DİN Mətbuat Xidmətinin Lənkəran rayonunda regional qrupundan Yol-xeber.az-a verilən məlumata görə, Azərbaycan Respublikasının Birinci vitse-prezidenti Mehriban Əliyevanın dahi şair İmadəddin Nəsiminin 650 illik yubileyi ilə əlaqədar bir gündə 650 min ağac əkilməsi təşəbbüsü çərçivəsində Lənkəran rayonunda da ağacəkmə aksiyası keçirilib. Tədbirdə Lənkəran Şəhər Rayon Polis Şöbəsinin əməkdaşları da fəal iştirak ediblər.

Polis əməkdaşları iqlim şəraitinə uyğun və dözümlü, eləcə də dekorativ cəhətdən gözəl görünən 100-dən artıq şam ağacı əkiblər. Yeni əkilmiş ağaclara qulluq göstərilib, suvarma işləri aparılıb.

Lənkəran ŞRPŞ-nin əməkdaşları bundan sonra da ətraf mühitin qorunması, ekoloji vəziyyətin daha da yaxşılaşdırılması işində fəallığı davam etdirəcəklərini bildiriblər

Mütəfəkkir şair İmadəddin Nəsiminin 650 illik yubileyi ilə əlaqədar bir gündə 650 min ağacın əkilməsi təşəbbüsü çərçivəsində ölkəmizin bütün regionlarında eyni anda ağac əkilməsinə start verilib.
DİN Mətbuat Xidmətinin Şirvan şəhərindəki regional qrupundan verilən məlumata görə, bu nəcib aksiyaya Saatlı Rayon Polis Şöbəsinin rəisi, polis polkovnik-leytenantı Azər Tağıyev və şöbənin bütün şəxsi heyəti qoşulublar.
Saatlı Rayon Mərkəzi Xəstəxanasının ərazisində aksiya çərçivəsində 100-dən çox ağaca aqrotexniki qaydada qulluq göstərilib, ərazi alaq otlarından təmizlənərək budama və suvarma işləri aparılıb, ağacların küləkdən qorunması və normal böyümələri üçün qoruyucu dirəklər basdırılıb. Bundan əlavə, ərazidə abadlıq və təmizləmə işləri görülərək boş qalmış yerlərə əlavə olaraq 251 ədəd şam ağacı əkilib, onların suvarılması həyata keçirilib.
Saatlı Rayon Polis Şöbəsinin əməkdaşları ətraf mühitin qorunması, ekoloji vəziyyətin daha da yaxşılaşdırılması məqsədilə ağacların əkilməsi və onlara qulluq göstərilməsi işini bundan sonra da davam etdirəcəklər.

Azərbaycanın Birinci Vitse-Prezidenti Mehriban Əliyevanın dahi şair İmadəddin Nəsiminin 650 illik yubileyi ilə əlaqədar bir gündə 650 min ağacın əkilməsi təşəbbüsü çərçivəsində ölkəmizin bütün regionlarında olduğu kimi Quba rayonunda da ağacəkmə aksiyası keçirilib.

DİN Mətbuat Xidmətinin Quba regional qrupundan Yol-xeber.az-a verilən məlumata görə, keçirilən tədbir zamanı Quba Rayon Polis Şöbəsinin rəisi, polis polkovniki Süleyman Neymətov və şöbənin bütün şəxsi heyəti iştirak ediblər.

Tədbirin əvvəlində polis əməkdaşları tərəfindən ərazi təmizlənib, əkin üçün lazım olan quyular qazılıb. Daha sonra polislər rayonun iqlim şəraitinə daha uyğun və dözümlü olan şam ağacları əkiblər. Aksiya çərçivəsində RPŞ-nin şəxsi heyəti ümumilikdə 150 ağac əkərək, onlara aqrotexniki qaydada qulluq göstəriblər.

Bundan əlavə, ərazidə abadlıq və təmizləmə işləri görülüb, həmçinin ağacların küləkdən qorunması və normal böyümələri üçün qoruyucu dirəklər basdırılıb.

İmadəddin Nəsiminin 650 illik yubileyi münasibətilə bir gündə respublikamızda 650 min ağac əkiləcək.
DİN Mətbuat Xidmətinin Şirvan şəhərindəki regional qrupundan Avtosfer.az-a verilən məlumata görə, böyük şairin xatirəsinin əbədiləşdirilməsi məqsədi daşıyan bu təşəbbüsə Hacıqabul Rayon Polis Şöbəsinin rəisi, polis polkovnik-leytenantı Məmməd Hüseynov və şöbənin bütün şəxsi heyəti qoşulublar.
Polis əməkdaşları Hacıqabul-Muğan yolunun ətrafında iqlim şəraitinə daha uyğun və dözümlü şam ağacları əkiblər. Aksiya çərçivəsində ərazi alaq otlarından təmizlənərək budama və suvarma işləri aparılıb, ağacların küləkdən qorunması və normal böyümələri üçün qoruyucu dirəklər basdırılıb. Bundan əlavə, ərazidə abadlıq və təmizləmə işləri görülərək boş qalmış yerlərə əlavə olaraq 100 ədəd şam ağacı əkilib, onların suvarılması həyata keçirilib.
Hacıqabul Rayon Polis Şöbəsinin əməkdaşları ətraf mühitin qorunması, ekoloji vəziyyətin daha da yaxşılaşdırılması məqsədilə ağacların əkilməsi və onlara qulluq göstərilməsi işini bundan sonra da davam etdirəcəklər.

Bəzən sürücülər köməkçi yoldan əsas yola çıxan zaman diqqətsiz olurlar. Bu da çox zaman qəzalara səbəb olur. Odur ki, yola çıxan zaman hərəkət istiqamətindən gələn nəqliyyat vasitələrini buraxmaq, yolun tam boş olduğuna əmin olduqdan sonra hərəkətə başlamaq lazımdır. Yaxud da nəqliyyat vasitəsi o qədər uzaq məsafədə olmalıdır ki, yola çıxmaq, zolaq üzrə hərəkət sürətini almaq üçün zaman olsun. Avtosfer.az-ın təqdim etdiyi videoda VAZ 2107 markalı avtomobilin sürücüsü digər nəqliyyat vasitəsinin gəldiyini gördüyü halda yola çıxır.

Təbii ki, sürücünün əyləci basmasına səbəb olur. Bu halda digər sürücü ya zolağı dəyişməli, ya da əyləci basmalıdır. Hər iki halda isə müvafiq olaraq soldan və arxadan gələn avtomobillər ilə toqquşma baş verə bilər.

Odur ki, sürücülərə tövsiyə olunur ki, belə hallarda diqqətli olsunlar. Çünki digər avtomobil sizi hətta arxadan vursa belə günah sizdə olacaq.