 |
|
COVID pasportunun ləğv edilib-edilməyəcəyi məsələsinə aydınlıq gətirilib.
"TƏBİB-in İdarə Heyətinin sədri vəzifəsini müvəqqəti icra edən Vüqar Qurbanov jurnalistlərə açıqlamasında bildirib ki, koronavirus pandemiyası ilə bağlı məhdudiyyətlər mərhələli şəkildə aradan qaldırılır.
“Bu, ölkədə COVID-19 infeksiyasının yayılması tezliyi əsasında müəyyənləşir. Bir çox məhdudiyyətlərin aradan qaldırılması müvafiq qurumlar tərəfindən Nazirlər Kabinetinə verilən təkliflər əsasında dəyərləndirilir. Ümid edirik ki, yaxın vaxtlarda verilən təkliflərlə bağlı da qərarlar qəbul ediləcək və digər məhdudiyyətlər də aradan qaldırılacaq”, - Vüqar Qurbanov qeyd edib.
“Koronavirusla bağlı məhdudiyyətlər növbəli şəkildə aradan qaldırılır”.
Oxu.az məlumatına görə, TƏBİB-in sədri vəzifəsini icra edən Vuqar Qurbanov bildirib.
Onun sözlərinə görə, ölkədə məhdudiyyətlər COVID-19 xəstəliyinin yayılma tezliyinə əsasən tənzimlənir:
“Bir çox məhdudiyyətlərin qaldırılması haqda müvafiq qurumlar tərəfindən Nazirlər Kabinetinə verilən təkliflər dəyərləndirilir və həyata keçirilir”.
O qeyd edib ki, çox yaxın vaxtda həmin təkliflər barədə qərar veriləcək və digər məhdudiyyətlər aradan qaldırılacaq.
Bu gündən Azərbaycana giriş üçün COVID-19-a dair PCR testinin təqdim etmək tələbi ləğv olunub.
Bu barədə Nazirlər Kabinetindən məlumat verilib.
Bildirilib ki, Nazirlər Kabinetinin 14 aprel 2022-ci il tarixli qərarına əsasən 2022-ci il aprelin 15-dən etibarən:
Azərbaycan Respublikasına giriş üçün COVID-19-a dair PCR testinin neqativ nəticəsini təsdiq edən sənədi təqdim etmək tələbi ləğv edilir;
Ölkədaxili uçuşlar zamanı sərnişinlərdən COVID-19-a dair PCR testin neqativ nəticəsini təsdiq edən sənəd tələb olunmur.
Aprelin 15-dən etibarən Bakı-Naxçıvan-Bakı müntəzəm avtobus marşrutunun İran İslam Respublikasının ərazisindən keçməklə avtobus marşrutu ilə hərəkət edən sərnişinlərdən də COVID-19-a dair PCR testin neqativ nəticəsini təsdiq edən sənəd tələb olunmur.
Bakıda və Abşeron yarımadasında aprelin 15-də hava şəraiti dəyişkən buludlu olacaq, əsasən yağmursuz keçəcək.
Milli Hidrometeorologiya Xidmətindən verilən məlumata görə, gecə və səhər bəzi yerlərdə zəif duman olacaq.
Mülayim şimal-qərb küləyi gündüz arabir güclənəcək. Havanın temperaturu gecə 8-10° isti, gündüz 15-18° isti olacaq. Bakıda gecə 8-10° isti, gündüz 15-17° isti olacaq. Atmosfer təzyiqi 766 mm civə sütunu təşkil edəcək. Nisbi rütubət 60-70 % olacaq.
Azərbaycanın rayonlarında sabah hava əsasən yağmursuz olacaq. Lakin gündüz bəzi yerlərdə yağıntılı olacağı gözlənilir. Şimşək çaxacağı, dolu düşəcəyi ehtimalı var. Gecə və səhər bəzi yerlərdə duman olacaq. Qərb küləyi ayrı-ayrı yerlərdə arabir güclənəcək.
Havanın temperaturu gecə 6-10° isti, gündüz 18-23° isti, dağlarda gecə 2° şaxtadan 3°-dək isti, gündüz 3-8° isti olacaq.
“Məcburi köçkünlər üçün verilən mənzillərdə yaşamayanların monitorinqi davam etdirilir”.
“Report” xəbərinə görə, bunu Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev “Ermənistan-Azərbaycan Dağlıq Qarabağ münaqişəsinin həllində Azərbaycanı zəfərə aparan yol” adlı kitabın təqdimat mərasimində deyib.
“Məcburi köçkünlərin hər biri mənim üçün əziz adamdır. Bəzən elə hallar olur ki, məcburi köçkünlərin mənzilləri öz adlarına olmur, yataqxanada yaşayırlar. Bu da köçürülmə zamanı nəzərə alınırdı. Ancaq biz sonradan görürdük ki, onlar həmin evlərdə yaşamırlar. 510 belə məhkəmə müraciətimiz var. Məhkəmə qərar çıxardıqca bizdə siyahısı olan məcburi köçkün, şəhid və qazi ailələri həmin mənzillərə yerləşdirilirlər. Bu, asan məsələ deyil. Bu hallar Bakıda və rayonlarda olan qəsəbələrimizdə var”, - o vurğulayıb.
Azərbaycana giriş üçün COVID-19-a dair PCR testinin təqdim etmək tələbi ləğv olunub.
Bu barədə Nazirlər Kabinetindən məlumat verilib.
Bildirilib ki, Nazirlər Kabinetinin 14 aprel 2022-ci il tarixli qərarına əsasən 2022-ci il aprelin 15-dən etibarən:
Azərbaycan Respublikasına giriş üçün COVID-19-a dair PCR testinin neqativ nəticəsini təsdiq edən sənədi təqdim etmək tələbi ləğv edilir;
Ölkədaxili uçuşlar zamanı sərnişinlərdən COVID-19-a dair PCR testin neqativ nəticəsini təsdiq edən sənəd tələb olunmur.
Aprelin 15-dən etibarən Bakı-Naxçıvan-Bakı müntəzəm avtobus marşrutunun İran İslam Respublikasının ərazisindən keçməklə avtobus marşrutu ilə hərəkət edən sərnişinlərdən də COVID-19-a dair PCR testin neqativ nəticəsini təsdiq edən sənəd tələb olunmur.
“Azərbaycan istər postmünaqişə dövrünün birinci ilində, istərsə də cari ilin ilk üç ayı ərzində ölkə qarşısında duran bütün vəzifələri uğurla icra etmiş, bütün sahələrdə yüksək nəticələr qazanmışdır. 2021-ci il məhz müharibədən sonra keçən birinci il kimi ölkəmiz və xalqımız üçün böyük əhəmiyyət kəsb etmişdir. Keçən il Azərbaycan eyni zamanda iki böyük məsələnin həllinə nail olmuşdur. Bu vəzifələrdən biri işğaldan azad edilmiş torpaqlarımızda bərpa işlərinə start vermək, digəri isə bu proseslərə paralel olaraq Azərbaycanın Cənubi Qafqazda yaratdığı yeni reallıqları beynəlxalq müstəvidə planlı şəkildə qəbul etdirmək idi. Artıq bu gün hər iki istiqamət üzrə əldə edilmiş nəticələr göz qabağındadır”.
Bu sözləri mətbuata verdiyi açıqlamasında Azərbaycan Respublikası Milli Məclisinin deputatı Kamaləddin Qafarov deyib.
Millət vəkilinin fikrincə, cari ilin ilk üç ayı ərzində Azərbaycanda müşahidə olunan dinamik inkişaf ötən il ölkəmizdə gedən proseslərin məntiqi davamıdır: “Postmüharibə dövründə Azərbaycanın əldə etdiyi nailiyyətlərdən danışarkən, ölkəmizin beynəlxalq təşkilatlarla təmasları və fəal əməkdaşlığı xüsusi qeyd olunmalıdır. Prezident İlham Əliyev aprelin 12-də keçirilmiş və bu ilin birinci rübünün yekunlarına həsr olunan müşavirədə etdiyi çıxışında bu məsələyə xüsusi diqqət yetirərək bildirib ki, dünyanın aparıcı beynəlxalq təşkilatları tərəfindən yeni reallıqların qəbul edilməsi Azərbaycanın böyük uğurudur. Bu baxımdan bir müddət əvvəl BMT xətti ilə Şuşa şəhərində Azərbaycanın BMT-yə üzvlüyünün 30 illiyinə həsr edilmiş beynəlxalq tədbirin keçirilməsi çox əlamətdar hadisə idi. BMT Azərbaycanın ərazi bütövlüyünü qeyd-şərtsiz tanıyır. Ölkəmiz BMT-yə üzv olandan sonra işğal dövründə BMT və qurumun Təhlükəsizlik Şurası Azrbaycanın xeyrinə bir neçə ədalətli qərar qəbul etmişlər. Lakin bu qərarlar 30 ilə yaxın bir müddətdə kağız üzərində qaldı. Nəhayət, Azərbaycan Qarabağ münaqişəsini öz gücünə, birtərəfli qaydada həll etdikdən sonra BMT-nin də üzərindən böyük bir məsuliyyət götürüldü. Yeri gəlmişkən, Şuşada keçirilən bu tədbirin önəmini vurğulayan maraqlı məqamlardan biri də bu beynəlxalq tədbirin Ermənistanda kütləvi isterikaya səbəb olması idi. Dövlət başçısının qeyd etdiyi kimi, postmüharibə dövründə
Azərbaycanın Avropa İttifaqı ilə təmasları daha intensiv xarakter almışdır. Aİ birmənalı olaraq postmünaqişə dövrünün reallıqlarını qəbul edib. Bunun nəticəsi olaraq Avropa İttifaqı Şurasının Prezidenti Şarl Mişelin təşəbbüsü ilə dekabr və aprel aylarında üçtərəfli görüşlər keçirilib. Bu görüşlərin nəticəsi olaraq qəbul olunmuş yekun sənəddə “Dağlıq Qarabağ” adı və “münaqişə” sözü yoxdur. Çünki Azərbaycan birmənalı olaraq bəyan edib ki, münaqişə artıq həll olunub və Azərbaycan ərazisində “Dağlıq Qarabağ” adlı inzibati ərazi vahidi mövcud deyil. Bu gün artıq inamla demək olar ki, Avropa İttifaqı Azərbaycan-Ermənistan əlaqələrinin normallaşması ilə yaxından məşğuldur və həqiqətən də bu normallaşmada maraqlıdır.Bu normallaşmaya doğru ilk addımın atılması üçün Azərbaycan 5 prinsipdən ibarət təklif vermişdir və Ermənistan tərəfi də bu təklifə müsbət yanaşmışdır. Beləliklə, Azərbaycanın ərazi bütövlüyü qəbul edilir və Ermənistan Azərbaycana qarşı ərazi iddiasından əl çəkir. Bu, çox müsbət haldır və Cənubi Qafqazda davamlı sülhün və stabilliyin bərqərar olması üçün vacib şərtdir.”
Millət vəkili qeyd edib ki, Azərbaycan müəllifi olduğu yeni regional reallıqların yaratdığı imkanlardan bütün bölgə ölkələrinin yararlanmalarının tərəfdarıdır: “Azərbaycanın təkcə özünün deyil, həmçinin bütün bölgənin gələcək inkişafına dair son dərəcə aydın təsəvvürləri və real planları var. Dövlət başçımızın da qeyd etdiyi kimi, Azərbaycan öz məqsədlərinə çatmaq üçün bundan sonra da bütün imkanlardan istifadə edəcək. Bu məqsədlər isə Cənubi Qafqazda sülhün və əmin-amanlığın bərqərar olmasına, müharibə risklərinin böyük dərəcədə azalmasına xidmət edir. Lakin Azərbaycan sülh uğrunda çalışmalarına rəğmən işğalı, işğal dövründə qarşılaşdığı erməni vəhşiliyini də heç zaman unutmamalıdır. Azərbaycan Prezidentinin öz çıxışında toxunduğu uncə bir məqamı xüsusi olaraq vurğulamaq lazımdır. Prezidentimiz dedi ki, bu gün Azərbaycan güclü, Ermənistan isə zəif tərəfdir. Ermənistanın bütün davranışı da məhz bu amillərə söykənir. Həqiqətən də əgər biz bir xalq olaraq 1990-cı illərin əvvəllərində Ermənistan tərəfindən bizə qarşı aparılmış etnik təmizləmə və işğal siyasətini, Xocalı soyqırımını, digər qətliamları unutsaq, tarix bunu bizə bağışlamaz. Azərbaycan 30 il ərzində tam siyasi və iqtisadi müstəqilliyə nail oldu. Bu müstəqillik bizə 44 günlük Vətən müharibəsində qalib gəlmək və gələcək ordu quruculuğunu da öz gücümüzə əsaslanaraq aparmaq imkanı verib. Azərbaycan postmüharibə dövründə də yeni, müasir silahları, texnikaları almaqda davam edir. Müharibədən sonra yeni qoşun növü – Komando növü yaradılmışdır və Hadrutda birinci Komando hərbi bazasının açılışında Prezident İlham Əliyev şəxsən iştirak etmişdir. Həmçinin İkinci Qarabağ müharibəsində xüsusi qəhrəmanlıq göstərmiş Xüsusi Təyinatlı Qüvvələrin şəxsi heyətinin sayı artırılır və bu proses indi də davam edir. Azərbaycan bütün Cənubi Qafqazda sülhün və sabitliyin əsas qarantıdır”
Rusiyada məşhurlaşan azərbaycanlı bloger Hüseyn Həsənov Heydər Əliyev Fondunun vitse-prezidenti Leyla Əliyeva ilə at çapıb.
"Bu barədə Hüseyn Həsənov "Instagram" hesabından paylaşım edib:
“Leyla bacımla birlikdə at çapdıq”.
Azərbaycanda fiziki şəxslər barəsində tətbiq edilən 7 növ tənbeh tədbiri nəzərdə tutulub.
Baku.ws xəbər verir ki, tənbeh tədbirləri Azərbaycan Respublikasının Cinayət Məcəlləsində öz əksini tapıb.
İnzibati tənbeh növləri aşağıdakılardır:
Xəbərdarlıq;
İnzibati cərimə;
İnzibati xətanın törədilməsində alət və ya inzibati xətanın bilavasitə obyekti olmuş predmetin müsadirəsi;
Fiziki şəxsə verilmiş xüsusi hüququn məhdudlaşdırılması;
İctimai işlər;
Azərbaycan Respublikasının hüdudlarından kənara inzibati qaydada çıxarma;
İnzibati həbs.
Qeyd edək ki, inzibati həbs, yalnız müstəsna hallarda müvafiq maddələrdə nəzərdə tutulan inzibati xətaların ayrı-ayrı növlərinə görə üç gündən üç ay müddətinədək hakim tərəfindən tətbiq edilir.
Bu şəxslər barəsində inzibati həbs tətbiq edilə bilməz:
Hamilə qadınlar və ya himayəsində on dörd yaşınadək uşağı olan qadınlar,
On dörd yaşına çatmamış uşağını təkbaşına böyüdən kişilər,
On səkkiz yaşına çatmayan şəxslər,
Birinci və ya ikinci dərəcə əlilliyi olan şəxslər,
Sağlamlıq imkanları məhdud 18 yaşınadək uşaqlar,
Altmış yaşına çatmış qadınlar və altmış beş yaşına çatmış kişilər.
Mərkəzi Bankın sabiq sədri Elman Rüstəmova yeni vəzifə verilib.
Bu barədə Nazirlər Kabinetinin Mətbuat Xidmətindən məlumat verilib.
Bildirilib ki, o, Baş nazir Əli Əsədovun müşaviri təyin edilib.