 |
|
Yol-xeber.az" xəbər verir ki, Lokomotivlərimiz Yeni Gəncə Lokomotiv deposunda peşəkar mütəxəssislər tərəfindən ən yeni texnologiyalarla yoxlanılır və təmir edilir.
“Train Tracer” xüsusi proqramı vasitəsilə hərəkətdə olan lokomotivlər izlənilir, hər hansı nasazlıq aşkarlanarsa, lokomotivlər dərhal depo ərazisinə yönləndirilir.
ADY təhlükəsizlik dəyərinə sadiq qalaraq sərnişinlərin və yüklərin mənzilbaşına təhlükəsiz çatdırılması üçün lokomotivlərin, qatarların planlaşdırılmış qrafik üzrə baxışını və təmirini həyata keçirir.
Əmək və Əhalinin Sosial Müdafiəsi Nazirliyi tərəfindən şəhid Milli Qəhrəman Natiq Qasımovun anası Dursun Qasımovaya Gəncə şəhərində yerləşən MİDA yaşayış kompleksindən ev verilib.
Bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov bildirib.
Qeyd edilib ki, ikiotaqlı, tam təmirli mənzil D.Qasımovaya təqdim edilib.
Qeyd edək ki, Prezident İlham Əliyevin 25 iyun 2024-cü il Sərəncamına əsasən, Natiq Səlim oğlu Qasımova “Azərbaycanın Milli Qəhrəmanı” adı verilib.
Ordubad şəhərinin Baş planının hazırlanması ilə bağlı onlayn görüş keçirilib.
"Report"un yerli bürosu xəbər verir ki, görüşdə Naxçıvan Muxtar Respublikası mədəniyyət nazirinin müavini Həsən Seyidov, nazirliyin əməkdaşı Gülbuta Babayeva, Azərbaycan Respublikası Şəhərsalama və Arxitektura komitəsinin əməkdaşı Məzahir Hüseynov, İsveçrənin “SA Partners” şirkətinin əməkdaşları Angela Viest və İpek Kahraman iştirak edib.
Görüşün əsas məqsədi Azərbaycan Respublikası Prezidentinin 5 iyun 2023-cü il tarixli Sərəncamı ilə təsdiq olunmuş "Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı"nın 2023-2024-cü illər üzrə Təfsilatlı Tədbirlər Planının müvafiq bəndinin icrası ilə bağlı Ordubad şəhərinin baş planının hazırlanması zamanı mədəniyyət abidələrinin qorunması, şəhərin ümumi tarixi görünüşünün diqqətdə saxlanılması ilə bağlı işlərin həyata keçirilməsidir.
Görüşdə qoruq ərazisində iş aparılması üçün nəzərə alınmalı olan amillər və qaydalar, qoruğun mühafizə zonasının olması və qaydaları, sərhədlərinin mövcudluğu, tikiləcək olan otel binası layihəsinin tarixi şəhər qaydalarına uyğunluğu, yeraltı su kanalları, kəhrizlərin, tunellərin sxemləri, qoruq ərazisində tikinti və bərpa işinin aparılması qaydaları və digər məsələlər müzakirə edilib.
Yol-xeber.az" xəbər verir ki, Qaydalarda
- sərnişinlərin və baqajın daşınması
- bilet alışı zamanı təqdim olunmalı sənədlər
- qatarlara minik təlimatı
- ödənilmiş məbləğin geri qaytarılması və digər məsələlər yekun formada əksini tapıb.
Təsdiqlənmiş qaydalarda şəhərətrafı və ölkədaxili qatarlarla uşaqların daşınması, uşaqlar üçün ödənişsiz səfərlər, həmçinin gediş haqqı tarifinin hesablanması məsələsinə xüsusi yer verilib.
Yol-xeber.az" xəbər verir ki, Qatarlarımızla rahat və təhlükəsiz səfərlərin təşkilində bələdçilərimizin xüsusi rolu var.
Bütün səfərlərdə sərnişinlərin etibarlı yol yoldaşı olan ADY bələdçilərinin peşəkarlığı sərnişindaşıma xidmətinin keyfiyyətini müəyyən edən əsas meyarlardan biridir.
career.ady.az saytında müvafiq bölmədən müraciət edərək siz də peşəkar bələdçi heyətimizin bir üzvü ola bilərsiniz.
Yol-xeber.az" xəbər verir ki, İntellektual səviyyəsi və idarəetmə bacarıqları yüksək olan şəxslərin müəyyən edilməsi və bununla da ölkədə kadr ehtiyatı bankının yaradılmasında mühüm rol oynayan "Yüksəliş" müsabiqəsinin qalibləri arasında ADY-nin əməkdaşları - Strateji inkişaf departamentinin müdiri Anar Qasımov və "ADY Express" MMC-nin baş maliyyə inzibatçısı Kamal Hüseynli də var. Həmkarlarımızı təbrik edir, fəaliyyətlərində uğurlar arzulayıram.
Əminəm ki, onlar öz bilik və bacarıqları ilə ADY-nin strateji hədəflərinə çatmasına və gənc əməkdaşların lider kimi inkişafına xüsusi töhfə verəcəklər.
Yol-xeber.az" xəbər verir ki, Fermerlərə mal-qaranı dəmir yolundan keçirərkən heyvanlar üçün ayrılmış xüsusi keçidlərdən istifadə etmələri, qatarların intensiv qrafiki nəzərə alınmaqla onları dəmiryol ərazisinə nəzarətsiz buraxmamaları tövsiyə edilib.
Qatarlarımız bu ilin 6 ayı ərzində nəzarətsiz buraxılmış mal-qara ilə 19 dəfə toqquşub.
Bu hadisələr zamanı qatarlar ciddi zərər görür, nəzarətsiz buraxılan mal-qaranın sahibi isə qanunvericiliyə uyğun olaraq cərimələnir.
Həmçinin hadisə nəticəsində heyvanlar tələf olur, maşinistin təcili tormozlaması nəticəsində sərnişinlər və qatar heyətinin həyatı təhlükə altına düşür, qatarların hərəkət qrafikində gecikmələr yaşanır.
Bakının yollarında aparılan təmir işləri ilə əlaqədar bu gün Əhməd Rəcəbli küçəsində (Təbriz küçəsindən Fətəli xan Xoyski küçəsinə qədər olan hissə) nəqliyyat vasitələrinin hərəkətinə məhdudiyyət qoyulub.
"Yol-xeber.az Agentliyinə istinadən xəbər verir.
Məlumata görə, tətbiq edilən məhdudiyyətlə əlaqədar 2, 5, 9, 11 və 24 nömrəli müntəzəm avtobus marşrutlarının hərəkəti alternativ olaraq Ağa Nemətulla küçəsi, Uluqbəy küçəsi, Fətəli xan Xoyski küçəsi və Faiq Yusifov küçəsi ilə təşkil edilib.
Sabah saat 11:00-da Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin (AYNA) işğaldan azad olunmuş ərazilərə təşkil etdiyi müntəzəm avtobus reyslərinə avqust ayı üçün biletlər satışa çıxarılacaq.
Yol-xeber.az bu barədə AYNA-ya istinadən xəbər verir.
Sərnişinlər müəyyən olunmuş marşrut xətləri üzrə gediş və qayıdış biletlərini əvvəlcədən eyni vaxtda www.yolumuzqarabaga.az portalı vasitəsilə onlayn qaydada ala bilərlər.
Təhlükəsizliyin təmin olunması, işğaldan azad edilmiş ərazilərə giriş icazəsinin bilet alışı prosesi ilə sinxronlaşdırılması, güzəşt tətbiq ediləcək şəxslərin müəyyənləşməsi üçün portal müvafiq informasiya sistemlərinə inteqrasiya edilib.
Vətəndaşlar bilet almaq üçün şəxsiyyətini təsdiq edən sənəddəki məlumatları sistemə daxil etməlidirlər. Hər bir bileti yalnız şəxsiyyət vəsiqəsi ilə eyniləşdirilən vətəndaş istifadə edə bilər. Biletlər alındıqdan sonra başqa şəxsə ötürülməsi mümkün deyil.
Şuşa və Ağdam şəhərlərinə ilk müntəzəm avtobus marşrutları 2022-ci il yanvarın 24-də istifadəyə verilib. Bu günə qədər ümumilikdə 765 reys həyata keçirilib, 31 067 sərnişin işğaldan azad olunmuş əraziləri ziyarət edib.
“İyulun 20-də öz işinə başlamış “Yalan məlumatların ifşası: Dezinformasiyaya qarşı mübarizə” mövzusunda 2-ci Şuşa Qlobal Media Forumunun məhz Şuşa şəhərində keçirilməsi bir daha Azərbaycan dövləti və birbaşa cənab Prezident İlham Əliyev tərəfindən ölkə mediasına böyük önəm verildiyini nümayiş etdirir. Forumda yerli media nümayəndələri ilə yanaşı, 50-yə yaxın ölkədən 150-dən çox xarici qonağın, 30-yaxın ölkənin dövlət informasiya agentliklərinin, 3 beynəlxalq təşkilat və 82 media qurumun yüksək səviyyədə təmsil olunduğunu nəzərə alsaq, bu tədbirin Şuşanın beynəlxalq nüfuzunun daha da yüksəlməsinə böyük bir töhfə olduğunu da aydın görərik”.
Bu sözləri mətbuata verdiyi açıqlamasında VI çağırış Milli Məclisin deputatı Kamaləddin Qafarov deyib.
O, bildirib: “Cənab Prezident forumda bu gün dünyada baş verənlərin Şuşa Forumunda müzakirə olunacaq mövzunun bir növ qurbanına çevrildiyini diqqət mərkəzinə çəkdi. Qeyd olundu ki, əksər hallarda Azərbaycan haqqında beynəlxalq mediada yayılan məlumatlar həqiqətə uyğun olmur. Həqiqətən də biz çox zaman faktların manipulyasiyasının, yanlış narrativlərin şahidi oluruq. Torpaqlarımızın işğal altında olduğu illər ərzində ermənipərəst siyasətçilər, media nümayəndələri Azərbaycana qarşı hücumlar edir, ölkəmiz haqqında yanlış məlumatlar yayır və onu reallıqdan çox uzaq olan bir şəkildə təqdim edirdilər. Lakin bu gün bütün dünyanın aparıcı media qurumları bilavasitə özləri ölkəmizdə gedən prosesləri müşahidə etmək və dünya ictimaiyyətini əsil Azərbaycan həqiqətləri ilə bağlı obyektiv məlumatlandırmaq imkanına malikdirlər.”
K.Qafarov Forumun gedişində Prezident İlham Əliyevin sualları cavablandırarkən bir çox vacib məsələlərə dair önəmli açıqlamalar verdiyini vurğulayıb: “Almaniyadan olan jurnalistin sualını cavablandıran dövlət başçımız bir daha qeyd etdi ki, ölkəmiz haqqında natamam, qeyri-dəqiq və manipulyasiya edilmiş hesabatlar bir qayda olaraq məhz Qərbdən qaynaqlanır və bu, artıq gündəlik həyatımızın bir hissəsinə çevrilib. Azərbaycan əvvəllər belə münasibətə qarşı kifayət qədər həssaslıq nümayiş etdirsə də, indi vəziyyət tam dəyişib. Diqqətəlayiq haldır ki, zaman keçdikcə siyasi dairələrdə - Qərbdə reallıq daha çox üzə çıxır və Azərbaycana bərabər tərəfdaş kimi yanaşılır. Dövlət başçısı bildirdi ki, münasibətlərin formalaşmasında KİV-lərin rolu çox önəmlidir. Çünki təəssüratlar, media və ictimai həyatın digər elementləri qərar qəbul edənlərin mövqeyinə təsir edir və onlar ictimai rəyi nəzərə almaya bilməzlər. Bəzi Qərb siyasətçilərinin səyləri ona gətirib çıxarır ki, Azərbaycan onların ölkələrinin xeyrinə müsbət qərar qəbul edə bilmir. Ona görə də daha çox yaxınlaşma lazımdır ki, yanlış məlumatlar da daha az olsun.”
K.Qafarov Cənubi Qafqazda mövcud vəziyyətin və region ölkələri arasında münasibətlərin perspektiv inkişaf istiqamətlərinə dair Prezident İlham Əliyevin səsləndirdiyi fikirlərin əhəmiyyətini vurğulayaraq deyib: “Cənubi Qafqazda yaranmış yeni reallıqları xarakterizə edən dövlətimizin başçısı bildirdi ki, bu gün regionumuzda geosiyasi kontekst dramatik şəkildə dəyişmişdir. Hətta bu dəyişikliklər təsəvvür olunandan daha kəskin forma almışdır. Azərbaycanın Qarabağda Qələbəsi yeganə geosiyasi dəyişiklik deyil. Cənab Prezident xüsusi olaraq vurğuladı ki, köhnə alyanslar artıq erroziyaya məruz qalır və bu fonda yeni əməkdaşlıq formatlarının üzə çıxması müşahidə olunur. O cümlədən Cənubi Qafqaz ölkələrində çox ciddi siyasi və xarici siyasi transformasiyalar baş verməkdədir. Cənubi Qafqazda yeni vəziyyətin üzə çıxması düzgün qiymətləndirilməlidir. Gürcüstanın, Ermənistanın, Azərbaycanın xarici siyasət vektorlarının necə inkişaf etməsindən asılı olaraq, regionun gələcək vəziyyəti müəyyən edilə bilər. Həm Gürcüstanda, həm də Ermənistanda yeni xarici siyasət gündəliyi formalaşan zaman gələcək əməkdaşlıq imkanları nəzərə alınmalıdır. Qonşu ölkələrdə xarici siyasət modifikasiyalarının nə ilə yekunlaşacağını Azərbaycan düzgün təhlil etməli və bunun mümkün sonunu görməlidir. Cənab Prezident İlham Əliyev qeyd etdi ki, uzunmüddətli sülh mümkündür və biz ona üstünlük veririk”