 |
|
Ermənistanın Azərbaycanla, Naxçıvan Muxtar Respublikası ilə həmsərhəd ərazisində - Arazdəyən kəndində illik istehsal gücü 180 min ton olan iri metallurgiya zavodunun inşasının layihəsi ilə əlaqədar iyunun 8-də Bakıda ekoloji yönümlü QHT-lər yeni ekoloji fəlakətə yol açacaq bu layihə əleyhinə birgə bəyanat səsləndiriblər.
“Qafqazinfo” xəbər verir ki, tədbirdə azərbaycanlı ekoloqlar ABŞ dövlətinə və Ermənistan ekoloqlarına da çağırış ünvanlayıblar.
Azərbaycanda fəaliyyət göstərən ekoloji yönümlü QHT-lərin bəyanatında deyilir:
- Ermənistan mətbuatında yayılan məlumatlara əsasən, Ermənistan Azərbaycanın Naxçıvan Muxtar Respublikası ilə həmsərhəd bölgəsində - Arazdəyəndə iri metallurgiya zavodunu inşa etməyə hazırlaşır. Tikintiyə 70 milyon dollar ABŞ sərmayəsi yatırılacaq, zavodun hündürlüyü 30 metr, sahəsi 16500 kvadratmetr olacaq.
Bu metallurgiya zavodunun zəhərli kimyəvi tullantıları bölgədəki ekosistemə böyük zərbə vura bilər. Onun tullantılarının Araz çayına axıdılması riski həm çaydakı canlı aləm, həm də Arazın suyundan suvarma üçün istifadə edilən geniş təsərrüfatlar üçün həyəcan siqnalıdır. Ermənistanın dağ-mədən sənayesində heç bir beynəlxalq standartlara əməl edilməməsi həm Azərbaycan, həm də ümumilikdə bölgə üçün ciddi ekoloji təhdid yaradır.
Azərbaycan tərəfi ilə razılaşdırmadan sərhəddə belə bir müəssisənin tikintisi “Transsərhəd kontekstində ətraf mühitə təsirin qiymətləndirilməsi haqqında” 1991-ci il Espo Konvensiyanın kobud şəkildə pozulmasıdır. Azərbaycan və Ermənistan həmin Konvensiyanın tərəfləridir və Espo Konvensiyasından irəli gələrək, bu zavodun ətraf mühitə təsirinin qiymətləndirilməsi işi aparılmalı, tikinti ilə əlaqədar qiymətləndirmə sənədinə qonşu dövlət olan Azərbaycanın müvafiq qurumları baxmalı, eyni zamanda, bölgəyə yaxın yaşayan azərbaycanlıların rəyi nəzərə alınmalıdır.
Ermənistanın bu tələblərə riayət etməməsi bir daha onu göstərir ki, Ermənistan regionda destruktiv siyasət aparır, tərəf olduğu beynəlxalq sənədlərin müddəalarını, beynəlxalq öhdəliklərini kobud şəkildə pozur.
Ermənistan tərəfindən Azərbaycana qarşı ekoloji terror və ekosid siyasətinin aparılması yenilik deyil. “Metsamor”un uzun illər regionun ətraf mühitinə təhdid kimi qalması, işğal dövründə Qarabağda törədilmiş geniş miqyaslı ekoloji faciələr, yüksək kimyəvi tərkibli istehsalat sularının təmizlənmədən Oxçuçaya axıdılması buna əyani misaldır. Ermənistan Oxçuçayı kəskin şəkildə çirkləndirib. Bu isə çayın Azərbaycan ərazisi boyu keçdiyi hissənin ekoloji sistemini bərpa olunmaz deqradasiyaya məruz qoyub. Alman şirkəti “Cronimet” bu ekoloji cinayətdə Ermənistanla birgə iştirak edib. Təəssüflər olsun ki, bu günə qədər də Almaniya hökuməti bu istiqamətdə heç bir praktik addım atmayıb.
Törətdiyi ekoloji cinayətlərlə Ermənistan BMT-nin Dayanıqlı İnkişaf Məqsədlərinin, xüsusilə də hər kəsin sağlamlığının təmin edilməsinə dair 3-cü, təmiz su və sanitariya ilə bağlı 6-cı, iqlim dəyişikliyinin fəsadlarına qarşı mübarizəyə dair 13-cü, torpaq ekosisteminin mühafizəsi üzrə 15-ci məqsədlərinin tamamilə əleyhinə gedir.
Məlum olduğu kimi, 2022-ci ildə BMT təmiz, sağlam və davamlı ətraf mühiti insan hüququ kimi tanımışdır. Ermənistan ekologiyaya ciddi ziyan vurmaqla, Azərbaycan, o cümlədən region əhalisinin insan hüquqlarını kobud şəkildə pozur.
Bundan başqa, müxtəlif beynəlxalq sənədlər, o cümlədən biznes və insan hüquqları üzrə rəhbər prinsiplərə görə iqtisadi fəaliyyət insan hüquqlarına ziyan vurulmadan həyata keçirilməlidir. Bu halda da Ermənistan məsuliyyətsiz davranır, təmiz, sağlam və davamlı ətraf mühit hüququna məhəl qoymur və sırf özünün iqtisadi maraqlarını önə çəkir.
Biz Azərbaycanda fəaliyyət göstərən ekoloji yönümlü qeyri-hökumət təşkilatları olaraq, başda BMT-nin Ətraf Mühit Proqramı, Ümumdünya Səhiyyə Təşkilatı, BMT-nin ətraf mühit üzrə xüsusi məruzəçisi, BMT-nin zərərli maddələr və insan hüquqları üzrə xüsusi məruzəçisi olmaqla, müvafiq beynəlxalq təşkilatlara müraciət edərək, onları bu fakta reaksiya verməyə və Ermənistanın növbəti ekoloji terroruna son qoymağa çağırırıq.
Amerika Birləşmiş Ştatları hökumətinə müraciət edirik ki, Arazdəyəndə iri metallurgiya zavodu tikməyə hazırlaşan, ərazisində qeydiyyatda olan şirkəti məsuliyyətli davranışa dəvət etsin, onun qanunsuzluqlarına göz yummasın. Amerika Birləşmiş Ştatları rəsmiləri, o cümlədən ABŞ-ın Azərbaycandakı və Ermənistandakı səfirlikləri susmamalı, məsələyə münasibət bildirməlidirlər.
Bir buradan Ermənistandakı ekofəallara da müraciət edirik. Bu, ilk növbədə Ermənistanın özünün də ekoloji vəziyyətinə mənfi təsir edəcək. Bölgəni təhlükəyə sürükləyən bu prosesi durdurmaq üçün hərəkət zamanıdır.
1. “Yaşıl Dünya” Ekoloji Maarifləndirmə İctimai Birliyinin sədri – Elman Cəfərli;
2. “Ana Kür” Ekoloji Problemlərin Öyrənilməsinə Kömək İctimai Birliyinin sədri Rüstəm Məlikov;
3. “Ekoleks” Ekoloji Hüquq Mərkəzi İctimai Birliyinin sədri Sevil İsayeva;
4. “Sudan İstifadə sahəsində Mütəxəssislər” İctimai Birliyinin sədr müavini Amin Məmmədov;
5. “Biosfer” İctimai Birliyinin sədri Qorxmaz İbrahimli;
Ətraflı
6. “Eko Aləm” İB-nin sədri Sevil Yüzbaşova;
7. “Sağlam Həyata Doğru” Ekoloji İctimai Birliyinin sədri Sadiq Həsənov;
8. “Ekoloji Maarifçilik və Monitorinq” İctimai Birliyinin sədri Qəmzə Yusubova;
9. “Sosial-İqtisadi və Ekoloji İnkişaf” İctimai Birliyinin sədri Rahilə Mehtiyeva;
10. “Səma və Eko” Sosial İqtisadi İnkişafa Yardım İctimai Birliyinin sədri İradə Həsənova;
11. “Ekoloq-2010” Ekoloji Maarifləndirmə İctimai Birliyinin sədri Səlim Balayev”
12. “Ekoloq Ətraf Mühitin Qorunmasına Yardım” İctimai Birliyinin sədri Rübabə Hüseynli;
13. “Səyyahlar” Təbii Sərvətlərin və Ətraf Mühitin Araşdırılması və Tanıdılması İctimai Birliyinin nümayəndəsi Jalə Qəribova;
14. “Ekoloji Maarifçiliyə Yardım” İctimai Birliyinin sədri Tarverdi Hüseynov;
15. “Sağlam Mühit” Gənclərin İnkişafına Kömək İctimai Birliyinin sədri Əli Mirzəyev;
16. “Feniks” Sağlam Həyat Təbliği İctimai Birliyinin sədri Şahin Hüseynov;
17. “Təbiət Dostları” Gənclərin Ekoloji Maariflənməsinə Kömək İctimai Birliyinin sədri Elman Əsgərov;
18. “Ekoloji Təmiz Məhsul İstehsalçıları və İxracatçıları” İctimai Birliyinin sədri Emin Əliyev;
19. “Şəfəq” Ekoturizm İctimai Birliyinin sədri Vamiq Babayev;
20. “Dalğa” Ekologiya və Təbiətin Qorunması İctimai Birliyinin sədri Natiq Hətəmov;
21. “Eko-TES” Ekoloji Tədqiqatlar və Maarifçilik İctimai Birliyinin sədri Çingiz Nəzərov;
22. “Aran” Ekoloji Maarifləndirmə İctimai Birliyinin sədri Nəsrəddin Kərəmov;
23. “Pragma” Sosial İnkişafa və Ekologiyanın Qorunmasına Dəstək İctimai Birliyinin sədri Taleh Şahsuvarov;
24. “Ailə və Ətraf Mühit” İctimai Birliyinin sədri İlhamə Qurbanova;
25. “Ruzgar” Ekoloji İctimai Birliyinin sədri İslam Mustafayev.
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti mənzil-tikinti kooperativlərinə (MTK) xəbərdarlıq edib.
Bu barədə Dövlət Xidmətindən bildirilib.
Məlumata görə, qurumda yeni tikilmiş çoxmənzilli yaşayış binalarında quraşdırılan sayğaclara görə mülkiyyətçilərdən əsassız olaraq pul tələb edilməsi barədə çoxsaylı vətəndaş müraciətlərinə baxılıb. Araşdırmalar zamanı MTK-larla alıcılar arasında bağlanmış müqavilələrdə istehlakçıların hüquqlarını məhdudlaşdıran şərtlərin mövcud olduğu aşkarlanıb. Belə ki, qanunvericiliyin tələblərinə zidd olaraq mənzillərdə quraşdırılacaq su, elektrik və qaz sayğaclarına görə MTK-lar tərəfindən mülkiyyətçilərdən əlavə ödənişlərin tələb edilməsi halları müəyyən edilib.
Qanunvericiliyin tələblərinə uyğun olaraq su, elektrik və qaz təchizatı müəssisələri ilə istehlakçılar arasında bağlanmış müqavilələrə əsasən sayğacların təchiz edilməsi və quraşdırılması təchizatçılar tərəfindən, təchizatçıların vəsaiti hesabına həyata keçirilir. Bu zaman üçüncü şəxslərin, o cümlədən mənzil-tikinti kooperativinin iştirakı nəzərdə tutulmayıb.
Təbii inhisar subyektlərinə çoxmənzilli yaşayış binalarında yerləşən mənzillərə sayğacların təbii inhisar subyektlərinin vəsaiti hesabına quraşdırılması barədə 2021-2022-ci illərdə Dövlət Xidməti müvafiq göstərişlər verib.
“İstehlakçıların hüquqlarının müdafiəsi haqqında” Qanunun tələblərinə əsasən, qanunvericilikdə nəzərdə tutulan hüquqlarla müqayisədə istehlakçının hüquqlarını məhdudlaşdıran müqavilə şərtləri etibarsız sayılır. Həmçinin İnzibati Xətalar Məcəlləsinin tələblərinə əsasən, istehlakçının hüquqlarını məhdudlaşdıran şərtlərin müqaviləyə daxil edilməsi ilə bağlı inzibati xətaya görə hüquqi şəxslərin dörd min manatdan altı min manatadək məbləğdə cərimə edilməsi nəzərdə tutulub.
Qeyd olunanları nəzərə alaraq, Dövlət Xidməti MTK-lara mənzillərin alqı-satqısı zamanı müqaviləyə istehlakçı hüquqlarını məhdudlaşdıran şərtlərin daxil edilməməsi və qanunvericiliyin tələblərinə riayət edilməsi barədə bildirişlər göndərib.
Son bir neçə gün ərzində keçirilən belə tədbirlər zamanı 150-dən artıq avtobus və mikroavtobus sürücüsü saxlanılıb.
Bu barədə Daxili İşlər Nazirliyinin mətbuat xidmətindən məlumat verilib.
Xəbər verdiyimiz kimi vətəndaş məmnunluğunun təmin edilməsi, eləcə də nəqliyyat vasitələri sahiblərinə fasiləsiz xidmət göstərilməsi məqsədilə Baş Dövlət Yol Polisi İdarəsinin paytaxtın Sabunçu və Qaradağ rayonlarında yerləşən Texniki Müayinə Mərkəzlərində 24 saat fasiləsiz iş rejimi tətbiq edilib. Eyni zamanda, xidmətin fasiləsiz təşkili nəticəsində gündüz saatlarında sərnişin daşınması ilə məşğul olan avtobusların sahiblərinə və sürücülərinə nəqliyyat vasitələrini iş saatlarından sonra texniki baxışa təqdim etmək imkanı yaradılıb. Yaradılan şəraitə baxmayaraq sürücülər arasında müxtəlif yollarla nəqliyyat vasitələrini texniki baxışa təqdim etmək istəməyənlərə hələ də rast gəlinir. Texniki baxışa təqdim edilməyən avtobuslar isə sərnişinlərin və yollarda digər hərəkət iştirakçılarının həyatına ciddi təhlükə yaradır.
Araşdırmalar zamanı qeyri-qanuni yollara əl ataraq avtomobili texniki baxışa təqdim etməyən avtobusların əsasən mərkəzdən kənarda, kənd və qəsəbələr arasında fəaliyyət göstərdiyi müəyyən edilib. Həmin sürücülərin, avtobusların məxsus olduğu şirkətlərin müəyyən edilməsi, bu sahədə nizam-intizamın yaradılması məqsədi ilə Baş Dövlət Yol Polis İdarəsinin əməkdaşları tərəfindən mütəmadi olaraq profilaktik tədbirlər həyata keçirilir. Son bir neçə gün ərzində keçirilən belə tədbirlər nəticəsində texniki baxışdan yayınmaq üçün dövlət qeydiyyat nişanlarına müdaxilə edən, habelə digər üsullara əl atan 150-dən artıq avtobus və mikroavtobus sürücüsü saxlanılıb. Həmin sürücülər barəsində qanunauyğun tədbirlər görülüb. Həmin avtobuslardan 100-dən çoxunun dövlət nömrə nişanının dəyişdirilməsi, nasazlıqların aradan qaldırlması və texniki baxışdan keçirilməsi təmin edilib.
Onların mənsub olduğu sərnişindaşıma şirkətləri qarşısında nəqliyyat vasitələrinin dövlət nişanlarının bərpa edilməsi tələbi qoyulub. Sərnişinlərin rahatlığını təmin etmək və avtobusların qısa müddətdə xəttə qayıtması məqsədi ilə onlara dövlət qeydiyyat nişanlarının dəyişdirilməsi, nasazlıqların aradan qaldırılması və texniki baxışdan keçirilməsi üçün Baş Dövlət Yol Polisi İdarəsində xüsusi şərait yaradılıb.
Hər kəsi texniki cəhətdən nasaz avtobuslarla səfər etməyin ağır faciələrə səbəb ola biləcəyini anlamağa və polis əmədakdaşlarının bu sahədə həyata keçirdikləri profilaktik tədbirlərə öz tövhəsini verməyə çağırırıq. Avtomobillərin texniki baxışdan keçirilməsi təkcə yol hərəkəti iştirakçılarının təhlükəsizliyi üçün yox, həmçinin ictimai-asayişin qorunması və cinayətlərin qarşısınını alınması üçün də qanunla nəzərdə tutulan vacib tələblərdən biridir.
Xatırladaq ki, sürücülər avtomobillərinin texniki baxışa təqdim edilməsi barədə onları maraqlandıran məsələlərlə bağlı operativ məlumat almaq üçün 012-590-71-13 nömrəsi və “902” qaynar xətti ilə əlaqə saxlaya bilərlər.
Yol-xeber.az" xəbər verir ki, İntensiv yağıntılar nəticəsində Qax rayonunun Qaşqaçay və Armudlu kəndlərini birləşdirən Qaşqaçay üzərində yerləşən və səhər saatlarında sel sularının yuyaraq dağıtdığı suötürücü borular bərpa olunub.
Əraziyə Azərbaycan Avtomobil Yolları Dövlət Agentliyinin “13 N-li Yol İstismarı” MMC-nin xüsusi texnikaları və canlı qüvvəsi səfərbər olunaraq və qısa müddət ərzində təxirəsalınmaz tədbirlər görülərək iki kənd arasında avtonəqliyyat vasitələrinin fasiləsiz və təhlükəsiz hərəkəti təmin olunub.
Qeyd edək ki, gələcəkdə bu kimi hadisələrin baş verməsinin qarşısını almaq məqsədi ilə hazırda Azərbaycan Avtomobil Yolları Dövlət Agentliyi tərəfindən Qaşqaçay üzərində 2 aşırımlı və 36 metr uzunluğa malik yeni avtomobil körpüsünün inşası aparılır.
Ümumilikdə baş vermiş təbii fəlakət nəticəsində respublikanın şimal-qərb bölgəsində yol infrastrukturuna və yol qurğularına ciddi ziyan dəyib.
YOLUNUZ AÇIQ OLSUN...
Yol-xeber.az" xəbər verir ki, Sel sularının İsmayıllı rayonu ərazisində yerləşən bir-neçə yerli əhəmiyyətli avtomobil yolunda avtonəqliyyat vasitələrinin hərəkətində yaratdığı problem aradan qaldırılıb.
Belə ki, intensiv yağıntılar nəticəsində Sərdahar, Kürd Eldarbəyli, 2-ci Yeni yol və Dahar kəndlərinin yollarında sel suları özü ilə bərabər lil və qaya parçaları gətirərək yolun hərəkət hissəsini doldurub.
Sözügedən yollarda yaranmış problemlə bağlı məlumat daxil olan kimi dərhal qeyd olunan ərazilərə Azərbaycan Avtomobil Yolları Dövlət Agentliyinin “9 N-li Yol İstismarı” MMC-nin xüsusi texnikaları və canlı qüvvəsi səfərbər olunub.
Yollarda aparılan təxirəsalınmaz tədbirlər nəticəsində hərəkətin fasiləsizliyi və təhlükəsizliyi təmin olunub.
Ümumilikdə baş vermiş təbii fəlakət nəticəsində respublikanın şimal-qərb bölgəsində yol infrastrukturuna və yol qurğularına ciddi ziyan dəyib.
YOLUNUZ AÇIQ OLSUN...
Yolda sürət həddini aşmaya görə cərimələr artırılır.
Bununla bağlı İnzibati Xətalar Məcəlləsinə dəyişiklik edilir. Dəyişikliyə əsasən, yolda müəyyən edilmiş hərəkət sürətini 41-60 km/saat həddində aşmağa görə 150-dən 200 manat məbləğinə artırılması təklif edilir.
Yol hərəkəti qaydaları üzrə ekspert Elməddin Muradlı "Xəzər Xəbər"ə bildirib ki, yüksək sürətə görə cərimə sanksiyasının artırılması bir o qədər də effektli olmayacaq.
Birtərəfli yollarda əks istiqamətdə hərəkət edən sürücülərin 100 yox, 150 manat cərimələnməsi təklif edilir. Sürücülər tərəfindən yol hərəkəti qaydalarının pozulması, piyadaya yol verilməməsi nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə 200-yox, 300 manat məbləğində cərimə ediləcək və ya nəqliyyat vasitəsini idarə etmək hüququ 6 aydan 1 ilədək müddətə məhdudlaşdırılacaq.
Bəzi sürücülər isə deyir ki, cərimə məbləğinin artırılması düzgün deyil. Onlar cərimənin artırılmasından daha çox marifləndirmə işlərinin aparılmasına ehtiyac olduğunu deyirlər.
Qeyd edək ki, bu dəyişiklik Milli Məclisin növbədən kənar plenar iclasında müzakirə çıxarılıb, dəyişiklik 1-ci oxunuşda qəbul edilib.
Yol-xeber.az" xəbər verir ki, Qeyri-sabit hava şəraiti nəticəsində gecə saatlarında Qax rayonu ərazisində bir-neçə avtomobil yolunda avtonəqliyyat vasitələrinin hərəkətində məhdudiyyətlər yaranıb.
Belə ki, güclü külək və yağış nəticəsində Şəki-Qax, Qax-Zaqatala və Qorağan-Qax avtomobil yollarında bir-neçə ərazidə ağacların yollara aşması nəticəsində hərəkət məhdudlaşıb. Bundan başqa rayonun İlisu kəndi ərazisində sel suları özü ilə bərabər lil və qaya parçaları gətirərək yolun hərəkət hissəsini doldurub.
Belə ki, sözügedən yolda yaranmış problemlə bağlı Agentliyin “Çağrı Mərkəzi”nə (012-599-79-75) məlumat daxil olan kimi dərhal qeyd olunan ərazilərə Azərbaycan Avtomobil Yolları Dövlət Agentliyinin “13 N-li Yol İstismarı” MMC-nin xüsusi texnikaları və canlı qüvvəsi səfərbər olunub. Gecə saatları olmasına baxmayaraq aparılan tədbirlər nəticəsində yollar boyunca hərəkətin fasiləsizliyi və təhlükəsizliyi təmin olunub.
YOLUNUZ AÇIQ OLSUN...
Stenford Universiteti ABŞ-da və dünyada ən nüfuzlu, reytinqli universitetlərdən biri kimi tanınır. 2021-ci ilin aprel ayına kimi 85 “Nobel” mükafatı və 29 “Turinq” mükafatı laureatı, 8 “Fields” medalçısı, “Fulbrayt” proqramı qalibi, “Marşal” və “Rods” təqaüdçüləri Stenford ilə əlaqəli (tələbələr, məzunlar, müəllimlər və ya işçilər kimi) olublar.Bundan əlavə, Stenford tələbələri və məzunları 2021-ci ilə qədər ən azı 296 olimpiada medalı, o cümlədən 150 qızıl və 79 gümüş medal qazanıblar. Nəhayət, Stenford xüsusilə sahibkarlığı ilə tanınır və startap maliyyələşdirməsində ən uğurlu universitetlərdən biridir. Stenford məzunları 2011-ci ilə qədər illik gəliri 2,7 trilyon dollardan çox olan və 5,4 milyon iş yeri yaradan çoxsaylı şirkətlər qurublar.
Akademik aləmdə Harvard Universiteti, Yel Universiteti və Massaçusets Texnologiya İnstitutunun hazırkı prezidentləri, həmçinin Harvard və Prinston universitetlərinin prorektorları onun məzunlarıdır. Bütün bunları bir səbəbə görə sadalayıram: Məsələ burasındadır ki, son vaxtlar bir politoloq, Stenford Universitetinin doktoru Artur Xaçikyan erməni mediasında fəallıq nümayiş etdirməyə başlayıb.
Onun həqiqətən iddia etdiyi şəxs olub-olmaması hələ bilinəcək. Bircə onu qeyd edim ki, biz çoxlu erməni politoloqları görmüşük ki, onlar əslində sahib olmadıqları tamamilə fərqli reqaliyaları özlərinin adına çıxıblar. Hər halda, “Mimino” kinokomediyasının qəhrəmanlarından birinin bu adaşı, necə deyərlər, ağzına gələn elə şeylər danışır ki, dünyanın aparıcı universitetlərindən birinin statusunu açıq-aşkar biabır edir.
Belə ki, o, bu dəfə Qərbin sanksiyaları altında olan Rusiya təbliğat mediasının İrəvan şöbəsi olan “Sputnik Ermənistan”a müsahibəsində şok fikirlər səsləndirib: "Kollektiv Qərb Ermənistanı aldatdı və Azərbaycanın neft və qazına görə 120 min Dağlıq Qarabağ ermənisini satdı. Qərb platformalarında Azərbaycanla danışıqların isə bir vəzifəsi var - Bakının yeni təcavüzə təhrik etmək".
Qəribədir ki, Stenford Universitetinin bu məzunu ümumi, təkzibedilməz həqiqətləri bilmir. Məsələn, onu bilmir ki, Dağlıq Qarabağ adlı yer yoxdur, Azərbaycanın Qarabağ iqtisadi rayonu var. Ərazisində qeyri-qanuni məskunlaşan erməni icmasının sayı hələ dəqiqləşdirilməyib. Xaçikyan xatırlamalıdır ki, bütün dünya ölkələri, o cümlədən indi Ermənistan (Baş nazir Nikol Paşinyanın bəyanatından sonra) Azərbaycanın ərazi bütövlüyünü tanıyır.
Yenə qəribədir ki, Xaçikyan Azərbaycan və Ermənistanın BMT-yə Sovet sərhədləri daxilində daxil olduğunu “unudub”. Stenford Universitetinin hansısa qəribə elmlər doktorunun faktologiyanı və reallığı tanımayan, aşkar həqiqətlərdən tamamilə xəbərsiz olduğu ortaya çıxır. Belə olmasaydı, o, Ermənistanla Azərbaycanın Qarabağ iqtisadi rayonunun erməniləri arasında bərabərlik işarəsi qoymazdı.
Reallıq budur ki, Ermənistan və onun vətəndaşları, Azərbaycan və onun vətəndaşları var. Üstəlik, Azərbaycanın Qarabağ iqtisadi rayonunda Ermənistan pasportu ilə yaşayan ermənilər var. Yəni bizim ərazimizdə qeyri-qanuni məskunlaşan ermənilər. Stenford Universitetinin yerləşdiyi ABŞ-da qeyri-qanuni miqrasiyaya qarşı fəal mübarizə aparıblar və mübarizə aparırlar. Qarabağ erməniləri isə Xankəndi və onun ətrafında tamamilə qeyri-qanuni, Ermənistan vətəndaşlarının pasportları ilə yaşayırlar. Ona görə də onlara qarşı yumşaq münasibətinə, səbrinə görə rəsmi Bakıya hələ təşəkkür də etmək lazımdır.
Ümumiyyətlə, gördüyümüz kimi, Xaçikyanın çıxışları Rusiyanın federal telekanallarında təbliğat xarakterli şouların daimi iştirakçılarının səsləndirdiyi çıxışlara daha çox bənzəyir. Amerikanın aparıcı universitetlərindən birinin doktoru kollektiv Qərbi günahlandırır. Guya, bu kollektiv Qərb ermənilərin topdan və pərakəndə satışı ilə məşğuldur. Xaçikyan başa düşmür ki, bununla o, öz xalqını təhqir edir. Çünki o, Qarabağ iqtisadi rayonunun erməni əhalisini sanki kolxoz bazarında olduğu kimi satıla bilən bir kiloqram kartof və ya badımcana bərabər tutur.
Və söhbət xidmətlər üçün konkret qiymət preyskurantı olan, aşağı sosial məsuliyyətli qadınlardan getmir. Onlar sadəcə separatçılardır. Azərbaycan vətəndaşlığını qəbul edib yaşadıqları yerdə yaşamaq üçün qalıb-qalmayacağını seçmək və ya qəbul etməyərək, Ermənistana getmək hüququ olanlar. Azərbaycan getmək istəyənlər üçün nəqliyyat ayırmağa hazırdır.
O ki qaldı hərbi təcavüzə, bu, Ermənistan tərəfindəndir. Azərbaycan ərazilərinin 20%-ni dörddə bir əsrdən artıq işğal altında saxlayan o idi, əksinə yox.
Bu barədə təkcə Stenford Universitetində deyil, həm də Nikol Paşinyanın təhsilini başa vurmadığı Yerevan Dövlət Universitetində də məlumdur. Bu reallığı yalnız erməni konyakının güclü təsiri altında, böyük miqdarda istehlak edildikdə inkar etmək olar. Neft və qaza gəlincə, mən sadə cavab verəcəm: paxıllıq etməyin! Üstəlik, neft və qazın olması dövlətin avtomatik çiçəklənməsi və qüdrətlənməsi demək deyil. Elə ölkələr var ki, orada çoxlu neft və qaz var və onlar acınacaqlı mövcudluq içərisindədir. Təxminən Ermənistandakı kimi...
AYNA
Germi və Biləsuvarda (Güney Azərbaycanda) sel fəlakəti nəticəsində problemlərlə qarşılaşan yerli əhali olduqca çətinlik çəkir. Bölgədə içməli su, ərzaq qıtlığı yaranıb. Fars-molla rejimi isə əlacsız qalan azərbaycanlıları görməzdən gəlir.
Bu sözləri Axar.az-a milli fəal Qədir Cəliloğlu seldən sonra insanların yaşadığı çətinlikdən danışarkən deyib.
Onun sözlərinə görə, hökumətdən yardım almayan sakinlər millətin başladığı yardım kampaniyası ilə ayağa qalxmağa çalışır:
“İran rejimi sel və daşqınlardan sonra əlacsız qalan insanlardan nəinki yardımını əsirgəyir, bəzən xalq tərəfindən toplanan yardımların ehtiyac sahiblərinə yetişməsini əngəlləyir. Bütün sıxıntılara rəğmən, Azərbaycan xalqı birlik nümayiş etdirir, əhaliyə su və ərzaq çatdırmağa çalışır. Bu məqsədlə Vədud Əsədi, Məhəmməd Eyni, Rza Nasiri, “Traktor” fanatları, milli fəallar yardım kampaniyalarını davam etdirirlər. Milli fəallar Güney Azərbaycanda seldən əziyyət çəkən insanlarımıza kömək üçün “Vətən adına birlik yaraşar” kampaniyası başladıblar. Bu kampaniyaya qoşulmaq istəyənlər Germi Gaz qovşağı, Yunis Tağızadə garajına gələ bilərlər”.
Fars-molla rejimindən cana doyan əhalinin yeganə çıxış yolu kimi Azərbaycan dövlətini gördüyünü deyən milli fəal yerli sakinlərin bununla bağlı sosial şəbəkələrdə paylaşımlar etdiyini də diqqətə çatdırıb:
“Güney Azərbaycan milləti illər boyu şah və şeyx hökumətindən zülüm və işgəncə görüb. Xalqımız Bütöv Azərbaycan uğrunda birgə və vahid mübarizə apararaq bu zülmdən qurtarmaq istəyir. Vətən uğrunda can verib, bu əsarətə son qoymaq lazımdır”.
İyunun 6-na gözlənilən hava proqnozu açıqlanıb.
Milli Hidrometeorologiya Xidmətindən verilən xəbərə görə, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi yerlərdə yağış yağacağı ehtimalı var. Şimal-qərb küləyi bəzi yerlərdə arabir güclənəcək.
Havanın temperaturu gecə 17-22° isti, gündüz 23-28° isti olacaq. Atmosfer təzyiqi 758 mm civə sütunundan 762 mm civə sütununa yüksələcək. Nisbi rütubət gecə 70-80%, gündüz 50-50 % olacaq.
Azərbaycanın rayonlarında bəzi yerlərdə arabir yağış yağacağı gözlənilir. Ayrı-ayrı yerlərdə leysan xarakterli intensiv və güclü olacağı, şimşək çaxacağı, dolu düşəcəyi ehtimalı var. Gecə və səhər bəzi yerlərdə duman olacaq. Qərb küləyi bəzi yerlərdə arabir güclü olacaq.
Havanın temperaturu gecə 18-23° isti, gündüz 26-31° isti, dağlarda gecə 7-12° isti, gündüz 13-18°, bəzi yerlərdə 20-23° isti olacaq.