 |
|
Qonşu Türkiyənin Elazığ vilayətində baş vermiş zəlzələ Azərbaycanda da təşviş yaradıb. İndi bir çoxlarını “Azərbaycanda da belə bir gücdə zəlzələ baş verə bilərmi” sualı maraqlandırır.
Bununla bağlı Respublika Seysmoloji Xidmət Mərkəzinin direktoru Qurban Yetirmişli açıqlama verib.
Qurban Yetirmişli deyib ki, Azərbaycanda yaxın vaxtlarda Elazığda qeydə alınmış zəlzələ gücündə yeraltı təkanların baş verməsi gözlənilmir.
Qurban Yetirmişli həmçinin bildirib ki, zəlzələ nəticəsində tələfatın az və ya çox olması birbaşa binaların keyfiyyətindən asılıdır. Bu səbəbdən zəlzələyə hazırlıq dedikdə, həm də binaların keyfiyyəti nəzərdə tutulur.
O ki qaldı zəlzələdən daha az tələfatla çıxmağa, bunun bir yolu da maariflənməkdir. Vətəndaşlar zəlzələ haqqında məlumatlı olmalı və hadisə baş verən anda həyəcanlanmamalıdırlar. Çünki təşviş və həyəcan daha böyük fəsadlara və itkilərə yol aça bilər.
Xezerxeber.az-in mövzu ilə bağlı daha ətraflı videomaterialını təqdim edirik:
İlkin Rüstəmzadənin məlum avtomobil tərəfindən vurulma təhlükəsilə bağlı iddiaları tərəfimizdən tam və hərtərəfli araşdırılıb.
"Ölkə.Az" bildirir ki, bu barədə Bakı şəhər BPİ Mətbuat Xidmətinin rəisi, polis mayoru Elşad Hacıyev Oxu.Az-a bildirib ki, araşdırmalar nəticəsində həmin avtomobil müəyyən olunaraq, sürücünün izahatı alınıb, ərazi üzrə “Təhlükəsiz şəhər” kameralarının görüntülərinə baxılıb.
E.Hacıyev əlavə edib ki, iddialar təsdiqini tapmayıb:
“Vətəndaşın müraciəti üzrə araşdırmalar davam etdirilir”.
Bakı Nəqliyyat Agentliyi paytaxtın daha iki küçəsində qanunsuz park edilən avtomobilləri təxliyyə edib.
Bu barədə "Ölkə.Az"a qurumun Mətbuat xidmətinin rəhbəri Mais Ağayev məlumat verib.
Onun sözlərinə görə, söhbət Mikayıl Müşfiq və Ələsgər Ələkbərov küçələrinin kəsişməsindəki səkidə qanunsuz parklanmadan gedir.
Səbəb Çində qeyd olunacaq bayramlarla əlaqədar aviareyslərə tələbatın aşağı düşməsidir
“Azərbaycan Hava Yolları” QSC (AZAL) hər il olduğu kimi, bu il də Bakıdan Çinin paytaxtı Pekinə həyata keçirdiyi uçuşları müvəqqəti dayandıracaq.
Bu barədə AZAL-dan bildirilib.
Məlumata görə, fasiləyə səbəb Çində qeyd olunacaq bayramlarla əlaqədar aviareyslərə tələbatın aşağı düşməsidir. Odur ki, martın 8-nə qədər Bakı-Pekin-Bakı marşrutu üzrə uçuşlar həyata keçirilməyəcək.
Qayda-qanun hamı üçün eynidir”
Belə bir iddia var ki, son günlər Bakıda xarici nömrə nişanları ilə hərəkət edən avtomobillər daha çox qayda pozur. Ümumiyyətlə, paytaxtda yol hərəkəti qaydalarını kimlər pozur? Qayda pozuntularına qarşı yol polisi hansı tədbirlər görür, təbliğat işləri aparır? Bu sualları Bakı şəhər Dövlət Yol Polisi İdarəsinin bölmə rəisi, polkovnik Vaqif Əsədov cavablandırıb.
Bakucity.az-ın hazırladığı materialı oxuculara təqdim edirik.
Çox sayda xarici vətəndaş Bakıya şəxsi avtomobili ilə gəlir
Vaqif Əsədov qeyd edib ki, Azərbaycan bütün sahələr üzrə yüksək göstəricilər əldə etdiyi kimi, turizm sahəsində də inkişaf edib və bu da Bakıya gələn turistlərin sayını çoxaldıb:
“Paytaxtımıza xarici ölkələr tərəfindən xüsusi maraq var və Bakıda bir-birindən möhtəşəm tədbirlər keçirilir. Bu səbəbdən də şəhərimizdə kifayət qədər qonaq gəlir ki, onların arasında nəinki gürcü və rus, digər qonşu ölkələrdən - Rusiya, Ukrayna, Türkiyə, İrandan şəxsi avtomobili ilə, hətta tranzit gələnlər də olur. Ölkədə tətbiq edilən texniki vasitələr isə imkan verir ki, kimliyindən asılı olmayaraq xəta törədənləri aşkarlayaq və məsuliyyətə cəlb edək. Yəni, istənilən ölkənin vətəndaşı, ölkəyə məxsus dövlət nömrə nişanlı avtomobillə ölkəmizə gələ bilər, amma qayda-qanun hamı üçün eynidir”.
Bakıda yol qəzaları azalıb
V. Əsədov bildirib ki, Bakıda rus və ya gürcü nömrələri ilə törədilən qəzaların daha çox olması və ya avtoxuliqanlıq etmələri barədə yayılan məlumatlar həqiqəti əks etdirmir:
“Bakı şəhəri üzrə qeydə alınan yol nəqliyyat hadisələrini təhlil ediriksə, bütün göstəricilər üzrə dərəcələrin azaldığını və yüngülləşdiyini deməliyəm. Bu, Dövlət Yol Polisi tərəfindən keçirilən məqsədyonlü tədbirlərin, KİV-də aparılan təbliğatların, yol hərəkəti haqqında qanuna və inzibati xətalar məcəlləsinə edilən əlavə və dəyişikliklərin, həmçinin yeni texnologiyaların tətbiqi nəticəsinə əldə olunub”.
Bölmə rəisi əlavə edib ki, BMW markalı YPX avtomobillərinin “Mersedes”lə əvəzlənməsi, “İ-patrul” sisteminin daha müasir formasının ölkəyə gətirilməsi və istifadəsi, eyni zamanda kameraların - radarların avtomatik olaraq hərəkətə nəzarət etməsi, paytaxtda törədilən inzibati xətaların aşkarlanmasında yüksək göstəricilər əldə etməyə imkan verir.
Bakıya gələn qonaqlar yolları tanımadıqları üçün qəza törədirlər
V. Əsədov onuda bildirib ki, bu gün heç bir xarici ölkədən şəxsi avtomobili ilə Bakıya gələn şəxs deyə bilməz ki, şəhərdə açıq-aşkar dələduzluq edib cəzasız qalacaq:
“Bu mümkün deyil! Təbii ki, qayda pozuntuları haqda tətbiq olunan protokolları araşdıranda görürük ki, bəli, xarici nömrələrlə qaydaları pozanlara da protokol yazılıb. Bu isə daha çox ölkəyə gələn qonaqların yolları yaxşı tanımamasından irəli gəlir”.
V. Əsədov bildirib ki, yol hərəkəti haqqında qanun hər kəs üçün bərabərlilik prinsipinə əsaslandığı üçün Bakıya daha çox hansı ölkələrdən və ya ölkədən avtomobilin keçməsi haqda xüsusi statistika hazırlanmır. Amma gündəlik tərtib edilən protokollar və onların təhlili deməyə əsas verir ki, paytaxtda xəta törədənlərin sayı azalıb.
Bakıda yol hərəkəti qaydaları ilə bağlı təbliğat tədbirləri
Bəzi KİV vasitələrində sadəcə yol polisinin inzibati tənbeh tədbirləri ilə seçilməsi barədə yayılan informasiyalarla razılaşmayan V. Əsədov deyib ki, yol polisi təkcə inzibati tənbeh tədbirləri görmür, təbliğat işlərinin aparılması da onların funksianal vəzifələrimizdən biridir:
“Birincisi geniş auditoriya qarşısında – avtonəqliyyat vasitələri olan müəssisələrdə, məktəblərdə və digər ərazilərdə yol hərəkəti qaydalarına dair təbliğatlar aparırıq ki, insanlar daha çox maariflənsin. İkincisi hərəkəti təşkil edirik. Hərəkətin də təşkil edilməsində funksional vəzifələrimizi yerinə yetiririk. Üçüncüsü isə xidmət apardığımız ərazilərdə törədilən xətaları aşkarladıqca qanunvericilikdə nəzərdə tutulmuş tədbirləri düzgün həyata keçiririk ki, müsbət göstəricilər əldə olunur.
Paytaxt məktəbliləri arasında ilk dəfə “Yol hərəkəti qaydaları və mən” mövzusunda bilik yarışı keçirildi. Sentyabr ayından bu günə qədər məktəblərdə keçirdiyimiz təbliğat xarakterli müzakirələrin hesabına məktəblilərimiz beynəlxalq dərəcəli yol hərəkəti təhlükəsizliyi ilə bağlı yarışlarda iştirak edir. Ötən il Rusiyada I-ci yerin sahibi olan 5/6-cı sinif şagirlərinini və digər ölkələrdə keçirilən böyük yarışlarda uğur qazananları nümunə gətirmək olar”.
Nəticə
Bakı şəhər Dövlət Yol Polisi İdarəsinin bölmə rəisi, polkovnik Vaqif Əsədov yol hərəkəti qaydaları ilə bağlı hazırda narahatçılıq doğuran faktor kimi piyadaların avtomobillərlə vurulmasını, dayanma-durma tələblərinin düzgün yerinə yetirilməməsini və yol ayrıclarında keçmə tələblərinin pozulmasını qeyd edib. Nəticə etibarı ilə, əgər hər bir yol hərəkəti iştirakçısı öz təhlükəsizliyinin qayğısına qalarsa və yol hərəkəti haqqında qanunun tələblərini öyrənib yerinə yetirərsə, başqalarından da bunu tələb edərsə, bu, paytaxtda yol hərəkəti mədəniyyətinin səviyyəsinin yüksəlməsinə səbəb olar.
Gecikməyə səbəb qatarın depoya göndərilməsi olub
Bu gün səhər 7:35də bir qatar Nərimanov stansiyasından texniki baxış məqsədilə depoya göndərilib.
“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov faktı təsdiq edib.
O, bildirib ki, "qatarda nasazlıq ehtimalı olub. Bu səbəbdən bir dövrə boyunca iki qatar arasında 3-4 dəqiqə interval fərqi müşahidə olunub."
Sürücü E.İbrahimlinin sərxoş olması müəyyən edilib
Sosial şəbəkələrdə Bakının Binəqədi rayonunda yol polisinin dislokasiya yerindən kənarda xidmət aparması ilə bağlı yayılan iddialar araşdırılıb. Bu barədə Bakı şəhər Baş Polis İdarəsinin Mətbut Xidmətinin rəisi, polis mayoru Elşad Hacıyev Avtosfer.az-a bildirib ki, gecə saatlarında yol hərəkəti qaydalarının pozuntusu ilə müşayiət olunan “Mercedes” markalı avtomobilə Binəqədi DYPŞ əməkdaşları “saxla” işarəsi veriblər. Sürücü yol polisinin qanunu tələbinə əməl etməyib, rayonun Sulutəpə qəsəbəsi istiqamətində hərəkəti davam etdirib.
Qanunvericiliyə uyğun olaraq, avtomobil saxlanılıb, sürücü E.İbrahimlinin sərxoş olması müəyyən edilib. O, İnzibati Xətalar Məcəlləsinin 333.1-ci maddəsi ilə məsuliyyətə cəlb olunub, avtomobil mühafizə olunan duracağa qoyulub. O da müəyyən olunub ki, sürücü məsuliyyətdən yayınmaq üçün məhəllə sakinlərini DYP əməkdaşları ilə mübahisəyə təhrik edib. DYP əməkdaşları qətiyyət göstərərək qanunvericiliyə uyğun olaraq, öz vəzifələrini icra ediblər.
Sakinlər BNA-dan həmin avtomobillərin təxliyyə olunmasını istəyir
Bakının Yasamal rayonu Mikayıl Müşfiq və Ələsgər Ələkbərov küçələrinin kəşisməsində avtomobillər piyadaların yolunu kəsib. Bu barədə həmin küçənin sakinləri redaksiyamıza şikayət ünvanlayıb. Avtosfer.az xəbər verir ki, göndərilən foto və videodan aydın şəkildə görünür ki, park edilən avtomobillər uşaq və əlil arabası ilə hərəkət edən piyadaların yolunu konkret olaraq kəsib. Sakinlər aidiyyəti qurumlardan həmin avtomobil sahiblərinə qarşı sərt addımlar atılmasını xahiş edir.
Ümid edirik ki, Bakı Nəqliyyat Agentliyinin əməkdaşları park edilmiş avtomobilləri oradan götürərək zəbt olunmuş səkini təmizləyəcəklər.
2020-ci ildə Bakının bir sıra məktəblərində şagirdlər üçün avtobuslar ayrılacaq.
Bunu Təhsil naziri Ceyhun Bayramov 2019-cu ilin yekunlarına dair mətbuat konfransında deyib.
Nazirin sözlərinə görə, bu istiqamətdə Bakı Nəqliyyat Agentliyi ilə danışıqlara və sıx əməkdaşlığa başlanılıb.
“Birgə səylərimiz nəticəsində 2020-ci ilin yeni tədris ilinə qədər Bakının bir sıra ərazilərində şagird sayı çox olan məktəblər üçün avtobus sisteminin təşkili gözlənilir.
Təbii ki, bütün məktəbləri birinci mərhələdə əhatə etməyəcəyik. Lakin layihənin gedişindən asılı olaraq iş davam etdiriləcək”. /Oxu.Az/
Paytaxtın Xətai rayonu Süleyman Əhmədov küçəsi ilə Nobel Prospektini birləşdirən yoldan istifadə edən sürüclər problemlə qarşılaşırlar. Süleyman Əhmədov küçəsindən prospekt istiqamətində şəhərə tərəf olan hissədə yolda 2 zolaq, Zığ şossesi tərəfə olan hissədə isə bir zolaq çəkilib. Nəticədə Zığ şosessi istiqamətinə gedən sürücülər məcbur qalıb ortada olan təhlükəsizlik adacağında avtomobil saxlayırlar ki, bu da onların 40 manat miqdarında cərimə edilməsi ilə nəticələnir.
Turkustan.info xəbər verir ki, yeni təmirdən çıxmasına baxmayaraq sürücülər bu yoldan istifadə edən zaman problemlə qarşılaşırlar. Bu yolun bir istiqamətində zolaqların sayının az olması tıxac yaratmaqla yanaşı,həm də sürücülərin cərimələnməsinə səbəb olur.
Bura Bakının Xətai rayonu Süleyman Əhmədov küçəsi ilə Nobel prospektini birləşdirən yoldur. Rayonun NZS qəsəbəsindən gəlib üzü Zığ şosessi istiqamətinə gedən sürücülər zolaqların azlığından şikayyətçidirlər. Onların sözlərinə görə, yolda şəhər istiqamətinə daha geniş yer ayrılıb. Zığ şosessi istiqamətinə isə bir zolaq çəkilib. Buna görə də Zığ şosessi tərəfə getmək istəyən sürücülər ortada çəkilən ”Təhlükəsizlik adacağın”da saxlamalı olurlar. Bu zaman isə sürücülər 40 manat miqdarında cərimə edilir. Üstəlik bu istiqamətdə işıqforun yaşıl işiğının 15 saniyə yanması da tıxacın yaranmasına səbəb olur..
Yol hərəkəti üzrə ekspert Ərşad Hüseynov isə deyir ki, Süleyman Əhmədov küçəsindən gələn nəqliyyat vasitələrinin daha rahat keçidini təmin etmək məqsədi ilə zolaqlarda genişləndirmə və kanallaşdırma işləri aparılsa vəziyyət yaxşılaşar.
Sürücülər problemin tezliklə həll olunmasını istəyirlər.