 |
|
Yağışlı hava şəraiti ilə əlaqədar Bakının Heydər Əliyev prospekti - Hava limanı və Zığ yolu - Hava limanı avtomagistrallarında bütün zolaqlar üzrə sürət həddi müvafiq olaraq endirilib.
Bu barədə Bakı Nəqliyyat Agentliyindən bildirilib.
Məqsəd bu cür hava şəraitində hərəkətin təhlükəsizliyini təmin etməkdir.
Sürücülərə hərəkətdə olan zaman sürət həddinə əməl etmələrini və meteoroloji amilləri nəzərə almalarını tövsiyə edirik.
Çində yayılan koronavirusa görə bir çox dövlətlərin bu ölkə ilə sərhədlərini bağlaması, ixracatın minimuma endirilməsi Azərbaycan bazarlarında da öz təsiri göstərməkdədir.
Musavat.com-un əməkdaşları paytaxtın mobil telefon mağazalarına baxış keçirərkən Çin istehsalı olan malların həm qiymətlərinin bahalaşdığını, həm defisit yarandığını görüb.
Hazırda şəhərin əksər tanınmış elektronika satılan mağazalar şəbəkələrində Çin malı olan "Xiaomi" və "Huawey" modellərinin qiymətlərində dəyişiklik müşahidə olunur.
Xüsusən də "Xiaomi" mobil telefonlarının "Redmi Note 7" və "Redmi Note 8" seriyalarına tələbat artıb. Ona görə də mağazalarda bu model telefonlar demək olar ki, qalmayıb.
Bakının Bülbül prospektində yerləşən tanınmış mobil telefon mağazalarında, o cümlədən şəhərin müxtəlif yerlərində fəaliyyət göstərən şəbəkələrdə apardığımız kiçik reyd zamanı məlum oldu ki, yuxarıda adını çəkdiyimiz modellər ya bir-iki ədəd qalıb, ya da heç yoxuydu.
Satıcların sözlərinə görə, Çin malı olan "Xiaomi"nin sözügedən seriyaları artıq idxal edilmir, bu da qiymətlərin qalxmasına səbəb olub.
Öyrəndik ki, "Redmi Note 7" seriyasının 32 giqabayt həcmdə olanların nağd qiyməti 360-380 manatdır.
İntəhası, bir tərəfdən bu gücə malik telefonlar elə də keyfiyyətli olmur, donmalar yaranır, yüklənir, digər tərəfdən isə mağazalarda artıq tapmaq mümkün deyil.
Odur ki, müştərilər daha çox "Redmi Note 7" seriyasının 64 giqabayt potensiala malik modellərini axtarırlar. Bu məhsullar isə demək olar ki, defisitdir.
Mağazada çalışanlar deyirlər ki, Çindən artıq həmin telefonlar gəlmir, onların istehsalı bitir, tələbat isə çoxalıb. Nəticədə qiymətlərə təsir edir.
Bu telefonların "Redmi Note 8" modellərinin isə 32 giqabayt olanları 450 manatdan başlayırdı, 64 giqabaytlıqlar 500 manatdan aşağı tapılmırdı, o da tapılsa...
Satıcılar deyirlər ki, depolarda az sayda həmin model telefonlardan qalıb. Proqnozlara görə, ayın sonuna kimi Bakıda bu seriyaları tapmaq mümkün olmayacaq.
Yasamal rayonu, Tbilisi prospekti, 3166-ci məhəllədə yerləşən “Şakir MTK”ya məxsus binada qanunsuz olaraq mənzillərə qaz açılıb.
"Xəzər Xəbər"xəbər verir ki, mövcud 170 mənzildən 130-a qədəri “Azəriqaz” İstehsalat Birliyinin xəbəri olmadan 2020-ci il yanvarın 6-dan mavi yanacaqdan istifadə edir.
Halbuki Mənzil Tikinti Koperativi ilə müqavilə əsasında qazlaşmanı həyata keçirən podratçı təşkilat açılış üçün məktubla rəsmi olaraq “Azəriqaz”a müraciət etməli idi. Sayğaclar möhürlənib, təhlükəsizlik qaydaları nəzərdən keçirildikdən sonra hər bir sakinlə abonent müqaviləsi bağlanılmalı və onlar kartlarını alaraq qazdan istifadə etməli idi.
Lakin bu tələblər podratçı tərəfindən gözlənilməyib, baş verə biləcək təhlükələrə göz yumulub. Sayğacların klapanlarına müdaxilə edilərək qaz açılıb. Bütün sayğaclar hər hansı ödəniş edilmədiyindən 2 aya yaxındır ki, mənfiyə işləməkdədir. Sayğaclar üzərində ən azı 400-800 kubmetr dəyəri ödənilməyən sərfiyyat mövcuddur.
Daha sonra sakinlərlə görüşə gələn podratşı təşkilatın Hüseyn adlı nümayəndəsi günahkar olduqlarını etiraf edib və sayğaclarda bundan sonra hansısa qüsur baş verərsə bunu aradan qaldıracaqlarına söz verib.
Qeyd edək ki, müdaxilə olunan sayğacların “Azəriqaz” İstehsalat Birliyinin Metrologiya Departamentində yoxlanılmasına ehtiyac yaranıb. Narazı sakinləri isə martın 2-də "Azəriqaz" İB-nin baş direktoru Ruslan Əliyev qəbul edərək, podratçının yaratdığı problemlərlə maraqlanacaq.
Yasamal rayonu, Tbilisi prospekti, 3166-ci məhəllədə yerləşən “Şakir MTK”ya məxsus binada qanunsuz olaraq mənzillərə qaz açılıb.
"Ölkə.Az" "Xəzər Xəbər"ə istinadən xəbər verir ki, mövcud 170 mənzildən 130-a qədəri “Azəriqaz” İstehsalat Birliyinin xəbəri olmadan 2020-ci il yanvarın 6-dan mavi yanacaqdan istifadə edir.
Halbuki Mənzil Tikinti Koperativi ilə müqavilə əsasında qazlaşmanı həyata keçirən podratçı təşkilat açılış üçün məktubla rəsmi olaraq “Azəriqaz”a müraciət etməli idi. Sayğaclar möhürlənib, təhlükəsizlik qaydaları nəzərdən keçirildikdən sonra hər bir sakinlə abonent müqaviləsi bağlanılmalı və onlar kartlarını alaraq qazdan istifadə etməli idi.
Lakin bu tələblər podratçı tərəfindən gözlənilməyib, baş verə biləcək təhlükələrə göz yumulub. Sayğacların klapanlarına müdaxilə edilərək qaz açılıb. Bütün sayğaclar hər hansı ödəniş edilmədiyindən 2 aya yaxındır ki, mənfiyə işləməkdədir. Sayğaclar üzərində ən azı 400-800 kubmetr dəyəri ödənilməyən sərfiyyat mövcuddur.
Daha sonra sakinlərlə görüşə gələn podratşı təşkilatın Hüseyn adlı nümayəndəsi günahkar olduqlarını etiraf edib və sayğaclarda bundan sonra hansısa qüsur baş verərsə bunu aradan qaldıracaqlarına söz verib.
Qeyd edək ki, müdaxilə olunan sayğacların “Azəriqaz” İstehsalat Birliyinin Metrologiya Departamentində yoxlanılmasına ehtiyac yaranıb. Narazı sakinləri isə martın 2-də "Azəriqaz" İB-nin baş direktoru Ruslan Əliyev qəbul edərək, podratçının yaratdığı problemlərlə maraqlanacaq.
Bakı Metropolitenində koronavirusla bağlı əks-epidemik profilaktik tədbirlər davam edir.
Bakı Metropoliteni QSC-dən oxu.az-a bildirilib ki, bu gecə “Nərimanov” elektrik deposunda tədbirlər planına uyğun olaraq bütün qatarların dezinfeksiyasının birinci dövrəsi tam olaraq başa çatdırılacaq. Proses davamlı olaraq aparılacaq.
Profilaktik dezinfeksiya işi sabah saat 15:00-da deponun yeməkxanasında da yerinə yetiriləcək.
Stansiyalarda proses bazar ertəsi davam etdiriləcək. Bununla belə, hər gün bir neçə dəfə təkrarlanmaqla stansiyaların əl təması olan bütün səthləri xüsusi, sağlamlıq üçün tam təhlükəsiz dezinfektantlarla davam edir.
Kəskin respirator virus infeksiyalarının yayılmasına qarşı qabaqlayıcı tədbirlər çərçivəsində marşrut xətləri üzrə avtobuslarda dezinfeksiya işləri davam etdirilir.
Bakı Nəqliyyat Agentliyindən verilən məlumata görə, avtobuslar insanların həm təmas, həm də hava damcı yolu ilə infeksion xəstəliklərə yoluxmasına qarşı olan dərman preparatları ilə dezinfeksiya edilib. “Ayşən LTD” şirkətinin istehsalat bazasında dezinfeksiya olunan 100-ə yaxın avtobus əsasən ətraf kənd və qəsəbələr istiqamətində fəaliyyət göstərir.
Son zamanlar yeni koronavirusun (2019-nCoV) bəzi ölkələrdə yayılmasını nəzərə alaraq, qabaqlayıcı tədbirlər görülməsi məqsədilə ölkəmizdə ictimai nəqliyyat sahəsinin də nəzarətdə saxlanılmasını zəruri edib. Kəskin respirator virus infeksiyalarının yayılmasına qarşı qabaqlayıcı tədbirlər görülməsi məqsədilə daşıyıcılara gündəlik olaraq sərnişin daşımalarında istismar edilən avtobusların xarici və daxili hissələrinin təmiz olmasına nəzarətin gücləndirilməsi, sanitar-epidemoloji vəziyyət nəzərə alınaraq avtobusların salonunda tez-tez dezinfeksiya işlərinin həyata keçirilməsi barədə tapşırıqlar verilib.
"Xalq Artisti Ağaxan Salmanlı ilə vida mərasimi evində keçiriləcək"
Bunu Mədəniyyət Nazirliyinin İnformasiya və ictimaiyyətlə əlaqələr şöbəsinin müdiri İntiqam Hümbətov deyib.
O, bildirib ki, Xalq artisti ilə vida mərasimi Yeni Suraxanı qəsəbəsi A. Şərifov küçəsi ev 1 ünvanında baş tutacaq.
Qeyd edək ki, Ağaxan Salmanov bu gün səhər saatlarında 78 yaşında vəfat edib.
Azərbaycanda ilk koronavirusa yoluxma faktı təsdiqlənib.
Nazirlər Kabinetinin mətbuat xidmətinin rəhbəri İbrahim Məmədov Azərbaycanda koronavirusa yoluxma faktını təsdiqləyib.
O bildirib ki, rəsmi qurumlar tərəfindən bütün zəruri tədbilər görülür:
“Mütəmadi olaraq vətəndaşlara məlumatlar veriləcək”.
İ.Məmmədov bir az əvvəl Operativ Qərargahdan Modern.az-a verilən təkzib xəbərinin yanlışlıq olduğunu deyib.
İcbari Tibbi Sığorta üzrə Dövlət Agentliyinin mətbuat katibi Aynurə Əhmədova Modern.az-a açıqlamasında faktı təsdiqləyib, insanlara diqqətli olmağı tövsiyə edib.
1 mart - Mülki Müdafiə Günü ilə əlaqəli olub və “İlk tibbi yardım” mövzusuna həsr olunub
"Azərbaycan Dəmir Yolları" QSC-nin törəmə müəssisə olan “ADY Express” MMC-nin nəzdindəki Biləcəri Yuyucu-Buxarlayıcı stansiyasının ərazisində yerləşən Təlim və İnkişaf Mərkəzində növbəti təlim keçirilib.
Bu barədə "Report"a şirkətdən bildirilib.
İndiki təlim 1 mart - Mülki Müdafiə Günü ilə əlaqəli olub və “İlk tibbi yardım” mövzusuna həsr olunub. Biləcəri Yuyucu-Buxarlayıcı stansiyasının əməkdaşları üçün təşkil edilən təlim 2 saylı Bakı dəmir yolu poliklinikasının həkim-təlimçiləri tərəfindən aparılıb.
“İlk tibbi yardım” təlimləri ilk həkiməqədər yardıma həsr olunub. Təlimlərdə məqsəd fövqəladə vəziyyətlərdə yarana biləcək həyati təhlükəni aradan qaldırmaq, insanın həyatı funksiyaların davam etdirilməsini təmin etmək və həkimlərin gəlişinə qədər onun vəziyyətinin pisləşməsini önləməkdən ibarətdir.
Əsas elektrik xəttindən əlavə köməkçi bir xətt və ya cihazlar olmalıdır
Dünən Bakıda elektrik enerjisinin kəsilməsi ilə əlaqədar bəzi yollarda işıqforların fəaliyyətində fasilə yarandı. Fasilə yaranan zaman Bakı Nəqliyyat Agentliyi (BNA) və Dövlət Yol Polisi (DYP) əməkdaşları dərhal müdaxilə edərək sürücülərə yolayrıcını keçməkdə köməklik göstəriblər. Yol-xeber.az xəbər verir ki, nəqliyyat üzrə ekspert Elməddin Muradlı sözügedən hadisə ilə bağlı Qaynarinfo-ya münasibət bildirərkən DYP və BNA işçilərinə operativ müdaxiləyə görə təşəkkürünü ünvanlayıb:
"Belə hallar sürücülər və piyadalar üçün bir az çətinlik yaradır. Əslində belə bir çətinlik yaratmamalıdır. Çünki yol hərəkəti iştirakçıları işıqfor işləyib-işləmədikdə nə kimi addım atmalı olduqlarını bilməlidirlər. Hər bir yol hərəkəti iştirakçısı işıqforla nizamlanan yollarda necə hərəkət edildiyini, işıqfor işləmədikdə sürücünün nə etməli olduğunu, hansı tərəfin digərinə yol verməli olduğunu bilməlidir. Amma təəssüf ki, bizdə bəzi sürüclərin bu məsələdən tam anlayışı olmadığına görə, işıqforlar işləməyəndə dərhal yollarda xaotik vəziyyət yaranır. Yaxşı ki, BNA, eləcə də Dövlət Yol Polisi (DYP) dərhal məsələyə müdaxilə elədi. Bununla bağlı yayılan videogörüntülərdən də gördük ki, onlar elə əliyalın da olsa, yolayrıclarında xidmət apardılar, insanlara yol göstərdilər, sürücülərin əziyyət çəkməməsi üçün əllərindən gələni etdilər. Bu, yaxşı bir haldır. Eyni zamanda yol polisinin də bu istiqamətdə fəaliyyətini qeyd etmək lazımdır. Bu qurumların birgə işləməsi çox gözəldir. Belə olduqda çox yaxşı nəticə əldə olunur. Dünən gördük ki, heç bir narazılıq olmadı, yol nəqliyyat hadisəsi baş vermədi, saatlarla tıxac yaranmadı, avtobuslar yollarda qalmadı və hər iki qurum gözəl bir nəticə ortaya qoydu. Mən hər iki qurumun əməkdaşlarına təşəkkür edirəm ki, hadisəyə dərhal reaksiya verdilər və belə bir operativlik göstərdilər”.
"Düşünürəm ki, gələcəkdə bu işıqforların iş rejimi ilə bağlı hansısa bir baza formalaşdırılmalıdır ki, işıq sönəndə işıqforlar avtomatik həmin ehtiyat bazaya keçsin və hər hansı problem yaşanmasın. Əsas elektrik xəttindən əlavə köməkçi bir xətt və ya cihazlar olmalıdır. Çünki işıq sönməsi çox qısa müddətdə baş verir və işıq sönüb-yanarkən o qısa qapanma nəticəsində bəzi işıqforların iş rejimi pozulur. Ona görə də əlavə bir köməkçi sistem tətbiq olunsa işıqforlar heç vaxt sönməz və yolayrıclarında da problemlər yaşanmaz”, - deyə E.Muradlı əlavə edib.
Yayılan məlumatlar təsdiqini tapmayıb
"Koronavirusunun yayılmasının qarşısının alınması ilə bağlı yaşayış evlərinə naməlum şəxslərin daxil olması ilə bağlı sosial şəbəkələrdə yayılan məlumatlar tərəfimizdən tam və hərtərəfli araşdırılıb".
Yol-xeber.az xəbər verir ki, bu barədə "Report"a Bakı Şəhər Baş Polis İdarəsinin Mətbuat Xidmətinin rəisi, polis mayoru Elşad Hacıyev bildirib.
O qeyd edib ki, yayılan məlumatlar təsdiqini tapmayıb.
Xidmət rəisi əlavə edib ki, bu və ya digər formada paytaxtın polis orqanlarına hər şəhər sakinləri tərəfindən hansı müracət daxil olmayıb.