 |
|
Tıxacı yaradan hallardan biri də dayanma-durma qaydalarının pozulmasıdır
Dünyanın iri şəhərlərində yol hərəkətinin təşkilində əsas problemlərdən biri tıxac məsələsidir. Bakı şəhərində də tez-tez tıxaclara rast gəlinir.
Nəqliyyat üzrə ekspert Azər Allahverənov Avtosfer.az-a verdiyi açıqlamada tıxacı yaradan səbəblər arasında sürücü davranışlarının da mühüm yer tutduğunu bildirib:
“Tıxac, müəyyən bir zaman kəsimində buraxıcılıq qabiliyyəti olan yollarda nəqliyyat vasitələrinin sayının kəskin şəkildə artması zamanı olur. Sürücülərin davranış qaydalarının doğru olmaması, yol mədəniyyətinin aşağı səviyyədə olması, onların yol hərəkəti qaydalarına riayət etməməsi, bu qaydalara etinasız yanaşması yollarda tıxacın yaranmasına səbəb olan hallardandır. Sürücü tıxacda qaldıqda stress keçirir, əsəbi olur və qayda pozuntusuna yol verir, tıxacda qalmamaq üçün əks istiqamətdə olan yola çıxmaq istəyir ki, bunlar da tıxacı daha da dərinləşdirir.
Tıxacı yaradan hallardan biri də dayanma-durma qaydalarının pozulmasıdır. Tıxacla mübarizə aparmaq üçün onu yaradan səbəbləri aradan qaldırmalıyıq. Tıxacı yaradan səbəblər arasında plansız şəhərsalma məsələlərini, harda gəldi çoxmərtəbəli binaların tikintisini, həmin binalara yaxın olan yerlərin sahibkarlar tərəfindən zəbt olunmasını, məhəlləarası yollarda tikinti işlərinin aparılmasını da qeyd etməliyik. Bütün bunlar paklama məsələlərinə mane olur. Eyni zamanda, Bakıda gündən-günə avtomobillərin sayı artır ki, bu da tıxacların yaranma ehtimallarını artırır. Düzgün parketmə olduğu təqdirdə nəqliyyatın hərəkətini effektiv şəkildə təmin etmək mümkündür. Amma bu məsələ kompleks şəkildə həllini tapmalıdır. Digər tərəfdən, ictimai nəqliyyatdan istifadəni geniş şəkildə təşviq etmək lazımdır. Biz düşünürük ki, ictimai nəqliyyatla istədiyimiz ünvana gec çata bilərik, ona görə də avtomobildən istifadə edirik. Odur ki, yollarda ictimai nəqliyatın poitensialını artırmalıyıq. Avtobus xətlərinin sayı artmalı, intervallar azalmalıdır. Hazırda bu istiqamətdə müəyyən işlər görülür. Paytaxtda 2200 avtobus xidmət göstərir və əlavə olaraq 300 avtobusun da xəttlərə buraxılması məsələsi var. Bu, ictimai nəqliyyatın potensialını artıran məsələdir”.
Əlində süpürgə və ərəb mahnısının sədaları altında küçəni süpürdüyü görünür
Gəncədə 20 DT 709 dövlət nömrə nişanlı Mercedes markalı avtomobillə yol polisini ələ salan videoçarx çəkənlər cəzalandırılıb. Avtosfer.az xəbər verir ki, görüntülərdə guya yol polisi maşını saxlayıb sürücünün sənədlərini yoxlayır, lakin heç bir qüsur tapa bilmir. Sonda ərəb musiqinin sədaları altında rəqs edərək sürücüdən 5 manat pul istəyir.
Bu gün yayılan görüntülərdə isə videonu çəkən şəxslərin əlində süpürgə və ərəb mahnısının sədaları altında küçəni süpürdüyü görünür.
Yol polisini ələ salan sürücülər ərəb mahnısı sadaları altında küçə süpürdü - VİDEO
Avtosfer TV25 Fevral 2020 14:3224 dəfə oxunub
Əlində süpürgə və ərəb mahnısının sədaları altında küçəni süpürdüyü görünür
Kənddə illərdir içməli suyun olmaması onlar üçün ciddi narahatlıq yaradır
Gürcüstanın Marneuli rayonunun azərbaycanlılar yaşayan Algeti Vinsovxoz kəndinin sakinləri etiraz aksiyası keçirirlər. Yol-xeber.az "Report"a istinadən xəbər verir ki, sakinlər kəndin içməli su ilə təmin olunması tələbi ilə avtomobil yolunu bağlayıblar. Etirazçıların sözlərinə görə, kənddə illərdir içməli suyun olmaması onlar üçün ciddi narahatlıq yaradır. Avtomobil yolu nəqliyyat vasitələrinin hərəkəti üçün keçilməz olub. Əraziyə polis əməkdaşları cəlb olunub. Onlar yolu etirazçılardan təmizləməyə çalışırlar. Etirazçılar bildiriblər ki, kəndin təbii qazla da bağlı problemi var. Onlar qeyd ediblər ki, Marneuli rayon rəhbərliyi kəndin problemlərini həll edəcəyinə söz versə də, vədlər yerinə yetirilməmiş qalır. Aksiya səbəbindən Azərbaycanla sərhədə aparan yolda avtomobillərin hərəkətində çətinlik yaranıb.
Xocalı Soyqırımının 28-ci ildönümü ilə əlaqədar sabah Bakıda 7 marşrut xəttinin yolu dəyişdiriləcək.
Bu barədə Bakı Nəqliyyat Agentliyindən məlumat verilib.
Məlumata görə, məlum anım tədbiri ilə əlaqədar paytaxtın müəyyən küçə və prospektlərdə nəqliyyat vasitələrinin hərəkəti müvəqqəti məhdudlaşdırıldığından, 7 marşrut xəttinin (4, 21, 30, 32, 46, 49 və 175) hərəkət trayektoriyası dəyişdiriləcək. Müntəzəm xətt üzrə avtobuslar digər nəqliyyat vasitələrinin yönləndirildiyi alternativ küçə və prospektlərdən keçməklə hərəkət edəcək.
Xırdalan şəhərinin bəzi yaşayış massivlərində istehlakçıların elektrik enerjisi təchizatında qısamüddətli fasilələr yaranacaq.
"Azərişıq" ASC-dən bildirilib ki, Xırdalan ETSİ-nin xidməti ərazisində elektrik verilişi xətlərində aparılacaq yenidənqurma və təmir işləri ilə əlaqədar olaraq 25 fevral 2020-ci il tarixində saat 12.00-dan 14.00-a qədər Xırdalan şəhərinin bəzi yaşayış massivlərində istehlakçıların elektrik enerjisi təchizatında qısa müddətli fasilələr yaranacaq.
Koronovirus təhlükəsi təkcə sərhəd mənqələrində yox, paytaxt Bakıda da ciddi təşvişə səbəb olub.
"Ölkə.Az" metbuat.az-a istinadən xəbər verir ki, bunu ən bariz şəkildə apteklərdə görmək mümkündür. Bu gün şəhərdəki əksər apteklərdə tibii maska tapmaq mümkün olmayıb.
“Ümumiyyətlə neçə gündür maska yoxdur” – Əczaçı
“Depomuzda hal-hazırda yoxdu istəyirsizsə zəng edib soruşa bilərsiz.” – Əczaçı
“Adam gəlir deyir ailəmdə beş nəfərdi amma sata bilmirik. Günə bir paçka göndərirlər özümüzə. Paçkanın da içində 50 ədəddir. Bəli təlabat böyükdür amma yoxdur” - Əczaçı
“Hal-hazırda Mingəçevir şəhərində maska qırx qəpikdir. Dünən zəng ettim anam mənə dedi ki maskaların qiyməti qalxıb. Qiymətlər qalxan kimi bəzi apteklər ondan xeyir götürmək istəyir.” - Sakin
Müşahidələrimiz göstərdi ki, apteklərdə ən ucuz maskanın qiyməti 30 qəpik təşkil edir. Bəziilərdə isə bu rəqəm 50 qəpiyə, hətta 1 manata qədər qalxıb. Əhali arasında təşvişə səbəb olan isə sosial şəbəkələrdə yayılan səs yazısıdır. Dünəndən etibarən bu səs yazısı sakinləri ciddi narahat etsə də, ölkənin baş epidemioloqu İbadulla Ağayev deyib ki, yayılan məlumatlar yalandırv və narahatlığa heç bir əsas yoxdur.
“Saytlarda məlumat verirlər ki güya Azərbaycanda da koronovirusdan xəstələnənlər vardır. Mən, Səhiyyə nazirliyinin rəsmisi olaraq sizə məlumat verirəm ki Respublika ərazisində bir nəfər də olsun bu xəstəliyə yoluxan yoxdur. Deyilən şayiələrə qulaq asmayın. “ - İbadulla Ağayev
Lakin günün birinci yarısında Koronavirus şübhəsi ilə 1 saylı Kliniki Mərkəzin yoluxucu xəstəliklər şöbəsinə daha iki nəfər gətirilib. Onlar 1995 və 1998-ci il təvəllüdlü İran və Azərbaycan vətəndaşlarıdır. Onların xəstə insanlarla heç bir kontaktları olmayıb. Hal-hazırda hər iki şəxsin bədənini hərarəti normaya uyğundur.
Koronovirus təhlükəsi təkcə sərhəd mənqələrində yox, paytaxt Bakıda da ciddi təşvişə səbəb olub.
"Ölkə.Az" metbuat.az-a istinadən xəbər verir ki, bunu ən bariz şəkildə apteklərdə görmək mümkündür. Bu gün şəhərdəki əksər apteklərdə tibii maska tapmaq mümkün olmayıb.
“Ümumiyyətlə neçə gündür maska yoxdur” – Əczaçı
“Depomuzda hal-hazırda yoxdu istəyirsizsə zəng edib soruşa bilərsiz.” – Əczaçı
“Adam gəlir deyir ailəmdə beş nəfərdi amma sata bilmirik. Günə bir paçka göndərirlər özümüzə. Paçkanın da içində 50 ədəddir. Bəli təlabat böyükdür amma yoxdur” - Əczaçı
“Hal-hazırda Mingəçevir şəhərində maska qırx qəpikdir. Dünən zəng ettim anam mənə dedi ki maskaların qiyməti qalxıb. Qiymətlər qalxan kimi bəzi apteklər ondan xeyir götürmək istəyir.” - Sakin
Müşahidələrimiz göstərdi ki, apteklərdə ən ucuz maskanın qiyməti 30 qəpik təşkil edir. Bəziilərdə isə bu rəqəm 50 qəpiyə, hətta 1 manata qədər qalxıb. Əhali arasında təşvişə səbəb olan isə sosial şəbəkələrdə yayılan səs yazısıdır. Dünəndən etibarən bu səs yazısı sakinləri ciddi narahat etsə də, ölkənin baş epidemioloqu İbadulla Ağayev deyib ki, yayılan məlumatlar yalandırv və narahatlığa heç bir əsas yoxdur.
“Saytlarda məlumat verirlər ki güya Azərbaycanda da koronovirusdan xəstələnənlər vardır. Mən, Səhiyyə nazirliyinin rəsmisi olaraq sizə məlumat verirəm ki Respublika ərazisində bir nəfər də olsun bu xəstəliyə yoluxan yoxdur. Deyilən şayiələrə qulaq asmayın. “ - İbadulla Ağayev
Lakin günün birinci yarısında Koronavirus şübhəsi ilə 1 saylı Kliniki Mərkəzin yoluxucu xəstəliklər şöbəsinə daha iki nəfər gətirilib. Onlar 1995 və 1998-ci il təvəllüdlü İran və Azərbaycan vətəndaşlarıdır. Onların xəstə insanlarla heç bir kontaktları olmayıb. Hal-hazırda hər iki şəxsin bədənini hərarəti normaya uyğundur.
Azərbaycan Respublikasının Təhsil Nazirliyi respublikanın rayon və şəhər təhsil şöbələrinə (idarələrinə) koronavirusla bağlı müvafiq tapşırıqlar verib.
Azərbaycanda koronavirusa görə orta məktəblərdə kütləvi tədbirlər məhdudlaşdırıldı - FOTO
"Ölkə.Az" bildirir ki, nazirliyin tapşırığında deyilir:
“Son vaxtlar yaxın xaricdə koronavirusla bağlı yayılan xəbərlər ölkənin ümumi təhsil müəssisələrin sanitar-epidemioloji vəziyyətə həssas yanaşma tələb edir. Bu baxımdan, tabeliyinizdəki ümumi təhsil müəssisələrində tibbi-profilaktik şəraitə dair qabaqlayıcı tədbirlərin görülməsinə zərurət yaranıb.
Qeyd olunan vəziyyət nəzərə alınaraq aşağıda göstərilən tədbirlərin görülməsi sizə tapşırılır:
- Ümumi təhsil müəssisələrində tibbi-profilaktik tədbirlərlə bağlı məktəb kollektivi, şagirdlər və valideynlər arasında aktiv maarifləndirmə və izahat işlərinin həyata keçirilməsi,
- Ümumi təhsil müəssisələrində şagirdlər arasımda respirator xəstəliklərin əlamətlərinin olub-olmamasına dair baxışın keçirilməsi, belə əlamətlər müşahidə olunduqda, bu şagirdlərin ambulator müalicəyə yönləndirilməsi,
- Ümumi təhsil müəssisələrində tibb otaqlarının (olduğu təqdirdə) zəruri tibbi ləvazimatlarla təchiz olunmasına nəzarətin artırılması,
- Ümumi təhsil müəssisələrinin dezinfeksiyaedici və gigiyenik vasitələrlə təchiz olunmasına nəzarətin artırılması,
- Ümumi təhsil müəssisələrində aidiyyəti qurumlar tərəfindən sanitar-epidemioloji işlərin aparılmasına şəraitin yaradılması,
- Ümumi təhsil müəssisələri tərəfindən təşkil olunan kütləvi tədbirlərin məhdudlaşdırılması”.
Sənədi Təhsil Nazirliyinin Aparat rəhbəri Muxtar Məmmədov imzalayıb.
Bakının Xətai rayonunda yerləşən Naximov küçəsi döngə 2 ünvanındakı palçıqlı yollar və cəngəlliyi xatırladan qamışlıq ərazi sakinlərin haqlı narazılığına səbəb olur.
Baku TV xəbər verir ki, payız-qış aylarında bu palçıqlı yollar gediş-gəlişdə problemlər yaradır, yaz-yay aylarında isə ərazidəki qamışlıq ilanların yuvasına çevrilir.
Məsələ ilə bağlı Xətai Rayon İcra Hakimiyyətindən Baku TV-yə verilən məlumata görə, həmin ərazi diqqət mərkəzindədir.
Hava şəraitinə uyğun olaraq mart ayının ortalarından abadlıq işlərinə başlanılacaq.
Küçələrin palçıqlı olması bir yana, getdikcə havanın isinəcəyini nəzərə alsaq, ilanların burada yaşayan insanlar üçün yaradacağı təhlükəni təsəvvür etmək çətin deyil.
Türkiyənin Azərbaycandakı səfirliyi bu ölkənin Naxçıvan-Dilucu sərhəd məntəqəsini bağlaması ilə bağlı xəbərə münasibət bildirib.
Səfirlikdən verilən məlumata görə, İranda aşkarlanan koronavirusla bağlı İrandan Türkiyəyə keçidlə bağlı lazımi tədbirlər görülüb.
Bu tədbirlər çərçivəsində Naxçıvandan Türkiyəyə keçidlərə də nəzarət gücləndirilib.
“Bu tədbirlər qarşı tərəfə zərər verməmək üçün atılıb. Görülən tədbirlər sərhədin bağlanması anlamına gəlməməlidir. Məsələ ilə bağlı Naxçıvan Muxtar Respublikasının aidiyyəti qurumları ilə təmaslarımız davam edir”, - deyə açıqlamada qeyd olunur.
Türkiyə və Azərbaycanın Səhiyyə nazirləri arasında telefon danışığı olub.
“Haber Global” xəbər verir ki, bu barədə Türkiyənin Səhiyyə naziri Fahrettin Koca öz “Twitter” hesabı vasitəsilə açıqlama yayıb.
Nazir bildirib ki, azərbaycanlı həmkarı Oqtay Şirəliyevlə söhbət zamanı bütün dünyada həyəcana səbəbolan koronavirus, ondan qorunma yolları ilə bağlı müzakirələr aparıblar.
Hər iki dövlət rəsmisi virusa qarşı alınacaq tədbirlər barəsində qarşılıqlı fikirlərini bölüşüblər.