Quba Seçki Dairəsindən Əlibala Məhərrəmzadə
20.65 Saylı Salyan-Biləsuvar-Neftçala Seçki Dairəsindən Günay Ağamalı
21. 70 Saylı Neftçala Seçki Dairəsindən Tənzilə
22.77 Saylı Lənkəran Şəhər Seçki Dairəsindən Fariz İsmayılzadə
23.80 Saylı Lerik-Astara Seçki Dairəsindən Vasif Qafarov
24. 90 Saylı Ağsu Seçki Dairəsindən Elçin Mirzəbəyli
25. 96 Saylı Goranboy-Naftalan Seçki Dairəsindən Bədəl Bədəlov
26.112 saylı Zaqatala seçki dairəsindən Asif Əsgərov
27.121 saylı Laçın seçki dairəsindən Rövşən Muradov
28. 124 saylı Şuşa - Ağdam - Xocavənd seçki dairəsindən Polad Bülbüloğlu
29.123 saylı Kəlbəcər seçki dairəsindən Qasımlı Mircəlil
Həm ABŞ, həm də NATO tezliklə başlayacaq qlobal müharibəyə hazırlıq prosesinə artıq start verib və ancaq Rusiyanın hərbi potensialının tükənməsinə qədər gözləyəcəklər... Rusiyanın hərbi müqavimət imkanları məhdudlaşdıqdan sonra isə ABŞ və NATO birbaşa hərəkətə keçəcək, dünya yeni qlobal savaşın girovuna çevrilmiş olacaq...
Ukrayna savaşı ətrafında yaranmış situasiya daha geniş areala yayılmağa başlayıb. Belə ki, indi artıq Ukrayna ilə müharibə həm də Rusiya ərazisinə keçirilib. Hərbi əməliyyatlar Rusiyanın dərinliklərinə doğru irəliləyir. Ukrayna ordusu Rusiya sərhədlərini keçərək, kifayət qədər geniş ərazini nəzarət altına almağı bacarıb. Və bu, Ukrayna savaşının inkişaf istiqamətlərini tədricən dəyişməyə doğru yönəldib.
Onu da qeyd etmək lazımdır ki, Rusiyanın Kursk regionu istiqamətində Ukrayna ordusu qarşısında geri çəkilmək məcburiyyətində qalması Kremli olduqca qəliz vəziyyətə salıb. Hər halda, indi Kremlə yaxın siyasi dairələr Rusiyanın hərbi uğursuzluqlarını ölkə ictimaiyyəti qarşısında tutarlı arqumentlər ilə izah etməyə borcludur. Üstəlik, Kreml Rusiya sərhədlərinin bir qisminə nəzarətin itirilməsinə görə hərbi sektor üzrə günahkarlar da tapmalı olacaq. Və rus generallarından kimlərinsə cəzalandırılmasına ehtiyac duyulacaq.
Çünki Ukrayna ordusunun Rusiya ərazisində irəliləyərək, bəzi ərazilərə nəzarəti ələ keçirməsi yalnız ölkədaxili ictimai-siyasi problemə çevrilməyib. Bu, həm də beynəlxalq məkanda Rusiyanın indiyə qədər olan superdövlət imicini də ciddi şəkildə sarsıdıb. Hər halda, indi Rusiyanın dünyada ABŞ-dan sonra ikinci ən güclü orduya sahib olması barədə təsəvvürlərə və iddialara ciddi şübhə ilə yanaşılır. Və bu, yaxın gələcəkdə Kremlin beynəlxalq məkanda rəqibləri ilə apardığı mübarizəyə neqativ məzmunda təsir göstərə də bilər.
Üstəlik, onu da nəzərə almaq lazımdır ki, Kremlin beynəlxalq rəqibləri - daha dəqiq desək, Qərbdəki düşmənləri Rusiya ordusunun düşdüyü aciz durumdan yaralanmaq niyyətlərini tədricən biruzə verməyə də başlayıblar. Belə ki, Qərb siyasi dairələrində Rusiyanın hərbi qüdrəti və savaş potensialı qarşısında yaşanan ənənəvi xof artıq arxa plana keçmək üzrədir. İndi Qərbdə hesab edirlər ki, Kremlin təhdidlərinə əhəmiyyət vermədən Rusiyanın daha sərt və radikal şəkildə sıxışdırılması tamamilə mümkündür. Və Kreml belə qlobal hərbi təzyiqlərə uzun müddət tab gətirməkdə çətinlik çəkə bilər.
Maraqlıdır ki, bir müddət öncəyə qədər ABŞ və Qərb Ukrayna ordusuna yalnız müdafiə silahları verirdi. Eyni zamanda, rəsmi Kiyevə NATO silahları ilə Rusiya ərazisinə zərbə endirilməsinə icazə verilmirdi. Ukraynaya hərbi texnika və maliyyə dəstəyi verən Qərb siyasi dairələri bu mövqelərini birmənalı şəkildə Rusiya ilə birbaşa savaş təhlükəsində maraqlı olmamaları ilə izah edirdilər. Və hazırda situasiya ciddi şəkildə dəyişib.
Məsələ ondadır ki, ABŞ və Qərb Ukrayna ordusuna indi davamlı olaraq, hücum silahları göndərirlər. Ukrayna ordusuna Rusiyanın dərinliklərinə zərbə endirməyə də icazə verilib. Nəhayət, Ukrayna ordusunun Rusiya ərazisinə keçməsi ilə bağlı hərbi planların məhz Qərb generaliteti tərəfindən hazırlanmış ola biləcəyi barədə də kifayət qədər önəmli iddialar mövcuddur. Yəni, Qərb siyasi dairələri tədricən daha cəsarətli davranmaları ilə diqqəti çəkirlər. Və bu, yaxın vaxtlarda NATO-nun daha radikal qərarlar verə biləcəyinin ilkin əlaməti də hesab oluna bilər.
Son vaxtlara qədər Ukrayna savaşının Rusiya ərazisinə keçirilməsi ilə bağlı mövzuların müzakirəsinə daha ehtiyatlı yanaşmağa üstünlük verən NATO-nun rəhbərliyi indi rəsmi Kiyevi bu məsələdə açıq-aşkar dəstəkləyir. Belə ki, NATO-nun baş katibi Yens Stoltenberq Ukrayna ordusunun Rusiyanın Kursk vilayətində hərbi əməliyyatlar reallaşdırmasını legitim davranış kimi dəyərləndirib. Onun fikrincə, Ukrayna öz ərazilərini necə müdafiə etmək məsələsini sərbəst müəyyən etmək hüququna malikdir. Və bu, NATO-nun ilk dəfə olaraq, Ukrayna ordusunun Rusiya ərazisinə girməsini belə açıq şəkildə dəstəkləməsi anlamına gəlir.
Məsələ ondadır ki, NATO buna qədər heç vaxt Ukrayna ordusunun Rusiya ərazisinə hücum etməsi ilə bağlı müzakirələrə reaksiya verməyə həvəs göstərməmişdi. Halbuki, baş katib Yens Stoltenberq bu dəfə də rəsmi Kiyevin Rusiya ərazisinə hücumla bağlı məsləhətləşmələrdə və bu əməliyyatın hazırlanmasında NATO-nun iştirakı barədə iddiaları təkzib etməyə üstünlük verib. Və bu, onu göstərir ki, NATO hələ də Rusiyaya qarşı ehtiyatlı taktika tutmaqda davam edir.
Eyni zamanda ABŞ-da hələlik mümkün qədər kənarda qalmağa üstünlük verdiyini sezdirir. Belə ki, Ağ Ev NATO üzrə müttəfiqlərinin Ukraynaya "F-16" strateji döyüş təyyarələri göndərməsinə nail olub. Ancaq Bayden administrasiyası bu döyüş təyyarələrinə ABŞ hərbi mütəxəssislərinin texniki xidmət göstərməsi barədə təkliflərə imtina reaksiyası verir. Kəşfiyyat məlumatlarının təhlilinə əsaslanan Ağ Ev ABŞ hərbi mütəxəssislərinin Ukraynaya göndərilməsini hələlik kifayət qədər riskli addımların sırasına aid edir. Və ABŞ hərbi-siyasi dairələri hesab edirlər ki, bu işi Avropa ölkələri öz üzərlərinə götürsələr daha yaxşı olar.
Göründüyü kimi, ABŞ və NATO Ukrayna ordusunun Rusiya ərazisinə yeridilməsindən olduqca məmnundur. Ancaq buna baxmayaraq, həm ABŞ, həm də NATO hələlik bu savaşa birbaşa bulaşmağa da həvəsli görünmür. Bəzi iddialara görə, NATO strateqləri Rusiyanın tədricən zəifləməsi planına sadiq qalmağa üstünlük verirlər. Hesab olunur ki, ABŞ da NATO da nə vaxtsa, Rusiya ilə birbaşa hesablaşmaq qərarı verməli olacaqlar. Və həmin situasiyanın yetişdirilməsi üçün hazırda Rusiyanın dərinliklərinə davamlı zərbələr endirərək, şimal nəhəngini tamamilə taqətdən salmaq taktikasına üstünlük verilir.
Onu da qeyd etmək lazımdır ki, həm ABŞ, həm də NATO Rusiyaya qarşı gələcək müharibəyə hazırlıq prosesinə artıq başlayıb. Böyük ehtimalla ABŞ və NATO Rusiyanın hərbi potensialının tükənməsinə qədər gözləyəcək. Rusiyanın hərbi müqavimət imkanları məhdudlaşdıqdan sonra ABŞ və NATO hərəkətə keçəcək. Yəni, Ukraynanın Rusiya üzərində hərbi qələbəsi Qərbin planlarına daxil deyil. Ukrayna Rusiyanı zəiflətmək üçün yalnız hərbi vasitədir. Rusiyaya qarşı son zərbə və yekun qələbə ABŞ və NATO üçün nəzərdə tutulub. Və bu plan üzrə irəliləyişlər davam edərsə, bütün dünya uzun müddət NATO-Rusiya savaşının girovuna çevrilmiş olacaq.(Musavat.com)
Ermənistanın baş naziri Nikol Paşinyan bu gün keçirdiyi mətbuat konfransında Azərbaycana qarşı əsassız iddialar irəli sürdü. Özünü sülh tərəfdarı kimi göstərən erməni baş nazir əslində həqiqətləri – Ermənistanın silahlanmasını, Azərbaycana qarşı konstitusiyaya əsaslanan ərazi iddialarını və s. – yalan manifesti ilə ört-basdır etməyə, diqqəti reallıqdan yayındırmağa çalışır. Hərçənd, fakt faktlığında qalır. Paşinyanın irəli sürdüyü iddiaların heç biri reallıqla uzlaşmır.
Azərbaycan İtaliyadan silah alıb?
Erməni baş nazir iddia edir ki, Azərbaycan guya İtaliyadan silah-sursat alır, buna görə onların hansısa ölkədən silah alması normaldır.
Birincisi, Azərbaycan İtaliyadan kiçik, yaxud iriçaplı olan hər-hansı silah almayıb. Bakının Romadan aldığı C-27J Spartan təyyarəsi nəqliyyat xarakterlidir və yalnız yük-sərnişin daşınması əməliyyatını yerinə yetirə bilər.
İkincisi, Ermənistanın silah aldığı ölkələrin ABŞ, Fransa və Hindistanın da daxil olduğu siyahısı hər keçən gün daha da uzanır.
Təkcə son həftələrdə İrəvana yüzlərlə silah-sursat çatdırılıb. Fransa 12 ədəd SEZAR artilleriya qurğusunu, onların komponentləri, həmçinin Ermənistan R511 və R530 hava-hava raketləri, “ERYX” tank əleyhinə idarəolunan raketləri, alman istehsalı DM32 qumbaraatanları və “Panzerfaust 3” tank əleyhinə raket sistemləri, 500-ə yaxın birdəfəlik “Apilas” reaktiv yaylım atəşi sistemləri və ABŞ-ın 50 ədəd BGM71-TOW tank əleyhinə idarə olunan raket kompleksləri ilə də təmin edilib. Buna paralel olaraq, Hindistandan da Ermənistana silahlar çatdırılıb. Bunlar son həftələrdə baş verənlərdir. Son iki ildə ABŞ-Almaniya-Fransa-Yunanıstan-İran-Hinistan marşrutu üzrə İrəvana dəyəri milyardlarla ölçülən ağır və hücum xarakterli hərbi texnika daşınıb.
Hansı ölkə silaha daha çox pul xərcləyir?
Paşinyan iddia edir ki, Azərbaycan ÜDM-nin 17 faizini hərbi məqsədlərə xərcləyir. Azərbaycanda bu rəqəm 4 faizdir. Erməni baş nazirin iddia etdiyi 17 faiz rəqəmi isə əslində Ermənistana aiddir. Çünki bu ölkə 2024-cü il dövlət büdcəsinin 17 faizini hərbi məqsədlərə ayırıb və bu, 2020-ci illə müqayisədə 81 faiz çoxdur. Nikol öz hərbi xərclərini Azərbaycanın hərbi xərcləri olaraq göstərməyə çalışır, lakin fakt dəyişmir.
Ermənistan niyə silahlanmamalıdır?
Paşinyan sürətlə silahlanmalarını Azərbaycanla müqayisə ilə əsaslandırmağa çalışır. İddia edir ki, Azərbaycan silahlandığı halda Ermənistan da bunu etməlidir. Dünya təcrübəsi Azərbaycan və Ermənistan arasında fərqi qoyulması zərurətini yaradır.
Birincisi, Ermənistan işğalçı ölkədir və 30 il ərzində Azərbaycan torpaqlarını işğal altında saxlayan bu ölkənin silahlandırılması işğalçılığa yenidən təşviq edilməsi deməkdir;
İkincisi, II Dünya müharibəsindən sonra başqa bir ölkənin ərazisinə təcavüz edən çox az saylı dövlətlərdən biri Ermənistandır və bu fakt rəsmi İrəvanın silahlandırılmasının risklərini aydın şəkildə göstərir;
Üçüncüsü, son aylarda Ermənistanın sərhəddə təxribat hücumlarına əl atması bu ölkənin silahlandırılmasının bölgədə yarada biləcəyi təhlükələri aydın şəkildə göstərir;
Dördüncüsü, dünyada işğalçı siyasət yürüdən dövlətlərin silahlanmasına məhdudiyyətlərin qoyulması presedenti var: misal üçün, İraqın Küveytə təcavüzündən sonra bu ölkəyə silah məhdudiyyəti tətbiq edilmişdi.
Ermənistan üzərində də nəzarət mexanizmi qurulmalı, silahlanmasına məhdudiyyətlər qoyulmalıdır. Çünki bu ölkənin hərbi potensialından təcavüzkar siyasət üçün istifadə etdiyi faktı var. Bunu nəzərə almayan və İrəvana silah daşıyan ölkələr də bu məsələdə birbaşa məsuliyyət daşıyıcısıdır.
Hansı ölkənin konstitusiyasında ərazi iddiaları var?
Paşinyan iddia edir ki, “Ermənistan konstitusiyasından fərqli olaraq, Azərbaycan konstitusiyasında onlara qarşı ərazi iddiaları yer alır”. Bu, erməni baş nazirin yalan manifestinin kulminasiya nöqtəsi hesab edilə bilər. O, iddiasını 1991-ci ildə qəbul edilmiş Konstitusiya Aktında Azərbaycanın 1918-1920-ci illərdə mövcud olmuş Azərbaycan Xalq Cumhuriyyətinin siyasi varisi olaraq qeyd edilməsi ilə əsaslandırmağa çalışır. Hərçənd, Azərbaycanın AXC-nin varisi olmaq məsələsində ərazi iddiası açıq mətnlə qeyd olunmur. Eyni zamanda, AXC-yə varislik məsələsi Azərbaycan Konstitusiyasında yox, Konstitusiya Aktında əks olunur.
Ermənistan Konstitusiyasında isə Azərbaycana qarşı açıq mətnlə ərazi iddiası yer alır. Qeyd olunur ki, Qarabağın Ermənistana birləşdirilməsini nəzərdə tutan qondarma “miatsumun” yer aldığı İstiqlal Bəyannamənin müddəalarını yerinə yetirilməsi Ermənistan dövlətinin vəzifəsidir. Aydındır ki, Paşinyan Konstitusiyanı dəyişdirmədən sülh sazişi imzalamağa çalışır, lakin belə bir sazişin perspektivi sual altındadır. Çünki bir müddət sonra Ermənistan hakimiyyəti konstitusiyanın tələbini əsas götürərək, Qarabağa iddialarını yenidən gündəmə gətirə bilər.
Minsk qrupu niyə ləğv edilmir?
Qarabağ münaqişəsinə görə yaranmış Minsk qrupunun mövcudluğuna münaqişə həll edildikdən sonra de-fakto son qoyuldu. İndi bunun de-yure ləğvi həyata keçirilməsidir. Prezident İlham Əliyev dəfələrlə bunu dilə gətirib. Sonuncu dəfə Türkiyə nümayəndə heyətini qəbul edərkən də, bir daha səsləndirdi. Paşinyan isə deyir ki, bu qrupun ləğv edilməsinə sülh sazişinin imzalanmasından sonra baxa bilərlər. Əslində bu, Ermənistanın gerçək niyyətini ortaya çıxarır. Rəsmi İrəvan hələ də ümid edir ki, regionda onların xeyrinə dəyişə bilər. Buna görə də Azərbaycana qarşı ərazi iddialarını davam etdirmək üçün Minsk qrupunun de-yure qalmasında maraqlıdır.
Kommunikasiya hansı prinsiplə açılmalıdır?
Paşinyan bütün çıxışlarında olduğu kimi, yenə Zəngəzur məsələsi ilə bağlı öz ampulasını davam etdirir. İstəyir ki, regionda kommunikasiya Ermənistanın maraqlarına uyğun açılsın, yəni heç nə vermədən, qazansınlar. Regionda kommunikasiyanın açılması yalnız bir halda mümkün ola bilər: Azərbaycanın Naxçıvana maneəsiz keçidinin təmin edilməsi;
Və bu maneəsiz keçidin təhlükəsizliyinin təmin edilməsi bir nömrəli məsələdir. Çünki Azərbaycan öz vətəndaşlarını Ermənistana “əmanət edə bilməz”. 30 il ərzində həyata keçirdikləri işğaı siyasəti və azərbaycanlılara qarşı törətdikləri soyqırımlar Ermənistanın necə davranacağını öncədən müəyyən edir. Buna görə də kommunikasiyanın bərpası yalnız Zəngəzur dəhlizinin – Naxçıvana menəsiz keçidin verilməsi və bu keçiddə təhlükəsizliyin təmin edilməsi – açılması ilə mümkündür. Əvvəlcə bu dəhliz açılmalı, daha sonra digər yollar işə düşməlidir. Əks təqdirdə, Ermənistan “dalan ölkə” olaraq qalacaq.