 |
|
Neftçala rayonu ərazisindəki yüksək gərginlikli elektrik xətlərinin altına düşən torpaq sahələri şumlanaraq kol-kosdan təmizlənib.
Neftçala Rayon İcra Hakimiyyətinin tövsiyyəsi ilə Neftçala rayonu ərazisində yaşayış məntəqələrindən keçən yüksək gərginlikli xətlərdə gələcəkdə baş verə biləcək qəzalar zamanı yanğın hallarının qarşısının öncədən alınması məqsədi ilə rayonun bir çox yaşayış məntəqələrində olduğu kimi Boyat, Sarıqamış, Xəzər, Yuxarı Qaramanlı və Xol Qaraqaşlı kəndlərində də yüksək gərginlikli elektrik xətlərinin altına düşən torpaq sahələrinin şumlanaraq kol-kosdan təmizlənməsi işləri başa çatdırılıb.
Bu gün "Trend" Beynəlxalq İnformasiya Agentliyinin (BİA) yaranmasından 25 il ötür.
“Trend” BİA 1995-ci ildə yaradılıb. Agentliyin bazası əsasında Trend Ekspert Şurası fəaliyyət göstərir. Şuranın tərkibinə region və Qərb ölkələrinin 40-a yaxın tanınmış müstəqil eksperti daxildir. 2010-cu ildə "Trend" Asiya və Sakit okean ölkələri İnformasiya Agentlikləri Təşkilatına (OANA) üzv qəbul edilib. “Trend” 5 dildə - Azərbaycan, türk, ingilis, rus və fars dillərində fəaliyyət göstərir.
Trend BİA-nın nailiyyətlərindən biri də İran, Gürcüstan və Orta Asiya ölkələrinin media məkanında rəqabət səviyyəsində çalışmasıdır. 2010-cu ildə "Moody's International" Trend-in beynəlxalq səviyyəli idarəçiliyi olan şirkət qismində statusunu təsdiq etdikdən sonra agentlik nüfuzlu məlumat bazalarına çıxış əldə edib və bunun nəticəsi olaraq bu gün agentliyin yüzlərlə xəbəri transmilli mediada təkrar dərc olunur.
Trend qlobal informasiya məkanında inkişafa doğru beynəlxalq strategiyasını həyata keçirməyə davam edir. Trend-in törəmə fransızdilli layihəsi, Parisdə yerləşən lagazette.fr internet-qəzeti artıq Fransada fəaliyyətə başlayıb. Bundan əlavə, yaxın gələcəkdə oxşar layihələrin digər Avropa ölkələrində də inkişafı planlaşdırılır.
Yol-xeber.az kollektivi, "Trend" BİA-da çalışan həmkarlarımızı təbrik edir, onlara yeni yaradıcılıq uğurları arzulayırıq!
Xəbər verdiyimiz kimi Bakı Nəqliyyat Agentliyi taksi fəaliyyətinin tənzimlənməsi, qanunvericiliyin təkmilləşdirilməsi və səmərəli nəzarət mexanizmlərinin yaradılması üçün konsepsiya hazırlayıb.
Konsepsiyada vahid dispetçer mərkəzinin yaradılması, tarif sisteminin və kvotanın tətbiqi eyni zamanda sahibkarlıq fəaliyyətinin təkmilləşdirilməsi ilə bağlı məsələlər öz əksini tapıb.
Konsepsiyanın vacibliyini vurğulayan ekspert Elməddin Muradlı ABC.AZ-a bildirib ki, taksi şirkəti adı ilə yaranan bir neçə operator xidməti illərdir sürücüləri istismar edirlər.
Onun sözlərinə görə, sözügedən şirkətlər sürücülərin boğzalarına şərik olurlar.
Şirkətlərin sürücülərdən üzvülük və depozit pulu aldığını xatırladan E. Muradlı iddia edir ki, bəzən operatorlar sürücülərlə pul qarşılığında işbirliyinə girib daha çox müştəri yönləndirirlər: "Bu kimi neqativ hallar var. Eyni zamanda kökü erməni mənşəli iş adamlarına bağlanan "Uber", "Maxim" və "Yandex" kimi taksi şirkətləri Azərbaycana daxil olub və qiyməti get-gedə aşağı salmaqla guya rəqabət aparırlarmış kimi bazarda qeyri-bərabər vəziyyət yaradırlar. Burada əsas qazanan özləridir. Çünki heç nə itirmirlər, onlar faizlərini alırlar. İtirən sürücülərdir. Onlar dayanmadan işləyirlər və faiz, üzvlük haqqı ödəməlidirlər, yəni depozitə pul qoymalıdırlar. Üstəlik bunun fərqlənmə nişanı üçün ödəniş, vergi rüsumu, sosial müdafiə ödənişi və digər ödənişləri də var. Beləliklə ortada taksi sürücüləri pul xərcləyir, qazanc isə zəif olur".
Əslində taksi xidmətinin peşə olduğunu bildirən ekspertin sözlərinə görə, bu gün təkcə Bakı şəhərində 30 minə yaxın taksi sürücüsü var.
Bu iş də qazanc gətirmirsə o zaman mənşəyi erməni iş adamlarına bağlı olan iş adamlarını ölkəmizdən çıxarmaq lazımdır deyən müsahib hesab edir ki, sözügedən şirkətlər Azərbaycanın hətta ərazi bütövlüyünü belə şübhə altına alırlar: "Hansısa naviqasiya sistemindən istifadə edirlər ki, həmin sistemdə Azərbaycanın işğal olunmuş əraziləri, hətta Bakının bir neçə yeri erməni adı ilə qeyd olunub. Çox təəccüblüdür ki, Azərbaycanda işləyə-işləyə Azərbaycanın milli naviqasiya sistemindən istifadə etmirlər. Öz sistemlərini qoşurlar və o da birbaşa Azərbaycana xəyanətdir. Təəssüf ki, onlar bazarda at oynadır, digər şirkətlərə də məcbur edirlər ki, qiyməti ebdirsinlər. Mən demirəm elə bil fantastik qiymət qoyulsun ki, 5 manatlıq yolu 15 və ya 10 AZN-ə aparılsın. Amma təxminən 20-30 manat civarında qiymətlərə əl gəzdirmək lazımdır ki, sürücülər də nəsə qazana bilsinlər. O baxımdan düşünürəm ki, qiymət sistemini müəyyənləşdirmək lazımdır. Və bu sistem müəyyənləşdirilərkən ortaq məxrəc tapılmalıdır ki, nə sərnişinlərin cibinə girilməsin, nə də sürücülər qazancsız qaımasın. Bu gün taksi xidməti gəlib avtobus, metro qiyməti ilə bərabər olub. Və taksilərin də hüquqlarını qorumaq, anlamaq, onlara şərait yaratmaq lazımdır. Bu qədər ödənişin, xərcin qarşılığında taksi sürücüləri normal taksi duracağı ilə təmin edilmirlər".
“Bir daha sizin vasitənizlə bildirmək istəyirəm ki, velosipedçilər də digər yol hərəkəti iştirakçıları kimi yol hərəkəti haqqında qanunun tələblərini bilməli buna uyğun hərəkət etməyə üstünlük verməlidir”
Bunu Moderator.az-a açıqlamasında Bakı Şəhər Dövlət Yol Polis İdarəsinin ictimaiyyətlə əlaqələr şöbəsinin rəisi, polis polkovniki Vaqif Əsədov deyib. V.Əsədov bu istiqamətdə müəyyən problemlərin olduğunu bildirib:
“Velosipedçilərin avtomobil yollarında etdiyi qanunsuzluqlar yolverilməzdir. Biz də sizin vasitənizlə gecə-gündüz təbliğat aparmağa çalışırıq. Bu mövzuya toxunduğunuz üçün sizə təşəkkür edirik, çox sağ olun ki, bizə dəstək olursunuz. Ən azı oxucuların arasında təbliğat işinin gücləndirilməsiylə bağlı məsələ qaldırırsınız. Bir daha sizin vasitənizlə bildirmək istəyirəm ki, velosipedçilər də digər yol hərəkəti iştirakçıları kimi yol hərəkəti haqqında qanunun tələblərini bilməli buna uyğun hərəkət etməyə üstünlük verməlidir. Velosipedçilər də nizamlayıcı vasitələrin tələbləri üzrə və onlar üçün ayrılmış ərazilərdə, eləcə də təhlükəsizliyi təmin etmək şərti ilə, həmçinin idarə etdiyi velosipedləri üzərində təhlükəsizliyi təmin etmək üçün xüsusi texniki vasitələrlə təchiz etməklə idarə etməlidir. Təəssüflər olsun ki, bu tələblər velosiped idarə edənlər tərəfindən yerinə yetirilmir və nəticədə həm sürücülər əziyyət əziyyət çəkir, həm də dövlət yol polisinin fəaliyyəti ilə bağlı müəyyən nöqsanlar üzə çıxır.
Bəzən velosipedçilərin cərimələnməsi ilə bağlı cəmiyyətdə xoşagəlmız bir fikir formalaşır. Biz başa düşürük ki, velosipedçilər onlar üçün ayrılmış xüsusi zolaqla hərəkət etməlidir və onu da bilirik ki, hazırda bu zolaqlar azlıq təşkil etdiyindən, haqlı olaraq velosipedçilər tərəfindən müsbət qarşılanmır. Amma buna baxmayaraq ən azı mövcud vəziyyətə, şəraitə uyğun hərəkət edilməsinə nə deyirsiniz? Sözsüz ki, hər bir velosipedçi təhlükəsizliyi təmin etməklə, həm özünün təhlükəsizliyini təmin edir, həm də başqalarının hərəkətinə mane olmur. Bu gün velosipedlə hərəkət edənlərin sayı çoxdur və bu yaxşı haldır, əlamətdir, ekologiyanın qorunması, süni sıxlığın qarşısının alınmasıdır, amma tələblərin düzgün yerinə yetirilməməsi velosipedçilərin vurulması ilə nəticələnir və bu da ürək ağrıdır. Bir daha velosiped idarə edənlərə çağırış edərək demək istəyirəm ki, çalışsınlar yol hərəkəti qaydalarının tələblərinə uyğun hərəkət etsinlər”.
Qeyd edək ki, Kürdəmirdə yük maşını 19 yaşlı velosipedçini vuraraq öldürüb.
Əmək və Əhalinin Sosial Müdafiəsi Nazirliyi altı ildən artıqdır erməni girovluğunda saxlanılan Dilqəm Əsgərovun həyat yoldaşı Firuzə Əsgərovanın təqaüdünü kəsib.
Bu barədə mediaya D.Əsgərovun oğlu Kürdoğlu Əsgərov məlumat verib. Nazirlik yayılan məlumatlara aydınlıq gətirib.
Məsələ ilə bağlı Nazirliyin mətbuat katibi Fazil Talıbov Oxu.Az-a açıqlamasında erməni girovluğunda qalan soydaşımız Dilqəm Əsgərovun həyat yoldaşı Firuzə Əsgərovanın əlilliyinə görə ona verilən pensiya ödənişinin dayandırılmadığını bildirib.
Belə ki, F.Əsgərovanın əlillik sənədlərində elektron sistem tərəfindən müəyyən uyğunsuzluq aşkar edilib. Lakin onun əyani müayinəsi nəticəsində tərtib olunan sənəd əsasında bu uyğunsuzluq aradan qaldırılıb. F.Əsgərovanın əlilliyi və buna görə ona pensiya ödənişi davam edir.
Ümumilikdə əlillik təyinatlarının araşdırılması e-sistem tərəfindən aparılır və fərdi xarakter daşımır. Hər hansı uyğunsuzluq aşkar olunduqda bu barədə vətəndaşa məlumat verilərək əyani müayinə nəticəsində aradan qaldırılır.
Məlumat üçün bildirək ki, Dilqəm Əsgərovun həyat yoldaşı Əsgərova Firuzə Şura qızı 2-ci qrup əlillik dərəcəsi ilə təqaüd alır.
Əlahiddə Ümumqoşun Ordunun çətin dağlıq şəraitdə yerləşən və hər bir müdafiə mövqeyi alınmaz qalaya çevrilən bölmələrində müasir əsgəri-məişət kompleksləri tikilərək şəxsi heyətin istifadəsinə verilib.
Bu barədə Müdafiə Nazirliyi məlumat yayıb.
Bildirilib ki, zirvələrdə qış daha sərt keçdiyindən birinci eşelon bölmələrimiz qışa hazırlıq tədbirləri çərçivəsində isti geyim, yanacaq, içməli su, ərzaqla, eləcə də digər zəruri ehtiyatlarla qabaqcadan və ilk növbədə tam təmin edilir.
"Space" telekanalında maliyyə yoxlamalarına başlanılıb.
"Ölkə.Az"ın əldə etdiyi məlumata görə, son bir neçə gündə artıq ikinci dəfədir ki, telekanalda yoxlama aparılır. Bildirilir ki, telekanal rəhbəri Vaqif Mustafayev hazırda bütün əlaqələrini işə salaraq, bu yoxlamalardan canını maksimum az itkiylə qurtarmağa çalışır. Xeyli sayda inventar və maliyyə pozuntularının olmasıyla bağlı xəbərlər də iddialar sırasındadır.
Mövzunu diqqətdə saxlayacağıq.
“Əmək və Əhalinin Sosial Müdafiəsi Nazirliyi tərəfindən 6 ildən artıqdır erməni girovluğunda saxlanlılan Dilqəm Əsgərovun həyat yoldaşı Firuzə Əsgərovanın təqaüdü kəsilib.”
Bu fikirləri Dilqəm Əsgərovun oğlu Kürdoğlu Əsgərov bildirib. Onun sözlərinə görə, məsələ ilə bağlı ƏƏSMN nin Şəmkir rayonunda yerləşən 20 saylı Region Üzrə Dövlət Əmək Müfəttişliyində olub.
“Mənə dedilər ki, anamın təqaüdünün kəsilməsi ilə bağlı göstəriş Əmək və Əhalinin Sosial Müdafiə Nazirliyindən gəlib. İndi mən nazir Sahil Babayevə müraciət edirəm. Niyə 6 ildən artıqdır erməni əsirliyində olan Dilqəm Əsgərovun həyat yoldaşının 220 manatı kəsilib? Axı dövlət başçısı dəfələrlə şəhid, qazi və girov ailələrinə diqqət və qayğı ilə yanaşılması istiqamətində tapşırıqlar verib. Məmurların vətəndaşlara yaxın olmasını tapşırıb. Təəssüf ki, bu tapşırıqlar yerlərdə yerinə yetirilmir. Görünür Əmək və Əhalinin Sosial Müdafiəsi Nazirliyinin mənim anama verilən 220 manata ehtiyacı var” – deyə K.Əsgərov bildirib.
Məlumat üçün bildirək ki, Dilqəm Əsgərovun həyat yoldaşı Əsgərova Firuzə Şura qızı 2-ci qrup əlillik dərəcəsi ilə təqaüd alırdı. 7news.az
"Sosial şəbəkələrdə Saatlı rayon Yeni Novruzlu kənd tam orta məktəbinin direktoru Elnur Rzayevin məzuniyyət vaxtı avtobus sürücüsü işləməsi ilə bağlı fikirləri həqiqəti əks etdirmir".
Bunu Bakı Nəqliyyat Agentliyinin mətbuat xidmətinin rəhbəri Mais Ağayev bildirib. Onun sözlərinə görə, "BakuBus" MMC-də bu adda sürücü çalışmır:
"Elnur Rzayevlə əlaqə saxlanılıb və özünün də bildirdiyinə görə, o, bunu sadəcə paylaşım xatirinə edib: "BakuBus” MMC-də sürücü kimi işə qəbul qanunvericiliklə müəyyən olunan sistem əsasında həyata keçirilir. Sürücü kimi işə qəbul olunan namizədlər əvvəlcə xüsusi təlimlərə cəlb olunur.
Təlimi keçən namizədlər Əmək Məcəlləsinin və digər qanunvericilik aktlarının tələblərinə müvafiq olaraq daimi əsaslı əmək müqaviləsinin əsasında sürücü vəzifəsinə təyin olunurlar.
Bu isə onların əmək hüquqlarının qorunması, həm də sosial təminatlarının həyata keçirilməsi baxımından çox əhəmiyyətlidir".
Baxar.az xəbər verir ki, ölkənin ən məşhur bazarlarından biri olan "8-ci kilometr bazarı" bağlanır.
Dünən bazardaki sahibkarlara bu barədə xəbərdarlıq edilib.
Bazarın bağlanma səbəbi pandemiya olduğu bildirilir.
Sahibkarlar qərara etirazlarını bildiriblər. Bazarda bir çox iş yeri və giriş bu gündən etibarən bağlanıb.
Qeyd edək ki, bazar 2 aya yaxındır fəaliyyətə açıq idi.