 |
|
AAYDA “19№-li Xüsusi Təyinatlı Yol İstismarı” MMC-nin direktoru Nazim Eynallı Azərbaycan Respublikası Müdafiə Nazirliyi tərəfindən mükafata layiq görülüb.
Yol-xeber.az xəbər verir ki, Nazim Eynallı Müdafiə nazirinin birinci müavini general-palkovnik Kərim Vəliyev tərəfindən imzalanan “Fəxri Fərman”la təltif olunub.
Belə ki, Fəxri Fərman
Müharibə, Əmək və Silahlı Qüvvələr Veteranları Təşkilatının nümayəndəsi tərəfindən təqdim edilib.
Qeyd edək ki, Fəxri Fərman AAYDA “19№-li Xüsusi Təyinatlı Yol İstismarı” MMC-nin direktoru Nazim Eynallı Nazim Eynallıya
Azərbaycan ordusunun təbliğ olunmasında, şəxsi heyətin hərbi vətənpərvərlik hisslərinin və döyüş ruhunun yüksəldilməsində, ordu ilə xalqın mənəvi birliyinin daha da möhkəmləndirilməsində fəal iştirak etdiyinə görə, həmçinin 8 noyabr - “Zəfər Günü”nün dördüncü ildönümü münasibətilə verilib.
“Azərbaycan Prezidenti 2024-cü il üçün ehtiyac meyarı həddini təsdiq edib. Gələn ildən etibarən ehtiyac meyarı 270 manatdan 285 manata çatdırılacaq. Yeni ehtiyac meyarının müəyyənləşdirilməsi ünvanlı sosial yardımın aylıq məbləğinin artırılması və müraciətin genişləndirilməsi baxımdan vacibdir”.
Bunu Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov sosial şəbəkə hesabında bildirib.
Deputat qeyd edib ki, bu kontekstdən ehtiyac meyarının artırılması ünvanlı sosial yardım proqramı çərçivəsində vətəndaşlarımızın aldığı yardım məbləğinin gələn ildən artmasına da səbəb olacaq:
“Ehtiyac meyarı artırıldığı üçün daha çox ailə ünvanlı sosial yardıma müraciət edə biləcək. Aydınlıq üçün: ailənin 5 üzvü var və həmin ailənin aylıq rəsmi gəliri 900 manatdır. Bu il həmin ailə üçün 1350 manat (5 nəfər X 270 manat) ehtiyac meyari, yəni xərc hesablanır. Bu zaman ailənin xərci ilə gəliri arasındakı fərq 450 manat (1350 manat- 900 manat) olur. Həmin ailənin ünvanlı sosial yardıma müraciət hüququ olduğu halda o proqram çərçivəsində ayda dövlətdən 450 manat yardım ala bilir. Amma bu rəqəm gələn ildən artacaq.
Belə ki, həmin ailə üçün ehtiyac meyarı gələn ildən 1425 manata yüksəlir (5 nəfər X 285 manat). Nəticədə həmin ailənin gəliri dəyişmədiyi halda aldığı aylıq yardım 450 manat deyil, 525 manat (1425 manat- 900 manat) olur. Bu artım sosial qayğıya ehtiyacı olan ailələrin daha yaxından dəstəklənməsinə xidmət edir”.
"Tələbə kartlarının tətbiqi tələbələrin yalnız təhsil prosesində deyil, həm də sosial və iqtisadi həyatda daha aktiv iştirakını təmin edə bilər. Bu cür təşəbbüslər, həmçinin, gənclərin rifahını artırmaq və onların potensialını daha yaxşı reallaşdırmaq üçün mühüm bir addım ola bilər".
Bunu "Qaynarinfo"ya açıqlamasında təhsil eksperti Kamran Əsədov 170 min tələbəyə vahid tələbə kartı verilməsi ilə bağlı danışarkən deyib.
Ekspert hesab edib ki, Azərbaycanın bu istiqamətdə atdığı addımların tələbələrə uzunmüddətli fayda təmin edəcəyi gözlənilir:
"Tələbə kartları dünyada geniş tətbiq olunan və gənclərin sosial rifahını, təhsil keyfiyyətini və həyat standartlarını artırmaq məqsədi daşıyan bir alətdir. Bu kartların Azərbaycanda istifadəyə verilməsi də tələbələrin təhsil həyatını və dərsdənkənar fəaliyyətlərini dəstəkləmək baxımından mühüm bir addımdır. Beynəlxalq təcrübə göstərir ki, belə kartlar vasitəsilə tələbələr müxtəlif sahələrdə imtiyazlardan yararlanaraq, daha əlverişli sosial və iqtisadi şərait əldə edirlər. Məsələn, Avropa Birliyi ölkələrində tətbiq olunan European Youth Card sistemi tələbələrə 36-dan çox ölkədə 60 mindən artıq xidmət və məhsul üçün güzəştlər təqdim edir. Bu imtiyazlar əsasən ictimai nəqliyyat, təhsil resursları, mədəni tədbirlər və turizm sahələrini əhatə edir. ABŞ-da tələbə endirimlərini təşviq edən ISIC (International Student Identity Card) kartı 130-dan çox ölkədə tələbələrə minlərlə xidmətə çıxış imkanı yaradır. Bu cür sistemlər tələbələrin iqtisadi yükünü azaltmaqla yanaşı, onların sosial aktivliyini də artırır".
Kamran Əsədov hesab edir ki, Azərbaycanda yeni tələbə kartlarının istifadəsi aşağıdakı sahələrdə tələbələr üçün əhəmiyyətli güzəştlər yarada bilər:
"İctimai nəqliyyatda güzəştlər bu kartların ən çox gözlənilən funksiyalarından biridir. Məsələn, Türkiyədə tələbələr ictimai nəqliyyatdan istifadə edərkən 50%-ə qədər güzəşt əldə edirlər. Azərbaycanda da belə bir modelin tətbiqi tələbələrin gündəlik xərclərinin azalmasına ciddi təsir göstərə bilər. Eyni zamanda, şəhərlərarası nəqliyyat və aviaşirkətlərdə tətbiq ediləcək endirimlər tələbələrin daha çox səyahət etməsinə, təcrübə qazanmasına və müxtəlif ölkələrin təcrübələrini öyrənməsinə şərait yaradacaq".
Ekspert qeyd edib ki, təhsil və tədris materialları sahəsində güzəştlər də tələbələr üçün mühüm əhəmiyyət kəsb edir:
"Məsələn, Almaniyada tələbələr təhsil kartları vasitəsilə dərsliklər, proqram təminatları və elektron təhsil resurslarına xüsusi endirimlə çıxış əldə edir. Azərbaycanda bu cür imtiyazlar kitab mağazaları, elektron kitab platformaları və tədris kursları ilə əməkdaşlıq çərçivəsində həyata keçirilə bilər. Bu, təhsil resurslarına əlçatanlığı artırar və tələbələrin akademik müvəffəqiyyətinə töhfə verər".
Ekspertin fikirincə, mədəniyyət və əyləncə sahəsində də tələbə kartlarının geniş tətbiqi tələbələrin həyat keyfiyyətini artırmaqda mühüm rol oynayır:
"Məsələn, Böyük Britaniyada tələbə kartı ilə teatr, kinoteatr və konsertlərə girişdə 30%-ə qədər güzəştlər təklif olunur. Azərbaycanda da muzeylər, teatrlar və sərgilər kimi mədəniyyət obyektlərinə güzəştlər tələbələrin mədəni inkişafına və dünya görüşünün genişlənməsinə imkan yarada bilər. Statistikaya əsasən, Avropada tələbələrin 85%-i müxtəlif güzəştlərdən istifadə edən kartlara sahibdir. Bu, onların sosial və iqtisadi xərclərinin azalmasına ciddi təsir göstərir".
Kamran Əsədov əlavə edib ki, Azərbaycanda da tələbə kartlarının tətbiqi genişlənərsə, bu göstəricilərə uyğun müsbət nəticələr əldə etmək mümkündür:
"Eyni zamanda, tələbə kartları vasitəsilə turizm sahəsində endirimlər tələbələrə yerli və beynəlxalq səfərlər etmək üçün daha əlverişli şərait yaradacaq. Bu, tələbələrin həm yerli, həm də qlobal miqyasda fərqli təcrübələr qazanmasına töhfə verər".
Qeyd edək ki, Təhsilin İnkişafı Fondunun məlumatına əsasən hazırda 170 min tələbəyə vahid tələbə kartı verilib.
Azərbaycanda dekabrın 25-də hava şəraitinin yağmursuz keçəcəyi gözlənilir.
Bu barədə Milli Hidrometeorologiya Xidməti məlumat yayıb.
Bildirilib ki, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Şimal-qərb küləyi əsəcək.
Havanın temperaturu gecə 4-6° isti, gündüz 8-11° isti olacaq. Atmosfer təzyiqi 766 mm civə sütunundan 770 mm civə sütununa yüksələcək. Nisbi rütubət 70-80 % olacaq.
Azərbaycanın rayonlarında hava şəraiti əsasən yağmursuz keçəcək. Bəzi yerlərdə arabir duman olacaq. Mülayim qərb küləyi əsəcək.
Havanın temperaturu gecə 2-7° isti, gündüz 10-15 ° isti, dağlarda gecə 0-5° şaxta, gündüz 3-8° isti olacaq.
21 il Ulu Öndər Heydər Əliyevin arzularının reallığa çevrildiyi dövrdür. Amma bu mühüm məqamı qeyd etməliyik ki, bu uğurlara yol açan, onları şərtləndirən, təbii ki, möhkəm təməl, düzgün müəyyənləşdirilən siyasət, hədəflərə inamla addımlamaqdır. Ümummilli Liderin dövlətimiz, xalqımız qarşısında mühüm xidmətlərindən biri 2003-cü ildə Azərbaycanın bugünkü və gələcək inkişafını təmin etmək üçün növbəti inam ünvanını dəqiq göstərməsi oldu. 2003-cü ildə cənab İlham Əliyevin xalqın böyük əksəriyyətinin səsini qazanması Heydər Əliyev yolunun davamı oldu. Bu yol hər an Azərbaycana möhtəşəm uğurlar qazandırır. Cənab İlham Əliyevin Ümummilli Liderin yaratdığı möhkəm təməl üzərində Azərbaycana hansı uğurları qazandırdığı göz önündədir. Tarixi Zəfərimiz bu uğurların zirvəsi oldu. 21 illik Prezidentlik dövrünün 17 ilini torpaqlarımızın işğaldan azad edilməsi istiqamətində hazırlıq işlərinə yönəldən dövlət başçısı İlham Əliyev Zəfərə imza atmaqla adını tariximizə torpaqlarımızın xilaskarı kimi qızıl hərflərlə yazdırdı. Bu, hər bir Azərbaycan üçün qürurvericidir. Ulu Öndər Heydər Əliyevin və Onun siyasi kursunun layiqli davamçısı Prezident İlham Əliyevin Azərbaycan üçün gördüyü işlər Lider amilinin hər bir ölkənin, xalqın taleyində roluna işıq salır. Dövlətinin, xalqının gələcəyini düşünən, torpağına, Vətəninə bağlı Liderlər hər zaman ölkəsini yeni-yeni hədəflərə doğru aparır, uğurlarından qürur hissi keçirir. Bu gün Prezident, Müzəffər Ali Baş Komandan İlham Əliyev ata vəsiyyətini yerinə yetirdiyi, ona göstərilən etimadı, inamı doğrultduğu üçün xoşbəxtdir. İşğaldan azad edilmiş ərazilərimizdə Azərbaycan Bayrağını ucaltmaqdan xoşbəxt nə ola bilər ki?
Xankəndi şəhərində Azərbaycan Bayrağını ucaldarkən “İyirmi il bundan əvvəl Prezident kimi öz vəzifə borcumu yerinə yetirməyə başlayanda qarşıma bir nömrəli vəzifə qoymuşdum ki, Azərbaycan Bayrağı o vaxt işğal altında olan bütün ərazilərdə, bütün torpaqlarda, bütün şəhər və kəndlərdə qaldırılsın. Hər gün, hər saat biz bu müqəddəs məqsədə doğru gedirdik” söyləyən Müzəffər Ali Baş Komandan İlham Əliyev bu fikirlərinin davamı olaraq bildirdi ki, o vaxt demişdim nəyi, necə, nə vaxt etmək lazımdır, onu mən bilirəm. İkinci Qarabağ müharibəsi dayananda da Azərbaycan xalqı bilirdi ki, mən bunu bilirəm. O gündən üç il keçməmiş bu gün buradayıq, Xankəndidəyik. Bu, böyük xoşbəxtlikdir və tarixi hadisədir. Bu Qələbə tariximizdə əbədi olacaq. Bizdən sonra gələn nəsillər bu Qələbə ilə əbədi və haqlı olaraq fəxr edəcəklər.
Ümummilli Lider Heydər Əliyevin müstəsna xidmətləri sayəsində formalaşan və inkişaf edən Azərbaycan Silahlı Qüvvələri bu gün Müzəffər Ali Baş Komandan İlham Əliyevin rəhbərliyi altında öz xalqına Qələbəni bəxş etmiş müzəffər Orduya çevrildi. 2003-cü ildən etibarən ordu quruculuğu məsələləri dövlət siyasətinin prioriteti kimi müəyyən olunmuşdur. Planlı və ardıcıl şəkildə görülmüş işlər Azərbaycan ordusunu dünyanın ən güclü 50 ordusu sırasına yüksəltdi. Ötən dövrdə Silahlı Qüvvələrin maddi-texniki təchizatının yenilənməsi, müasir infrastrukturun yaradılması, hərbi qulluqçuların sosial müdafiəsi, mənzil təminatının yaxşılaşdırılması, həmçinin müdafiə sənayesinin inkişaf etdirilməsinə Prezident İlham Əliyev tərəfindən xüsusi diqqət ayrılıb. Azərbaycanda son illərdə formalaşan və dinamik inkişaf edən hərbi sənaye hesabına müxtəlif növ hərbi texnika, zirehli maşınlar, pilotsuz uçuş aparatları, atıcı silahlar istehsal olunur. Azərbaycan öz zavodlarında istehsal etdiyi hərbi təyinatlı məhsullarla ordumuzu əhəmiyyətli dərəcədə təchiz edə bilir. Azərbaycanda hərbi sənaye kompleksinin yaradılması ölkənin hərbi qüdrətini artırdı. Ölkəmizdə mindən çox hərbi təyinatlı məhsul istehsal edilir. Dünyanın aparıcı beynəlxalq sərgilərində Azərbaycanın hərbi məhsulları nümayiş olunur. Bu cür nailiyyətlər Azərbaycana öz ordusunu zəruri silah, sursat və texnika ilə təchiz etmək üçün əvəzsiz imkanlar yaradıb. Milli Ordunun müdafiə qüdrətinin və döyüş qabiliyyətinin artırılması, maddi-texniki təchizatının yaxşılaşdırılması daim diqqət mərkəzindədir. Azərbaycanda son illərdə formalaşan və dinamik inkişaf edən hərbi sənaye hesabına müxtəlif növ hərbi texnika, zirehli maşınlar, pilotsuz uçuş aparatları, atıcı silahlar istehsal olunur. Azərbaycan öz zavodlarında istehsal etdiyi hərbi təyinatlı məhsullarla Ordumuzu əhəmiyyətli dərəcədə təchiz edə bilir. Silah və hərbi texnikaların satın alınması və hərbi məhsulların istehsalına dair bir sıra ölkələrlə müqavilələr imzalanaraq hərbi əməkdaşlıq əlaqələri genişləndirilib.
Ölkəmizin 30 ilə yaxındır ki, pozulmuş ərazi bütövlüyünün bərpası və xalqımızın mədəniyyət beşiyi hesab olunan Şuşanın azad olunması Prezident İlham Əliyevin Zəfər zirvəsidir. 2020-ci ilin 27 sentyabrında başlanan Vətən müharibəsi Ali Baş Komandan İlham Əliyevin qətiyyəti, xalqın birliyi və Ordumuzun gücü nəticəsində Zəfərlə sona çatdı. Ötən ilin sentyabrında rəşadətli Ordumuzun həyata keçirdiyi bir günlük antiterror tədbirləri nəticəsində suverenliyimiz tam bərpa edidi. 20 sentyabr yeni dövrün başlanğıcı oldu. Bu gün Azərbaycan yeni dövrün hədəflərini uğurla həyata keçirir.
Göründüyü kimi, Heydər Əliyev yolu Azərbaycana daim möhtəşəm uğurlar qazandırır, yeni-yeni hədəflərə çağırış edir. Qarşıdakı dövrün hədəfi isə Qərbi Azərbaycana qayıdışımızdır.
19 Saylı Xüsusi Təyinatlı Yol İstismarı MMC-nin müdiri Nazim Eynallı - 2003-cü ildə Ulu Öndər Heydər Əliyev xalqa müraciətində cənab İlham Əliyevin uzaqgörənliyi, təcrübəsi və liderlik bacarıqları ilə Azərbaycanı daha da yüksək zirvələrə aparacağına inamını ifadə etmişdir. Xalqın böyük dəstəyi ilə hakimiyyətə gələn Prezident İlham Əliyev Azərbaycana rəhbərlik etdiyi son 21 il ərzində ölkəmizin hərtərəfli inkişafını əsas prioritet olaraq müəyyənləşdirmişdir. Ötən dövr dövlətimizin həm regional, həm də beynəlxalq siyasətdə mövqeyinin möhkəmləndiyi, ərazi bütövlüyünün tam təmin edildiyi və iqtisadi rifahın yüksəldiyi bir mərhələ kimi tarixə yazılmışdır. Azərbaycan qlobal miqyasda öz sözünü deyən, güclü iqtisadiyyata, müstəqil siyasətə və dayanıqlı müdafiə qüdrətinə malik dövlətə çevrilmişdir.
Neft kapitalının insan kapitalına çevrilməsi istiqamətində atılan addımlar nəticəsində neft-qaz sənayesindən əldə olunan gəlirlərin iqtisadiyyatın müxtəlif sahələrinin inkişafına, əhalinin rifah səviyyəsinin daha da yüksəldilməsinə, ordumuzun maddi-texniki bazasının möhkəmləndirilməsinə yönləndirilməsi Azərbaycanın inkişafında müstəsna rol oynamışdır. Ölkəmizdə sabitlik və əmin-amanlığın ən yüksək səviyyədə təmin olunması qazanılan uğurlarda olduqca əhəmiyyətli rol oynayır. Bu illər ərzində ölkəmizdə hüquqi dövlət quruculuğu, o cümlədən qanunun aliliyinin, fundamental hüquq və azadlıqların tam dəstəklənməsi istiqamətində mühüm nailiyyətlər əldə edilmişdir.
Gənclərin potensialından səmərəli istifadə edilməsi müasir, müstəqil Azərbaycanın intensiv və dayanıqlı inkişafını təmin edən fundamental faktorlardan biridir. Prezident İlham Əliyevin rəhbərliyi ilə həyata keçirilən dövlət siyasəti gənclərin hərtərəfli inkişafına, onların intellektual, mənəvi və fiziki bacarıqlarının tam şəkildə üzə çıxmasına əlverişli şərait yaratmışdır. Bu siyasət Azərbaycanın gənc nəslinin milli-mənəvi dəyərlərə bağlı, müasir bilik və bacarıqlarla təchiz olunmuş, beynəlxalq səviyyədə rəqabətqabiliyyətli kadrlar kimi formalaşmasını təmin etmişdir. Dövlət başçısının təşəbbüsü ilə gənclərin təhsili, sosial rifahı və məşğulluğu istiqamətində mühüm tədbirlər həyata keçirilmişdir. Təhsildə aparılan islahatlar nəticəsində gənclərin yüksək səviyyəli ali təhsil alması üçün geniş imkanlar yaradılmış, xarici universitetlərdə təhsil almaq istəyənlər üçün dövlət proqramları icra olunmuşdur. Gənclərin texnologiya, mühəndislik və innovasiya sahələrində müasir biliklərə yiyələnməsi Azərbaycanın dayanıqlı inkişafını təmin edən əsas prioritetlərdən biri kimi diqqət çəkir.
Gənclərin məşğulluq imkanlarının artırılması üçün genişmiqyaslı layihələr icra edilir. “Gənclərin məşğulluq proqramı”, startap layihələrinə dəstək və gənclər üçün xüsusi güzəştlərin tətbiqi onların iqtisadi müstəqilliyinə nail olunmasında mühüm rol oynayır. İdarəetmə və özəl sektorda gənc kadrların irəli çəkilməsi, dövlət xidmətində onların fəal iştirakı təmin edilir ki, bu da gənclərin öz potensialını tam şəkildə reallaşdırmasına imkan yaradır. Prezident İlham Əliyevin uzaqgörən siyasəti nəticəsində Azərbaycan gəncliyi beynəlxalq arenada ölkəmizi uğurla təmsil edən, milli maraqları qoruyan, sosial-iqtisadi və elmi-texniki inkişaf proseslərinə fəal şəkildə töhfə verən əsas qüvvəyə çevrilmişdir. Bu, dövlətimizin davamlı inkişafını təmin edən strateji xəttin ayrılmaz bir hissəsi kimi, Azərbaycanın gələcəyini daha işıqlı və parlaq edir.
Cənab İlham Əliyev fəaliyyəti dövründə Heydər Əliyevin ideyalarına sadiq qalaraq ölkənin hərtərəfli inkişafını təmin etmək üçün bütün sahələrdə mütərəqqi islahatlar həyata keçirmişdir. Onun liderliyi dövründə ən böyük tarixi hadisələrdən biri 2020-ci ildə Ermənistan üzərində qazanılan tarixi Zəfər olmuşdur. 27 sentyabr 2020-ci ildə başlanan 44 günlük Vətən müharibəsi zamanı Azərbaycan Ordusu işğal altında olan torpaqlarımızı azad etmişdir. Bu Zəfər təkcə hərbi sahədə deyil, həm də siyasi və diplomatik cəhətdən Azərbaycan üçün əhəmiyyətli dönüş nöqtəsi idi.
Prezident, Ali Baş Komandan İlham Əliyev müharibə dövründə beynəlxalq platformalarda Azərbaycanı böyük əzmlə müdafiə edərək dünya ictimaiyyətini dövlətimizin haqlı mövqeyinə inandırdı. Şuşanın azad edilməsi isə Azərbaycanın tarixi-mədəniyyət paytaxtını geri qaytarmaqla xalqımız üçün milli qürur simvoluna çevrildi. Bununla qalib xalqın qalib Lideri ölkə daxilində və xaricində bir daha böyük nüfuz qazandı.
2023-cü ildə Azərbaycan Qarabağda qanunsuz erməni silahlı dəstələrinin tərk-silah edilməsi və ölkə ərazisində dövlət suverenliyinin tam təmin olunması üçün lokal xarakterli antiterror tədbirləri həyata keçirdi. Bu əməliyyat qısa müddət ərzində uğurla başa çatdırıldı və bölgədə davamlı sülhün bərpasına zəmin yarandı. Prezident İlham Əliyev bu hərbi əməliyyat zamanı da diplomatik və hərbi balansı qoruyaraq beynəlxalq ictimaiyyətin dəstəyini qazandı.
Müharibədən dərhal sonra işğaldan azad edilmiş ərazilərin bərpası və keçmiş məcburi köçkünlərin öz torpaqlarına qayıdışı üçün Böyük Qayıdış Proqramı elan edildi. Bu proqram çərçivəsində Qarabağ və Şərqi Zəngəzurda genişmiqyaslı və sürətli abadlıq-yenidənqurma işləri həyata keçirilir. Zəngilan və Füzuli Beynəlxalq Hava limanlarının açılışı, Şuşa, Laçın, Ağdam, Cəbrayıl və digər rayonlarda ən müasir şəhər, kənd və qəsəbələrin salınması dövlətimizin qüdrətini bir daha nümayiş etdirir.
Azad edilmiş ərazilərdə “ağıllı şəhər” və “ağıllı kənd” layihələri uğurla icra olunur. Qarabağ və Şərqi Zəngəzur iqtisadi rayonlarında mədəniyyət, təhsil, səhiyyə və kənd təsərrüfatı sahələrində geniş yeniliklər reallaşdırılır. Bu ərazilərdə beynəlxalq investorların cəlb olunması təmin edilməklə bölgənin dayanıqlı inkişafı prioritet kimi müəyyənləşdirilmişdir.
Cənab İlham Əliyevin liderliyinə xalqın dəstəyi 2024-ci il fevralın 1-də keçirilən prezident seçkilərində növbəti dəfə öz əksini tapdı. İlk dəfə suverenliyi və ərazi bütövlüyü təmin edilmiş Azərbaycanın bütün ərazilərində keçirilən bu Zəfər seçkiləri qalib xalqın Lideri İlham Əliyevin siyasətinə və idarəçilik bacarığına olan yüksək etimadını bir daha göstərdi. O, seçkilərdən sonra ölkəmizdə davamlı islahatların aparılacağını və dövlətimizin beynəlxalq aləmdə mövqeyinin daha da möhkəmləndiriləcəyini vəd etdi və hazırda bu istiqamətlərdə bütün işlər ardıcıl olaraq həyata keçirilir.
Ötən dövrdə Azərbaycan qlobal səviyyədə mühüm beynəlxalq tədbirlərə ev sahibliyi etmişdir. 2024-cü ildə BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - COP29-un Bakıda yüksək səviyyədə keçirilməsi Azərbaycanın qlobal miqyasda nüfuzunun göstəricisi idi. Azərbaycan bu möhtəşəm tədbirdə iqlim dəyişikliyi ilə mübarizədə fəal iştirakını və qlobal enerji təhlükəsizliyinə verdiyi töhfəni nümayiş etdirmişdir.
Prezident İlham Əliyevin təşəbbüsü ilə Azərbaycanın 2024-cü ildə D-8 təşkilatına üzv qəbul edilməsi dövlətimizin iqtisadi və siyasi əlaqələrinin daha da genişləndirilməsi üçün yeni imkanlar açır. Azərbaycan həm də enerji təhlükəsizliyi, nəqliyyat və ticarət sahələrində beynəlxalq əməkdaşlığın inkişafında strateji rol oynamağa davam edir.
Dövlət başçısının uğurlu fəaliyyətində iqtisadi inkişaf və sosial rifahın artırılması hər zaman əsas prioritetlərdən biri olmuşdur. Azərbaycanın iqtisadiyyatında qeyri-neft sektorunun payının artırılması üçün geniş islahatlar həyata keçirilmişdir. Azad edilmiş ərazilərdə sənaye parklarının qurulması, kənd təsərrüfatının inkişafı və tranzit potensialının artırılması istiqamətində addımlar atılmışdır.
2003-2024-cü illər ərzində dövlətimizin başçısı Azərbaycanın hərtərəfli inkişafına nail olmuş, ölkəni regionun lider dövləti səviyyəsinə çatdırmışdır. Onun strateji baxışı, qətiyyəti və xalqına olan sevgisi sayəsində Azərbaycan həm daxili, həm də xarici arenada misilsiz nailiyyətlər əldə etmişdir. Müzəffər Lider Ulu Öndər Heydər Əliyevin təməlini qoyduğu siyasi kursu layiqincə davam etdirərək Azərbaycan xalqının bütün arzularını gerçəkləşdirmiş və müasir dövlət quruculuğunda misilsiz rol oynamışdır. Bu dövr təkcə Zəfər tarixi deyil, həm də Azərbaycanın dünya xəritəsində əzəmətli yer tutduğu mərhələ kimi yadda qalacaq.
Müseyib Həmzəyev - Azərbaycan Prezidenti İlham Əliyevin doğum günüdür.
Ümummilli lider Heydər Əliyevin ən böyük arzularından biri Qarabağın işğaldan azad olunması idi. 2020-ci ildə Ali Baş Komandan İlham Əliyevin güclü iradəsi və qətiyyəti sayəsində Ulu Öndərin bu arzusu da həyata keçdi, torpaqlarımız işğaldan azad olundu. Prezident İlham Əliyevin yaratdığı yeni reallıqlarla bu gün Azərbaycan gələcəyə nikbin baxa bilir.Müstəqilliyini günbəgün, ilbəil möhkəmləndirən Azərbaycan dövlətinin tarixində Prezident İlham Əliyevin qızıl hərflərlə yazdığı şanlı səhifələrin sayı getdikcə artır. Əsrə bərabər 21 ilin zirvəsində, təbii ki, işğal altındakı torpaqlarımızın azad olunması, ərazi bütövlüyümüzün bərpası ilə nəticələnmiş Vətən müharibəsi dayanır. Prezident İlham Əliyevin uzaqgörən siyasətinin əsasında Azərbaycanın hərtərəfli inkişafı, xalqımızın firavan həyatı, ölkənin 30 ilə yaxın pozulmuş ərazi bütövlüyünün bərpası dayanırdı. Buna görə hər bir atılan addım Qarabağın azadlığına yaxınlaşdırırdı. 44 günlük Vətən müharibəsi dövründə Azərbaycan Prezidenti, Ali Baş Komandan İlham Əliyev xalqa müntəzəm müraciətləri Azərbaycan xalqını ayağa qaldırdı, onu yumruq kimi sıx birləşdirdi, müharibənin gedişatına və taleyinə güclü təsir göstərdi. Hər bir müraciət növbəti qələbələrin müqəddiməsinə çevrildi. Bütün istiqamətlərdə qazanılan uğurların, əldə edilən nailiyyətlərin bir hədəfi var idi - işğal altında olan torpaqlarımızın düşməndən azad edilməsi və Azərbaycanın bütün sərhədləri boyunca bayrağımızın dalğalanması. 2020-ci ilin 27 sentyabrında başlanan Vətən müharibəsi Ali Baş Komandan İlham Əliyevin qətiyyəti, xalqın birliyi və Ordumuzun gücü nəticəsində Zəfərlə sona çatdı. Müzəffər Ali Baş Komandan İlham Əliyevin gərgin əməyinin nəticəsində Azərbaycan ərazi bütövlüyünə qovuşdu, xalqımız dünyada mübariz, döyüşkən və müzəffər xalq kimi tanındı.Prezident İlham Əliyevin Ali Baş Komandan kimi qətiyyəti, siyasətçi kimi iradəsi, diplomat kimi müdrikliyi və humanist davranışı ilə torpaqlarımızın işğaldan azad edilməsinə nail olmaqla həm xalqı qalib olmaq arzusuna çatdırdı, həm də minlərlə insanın həyatını xilas etdi. Azərbaycan həm döyüş meydanında, həm də siyasi arenada öz gücünü, qüdrətini bütün dünyaya göstərdi. Vətən müharibəsi dövründə dövlət başçısı informasiya cəbhəsində dünyanın aparıcı media qurumlarına müsahibələri ilə Ermənistanın bütün təbliğatının üzərindən xətt çəkdi. Prezident İlham Əliyev istər xalqa müraciəti, istər tviter paylaşımları, istərsə də bu müddətdə verdiyi 30-a yaxın müsahibəsi ilə Azərbaycanın haqq səsini bütün dünyaya bəyan etdi. Prezident İlham Əliyev milli şüara çevrilmiş “Qarabağ Azərbaycandır!” ifadəsi ilə artıq bütün Qarabağın azad edildiyini və Ermənistan-Azərbaycan münaqişəsinə son qoyulduğunu elan etdi.
Prezident İlham Əliyev Azərbaycanın Vətən müharibəsində qələbəmizin tacı olan Şuşada görkəmli dövlət xadimi Heydər Əliyevin 100 illiyi münasibətilə xalqa müraciətində ulu öndərin Qarabağ və Zəngəzuru azad görmək arzusunun gerçəkləşdiyini vurğuladı.
“Bu gün Azərbaycan Respublikası vətəndaşları, damarlarında azərbaycanlı qanı axın hər soydaşımız, 30 ildən yuxarı mübarizə apardığı, uğrunda minlərlə şəhid verdiyi, xəyallarına belə gətirmədiyi arzularına çatıb, məqsədlərinə nail olub.Qeyd edək ki, İlham Heydər oğlu Əliyev 1961-ci il dekabrın 24-də Bakı şəhərində anadan olub.
Bir sahibkar olaraq Cənab Ali Baş Komandan İlham Əliyevi doğum günü münasibətilə təbrik edir, daim möhkəm cansağlığı, xoşbəxtlik, xoş əhval-ruhiyyə arzu edirəm.Tanrı Sizə güc və səbir versin! Biz Sizinlə fəxr edir və Sizi çox sevirik! Uca Allah Sizi və Azərbaycan xalqını qorusun!”.
Mehman Qəhrəmanov - Prezident İlham Əliyevin son 21 il ərzində həyata keçirdiyi uğurlu siyasət müstəqilliyimizin möhkəmləndirilməsi, ölkənin sosial-iqtisadi inkişafı və beynəlxalq arenada nüfuzunun artırılması ilə tarixə qızıl hərflərlə yazılmışdır. Bu dövr Azərbaycanın güclü və dayanıqlı dövlət quruculuğunun təmin edildiyi, torpaqlarını işğaldan azad etdiyi və regionun lider ölkəsinə çevrildiyi bir mərhələ olmuşdur.
Ümummilli Lider Heydər Əliyev 1993-cü ildə xalqın təkidli tələbi ilə siyasi hakimiyyətə qayıtdıqdan sonra ölkədə sabitlik və inkişafın təməli qoyulmuşdur. Ulu Öndər 2003-cü ildə xalqa müraciətində cənab İlham Əliyevi öz siyasi kursunun davamçısı kimi təqdim edərək Onun liderliyinə olan inamını ifadə etmişdir.
2003-cü il oktyabrın 15-də keçirilmiş president seçkilərində cənab İlham Əliyev xalqımızın böyük etimadını qazanaraq Azərbaycan Respublikasının Prezidenti seçilmiş və bununla da ölkəmizin inkişafında yeni bir mərhələ başlanmışdır. Bu tarixi hadisə Azərbaycanın siyasi sabitliyinin və inkişaf tendensiyasının davam etdirilməsində mühüm rol oynamışdır.
Dövlətimizin başçısı fəaliyyəti dövründə Ümummilli Liderin irsini qoruyaraq, eyni zamanda, onu müasir dövrün çağırışlarına uyğun şəkildə yeniləmək bacarığını nümayiş etdirmişdir. Bu yanaşma Azərbaycanı sosial-iqtisadi, hərbi və beynəlxalq əlaqələr sahəsində yeni zirvələrə ucaltmışdır. Beləliklə, bu kursun dayanıqlı və uğurlu olmasını təmin edən əsas amil qalib xalqın Liderinin müdrik siyasətidir.
Məhz Prezident, Ali Baş Komandan İlham Əliyevin rəhbərliyi ilə Azərbaycan xalqının ən böyük arzularından biri olan Qarabağ və Şərqi Zəngəzurun işğaldan azad edilməsi reallaşdı. 2020-ci il sentyabrın 27-də başlayan Vətən müharibəsi tariximizin ən parlaq səhifələrindən birinə çevrildi. Dövlət başçısının müharibə dövründə apardığı qətiyyətli siyasət, beynəlxalq aləmdə haqlı mövqeyimizin müdafiəsi və xalqın birliyini təmin etməsi tarixi Zəfərə yol açdı. Cəmi 44 gün ərzində Azərbaycan Ordusu düşmənin 30 illik müdafiə xəttini uğurla yararaq dünyaya öz gücünü nümayiş etdirdi. Xüsusilə Şuşa şəhərinin azad edilməsi ilə Ermənistan ordusu tamamilə iflasa uğradı, 2020-ci il 10 noyabr tarixində işğalçı dövlət kapitulyasiya aktını imzalamağa məcbur oldu.
2023-cü ildə Qarabağ bölgəsində Ermənistanın törətdiyi növbəti təxribatlara qarşı aparılan bir günlük lokal antiterror əməliyyatları da Azərbaycan Ordusunun gücünü və Prezident İlham Əliyevin qətiyyətini bir daha sübut etdi. Bu əməliyyatlar nəticəsində Ermənistanın qanunsuz hərbi dəstələri tam zərərsizləşdirildi, beləliklə ölkəmizin suverenliyi və ərazi bütövlüyü bərpa olundu.
Vətən müharibəsindən sonra Prezident İlham Əliyev işğaldan azad edilmiş ərazilərdə genişmiqyaslı bərpa və quruculuq işlərinə start verdi. İlk növbədə, azad olunan ərazilərin minalardan təmizlənməsi işləri başlandı, eyni zamanda, bu bölgələrdə infrastruktur layihələri həyata keçirilməyə başlandı. Şuşa şəhəri mədəniyyət paytaxtı elan olunaraq, burada mədəni irsin bərpası üzrə geniş işlər aparılır. Ağdam, Füzuli, Zəngilan, Laçın və digər rayonlarda şəhərsalma layihələri həyata keçirilir. Zəngilanın Ağalı kəndində “ağıllı kənd” layihəsi reallaşdırılaraq müasir texnologiyalara əsaslanan yaşayış məskənləri yaradıldı, Füzuli və Zəngilan Beynəlxalq Hava limanları istifadəyə verildi. Belə strateji layihələrin icrası bu ərazilərin yenidən regionun iqtisadi mərkəzinə çevrilməsinə xidmət edir.
Qarabağ Zəfərindən sonra yaranmış yeni reallıqlar fonunda Prezident, Yeni Azərbaycan Partiyasının (YAP) Sədri cənab İlham Əliyevin rəhbərliyi ilə Azərbaycan parlaq gələcəyə doğru daha inamla irəliləyir. Azərbaycanın əldə etdiyi uğurlarda böyük rol oynayan YAP-ın yeni inkişaf mərhələsinə rəhbərlik etdiyi dövrdə cənab İlham Əliyev partiyanın həm ölkə daxilində, həm də beynəlxalq aləmdə güclü mövqe tutmasını təmin etmişdir. YAP-ın 2021-ci il martın 5-də keçirilən VII qurultayı partiyanın gələcək inkişafı üçün çox mühüm bir mərhələ olmuşdur. Partiyanın strukturunun yenilənməsi, fəaliyyət istiqamətlərinin genişləndirilməsi ölkənin siyasi sistemini müasirləşdirmək və dayanıqlı inkişafı təmin etmək istiqamətində görülən işlərin tərkib hissəsidir.
Həyata keçirilən genişmiqyaslı işlər Azərbaycanın daha da qüdrətlənməsi, xalqın sosial təminatının gücləndirilməsi, ölkəmizin suverenliyinin və ərazi bütövlüyünün qorunması, həmçinin regional təhlükəsizliyin təmin olunması məqsədini daşıyır. Bu kontekstdə 2021-ci ilin 15 iyununda Şuşada Azərbaycan və Türkiyə arasında imzalanan Şuşa Bəyannaməsi iki ölkənin strateji müttəfiqliyinin təsdiqlənməsi baxımından mühüm əhəmiyyət daşıyır. Bu sənəd təhlükəsizlik, hərbi əməkdaşlıq, iqtisadi inteqrasiya və mədəniyyət sahələrində qarşılıqlı əlaqələri yeni səviyyəyə qaldırdı. Şuşa Bəyannaməsi Cənubi Qafqazda sabitlik və təhlükəsizliyin təminatçısı rolunu oynayır.
Prezident İlham Əliyevin rəhbərliyi ilə Azərbaycan beynəlxalq arenada söz sahibinə çevrilmişdir. Onun həyata keçirdiyi çoxşaxəli xarici siyasət nəticəsində Azərbaycan Qoşulmama Hərəkatına sədrliyi dövründə qlobal miqyasda mühüm təşəbbüslərlə çıxış etmiş və pandemiya dövründə beynəlxalq həmrəyliyi təşviq edən addımlar atmışdır.
Bu günlərdə Azərbaycanın D-8 (İnkişaf etməkdə olan ölkələr) təşkilatına üzv seçilməsi ölkəmizin beynəlxalq iqtisadi əməkdaşlıq platformalarında daha da güclənən rolunu və inkişaf edən dövlətlər arasında əlaqələrinin genişlənməsini göstərir. D-8 təşkilatının prioritet sahələri, o cümlədən ticarət, enerji, kənd təsərrüfatı, sənaye və təhsil sahələrində əməkdaşlıq Azərbaycanın bu platformada mühüm rol oynayacağına işarə edir. Bununla yanaşı, bu təşkilatın üzvü olaraq Azərbaycan inkişaf etməkdə olan ölkələr arasında regional və qlobal əhəmiyyətli layihələrdə daha yaxından iştirak etmək imkanı əldə edir.
Prezident İlham Əliyevin 21 illik fəaliyyəti Azərbaycan tarixində müasir dövlətçilik modelinin təməlini qoymuş, ölkəni hər sahədə möhkəmləndirmişdir. Onun liderliyi ilə Azərbaycan regionda sülhün və sabitliyin təminatçısına çevrilmiş, dünya miqyasında inkişaf edən dövlətlər sırasında öz layiqli yerini tutmuşdur.
Gülağa Əliyev -Azərbaycanın müstəqilliyinin bərpasından sonra ölkə müxtəlif mərhələlərdən keçərək özünü beynəlxalq miqyasda tanıdan və güclü dövlətlər sırasına daxil olan bir güc halına gəldi. Bu yolda Prezident İlham Əliyevin müstəsna liderliyi və strateji idarəetmə qabiliyyəti mühüm rol oynayıb. Onun dövründə ölkə həm iqtisadiyyatında, həm də hərbi gücündə əhəmiyyətli inkişaflar əldə etmişdir. Prezident İlham Əliyevin rəhbərliyi altında Azərbaycan, iqtisadi və siyasi sahələrdə böyük uğurlar qazanmış, dünya səhnəsində öz mövqeyini möhkəmləndirmişdir.
İqtisadi İnkişaf və Strateji Layihələr
Prezident İlham Əliyev, Azərbaycan iqtisadiyyatının inkişafına xüsusi diqqət yetirərək, strateji layihələr və islahatlar həyata keçirmişdir. Neft və qaz ehtiyatlarının böyük potensialı sayəsində ölkə uzun illər ərzində bu sektordan yüksək gəlirlər əldə etmişdir. Lakin İlham Əliyev, yalnız təbii sərvətlərə bağlı qalmağına qarşı çıxaraq, qeyri-neft sektorunun inkişafını da prioritet məsələlərdən biri kimi müəyyən etmişdir. Bu məqsədlə müasir sənaye və xidmət sahələrinin inkişafına yönəlmiş tədbirlər görülmüş, ölkə iqtisadiyyatında diversifikasiya həyata keçirilmişdir.
Azərbaycanın iqtisadi inkişafını təmin etmək üçün həyata keçirilən əsas layihələrdən biri Cənub Qaz Dəhlizinin yaradılmasıdır. Bu layihə, Azərbaycanın qaz ehtiyatlarını dünyanın müxtəlif regionlarına çatdırmağa imkan vermiş, beynəlxalq enerji bazarında Azərbaycanın mövqeyini gücləndirmişdir. Bundan əlavə, ölkənin infrastrukturu gücləndirilmiş, müasir yol və nəqliyyat sistemləri, dəmiryolu şəbəkəsi və limanlar inşa edilmişdir. Bu layihələr təkcə iqtisadi inkişafı sürətləndirmək məqsədini daşımır, həm də ölkənin logistik mövqeyini gücləndirərək beynəlxalq ticarətdə Azərbaycanın daha da fəal olmasına şərait yaratmışdır.
Əlavə olaraq, Prezident İlham Əliyevin iqtisadi siyasəti, yerli istehsalın artırılması və xarici investisiyaların cəlb edilməsi üzərində qurulmuşdur. Bu istiqamətdə həyata keçirilən sənaye parkları, azad iqtisadi zonalar və digər təşəbbüslər, Azərbaycanın iqtisadi müstəqilliyini təmin etmək və xarici bazarlarda rəqabət qabiliyyətini artırmaq məqsədini güdür. Qeyri-neft sektorunun inkişafı sahəsində kənd təsərrüfatı, turizm və informasiya texnologiyaları sahələrində əhəmiyyətli irəliləyişlər əldə edilmişdir.
Hərbi Gücün Artırılması və Qarabağ Zəfəri
Prezident İlham Əliyevin rəhbərliyi ilə Azərbaycan yalnız iqtisadi deyil, həm də hərbi sahədə böyük irəliləyişlər əldə etmişdir. Hərbi gücün artırılması, ordu quruculuğunun təkmilləşdirilməsi və müasir texnologiyaların tətbiqi bu sahədə əsas prioritetlərdən olmuşdur. Azərbaycan ordusunun peşəkarlaşdırılması, hərbi texnikaların təkmilləşdirilməsi və müdafiə sənayesinin inkişafı nəticəsində ölkə ərazisində təhlükəsizliyin təmin edilməsi gücləndirilmişdir.
Azərbaycanın Qarabağda apardığı mübarizə və 2020-ci il 44 günlük Vətən müharibəsi, Prezident İlham Əliyevin liderliyindəki strateji düşüncə və hərbi gücün mükəmməl nəticəsidir. Bu müharibə, Azərbaycanın Qarabağ üzərindəki suveren hüquqlarını bərpa etməsi ilə yanaşı, Azərbaycanın beynəlxalq aləmdə güclü bir hərbi qüvvəyə malik olduğunu nümayiş etdirdi. Prezident İlham Əliyev, Azərbaycanın hərbi gücünü beynəlxalq hüquq və ədalətə əsaslanaraq istifadə etmiş və bu zəfər ölkənin müstəqilliyini, ərazi bütövlüyünü qorumağa xidmət etmişdir.
44 günlük müharibə həm də Azərbaycanın xalqının birliyini, həmrəyliyini və müstəqillik uğrunda mübarizə əzmini ortaya qoydu. İlham Əliyevin liderliyi altında Azərbaycan yalnız hərbi müstəqilliyini qorumaqla qalmamış, eyni zamanda bölgədəki geosiyasi vəziyyəti öz xeyrinə dəyişdirmək və ərazi bütövlüyünü bərpa etməkdə böyük uğurlar əldə etmişdir. Bu zəfər, həm də Azərbaycanın ordu quruculuğunda əldə etdiyi müvəffəqiyyətin göstəricisi oldu.
Prezident İlham Əliyevin rəhbərliyi altında Azərbaycanın hərbi gücünün artması, həm də milli təhlükəsizliyini təmin etməklə yanaşı, regiondakı digər dövlətlərə də güclü bir mesaj göndərdi. Bu güc, təkcə hərbi sahədə deyil, həm də diplomatik münasibətlərdə Azərbaycanın daha sərt mövqe tutmasına, öz maraqlarını qorumasına və beynəlxalq aləmdə daha çox etibar qazanmasına imkan yaratmışdır.
Xarici Siyasət və Beynəlxalq Əlaqələr
Prezident İlham Əliyevin xarici siyasəti, Azərbaycanın dünya səhnəsində nüfuzunu artırmağa və beynəlxalq münasibətlərdə balanslı bir mövqe tutmağa yönəlmişdir. Azərbaycan, müxtəlif beynəlxalq təşkilatlarda fəal iştirak edir, xüsusən də BMT, ATƏT, Avropa Şurası və digər önəmli qurumlarda ölkənin mövqeyini ifadə edir. Azərbaycan, həmçinin regional təhlükəsizlik məsələlərində mühüm rol oynayır və müxtəlif münaqişələrin həlli istiqamətində konstruktiv töhfələr verir.
Azərbaycanın xarici siyasətinin əsas prioritetlərindən biri, ölkənin enerji ehtiyatlarını dünya bazarlarına çıxarmaq və enerji təhlükəsizliyinə töhfə verməkdir. Bununla yanaşı, Prezident İlham Əliyev Azərbaycanın Qərb və Şərq arasında strateji körpü olmasını təmin edərək, ölkəni dünyanın müxtəlif ölkələri ilə ticarət və diplomatik əlaqələr qurmağa təşviq edir. Eyni zamanda, Azərbaycanın regional siyasətdəki fəallığı, Ermənistanla imzalanan sülh müqaviləsi və Qarabağ məsələsində əldə edilən irəliləyişlər, Prezidentin xarici siyasətinin uğurlarını göstərir.
Bundan əlavə, Azərbaycan Prezidenti İlham Əliyev, ölkənin iqtisadi gücünü artırmaq və beynəlxalq aləmdə daha möhkəm bir mövqe tutmaq məqsədilə çoxsaylı ticarət əlaqələri qurmuş və xarici investisiyaların cəlb olunmasına dair təşəbbüslər həyata keçirmişdir. Bu tədbirlər, Azərbaycanın həm Qərb, həm də Şərq bazarlarına çıxışını asanlaşdırmış, xarici siyasətdəki əsas məqsədlərin həyata keçirilməsinə kömək etmişdir.
Azərbaycanın Gələcəyi və Prezident İlham Əliyevin Liderliyinin Önəmi
Prezident İlham Əliyevin liderliyi altında Azərbaycan, müasir dövrün tələblərinə cavab verən, güclü iqtisadiyyata, inkişaf etmiş hərbi potensiala və beynəlxalq aləmdə nüfuzlu mövqeyə malik bir ölkə kimi özünü təsdiqləmişdir. Onun strateji qərarları və idarəetmə bacarığı, Azərbaycanı daha parlaq gələcəyə daşıyır.
İlham Əliyev, Azərbaycanın inkişafını yalnız iqtisadi və hərbi güc ilə deyil, həm də sosial və mədəni sahələrdəki islahatlarla təmin edir. Bu islahatlar, cəmiyyətin inkişafını, insanların həyat səviyyəsinin yüksəlməsini və ölkə daxilində demokratiyanın möhkəmləndirilməsini məqsəd qoyur. Azərbaycanın gələcəyi, Prezidentin rəhbərliyi ilə həm daxili, həm də xarici sahələrdə daha böyük uğurlar əldə etməyi hədəfləyir. İlham Əliyevin liderliyində ölkə, yalnız bölgənin deyil, dünyanın ən nüfuzlu və güclü dövlətlərindən birinə çevrilmişdir.
Prezident İlham Əliyevin liderliyi, Azərbaycanı yalnız iqtisadi və hərbi sahələrdə deyil, həm də diplomatik və sosial sahələrdə uğurlara imza atmağa vadar edib. O, xalqına olan bağlılığı və iradəsi ilə Azərbaycanın müstəqilliyini qorumaqla yanaşı, həm də beynəlxalq aləmdə ölkənin nüfuzunu artırmışdır. Bu liderlik Azərbaycanın gələcəyini daha parlaq edəcək və Prezident İlham Əliyevin adı Azərbaycan tarixində həmişə əbədi qalacaq.
Məhəmməd Musayev - Çağdaş beynəlxalq münasibətlər sisteminin reallıqları göstərir ki, dövlətin uğurları, inkişafı və qlobal səviyyədə ehtiramla qarşılanması ona rəhbərlik edən şəxsin siyasi keyfiyyətlərindən əhəmiyyətli dərəcədə asılıdır. Bu baxımdan Azərbaycanın 1993-cü ildən sonrakı tarixi güclü siyasi liderlərin dövlətin taleyindəki rolu barədə ətraflı fikir yürütməyə imkan verir.
Məhz Heydər Əliyev 1993-cü ildə xalqımızın istək və arzusu ilə siyasi hakimiyyətə gəldikdən sonra Azərbaycan bütün problemlərdən xilas oldu, müstəqilliyimizin itirilməsinin qarşısı alındı. Ulu Öndər görkəmli siyasi xadimi kimi dövlətimizin etibarlı təməllərini yaratdı, inkişaf yollarını müəyyən etdi. Dövlətimiz qarşısındakı xidmətlərinə görə Heydər Əliyev xalqımızın Ümummilli Liderinə çevrildi.
Ulu Öndər Heydər Əliyevin müdirkliyi, şəxsiyyətinin böyüklüyü və siyasi uzaqgörənliyi həm də onda idi ki, siyasi kursunun varisliyini, güclü dövlətçilik təliminin ardıcıllığını da layiqincə təmin etdi. 2003-cü ilin prezident seçkilərindən bir qədər əvvəl Ulu Öndər xalqımıza müraciətində həmvətənlərimizi cənab İlham Əliyevi dəstəkləməyə çağıraraq demişdi: «Üzümü Sizə - həmvətənlərimə tutaraq, qarşıdan gələn prezident seçkilərində prezidentliyə namizəd, mənim siyasi varisim, Yeni Azərbaycan Partiyası sədrinin I müavini İlham Əliyevi dəstəkləməyə çağırıram. O, yüksək intellektli, praqmatik düşüncəli, müasir dünya siyasətini və iqtisadiyyatını gözəl bilən, enerjili və təşəbbüskar bir şəxsiyyətdir. Sizi əmin edirəm ki, həm İlham Əliyev, həm də Yeni Azərbaycan Partiyası bundan sonra da xalqımızın ən layiqli övladlarını öz ətrafında sıx birləşdirərək Azərbaycan dövlətinin inkişafı və xalqımızın firavanlığı yolunda çox işlər görəcəklər. İnanıram ki, mənim axıra çatdıra bilmədiyim taleyüklü məsələləri, planları, işləri Sizin köməyiniz və dəstəyinizlə İlham Əliyev başa çatdıra biləcək. Mən ona özüm qədər inanıram və gələcəyinə böyük ümidlər bəsləyirəm».
2003-cü ilin prezident seçkilərində xalqımızın yüksək etimadını qazanaraq öz missiyasına başlayan Preziden İlham Əliyev Ulu Öndər Heydər Əliyevin siyasi kursunu layiqincə həyata keçirməyə başladı. Təsadüfi deyil ki, cənab İlham Əliyevin seçkilər öncəsi xalqa verdiyi vədlər vaxtından da tez yerinə yetirildi, sosial-iqtisadi inkişafla bağlı o dövrdə qarşıya qoyulmuş bütün vəzifələr yerinə yetirildi.
Cənab İlham Əliyev 2008, 2013, 2018 və 2024-cü ildə keçirilən prezident seçkilərində də xalqımızın etimadına layiq görüldü. Təbii ki, hər bir seçkidəki qələbənin kökündə mühüm siyasi və iqtisadi amillər dayandı. Bu baxımdan ötən 21 ilin reallıqları göstərir ki, möhtərəm İlham Əliyevin hər bir prezidentlik dövrü Azərbaycanın müasir müstəqillik tarixinə möhtəşəm uğurların yazılması ilə əlamətdar olub. Bu illər ərzində Azərbaycanın iqtisadi 3 dəfədən çox böyüyüb, vətəndaşların sosial rifahı əhəmiyyətli dərəcədə yüksəlib.
Prezident İlham Əliyev Ulu Öndər Heydər Əliyevin enerji siyasətini layiqincə davam etdirərək, onun qarşısında dayanan hədəflərə çatmasını təmin edib. Vaxtilə Heydər Əliyevin təməlini qoyduğu Bakı-Tbilisi-Ceyhan neft və Bakı-Tbilisi-Ərzurum qaz kəmərləri məhz Prezident İlham Əliyevin qətiyyəti sayəsində həyata vəsiqə alıb. Cənab İlham Əliyev həm də «Cənub Qaz Dəhlizi»nin yaradılmasına nail olmaqla Heydər Əliyevin enerji siyasətini yeni mərhələyə yüksəldib, regionun enerji xəritəsinə ciddi dəyişikliklər edib. Təsadüfi deyil ki, bu gün Azərbaycan qlobal enerji təhlükəsizliyi müzakirələrində aparıcı mövqeyə malik dövlət kimi tanınır.
Bununla yanaşı, Azərbaycan həm də Şərq-Qərb və Şimal-Cənub nəqliyyat dəhlizlərinin kəsişdiyi əsas coğrafi məkandır. Bu gün respublikamızın beynəlxalq nəqliyyat dəhlizlərindəki iştirak səviyyəsi bir daha Prezident İlham Əliyevin müdrik siyasətindən, respublikamızın milli maraqlarını layiqincə təmin etməsindən xəbər verir.
Bütövlükdə, Prezident İlham Əliyevin müdrik rəhbərliyinin nəticəsi olaraq bütün dünya Azərbaycan regionun aparıcı dövləti kimi tanınır. Respublikamız həm də beynəlxalq münasibətlər sisteminin söz sahibi olan üzvüdür. Bunu Azərbaycanın beynəlxalq problemlərin həllində yaxından iştirakı, mədəniyyətlər və sivilizasiyalararası dialoqa layiqli töhfələrməsi də təsdiq edir. Dünyada tolerantlıq ünvanı kimi tanınan ölkəmiz Prezident İlham Əliyevin xidmətləri sayəsində həm də mədəniyyətlərarası və sivilizasiyalararası dialoq məkanına çevrilib.
Bütövlükdə Prezident İlham Əliyevin Azərbaycana rəhbərliyi cəmiyyət həyatının bütün sahələrini əhatə edən möhtəşəm inkişaf, yüksəliş və uğurlar dövrüdür. Bu inkişaf və əldə edilən uğurlar ilk növbədə dövlətin və xalqın milli maraq və mənafelərinin təmin olunmasına xidmət edib.
Onu da qeyd etməliyik ki, Prezident İlham Əliyev Azərbaycan siyasi sisteminə rasional siyasi davranış modeli, məntiqi mühakimələrə və analitik təhlilə əsaslanan, mütərəqqi, pozitiv, milli məqsədlərə xidmət edən, siyasi realizmə söykənən fəaliyyət nümunəsi də gətirib. Dövlətimizin başçısı öz fəaliyyəti və davranışı ilə siyasi sistemimizə siyasi mədəniyyət, milli mənəviyyatımıza uyğun siyasi əxlaq standartı, milli siyasi etika nümunəsi təqdim edib. Bütün bunlar da təbii ki, Prezident İlham Əliyevin yüksək siyasi keyfiyyətlərindən irəli gəlir.
Prezident İlham Əliyevin respublikamıza müdrik rəhbərliyinin ən böyük hadisəsi torpaqlarımızın işğaldan azad edilməsi, ərazi bütövlüyümüzün bərpa olunmasıdır. Dövlətimizin başçısı artıq həllini tapmış Qarabağ problemi ilə bağlı aparılmış danışıqlarda hər zaman prinsipial mövqe tutdu, bütün təzyiqlərə sinə gərdi, heç bir güzəşt təşəbbüsünü yaxına buraxmadı. Buna görə xalqımız inanırdı ki, cənab İlham Əliyev mütləq torpaqlarımızın işğaldan azad olunmasını təmin edəcək. Xalqımızın bu inamı Vətən müharibəsində reallığa çevrildi.
Qeyd edək ki, həm 44 günlük Vətən müharibəsinin, həm də bir günlük antiterror əməliyyatlarının qələbə ilə başa çatması Prezident İlham Əliyevin qətiyyətli siyasi kursunun nəticəsidir. Bütün bunlar göstərir ki, məhz güclü siyasi liderlər öz xalqlarının və dövlətlərinin qarşısında dayanan istənilən taleyüklü məsələnin həllinə nail ola bilirlər.
Ötən ay Bakıda keçirilən COP29, dekabr ayından Azərbaycanın D-8 İqtisadi Əməkdaşlıq Təşkilatına daxil olması Prezident İlham Əliyevin həyata keçirdiyi siyasi diplomatiyanın növbəti mühüm uğurları oldu. Bütün bunlar ondan xəbər verir ki, Prezident İlham Əliyev rəhbərliyi ilə Azərbaycan qarşıdakı dövrdə də tarixini möhtəşəm nailiyyətlərlə zənginləşdirəcək.