 |
|
“Prezident İlham Əliyevin sədrliyi ilə iyulun 15-də keçirilmiş, cari ilin altı ayının yekunlarına həsr olunan müşavirədə Azərbaycanın postmüharibə dövründə əldə etdiyi nailiyyətlərə dair ətraflı açıqlamalar verilib. Dövlət başçısı öz çıxışında xüsusi olaraq qeyd etmişdir ki, bu dövrdə ölkəmizin beynəlxalq nüfuzu daha da artıb. Bu baxımdan ölkəmizin Qoşulmama Hərəkatındakı uğurlu sədrliyi ilk növbədə qeyd olunmalıdır. Azərbaycanın bu mötəbər təşkilata sədrliyinin 2023-cü ilin sonuna qədər yekdil qərarla uzadılması onu göstərir ki, ölkəmiz 120 ölkə arasında çox böyük nüfuz qazanmış, Azərbaycana, şəxsən Prezident İlham Əliyevə olan inam daha da yüksəlmişdir.”Bu fikirləri mətbuata açıqlamasında Azərbaycan Respublikası Milli Məclisinin deputatı Kamaləddin Qafarov səsləndirib.
Millət vəkili Azərbaycanın digər beynəlxalq təşkilatlarla da fəal əməkdaşlığa davam etdiyini vurğulayaraq deyib: “Diqqətəlayiq haldır ki, Azərbaycan beynəlxalq müstəvidə bir çox təşkilatlarla səmərəli əməkdaşlıq edir. Azərbaycanın Avropa İttifaqı ilə fəal tərəfdaşlıq münasibətləri də sürətli inkişafdadır. Öz çıxışında dövlət başçımız bir anonsu da diqqətə çatdırdı ki, yaxın günlərdə Avropa İttifaqı ilə Azərbaycan arasında enerji təhlükəsizliyi ilə bağlı daha bir önəmli sənəd imzalanacaq və bu, Avropa İttifaqı – Azərbaycan əməkdaşlığını daha yüksək səviyyəyə qaldıracaqdır.”
K.Qafarov Ermənistanın tutduğu qeyri-konstruktiv mövqeyin ümumilikdə regional inkişafı ləngitdiyini qeyd edib. Deputat bildirib ki, Ermənistan hökumətinin 10 noyabr Bəyannaməsinə əsasən üzərinə götürdüyü öhdəliklərə əməl etməsi ölkələrimiz arasında sülh müqaviləsinin imzalanması üçün vacib şərtdir: “Aydındır ki, bu gün Cənubi Qafqazda gedən proseslərin əsas istiqamətinə təsir edə biləcək vacib amillərdən biri də Azərbaycan-Ermənistan əlaqələrinin normallaşdırılması məsələsidir. İki ölkə arasında münasibətlərin hansı səviyyədə olması ümumi regionda yaranacaq ictimai-siyasi vəziyyət və inkişaf göstəricilərindən əhəmiyyətli dərəcədə asılıdır. Bu baxımdan Azərbaycanın mövqeyi tamamilə birmənalıdır və hər kəsə açıqdır. Azərbaycan sülh və inkişaf tərəfdarıdır. Təəssüflər olsun ki, bu sözləri Ermənistan haqqında hələ də demək olmur. Əlbəttə, Azərbaycan-Ermənistan əlaqələrinin normallaşdırılması istiqamətində indiyədək müəyyən addımlar atılıb. Lakin Prezident İlham Əliyevin də öz çıxışında qeyd etdiyi kimi, hələlik real nəticələr yoxdur. Ermənistan hələ də imzaladığı 10 noyabr Üçtərəfli Bəyannamənin şərtlərinə görə üzərinə götürdüyü öhdəliklərini yerinə yetirmir. Məsələn, bu öhdəliklərdən biri erməni silahlı qüvvələrinin Qarabağdan çıxarılması ilə bağlıdır. Lakin hərbi əməliyyatların başa çatmasında 1 il 8 ay keçsə də, bu məsələ hələ də öz həllini tapmayıb. Bu problem Cənubi Qafqazda sülhə ciddi təhdiddir.Azərbaycan qalib ölkə olaraq belə bir vəziyyətə, öz suveren ərazilərində erməni silahlı birləşmələrinin mövcudluğuna uzun zaman dözə bilməz. Ermənistanın yerinə yetirməli olduğu vacib öhdəliklərdən biri də Azərbaycanın əsas hissəsi ilə Naxçıvan Muxtar Respublikasını birləşdirəcək Zəngəzur dəhlizinin açılması ilə bağlıdır. Maraqlıdır, qalib Azərbaycan öz üzərinə götürdüyü öhdəliyə əsasən Laçın yolunun işləməsini təmin edib və hətta bu marşrutun təhlükəsizliyinə də zəmanət verib, məğlub Ermənistan isə hələ də Zəngəzur dəhlizinin açılmasını əngəlləyir. Bu məsələ də tezliklə öz həllini tapmalıdır və bu nə qədər tez baş verərsə, Ermənistanın özü üçün də daha yaxşı olar. Azərbaycan artıq özünün haqqı olanı almaq iqtidarında olan bir ölkə olduğunu sübut edib və proqressiv prosesləri əngəlləmək, növbəti qarşıdurmalara aparan siyasət yürütmək meylləri Ermənistana baha başa gələ bilər”.
General-mayor Polad Həşimov və polkovnik İlqar Mirzəyevin şəhid olduqları yerdən yeni görüntülər yayılıb.
Ölkə.Az xəbər verir ki, videoda hərbçi yoldaşları onların necə şəhid olduqlarını təsvir edib.
"Şuşada yaşayanlar üçün tibb xidmətlərin göstərilməsində heç bir problem yoxdur".
Bunu Nərimanov Tibb Mərkəzinin direktoru Fazil Alməmmədov deyib.
O qeyd edib ki, Qala şəhərdə yaşayanların tibbi göndərişləri aidiyyəti qaydada həyata keçirilir.
Mərkəz direktorunun sözlərinə görə, Şuşada yaşayanlar üçün modul tipli xəstəxanada həkimlər bütün lazımi tibbi xidmətləri göstərir: "Vətəndaşlara ixtisaslaşmış həkim müayinəsi lazım olanda göndəriş Füzuli Rayon Mərkəzi Xəstəxanasına verilir. Lazım gələrsə Bakı şəhərindəki xəstəxanalara da tibbi göndəriş yazıla bilər".
ALİ BAŞ KOMANDANIN GÖSTƏRİŞLƏRİ AAY DÖVLƏT AGENTLİYİ TƏRƏFİNDƏN ŞƏRƏFLƏ ÖLKƏNİN BÜTÜN SAHƏLƏRİNDƏ İCRA OLUNUR!
QOBUSTAN R-N SÜNDİ KƏND ŞƏHİDLƏR XİYABANI
....
....
Bakıda və Abşeron yarımadasında son günlər şimal-qərb küləyinin arabir güclənməsi nəticəsində torpağın üst quru səthində formalaşan toz kütlələrinin ətrafa yayılması müşahidə edilir.
Bunu Hidrometeoroloji Proqnozlar Bürosunun direktoru Gülşad Məmmədova bildirib.
O qeyd edib ki, havada müşahidə olunan toz dumanı lokal xarakterlidir.
G.Məmmədovanın sözlərinə görə iyulun 19-u səhər saatlarında avtomatik stansiyalardan əldə olunmuş məlumatlara əsasən havada dispers toz hissəcikləri Bakı şəhərinin Xətai rayonunda normadan 1,4, Nizami rayonunda 1,5, Səbail rayonunda isə 1,2 dəfə yüksəkdir:
“Güclü şimal-qərb küləyindən və meteoroloji şəraitdən asılı olaraq tozlu havanın həftənin sonuna kimi davam edəcəyi proqnozlaşdırılır”.
Bakı şəhər Dövlət Yol Polis İdarəsi sürücülərə və hərəkət iştirakçılarına müraciət edib.
İdarədən bildirilib ki, Cəlil Məmmədquluzadə küçəsindən - Silahlı Qüvvələrin Baş Klinik Hospitalı qarşısından üzü Həsən Əliyev küçəsi istiqamətinə hər iki istiqamətdə və Cəlil Məmmədquluzadə küçəsindən Hənifə Ələsgərova küçəsi istiqamətində yolda aparılan təmir-tikinti işləri ilə əlaqədar hərəkət məhdudlaşdırılıb:
"Sürücülərdən həmin istiqamətdə sıxlığın qarşısını almaq məqsədilə təmir-tikinti işləri başa çatanadək hərəkət üzrə istiqamətlərini dəyişməyi xahiş edirik".
İyunda daşınmaz əmlak bazarında may ayı ilə müqayisədə 1.63%, ilin əvvəli ilə müqayisədə isə 2,6% artım qeydə alınıb.
Bu haqda Modern.az-a şirkətlərdən birinin baş direktoru, daşınmaz əmlak üzrə ekspert Nüsrət İbrahimov məlumat verib.
Ekspert iyun ayı ərzində daşınmaz əmlak bazarındakı vəziyyətlə bağlı danışarkən söyləyib ki, ay ərzində təkrar mənzil bazarında bir kvadratmetrin maksimum qiyməti 4 375 manat, minimum qiyməti isə 700 manat olub.
Onun sözlərinə görə, ilkin mənzil bazarında may ayı ilə müqayisədə 6,91% artım qeydə alınıb:
“İyun ayı ərzində fərdi yaşayış və bağ evlərinin bir kvadmetrinin qiyməti 1,9% artıb, ötən ilin eyni dövrü ilə müqayisədə isə 2,72% enib. Mənzil kirayəsi bazarında orta qiymət 12 manat artaraq 767 manat olub. Bir kvadratmetrlə hesabladıqda isə qiymətlər 0,13% azalıb. Yəni 7,97%-dən 7,96%-ə enib. Torpaq bazarındakı qiymətlər ötən ayla müqayisədə 7,59% artıb. Kommersiya obyektləri bazarında may ayına nisbətən 3,99% artım qeydə alınıb. Obyektlərin icarəsi isə ötən ayla müqayisədə 6,85% artıb”.
N.İbrahimov qeyd edib ki, ən bahalı mənzillər Nərimanov, Səbail və Nəsimi rayonları üzrə qeydə alınıb:
“Şəhər üzrə bahalı mənzillərin orta qiyməti ay ərzində 3 079 manat təşkil edib, may ayı ilə müqayisədə isə 0,96% azalıb. Ötən ilin eyni dövrü ilə müqayisədə bahalı mənzillərin qiyməti 4,34% artıb. Ucuz mənzillərdə orta qiymət 1 336 manat təşkil edir, əvvəlki aya nisbətən isə 0,16% azalma olub. Ötən ilin analoji dövrü ilə müqayisədə 1,14% artım olub.
Bir kvadratmetr üçün ən yüksək qiymət 7 000 manatdır, ondan yüksək qiymətə rast gəlinmir”.
Bu gündən əhalinin ilk qrupunun Zəngilanın Ağalı kəndinə köçürülməsinə başlanılır.
Proses 4 mərhələdə həyata keçiriləcək. Prosesin birinci mərhələsində 40-dan çox ailənin Ağalıya köçürülməsi planlaşdırılıb. Onlar arasında ortayaşlı sakinlər üstünlük təşkil edir. Vətəndaşların məşğulluq, sosial, təhsil, tibbi məsələləri müvafiq qurumlar tərəfindən təmin olunacaq.
Kənddə reallaşdırılan layihənin icrası - yaşayış, istehsal, sosial xidmətlər, "ağıllı kənd təsərrüfatı", alternativ enerji sahələri üzrə həyata keçirilib. Ağalıda inşa olunan 200 evdən ibarət kəndin enerjiyə olan tələbatı yalnız alternativ enerji mənbələrindən əldə ediləcək. Kənddə DOST Agentliyinin "Şərqi Zəngəzur və Qarabağ" proqramı çərçivəsində "Smart DOST" xidmət məntəqəsi də fəaliyyətə başlayacaq. Ağalıda "Dost Aqropark" fəaliyyət göstərəcək.
Kənddə sakinlərin rahatlığı üçün hər cür şərait yaradılıb. Ağalı kənd meydanında otuz ilə yaxın müddətdə işğal altında qalan əzəli torpaqlarda sülhün əbədi gerçəkləşdirilməsini təcəssüm etdirən göyərçin abidə-fəvvarə kompleksi ucaldılıb. Qəsəbədə, eyni zamanda, “Azərpoçt” MMC-nin rayon şöbəsi, “ASAN xidmət” və DOST, həmçinin Kiçik və Orta Biznesin İnkişafı mərkəzləri təsis olunub.
Beləliklə, sakinlərin dövlət xidmətlərinə rahat çıxışı gerçəkləşib, onların “ASAN” və ya “DOST” xidmətlərinə müraciət üçün rayon mərkəzinə getmələrinə ehtiyac qalmayıb.
Bu mərkəzlərdə kənd sakinlərinə sosial təminat və məşğulluq sahəsində 100-dən çox xidmət onlayn formada göstəriləcək. Vətəndaş tərəfindən birbaşa videobağlantı ilə “DOST” mərkəzlərinin sosial agentinə müraciət olunacaq.
Kənddə müasir şəhərsalma standartları tətbiq olunub. Küçələrin “ağıllı” işıqlandırılması, isti və soyuğa davamlı ekoloji evlərin inşası, məişət tullantılarının idarə olunması, Günəş panellərinin quraşdırılması kimi amillər yüksək səviyyədə reallaşdırılıb. Bütün bunlarla bərabər, kənddə “Gillmed” tikiş fabriki, ailə sağlamlıq mərkəzi (tibb məntəqəsi), uşaq bağçası və orta məktəb inşa edilib.
Ağalıya köçürülən ailələr tibbi müayinələrdən keçirilib. Qeyd edək ki, kənddə ailə sağlamlıq mərkəzi (tibb məntəqəsi) fəaliyyət göstərəcək.
Ağalıda aqrar sektorun inkişafına xüsusi önəm verilib. Kəndin kənarında yerləşən böyük əkin sahəsində pilot sistemlər quraşdırılıb. Bu sistemlərlə 157 hektar sahənin suvarılması nəzərdə tutulub. Eyni zamanda, kənd ərazisində iqlim stansiyalarının da tikilməsi planlaşdırılıb.
Bununla yanaşı, kənddə yeni intensiv bağlar salınmasına, bağçılığın sürətli inkişafı üçün layihələrin həyata keçirilməsinə başlanıb.
Kəndin genişləndirilməsi və əlavə 150 evin inşa edilməsi, o cümlədən ikimərtəbəli, üçmərtəbəli mənzil tipli binaların inşası da nəzərdə tutulur.
"Yol-xeber.az" xəbər verir ki, 16 iyul 2022-ci il tarixdə Neftçala rayonu Heydər Əliyev Mərkəzində Biləsuvar Regional Mədəniyyət İdarəsinin rəisi Əlisultan Sadıxov mədəniyyət işçiləri ilə görüş keçirmişdir. Neftçala rayon Heydər Əliyev Mərkəzində keçirilən görüşdə Vətən müharibəsində həlak olmuş şəhidlərin xatirəsi bir dəqiqəlik sükutla yad olunmuş və mədəniyyət sahəsində aparılan islahatlar, qarşıda duran vəzifələr, əmək intizamı qaydalarına ciddi riayət olunması, tədbirlərin keyfiyyətinin artırılması, sosial şəbəkədə aktivlik,nöqsanların aradan qaldırılması və s. məsələlər müzakirə edilmişdir..
Azərbaycan 2020-ci ildə apardığı və 44 gün ərzində möhtəşəm tarixi Qələbə ilə başa vurduğu Vətən müharibəsinin nəticəsi olaraq özünün ərazi bütövlüyünü, tarixi ədaləti və beynəlxalq hüququ təmin etdi. Bu gün isə ölkəmiz Cənubi Qafqazda yaratdığı yeni geosiyasi reallıqların fonunda bütün regionda sülhün və inkişafın bərqərar olması istiqamətində əhəmiyyətli addımlar atır, çağırışlar edir. Əlbəttə ki, regionda davamlı sülhün yaradılması ilk növbədə Azərbaycan-Ermənistan münasibətlərinin hansı istiqamətdə inkişaf edəcəyindən çox asılıdır. İyulun 15-də Azərbaycan Respublikasının Prezidenti cənab İlham Əliyevin sədrliyi ilə keçirilmiş bu ilin altı ayının yekunlarına həsr olunan müşavirədə etdiyi çıxışında dövlət başçısı bu məsələyə də toxunaraq bildirdi ki, ötən dövr ərzində bu istiqamətdə müəyyən addımlar atılsa da, əfsuslar olsun ki, hələlik ortada gözlənilən real nəticələr yoxdur. Problem isə bundadır ki, Vətən müharibəsindən artıq 1 il 8 ay keçməsinə baxmayaraq, Ermənistan hələ də 10 noyabr Bəyannaməsini imzalamaqla üzərinə götürdüyü öhdəliklərini yerinə yetirmir. Bəli, Ermənistan Azərbaycanın irəli sürdüyü və sülh müqaviləsinin əsasını təşkil edəcək beş əsas baza prinsipini qəbul edib. Lakin bundan sonra sülh müqaviləsinin imzalanması istiqamətində qarşı tərəfdən heç bir addım atılmayıb. İlk növbədə bu müqavilənin imzalanması üçün 10 noyabr Bəyannaməsinin şərtlərinə əməl olunmalıdır. Mahiyyət etibarı ilə Ermənistanın kapitulyasiya aktı olan həmin sənəddə yer almış əsas müddəalardan biri isə Zəngəzur dəhlizinin açılmasını nəzərdə tutur ki, qarşı tərəf hələ də bu məsələni əngəlləməyə çalışır. İkinci bir tərəfdən, bu gün erməni silahlı birləşmələrinin Qarabağda mövcudluğu da 10 noyabr Bəyannaməsinin şərtlərinə tamamilə ziddir. Prezident İlham Əliyevin qeyd etdiyi kimi, məğlub Ermənistan öz öhdəliklərinə əməl etməlidir. Əks halda Azərbaycan buna nail olmaq üçün müvafiq addımlar ata bilər və bunun da nəticələri Ermənistan üçün acınacaqlı olar.Möhtərəm Prezidentimizin öz çıxışında toxunduğu vacib məsələlərdən biri də Azərbaycanın Avropanın enerji təhlükəsizliyi məsələlərində ketdikcə artan rolu ilə bağlı oldu. Dövlət başçısı qeyd etdi ki, bu gün Azərbaycanın enerji imkanları bir çox ölkələr üçün böyük önəm daşıyır. Bu sahədə uzun illər ərzində planlı şəkildə aparılan hazırlıq işləri sayəsində ölkəmizdə bərpaolunan enerji növlərinin istehsalının inkişafı üçün son dərəcə əlverişli zəmin yaradılıb. Yaradılmış əlverişli investisiya mühiti öz nəticəsini verir və hazırda xarici şirkətlər öz vəsaitləri hesabına Azərbaycanda 710 meqavat gücündə üç Günəş və külək elektrik stansiyasının tikintisi ilə məşğuldurlar. Həmçinin cari ilin sonunadək ölkəmizdə 9 su elektrik stansiyasının başa çatacaq. Bütün bunlar imkan verəcək ki, Azərbaycan elektrik enerjisini daha böyük həcmlə ixrac edək. Təbii ki, Azərbaycanın elektrik enerjisini ixrac etmək imkanlarının artması təkcə qonşu dövlətləri deyil, Avropa ölkələrini də maraqlandırır. Məhz bunun nəticəsidir ki, Avropa tərəfindən Azərbaycana yeni Qara dənizin altından Gürcüstandan Rumıniyaya qədər kabelin çəkilişini nəzərdə tutan yeni layihə təqdim edilib.
Həmçinin ənənəvi enerji mənbələrindən olan təbii qaz istehsalı sahəsində də Azərbaycan böyük potensiala malikdir. Prezident İlham Əliyevin qeyd etdiyi kimi, bu gün ölkənin əsas ixrac resurs bazası “Şahdəniz” yatağıdır. Lakin yaxın gələcəkdə “Abşeron”, “Şəfəq”, “Asiman”, “Ümid-Babək” və “Azəri-Çıraq-Günəşli”nin dərin qaz adlandırılan yataqlarından da qaz hasilatı gözlənilir. Nəticədə perspektivli yataqlardan çıxarılacaq qaz həm daxili tələbatı ödəmək üçün, həm də ixrac üçün nəzərdə tutulub.
Bütün bunlar əlbəttə ki, ilk növbədə ölkəmizin iqtisadi gücünün artmasına, vətəndaşların rifah yüksəlişinin daha da sürətlənməsinə və Azərbaycanın daha qüdrətli və daha nüfuzlu bir dövlət olaraq dünya birliyində öz layiqli yerini tutmasına xidmət edir. Bu gün Azərbaycan özünün Zəfər yoluna inamla davam edir və artıq heç bir kənar qüvvə bizi bu yoldan döndərə biməz.
Rüstəm Nağıyev,
YAP Gədəbəy rayon təşkilatının sədri