 |
|
ABŞ-nin Azərbaycandakı səfirliyi Qazaxıstanda baş verən təyyarı qıəzası ilə bağlı başsağlığı verib.
Bu barədə səfirliyin sosial şəbəkə hesabında paylaşım edilib.
"ABŞ səfirliyi bu gün Qazaxıstanda baş verən hava qəzasının qurbanlarının ailələrinə və yaxınlarına dərin hüznlə başsağlığı verir. Biz bu faciə ilə bağlı Azərbaycana kömək etməyə hazırıq".
Prezident İlham Əliyev Qazaxıstanın Aktau şəhərində baş vermiş təyyarə qəzası ilə bağlı paylaşım edib.
Baş vermiş hadisəni yerində araşdırmaq məqsədilə Azərbaycan Prezidenti İlham Əliyevin tapşırığı ilə rəqəmsal inkişaf və nəqliyyat naziri, fövqəladə hallar naziri, baş prokurorun müavini, səhiyyə nazirinin müavini, Dövlət Mülki Aviasiya Agentliyinin direktorunun müavini, AZAL-ın vitse-prezidenti və digər aidiyyəti dövlət orqanlarının nümayəndələri Qazaxıstanın Aktau şəhərinə yola düşüblər.
Bu barədə Prezidentin Mətbuat Xidməti məlumat yayıb.
Birinci vitse-prezident Mehriban Əliyeva Qazaxıstanın Aktau şəhərində "Azərbaycan Hava Yollarına" məxsus təyyarənin qəzaya uğraması ilə bağlı paylaşım edib.
Paylaşımda deyilir:
"Aktau yaxınlığında təyyarə qəzası nəticəsində insanların faciəli şəkildə həlak olması xəbəri məni dərindən sarsıtdı. Həlak olanların doğmalarına və yaxınlarına dərin hüznlə başsağlığı verir, onlara güc və səbir diləyirəm. Yaralananların tezliklə şəfa tapmasını arzulayıram. Uca Allah xalqımızı bütün bəlalardan və bədbəxtliklərdən qorusun!"
Türkiyə Böyük Millət Məclisinin deputatı, Türkiyə-Azərbaycan parlamentlərarası dostluq qrupunun rəhbəri Şamil Ayrım Azərbaycan Prezidenti İlham Əliyevə təbrik məktubu ünvanlayıb.
“Qafqazinfo” xəbər verir ki, mm
“Möhtərəm cənab Prezident.
Doğum gününüz münasibətilə Zati-alinizi səmimi-qəlbdən təbrik edir, Sizə və ailənizə möhkəm cansağlığı, uzun ömür, xoşbəxtlik arzulayıram.
Ali Baş Komandan kimi qətiyyətli və uzaqgörən rəhbərliyinizlə 44 günlük Vətən müharibəsi və 24 saat davam edən antiterror tədbirləri nəticəsində
Can Azərbaycanımızın ərazi bütövlüyünü bərpa etməklə Siz həm Ümummilli Lider Heydər Əliyevin vəsiyyətini, həm də xalqınızın arzusunu yerinə yetirdiniz.
Zati-alinizin müdrik və humanist siyasəti sayəsində Azərbaycan Respublikası beynəlxalq aləmdə ona olan etimadı gündən-günə gücləndirir. Azərbaycanın sabitliyi, firavanlığı, gələcək nəsilləri üçün göstərdiyiniz dəyərli səyləri qürurla və sevinclə izləyirik.
Prezidentimiz Rəcəb Tayyib Ərdoğan ilə birlikdə rəhbərliyinizlə Türkiyə və Azərbaycanın reallaşdırdığı böyük layihələrə və qarşıdakı ideyalara görə hər iki ölkənin xalqları olaraq gələcəklə bağlı ümidli və qürurluyuq.
Hörmətli Prezident, fürsətdən istifadə edərək, Sizi Yeni il münasibətilə də ürəkdən təbrik edir, Can Azərbaycanın qarşıya qoyduğu bütün məqsədlərə və vəzifələrə uğurla çatmasını arzulayır, Zati-alinizə ən dərin hörmət və ehtiramımı bildirirəm”.
***
Qazaxıstanın Xalq yazıçısı, görkəmli şair və ictimai xadim Oljas Süleymenovdan:
“Çox hörmətli İlham Heydər oğlu.
Sizi doğum gününüz münasibətilə ürəkdən təbrik edirəm.
Bu əlamətdar gündə Sizə möhkəm cansağlığı, uzun ömür, xoşbəxtlik, firavanlıq və bütün işlərinizdə uğurlar, Azərbaycan xalqının rifahı naminə fəaliyyətinizdə yeni-yeni müvəffəqiyyətlər arzulayıram.
Sizin səmərəli fəaliyyətiniz sayəsində bütün dünya Azərbaycanın nailiyyətləri haqqında məlumatlıdır.
Məni Azərbaycan xalqı ilə birləşdirən bağlar təkcə mənəvi qohumluq və ortaq köklər deyil, həm də Sizin ölkənizin görkəmli nümayəndələri ilə çoxillik münasibətlərdir. Onların arasında atanız – böyük Heydər Əliyev də var.
O, müdrik siyasi xadim idi və Siz ölkəni yeni zirvələrə apararaq atanızın işini layiqincə davam etdirirsiniz.
Fürsətdən istifadə edərək, Sizi və Azərbaycan xalqını qarşıdan gələn Yeni il münasibətilə təbrik edirəm.
Qoy qardaşlığımız, dostluğumuz daha da möhkəmlənsin və başımızın üzərində həmişə aydın səma olsun!”
***
Avropa Sambo Federasiyasının prezidenti Sergey Yeliseyevdən:
“Hörmətli İlham Heydər oğlu.
Sizi doğum gününüz münasibətilə Avropa Sambo Federasiyasının adından təbrik edirəm.
İdman xalqları, mədəniyyətləri birləşdirən, inkişafa, yaxınlaşmağa kömək edən körpüdür və bu körpü Sizin köməyinizlə qurulur. Sizin inkişafa verdiyiniz əvəzsiz töhfələr təkcə idman tarixində deyil, bütün dünya birliyinin tarixində əbədi olaraq qalacaqdır.
Hər bir idmançı 2015-ci ildə Bakıda keçirilmiş Avropa Oyunlarını minnətdarlıqla xatırlayır. Həmin vaxt Sizin yüksək diqqətinizin şahidi olduq, idman ictimaiyyətinin bütün nümayəndələri Azərbaycanda qonaqpərvərliklə qarşılandı və yarışlar ən yüksək səviyyədə keçirildi. 2025-ci ildə ölkəniz proqramına idmanın sambo növünün də daxil olduğu çoxnövçülük yarışı olan MDB Oyunlarına ev sahibliyi edəcək. Nümayəndələrimizi Azərbaycanın mədəniyyəti və tarixi ilə tanış etmək üçün yenidən ölkənizə səfər etmək fürsətini səbirsizliklə gözləyirik.
Sambonun milli səviyyədə dəstəklənməsinə verdiyiniz töhfəyə görə Sizə dərin minnətdarlığımı bildirirəm. Azərbaycan samboçuları beynəlxalq yarışlarda böyük uğurlar qazanırlar. Sizin idmanın dəstəklənməsinə göstərdiyiniz diqqət çoxlu sayda gəncin həyatda öz yolunu tapmasına və vətənpərvər kimi yetişməsinə kömək edib.
Doğum gününüz mübarək, hörmətli cənab Prezident!”
Xəbər verdiyimiz kimi, Azərbaycan Prezidenti, Milli Olimpiya Komitəsinin Prezidenti İlham Əliyev dekabrın 24-ü 2024-cü ilin idman yekunlarına həsr olunan mərasimdə iştirak edib.
Dövlət başçısı tədbirdə çıxış edib. Daha sonra Azərbaycanda idmanın inkişafında xidmətləri olan idmançıların və idman mütəxəssislərinin mükafatlandırılması mərasimi olub.
mükafatlandırılma mərasimindən videonu təqdim edirik:
Ermənistanın baş naziri Nikol Paşinyan son iki həftə ərzində ikinci dəfə Rusiyaya səfər edir. Dekabrın 13-də o, Moskvada olub. Dekabrın 25-də isə Sankt-Peterburqda MDB sammitində iştirak edəcək və Avrasiya İqtisadi Şurasının iclasına şəxsən sədrlik edəcək. Moskvada olduğu kimi, Sankt-Peterburqda da ona Putinlə ayrıca görüş vəd etmirlər. Niyə İrəvan son vaxtlar Moskvaya qarşı kobud hücumlarını dayandırıb, Paşinyan isə Rusiyaya tez-tez qonaq gedir və Trampın qələbəsinin bununla nə əlaqəsi var?
"Ölkə.az" xəbər verir ki, bu suallara NEWS.ru cavab tapmağa çalışıb.
Məqalədə Paşinyanın 2023-cü ildə MDB və KTMT sammitlərinin əksəriyyətini buraxdığı xatırladılıb. Lakin indi Ermənistanın Rusiyadakı sammitləri boykot etməyi dayandırmasının səbəbi Donald Trampın ABŞ prezidenti seçilməsidir.
Bu fikri rusiyalı politoloq Dmitri Solonnikov səsləndirib.
"Avropa və ABŞ-də konfiqurasiya dəyişir. Trampın qələbəsi Vaşinqtonda təcridçilik meyillərinin artmasından xəbər verir. Bundan əlavə, Paşinyan Corc Sorosun himayəsindədir və bu, Trampın birbaşa, şəxsi düşmənidir. Avropa İttifaqına gəlincə, onun indi geosiyasi eksperimentlər üçün resursları daha azdır, hətta uzun müddət Cənubi Qafqazın işlərinə qarışan Fransanın belə", - politoloq NEWS.ru-ya izah edib.
Paşinyan Qərbin əhval-ruhiyyəsindəki dəyişiklikləri, eləcə də Qərblə münaqişəyə girmiş qonşu Gürcüstanda baş verənləri nəzərə almaya bilməz. Çünki Ermənistan məhz bu ölkə vasitəsilə Avropa İttifaqı ilə quru əlaqələrini qoruyub saxlayır. "Paşinyanın hələ də Ermənistanın Aİ və NATO-ya daxil olması arzuları var. Bu səbəbdən bir vaxtlar Paşinyan hakimiyyətə gətirildi. Lakin bu "istəklər" getdikcə daha az reallaşır. Ona görə də o, öz siyasətini korrektə edib Rusiya ilə əlaqələri yenidən gücləndirməyə məcburdur. Bununla belə, Paşinyan söz oyunu ustasıdır. Bu gün vəd verir, sabah ondan imtina edir", - deyə Solonnikov qeyd edib.
Ekspert vurğulayıb ki, keçən il Paşinyan Putinlə görüşə biləcəyi əksər sammitləri boykot etsə də, bu il yenidən onlara qatılmağa başlayıb.
O bəyan edib ki, Ermənistan artıq Qərbi maraqlandırmır, ona görə də heç kim bu ölkəni nə Avropa İttifaqına, nə də NATO-ya üzv olmağa dəvət etmir.
"İrəvan indiki konfiqurasiya daxilində fəaliyyət göstərəcək, Avropaya qaçmaq üçün fürsət pəncərəsinin yenidən açılmasını gözləyəcək. Paşinyan qərbyönlü siyasətçi olub və olaraq qalır. Onun hakimiyyəti altında Rusiyaya qarşı münasibətdə köklü dəyişiklik gözləmək lazım deyil", - politoloq xəbərdarlıq edib.
Noyabr ayında, Donald Trampın prezident seçkisində qələbəsindən dərhal sonra Rusiya Xarici Kəşfiyyat Xidməti amerikalı diplomatların Ukrayna və Moldovada sınaqdan keçirilmiş sxemlərdən istifadə edərək Ermənistandakı işləri sürətləndirdiyini bildirib. Xidmətin mətbuat bürosunun verdiyi məlumata görə, "ABŞ Dövlət Departamenti Ermənistanda qərbyönlü vətəndaş cəmiyyəti strukturlarının fəaliyyətini stimullaşdırmaq üçün tədbirlər kompleksi üzərində işi nəzərəçarpacaq dərəcədə sürətləndirib".
"Bayden administrasiyasının daha çox proqrama başlamaq, QHT-lərə mümkün qədər çox pul ayırmaq istəyi var ki, demokrat prezident Ağ Evi tərk etdikdən sonra dünyanın müxtəlif yerlərində aparılan ideoloji iş davam etsin".
Bu barədə Rusiya Beynəlxalq Əlaqələr Şurasının elmi direktoru Andrey Kortunov məlumat verib.
"Biz görürük ki, bu proses Ukrayna üçün artıq başlayıb. Bunun Ermənistanın özündə də davam etməsi tamamilə mümkündür", - o bildirib.
"Paşinyan başa düşür ki, Ermənistan Avrasiya İqtisadi İttifaqından çıxarıla bilər, lakin bu, İrəvan üçün tamamilə əvəzolunmaz təşkilatdır", - Ermənistan Demokratik Partiyasının lideri, Respublika Prezidenti keçmiş məsləhətçisi Aram Sarkisyan deyib.
Onun sözlərinə görə, İrəvan Rusiya ilə 14 milyard dollara çatan ticarət dövriyyəsini itirmək istəmir. Paşinyan Moskva ilə ünsiyyətdən tamamilə imtina etməyib, o, belə bir çıxış yoluna eyham vursa da, heç vaxt KTMT-dən çıxmayıb.
"Paşinyanın Sankt-Peterburqdakı hazırkı görüşün sədri olmağa razılığı Rusiyaya dönüş kimi qəbul edilməməlidir, çünki onun jestləri ziddiyyətli olaraq qalır". Müxalifətçi hesab edir ki, məhz bu yay Ermənistan hakimiyyəti rus sərhədçilərini Zvartnots aeroportunu tərk etməyə məcbur edib. Deməli, siyasi münasibətlər iqtisadi münasibətlərlə eyni deyil. İrəvanla Moskvanın birliyi faktiki olaraq artıq mövcud deyil. Mövcud hökumət dövründə münasibətlərdəki buzların əriməsini gözləmək yersizdir.
Sarkisyan hesab edir ki, hazırda erməni lider eyni anda iki tərəfdən təzyiqə məruz qalır. Bir tərəfdən qonşu Azərbaycan onu sülh müqaviləsi üzrə danışıqları yubatmağa çalışmasına görə tənqid edir. Digər tərəfdən, ölkə daxilindəki radikal millətçilər, əksinə, Paşinyanı qonşusu ilə dialoqda "həddindən artıq yumşaqlıq"da qınayırlar. Bununla yanaşı, Sarkisyanın fikrincə, Ermənistan rəhbərliyi hələ də ən çox Qərbin fikrini rəhbər tutur.
Müxalifətçi hesab edir ki, "İndi Paşinyan Azərbaycanla sərhədin demarkasiyasını gecikdirir və yəqin ki, bunu yenə "Qərbin diktəsi ilə" edir. Beləliklə də, Qərb Cənubi Qafqazda sülh prosesinə əngəl törədir.(oxu.az)
Dekabrın 24-də 2024-cü ilin idman yekunlarına həsr olunan mərasim keçirilib.
Azərbaycan Respublikasının Prezidenti, Milli Olimpiya Komitəsinin Prezidenti İlham Əliyev mərasimdə iştirak edib.
Dekabrın 24-də 2024-cü ilin idman yekunlarına həsr olunan mərasim keçirilib.
Ölkə.az xəbər verir ki, Azərbaycan Respublikasının Prezidenti, Milli Olimpiya Komitəsinin Prezidenti İlham Əliyev mərasimdə iştirak edib.
Avrasiya Yəhudi Konqresinin prezidenti Mixail Mirilaşvilidən Azərbaycan Prezidenti İlham Əliyevə təbrik məktubu gəlib.
"Məktubda deyilir:
"Möhtərəm cənab Prezident.
Avrasiya Yəhudi Konqresi adından və şəxsən öz adımdan Sizi doğum gününüz münasibətilə təbrik edirəm. Sizə möhkəm cansağlığı, uzun ömür, xoşbəxtlik və ali dövləti fəaliyyətinizdə uğurlar arzulayıram.
Müstəqil Azərbaycan Respublikası ötən illər ərzində özünün nüfuzlu, tolerant, multikultural və çoxkonfessiyalı dövlət statusunu sübut edib. Bir tərəfdən, ənənələrin və tarixi irsin vəhdəti, digər tərəfdən, müasir dünya dəyərlərinə açıq olmaq Azərbaycana təkcə düşünülmüş siyasət yürütməyə deyil, həm də xarici əlaqələrini möhkəmləndirməyə imkan verir. Bu gün Azərbaycan dünyada mövqelərini sürətlə gücləndirir və ən yüksək səviyyədə beynəlxalq əməkdaşlıq platformasına çevrilir. Şübhəsiz ki, bütün bu uğurlarda Sizin böyük şəxsi töhfəniz var.
2019-cu ildə Azərbaycana səfərimiz zamanı Sizinlə görüşümüzü, göstərdiyiniz qonaqpərvərliyi böyük məmnuniyyətlə xatırlayırıq. Həmin vaxt Siz ölkələrimiz arasında tam diplomatik münasibətlərin qurulacağını bildirmişdiniz və bir müddət sonra Təl-Əvivdə Azərbaycan səfirliyi açıldı, əlaqələrin inkişafı prosesində mühüm prinsipial addım atıldı.
Cənab Prezident, icazə verin, Sizi doğum gününüz münasibətilə bir daha təbrik edim. Sizə əmin-amanlıq və xoşbəxt həyat arzulayıram".
Rusiya Federasiyasının Prezidenti Vladimir Putin dekabrın 24-də Azərbaycan Prezidenti İlham Əliyevə zəng edib.
Bu barədə Prezidentin Mətbuat Xidməti məlumat yayıb.
Rusiya Prezidenti dövlət başçısına ad günü münasibətilə təbriklərini çatdırıb, ona prezidentlik fəaliyyətində uğurlar və möhkəm cansağlığı arzulayıb.
Prezident İlham Əliyev göstərilən diqqətə və təbrikə görə minnətdarlığını bildirib.
Telefon söhbəti zamanı həyata keçirilən qarşılıqlı səfərlərin və görüşlərin əhəmiyyətinə toxunulub, Vladimir Putinin bu il Azərbaycana dövlət səfərinin ikitərəfli münasibətlərimizin daha da möhkəmlənməsi işinə mühüm töhfə verdiyi qeyd olunub.
Telefon söhbəti zamanı strateji tərəfdaşlıq və müttəfiqlik əlaqələrimizin bundan sonra da uğurla inkişaf edəcəyinə əminlik bildirilib, əməkdaşlığımızın perspektivləri ilə bağlı fikir mübadiləsi aparılıb.