 |
|
Sürücü zibillikdən topladığı əşyaları və qidaları təcili tibbi yardım maşınına gətirib
Dünən Bakıda təcili yardım maşınının sürücüsünün zibil qutularını eşələməsi və oradan özünə lazım olanları seçməsi ilə bağlı məlumat yayılıb.
TƏBİB-in mətbuat katibi Rəvanə Əliyeva Oxu.Az-a açıqlamasında bildirib ki, məsələ barədə araşdırma aparılır:
“Görüntülərdə təcili tibbi yardım avtomobilinin nömrəsi qeyd edilməyib. Hazırda bu məsələ ilə bağlı araşdırma aparılır”.
Qeyd edək ki, ötən gün Baku TV-də Bakıda təcili tibbi yardım avtomobilinin sürücüsünün zibil qutusunu eşələməsi ilə bağlı görüntülər yayılıb.
Sürücü bütün gigiyenik və sanitar normaları unudaraq yaxınlıqdakı zibil qutularını eşələyib. O, özünə lazım olan nələrisə zibilin içərisindən seçib götürüb.
Sürücü zibillikdən topladığı əşyaları və qidaları təcili tibbi yardım maşınına gətirib.
İlahə Sadıqova asayiş keşikçilərinə təşəkkürünü bildirib
Yanvarın 30-da polis serjantı Namiq Nəsibov 28 may metro stansiyasında xidmət apararkən saat 18:40 radələrində 2139 manat tapması barədə Metropolitendə Polis Şöbəsinin rəhbərliyinə məlumat verib. Daxili İşlər Nazirliyindən Yol-xeber.az-a verilən məlumata görə, elə həmin gün axşam saatlarında metroda pulunun itməsi ilə bağlı polisə müraciət edən İlahə Sadıqovanı şöbə rəhbərliyi qəbul edib. O, 28 may metro stansiyasının çıxışındakı Bakı kart aparatının yanında 2139 manat pulunu unutduğunu deyib.
İtirdiyi pulun polis əməkdaşları tərəfindən tapılmasına görə sevindiyini bildirən İ.Sadıqova asayiş keşikçilərinə təşəkkürünü bildirib.
Prezident İlham Əliyev Beyləqan rayonunda əkin sahələrinin və əhalinin içməli suya olan tələbatının ödənilməsi üçün subartezian quyularının layihələndirilməsi və qazılması ilə bağlı tədbirlər haqqında sərəncam imzalayıb.
Sərəncama əsasən, Beyləqan rayonunun əhalisi 41194 nəfər olan 10 yaşayış məntəqəsində əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya olan tələbatının ödənilməsi üçün 12 ədəd subartezian quyusunun layihələndirilməsi və qazılması məqsədilə Azərbaycan Respublikasının 2020-ci il dövlət büdcəsinin dövlət əsaslı vəsait qoyuluşunun (investisiya xərclərinin) bölgüsündə Azərbaycanın rayonlarında su təchizatının yaxşılaşdırılması məqsədilə subartezian quyularının qazılması üçün nəzərdə tutulmuş vəsaitin 840 min manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılıb.
Yanvar ayının 31-dən fevral ayının 1-nə keçən gecədən etibarən sözügedən küçədə nəqliyyat vasitələrinin hərəkəti müvəqqəti olaraq məhdudlaşdırılacaq
“Azərbaycan Avtomobil Yolları” Dövlət Agentliyinin İctimaiyyətlə Əlaqələr Şöbəsindən Avtosfer.az-a verilən məlumata görə, bununla əlaqədar olaraq, yanvar ayının 31-dən fevral ayının 1-nə keçən gecədən etibarən sözügedən küçədə nəqliyyat vasitələrinin hərəkəti müvəqqəti olaraq məhdudlaşdırılacaq.
"Baş verə biləcək narahatlığa görə vətəndaşlardan üzr istəyirik və sürücülərdən hərəkət istiqamətlərinə uyğun olaraq öncədən alternativ yollar seçməklərini tövsiyə edirik", - deyə AAYDA-nın məlumatında bildirilir.
Sürücülər tıxaca düşməmək üçün əks istiqamətə çıxır
Binədə əks istiqamətə çıxan avtobus sürücüsü kameraya düşüb. Avtosfer.az xəbər verir ki, Binə qəsəbəsinin Əli İsazadə küçəsində 160 nömrəli xətt üzrə fəaliyyət göstərən 99-JK-696 qeydiyyat nişanlı marşrut avtobusu yolun sol hərəkət hissəsi ilə axına qarşı hərəkət edərək təhlükəli vəziyyət yaradıb. Sürücü bir müddət əks istiqamətdə getdikdən sonra ayırıcı zolağın kəsiyindən sağa keçərək öz istiqamətinə qayıdıb.
Bu qəsəbədə əks istiqamətə çıxmaq adi hala çevrilib. Səhər saatlarında avtobus sürücüləri, uşağını məktəbə aparan və işə gedən şəxslərin böyük əksəriyyəti tıxaca düşməmək üçün əks istiqamətə çıxaraq yollarını qısaldırlar. Lakin həmin ərazidə Xəzər rayon Dövlət Yol Polisi şöbəsinin əməkdaşları xidmət aparmır. Sürücülər məsuliyyətdən kənarda qaldığı üçün rahatlıqla əks istiqmətə çıxır.
Ümid edirik ki, DYP idarəsi həmin sürücülərə qarşı sərt tədbirlər görməyə başlayacaq.
Bu gün Bakı şəhəri, Xətai rayonu ərazisində polislər vətəndaşı ölümdən xilas ediblər.
"Yol-xeber.az" xəbər verir ki, bu barədə hadisə şahidləri BAKU.WS-ə məlumat veriblər.
Verilən məlumata görə, bu gün Üzeyir Hacıbəyov küçəsində gənc kişinin halı pisləşib və o, qıc olaraq yerə yıxılıb.
Ərazidə olan vətəndaşlar, eyni zamanda polislər həmin şəxsə ilkin yardım ediblər.
Daha sonra yol polisləri halı pisləşən şəxsi 99 YP 436 nömrə nişanlı yol polisi maşını ilə Neftçilər Xəstəxanasına aparıblar.
Həkimlərin müdaxiləsindən sonra qıc olan şəxs özünə gəlib.
Bakıda hədə-qorxu yolu ilə tələb etdiyi 7000 manat puldan 2000 manatını alan şəxs yaxalanıb. DİN-nin Mətbuat Xidmətindən Avtosfer.az-a verilən məlumata görə, Baş Mütəşəkkil Cinayətkarlıqla Mübarizə İdarəsi əməkdaşlarının daxil olmuş müraciət əsasında keçirdikləri əməliyyat tədbiri nəticəsində yanvarın 22-də Xətai rayonu ərazisində Bakı şəhər sakini, əvvəllər məhkum olunmuş Y.Zeynalov paytaxt sakini Ə.Əhmədzadədən hədə-qorxu yolu ilə tələb etdiyi 7000 manat puldan 2000 manatını alarkən saxlanılıb.
Faktla əlaqədar Cinayət Məcəlləsinin 182-ci (hədə-qorxu ilə tələb etmə) maddəsi ilə cinayət işi başlanılıb.
Son illər Azərbaycanda avtomobil kirayəsi biznesi geniş yayılıb. Bazarda təmsil olunan şirkətlər müxtəlif seqmentlər üzrə ixtisaslaşır. Bəziləri fiziki şəxslərə “rent a car” xidməti göstərir, digərləri yalnız hüquqi şəxslərə əsasən uzunmüddətli dövrə müxtəlif nəqliyyat vasitələrini kirayəyə verirlər.
Bəs, bu gün bazarın “rent a car” seqmentində hansı tendensiyalar mövcuddur?
Nəqliyyat üzrə ekspert Elməddin Muradlının fikrincə, bazarda inkişaf meylləri mövcud olsa da, bəzi amillər bu xidmət növünün daha geniş formada tətbiqinə əngəllər yaradır:
"Azərbaycanda avtomobil kirayəsi nisbətən yeni bir xidmət növüdür. Daha əvvəl qeyri-rəsmi formada fərdi şəxslər avtomobillərini müəyyən ödəniş müqabilində kirayə verirdilər. Bu, adı bəlli olmayan xidmət növü idi. Lakin “rent a car” kimi tanıdığımız xidmət geniş şəkildə tətbiq olunmağa başladı. Bazarda fərdi şəxslər tərəfindən təklif qalsa da, bu xidmət əsasən ixtisaslaşmış şirkətlər tərəfindən həyata keçirilir. Onlar daha çox biznes və premium sinifə aid edilən sedanlar, yolsuzluq avtomobilləri və krossoverlər təklif edirlər. Ekonom sinif avtomobillərə çox az sayda rast gəlinir ki, bu da birbaşa olaraq tələbatla əlaqəlidir. Belə ki, biznes və premium avtomobillər daha çox toy karvanları üçün kirayələnir. Kimsə istəyir ki, toy karvanında eyni rəngdən və modeldən olan bir necə avtomil olsun və şirkətlər də müştərinin bu istəyini qarşılayırlar. Xüsusən ov mövsümündə ərəb ölkələrindən gələn turistlər tərəfindən yolsuzluq avtomobillərinə tələbat olur. Şəxsi avtomobili olmayan daxili turizm imkanlarını nəzərdən keçirən ailələr konfortlu səyahət üçün krossover tipli avtomobillər kirayələyirlər".
Ötən il sürücülər tərəfindən törədilən inzibati xətaların 65 faizi xüsusi texniki vasitələrlə qeydə alınıb.
Yerdə qalan 35 faizlik qayda pozuntuları isə yol polisi əməkdaşları tərəfindən fərdi olaraq yazılıb. Bu məqama baxmayaraq hələ də sürücülərlə yol polisi arasında ziddiyyətli məqamlar qalmaqdadır.
Məsələnin aktuallığını nəzərə alan ARB TV-nin “Günə doğru” verilişi maraqlı süjet hazırlayıb.
Sürücü: “Əgər sürücü qayda pozubsa, buna görə polis onu saxlayırsa, sürücü problem yaratmamalıdır”.
Polis-sürücü birbaşa təmasının qarşını almaq üçün artıq Dövlət Yol Polisi İdarəsi qarşısında xüsusi tapşırıqlar da qoyulub.
Kamran Əliyev - BDYPİ-nin şöbə rəisi: “Xüsusi texniki vasitələrin sayı artdıqca təmas minimuma endiriləcək. Zərurət olmadıqda artıq yol patrul xidmətinin inspektoru sürücünü yolda saxlamayacaq. Hansı hissədə ki, xüsusi texniki vasitənin köməyilə qayda pozuntusunu aşkar etmək mümkündür, həmin ərazilərdə sürücünü saxlamağa ehtiyac olmayacaq”.
Amma bu, o demək deyil ki, polis öz dislokasiya olunduğu ərazidə xidmət aparan zaman qayda pozuntusu olacağı zaman buna göz yumacaq. Bundan əlavə hansısa qayda pozuntusu müşahidə kamerası, yaxud monitor vasitəsilə aşkar edilirsə, bu halda qayda pozuntusu yol polisi əməkdaşı tərəfindən bilavasitə protokollaşdırıla bilməz.
Kamran Əliyev - BDYPİ-nin şöbə rəisi: “Yəni nəqliyyat vasitəsi saxlanılaraq sürücü barədə protokol tərtib edilə bilməz. Lakin yol polisi tərəfindən qayda pozuntusu aşkar edilirsə, bu sənədləşdirilir, sürücü onunla razılaşmırsa, onun barəsində qərar qəbul edilmir. Həmin ərazidə müşahidə kamerası varsa, qeydə alınan hadisəyə baxış keçirilir və vəziyyətə uyğun qərar çıxarılır”.
Ekpertlər deyir ki, sürücü-yol polisi arasında birbaşa təmasın azaldılması şəffaflığın təmin olunması üçün vacib addımdır. Gərginliyi yaradan səbəblərdən biri də iş qrafikinin ağırlığı idi ki, bu da öz həllini tapıb artıq.
Elməddin Muradlı – Ekspert: “Polis nə qədər gərgin rejimdə işləyirsə, nə qədər ağır şəraitdə işləyirsə, o qədər də aqressiv olur. Bəzən bir sürücünün qıcıqlandırıcı bir sözünə polis aqressiv cavab verir, beləliklə, gərginlik yaranır. Cənab nazir birinci növbədə polisin iş və istirahət vaxtı ilə bağlı addım atdı ki, artıq onlar 8 saat işləməlidirlər”.
Bunlar məsələnin polisin üzərinə düşən hissəsidir. Digər bir hissəsi isə sürücülərin məsuliyyətidir. Ən optimal çıxış yolu isə qaydalara əməl etmək...
Bərdənin Əyricə və Yeni Əyricə kəndləri əslən bərdəli namizədi sevinclə qarşıladılar.