 |
|
Daxili İşlər naziri Ramil Usubov işdən çıxarılan rəis müavininə vəzifə verib.
“Qafqazinfo”nun Unikal.org-a istinadən verdiyi məlumata görə, R.Usubovun müvafiq əmri ilə Tərtər Rayon Polis Şöbəsinin (RPŞ) xidmət üzrə rəis müavini polis polkovnik-leytenantı Əfqan Qurbanov Yevlax Rayon Pasport və Qeydiyyat şöbəsinə rəis təyin edilib.
Xəbəri DİN-dən təsdiqləyiblər.
Qeyd edək ki, bir neçə gün öncə Tərtər Rayon Polis Şöbəsinin (RPŞ) rəis müavinləri - şəxsi heyətlə iş üzrə köməkçi, rəis müavini polis polkovnik-leytenantı Ərşad Əhmədov, xidmət üzrə rəis müavini polis polkovnik-leytenantı Əfqan Qurbanov tutduqları vəzifədən azad edilmişdi.
Azərbaycanda 2018-ci ilin yanvar-noyabr aylarında istehlak məhsullarının və xidmətlərin qiymətləri 2017-ci ilin müvafiq dövrünə nisbətən 2,3 faiz, o cümlədən ərzaq məhsullarının qiymətləri 1,9 faiz, qeyri-ərzaq mallarının qiymətləri 2,7 faiz, əhaliyə göstərilən ödənişli xidmətlərin qiymətləri 2,6 faiz artıb.
“Qafqazinfo”nun məlumatına görə, cari ilin noyabr ayında oktyabr ayına nisbətən istehlak məhsullarının və xidmətlərin qiymətləri 0,6 faiz, o cümlədən ərzaq məhsullarının qiymətləri 1,2 faiz, qeyri-ərzaq mallarının qiymətləri 0,2 faiz, əhaliyə göstərilən ödənişli xidmətlərin qiymətləri isə 0,1 faiz artıb.
Ay ərzində düyü, un, qoyun əti, kolbasa məmulatları, balıq məhsulları, süd məhsulları, pendir və yumurta, kərə, zeytun və qarğıdalı yağları, banan, armud, xiyar, pomidor, badımcan, göy lobya, soğan, kartof, qəhvə, çay və kakao, tütün məmulatları və spirtli içkilərin qiymətlərində artım, manna və qarabaşaq yarması, makaron məmulatları, limon, portağal, naringi, alma, heyva, nar, xurma, kivi, kələm, göyərti, çuğundur, yerkökü və sarımsağın qiymətlərində isə azalma müşahidə olunub. Digər ərzaq məhsullarının qiymətlərində ciddi dəyişikliklər baş verməyib.
Ay ərzində qeyri-ərzaq mallarından geyim, ayaqqabılar, mebel və ev əşyaları, xalça və digər döşəmə örtükləri, minik avtomobilləri üçün ehtiyat hissələri, dəftərxana ləvazimatları, zərgərlik məmulatlarının qiymətlərində artım, kondisioner, mobil telefon, televizor, fotoaparatlar və planşet tipli kompüterlərin qiymətlərində isə azalma müşahidə olunub. Digər qeyri-ərzaq mallarının qiymətlərində ciddi dəyişikliklər baş verməyib.
Noyabr ayında oktyabr ayına nisbətən əhaliyə göstərilən ödənişli xidmətlərdən mənzillərin icarə haqqı, paltarların təmizlənməsi, təmiri və kirayəsi, ictimai iaşə və stomatoloji xidmətlərin qiymətləri artıb, ölkə daxilində istirahət turlarının, dəmir yolu və hava nəqliyyatı ilə beynəlxalq sərnişindaşıma xidmətlərinin qiymətləri isə azalıb. Digər ödənişli xidmətlərin qiymətlərində ciddi dəyişikliklər baş verməyib.
Fransa prezidenti Emmanuel Makron “sarı jiletlilər”in ölkəni bürümüş üsyanına münasibət bildirib.
“Qafqazinfo” xarici mətbuata istinadən xəbər verir ki, fransalı lider son həftələr baş verən hadisələrin “xalqı sarsıtdığını” deyib. O hesab edir ki, etirazçıların qanuni tələbləri yolverilməz zorakılıqla qarışıb və buna bəraət qazandırmaq olmaz.
Makronun sözlərinə görə o, gələn il islahatlar planı hazırlamaqla bağlı hökumətə göstəriş verib. İlk növbədə təhsil sistemində dəyişiklik ediləcək: “Biz bu yolla çox yavaş yeriyirdik. Ancaq indi tez və qəti addımlamaq lazımdır”.
Fransa prezidenti 2019-cu ildə minimum əmək haqqının 100 avro artacağını deyib və işəgötürənləri ilin sonunda əməkdaşlarına mükafat ödəməyə çağırıb. Bu ödəmələrə vergi tətbiq edilməyəcək.
Bundan başqa, o, 2 min avrodan az gəliri olan vətəndaşları vergidən azad edi
Prezident İlham Əliyev “Televiziya və radio yayımı haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2018-ci il 2 noyabr tarixli 1328-VQD nömrəli Qanununun tətbiqi və “Televiziya və radio yayımı haqqında” Azərbaycan Respublikası Qanununun tətbiq edilməsi barədə” Azərbaycan prezidentinin 2002-ci il 5 oktyabr tarixli 794 nömrəli fərmanında dəyişiklik edilməsi haqqında fərman imzalayıb.
“Qafqazinfo” xəbər verir ki, “Televiziya və radio yayımı haqqında” Qanuna aşağıdakı məzmunda 40.2.2-1-ci və 40.3-cü maddələr əlavə edilib:
“40.2.2-1. tütün məmulatlarını və tütün istifadəsi prosesini nümayiş etdirməmək, həmçinin tütün məmulatlarının və tütün istifadəsi prosesinin nümayiş etdirildiyi əsərləri, tamaşaları, proqramları efirdə, kabel yayımı vasitəsilə açıq yayımlamamaq;
40.3. “Tütün məmulatlarının istifadəsinin məhdudlaşdırılması haqqında” Azərbaycan Qanununa uyğun olaraq teleradio yayımçıları tütündən istifadənin və sağlamlığa zərər vuran digər vərdişlərin mənfi təsiri barədə müvafiq icra hakimiyyəti orqanlarının, elm müəssisələrinin və qeyri-hökumət təşkilatlarının dəstəyi ilə xəbərdaredici, maarifləndirici və tərbiyəvi mövzuda verilişlər hazırlayır və bu mövzulara ayda 90 dəqiqədən az olmayan efir vaxtı ayırırlar. Bu verilişlərin 45 dəqiqəsi saat 17.30 - 23.00 arasında olmaqla, saat 08.00 - 23.00 arasında yayımlanır və verilişlərin surəti hər ay Milli Televiziya və Radio Şurasına təhvil verilir.”.
Nazirlər Kabinetinə Azərbaycan qanunlarının və Azərbaycan prezidentinin aktlarının “Televiziya və radio yayımı haqqında” Azərbaycan Respublikasının Qanununda dəyişiklik edilməsi barədə” Azərbaycan Qanununa uyğunlaşdırılması ilə bağlı təkliflərini üç ay müddətində hazırlayıb Azərbaycan prezidentinə təqdim etmək; Nazirlər Kabinetinin normativ hüquqi aktlarının həmin Qanuna uyğunlaşdırılmasını üç ay müddətində təmin edib Azərbaycan prezidentinə məlumat vermək, mərkəzi icra hakimiyyəti orqanlarının normativ hüquqi aktlarının həmin Qanuna uyğunlaşdırılmasını nəzarətdə saxlamaq və bunun icrası barədə beş ay müddətində Azərbaycan prezidentinə məlumat vermək tapşırılıb.
Ədliyyə Nazirliyi isə mərkəzi icra hakimiyyəti orqanlarının normativ hüquqi aktlarının və normativ xarakterli aktların “Televiziya və radio yayımı haqqında” Azərbaycan Qanununda dəyişiklik edilməsi barədə” Azərbaycan Respublikasının Qanununa uyğunlaşdırılmasını təmin edib Nazirlər Kabinetinə məlumat verməlidir.
Daxili İşlər Nazirliyi (DİN) Baş Dövlət Yol Polisi İdarəsi son günlər sosial şəbəkələrdə və bəzi kütləvi informasiya vasitələrində yol polisinin gizli xidmət aparması və bu məqsədlə onlara bütün texnikalarla təchiz edilmiş mülki avtomobillərin verilməsi barədə yayılan iddialara münasibət bildirib.
İdarədən Report-a bildirilib ki, həmin görüntülər 4 il bundan əvvəl televiziyalardan birinin efirində gedib:
“Hansı ki, həmin vaxt "Yol-patrul xidməti haqqında təlimat" və "Yol hərəkəti haqqında" qanunla yol polisinin gizli xidmət aparmasına icazə verilirdi. 2017-ci ildə isə "Yol hərəkəti haqqında" qanuna və adıçəkilən təlimata edilən dəyişikliklərdən sonra ölkədə Yol Patrul Ximəti əməkdaşlarının gizli şəkildə xidmət aparması ləğv edilib".
BDYPİ belə məlumatlar yayan KİV-lərə tövsiyə edir ki, bu tip məlumatları yaymazdan əvvəl aidiyyəti orqanlarla dəqiqləşmələr aparılsın:
"Sürücülərin diqqətinə bir daha çatdırılır ki, Azərbaycanda Yol Patrul Xidmətinin əməkdaşları xidməti qanunvericilik çərçivəsində aşkar şəkildə apara bilər. Digər şəkildə xidmət aparılmasına yol verilmir”.
Daxili İşlər naziri Ramil Usubovun müvafiq əmri ilə Tərtər Rayon Polis Şöbəsinin (RPŞ) xidmət üzrə rəis müavini polis polkovnik-leytenantı Əfqan Qurbanov Yevlax Rayon Polis Şöbəsinin (RPŞ) Pasport və Qeydiyyat şöbəsinə rəis təyin edilib.
Axar.az xəbər verir ki, bu barədə Unikal.org-a DİN-dən məlumat verilib.
Qeyd edək ki, bir neçə gün öncə Tərtər Rayon Polis Şöbəsinin (RPŞ) rəis müavinləri - şəxsi heyətlə iş üzrə köməkçi, rəis müavini polis polkovnik-leytenantı Ərşad Əhmədov, xidmət üzrə rəis müavini polis polkovnik-leytenantı Əfqan Qurbanov tutduqları vəzifədən azad edilmişdi.
Kann film festivalından mükafatsız dönsə də, 10 dəqiqədən çox ayaq üstə alqışlanan “Əhlət ağacı” filmi formaca rejissorun “May sıxıntısı” filminə bənzəsə də, mahiyyətcə həmin filmdən çox fərqli və daha geniş döngələri olan peripetiyalardan ibarətdir. Əvvəlcə deyim ki, “Əhlət ağacı”nın tərcüməsi bizim dildə “Armud ağacı”, “Meşə armudu” yaxud “Çaqqal armudu” kimi də tərcümə oluna bilər. “Çaqqal armudu” ifadəsi fikrimcə, filmin mövzusuna daha çox uyğun gəlir. Çünki bu ağac əksər hallarda çaqqal olan meşələrdə bitir və hətta filmin bir səhnəsində ata və oğul çaqqal ulamasına qulaq asırlar.
Əhlət ağacı quraqlığa və susuzluğa dayanıqlı bir ağacdır. Meşələrin kənarında, daha çox açıq yerlərdə, daşlı-qayalı təpə başında yabanı şəkildə bitməkdədir. Aran zonası üçün ayı alması necə xarakterikdirsə, dəmyə əkinçiliyi olan dağ yerləri üçün də meşə armudu daha çox xarakterikdir. Meyvələri balaca meşə armududur. O meyvələr ki, filmdə də gördüyümüz kimi daha çox qurudulmuş halda (müəyən bir zaman keçdikdən sonra) yeyilir. Bu səbəbdən filmin baş qəhrəmanı olan həvəskar gənc yazar, əslində, elə əhlət ağacının ən böyük metaforasıdır. Bir-birinə bənzəyən toplum və cəmiyyət meşələrin, yabanı əhlət ağacı isə hamıdan gen gəzən, hamıdan yad düşən bir gənc yazarın özüdür. O gənc yazar ki, atası kimi olmaq istəmir və daxilən nəinki insanlardan, hətta öz ailəsindən belə çox-çox uzaqdır, tənhadır.
Filmdəki müsbət və mənfi xətlər bir neytral ana fazanın - ata və oğul münasibətləri cərəyanında inkişaf edir və bu cərəyanın şiddətini rejissor bizə daha başqa bir simvolla - su quyusu ilə çatdırır. O quyu ki, film onunla başlayıb onunla da bitir. Bu mənada, atanın daxilən düşdüyü quyudan onu çıxardacaq heç bir qüvvə yoxdur. Yalnız bircə qüvvədən, oğuldan savayı. Oğul isə vaxtında onun həyatını birə-bir yaşamış atasına nifrət edir. Daha doğrusu, nifrətdən daha çox onun kimi olacağından qorxub, özünü öz yaşam tərzi ilə qəbul etmək istəmir.
Filmin əsas qəhrəmanı Sinan böyük şəhərdə universiteti bitirmək üzrədi və kitabını çıxarmaq ümidi ilə öz balaca kəndinə qayıdır. Ancaq öz kəndinə, öz ailəsinə qayıdar-qayıtmaz yavaş-yavaş heç nəyi dəyişə bilməyəcəyini anlayır. O, öz taleyilə barışa bilməsə də, bütün vaxtını məktəbdə dərs deyən və bütün gününü kənddə keçirən atası kimi olmamaq üçün sonuna qədər dirənsə də, son səhnədəki quyu qazma səhnəsi ilə mübarizəsinin necə də böyük bir kədərlə bitdiyini bizlərə çatdırır. Bu mübarizənin uğursuzluğunun isə ancaq bir səbəbi var. Eynilə filmdə deyildi kimi:
“Kapitalizm, hər şeyi görüb heç nəyə toxunmamaq kimidir. Pulun yoxdursa, həyat da yox”.
Filmdə texnik olaraq bəzi planlarda və montajda bir neçə səhv var. Ancaq filmin mövzusu o qədər dərindir ki, texniki səhvlər bu dərinlikdə itib-batır və heç də gözə çarpmır. Filmdə kino dilindən daha çox ədəbi dil, ədəbiyyat dili var. Necə ki, Ceylanın bundan əvəlki filmi “Qış yuxusu"nda da bunun şahidi olmuşduq. Ancaq bu ədəbiyyatı Ceylan heç də məqsədsiz şəkildə istifadə etməyib. Əksinə, ədəbiyyatla, bol dialoqlarla sanki rejissor baş qəhrəmanın da yazar olması anlamı ilə bu ədəbiyyat dilinə, romançılıq üslubuna haqq qazandırıb. Yəni “Əhlət ağacı” adlı kitabını çap etdirmək istəyən bir yazar hekayəsini, Ceylan “Əhlət ağacı” filmi kimi lentə alıb. Bir sözlə, filmin baş qəhrəmanı olan gənc yazar, məncə, elə türkcə desəm, Ceylanın “ta kendisidir”. Yəni, film avtobioqrafikdir və Ceylanın müsahibələrində vurğuladığı kimi film rejissorun gənclik illərində onu yalnızlığa məhkum edənlərdən “hesap soran” filmdir.
Ən əsası - rejissor dilaloqlarla kimlərəsə bir şeylər öryətmək, bir sirri ortaya çıxarmaq, ya da heç söylənməmişi söyləmək kimi fikirlərdən uzaq durub. Bununla da Nuri Bilgə Ceylan Tarkovskisayağı filmində öz yazar qəhrəmanı ilə dialoqlarla, həyati-fəlsəfi və dini axtarışlarla, insanın təbiəti və ictimai-sosial əlaqələri üzərindən araşdırmalar aparıb sonda acı və həqiqi bir qərara gəlir: “Bir bardağın içinde çalkalanıyoruz”.
Tarkovski “Ayna” filmi ilə öz uşaqlığını və travmalarını bizə necə yaradıcı formada təqdim edirdisə, Ceylan da bu filmlə eyniylə öz gəncliyini təqdim edir. Film uzun təhkiyəçiliklə bütün xarakterlərin iç dünyasını açmaq mənasında hazırkı Türkiyəyə və cəmiyyətin gözlərinə güzgü tutub işıq salır. Bundan savayı, filmdəki xarakterlər o qədər zəngin və bizə yaxındır ki, demək olar, Azərbaycandakı yaradıcı mühitdəki sağlam düşüncəli gənclərin (kino, teatr və ədəbiyyat) gündə müşahidə etdiyi xarakterlərdir.
Başından eləmək üçün onu digər dostunun yanına yönləndirən bələdiyyə sədri obrazı, qum daşıma şirkətində işləyən, kitab rəflərində ensiklopediya olmasına rəğmən gənc bir yazarı milliyyətçi olmadığı üçün qınayan inşaatçı obrazı, bilmədən dini və əxlaqi kontekstdə bir-birlərinə zidd fikir söyləyən kəndin imamları (o imamlar ki, məhz alma ağacından alma dərib yeyirlər), insanlardan qaçmaq üçün daha çox təbiətə və heyvanlara bağlanan, kiçik bir kənddə pulsuzluq və çarəsizlik səbəbilə özünü qəribə aparan, həmişə üzü gülən və bütün bunlarla paralel olaraq, ailə başçısı vəzifəsini yerinə yetirə bilməyən qumarbaz, borclu ata obrazı, televizorda gördüyü həyatlarla öz həyatı arasında çarəsizliyi, peşmanlığı və yalanları ilə sıxılıb qalmış Xədicə obrazı, oğlunun yazdığı kitabın bir səhifəsini belə oxumayan, amma kitabın çap olunduğunu bilərkən sentimental davranışlar sərgiləyən, tipik türk ailəsinə mənsub ana obrazı və s. kimi xarakterlər filmin ana xəttinin içində elə zərgər dəqiqliyi ilə işlənib ki, bütün bunlar sözün əsl mənasında göz qamaşdırır.
Ayrıca yazmağı lazım bildiyim digər obraz isə yazar Süleyman obrazıdır. Ona görə ki, bu obraz vasitəsilə romantizm və gerçəklik mübahisəsi edən Sinanı biz artıq romantik kimi təsdiqləməyə başlayırıq. Bundan əlavə, Sinan Süleymana belə bir sual verir: “Bir adamın çox qiymət verdiyi bir əşyası var. İşdir, birdən sənə faydası olsa, onu götürərsən?”
Sonradan bu dəyərli əşyanın məhz Sinanın atasının iti olmasını öyrənmiş oluruq. Daha sonra Sinan körpünün üstündəki heykəlciyin qolunun qırıldığını görüb onu çaya atır. Sonra kiminsə onun arxasınca düşdüyünü görüb qaçır və nəhayət, gəlib Troya atının içində gizlənir. Bu isə inşaatçı obrazının, şəhidləri deyil də küçədəki bir səfil adamın hekayəsini anladan yazar Sinanın təhtəlşüurunda qalan günahkarlıq hissidir. Buna görə Sinan yuxuda, vaxtilə düşmənlərin Çanaqqalaya gətirdikləri o atın içində gizlənir və bu gizlənmə cinayət simvolu kimi göstərilir.
Xülasə, bütün bu olanların fövqündə filmin sonlarına yaxın, mövzu imamlarla daha çox din və taleh üzərindən aparılır. Bununla da rejissor Sinanın artıq öz qismətinə boyun əydiyini və öz talehi ilə razılaşdığını yavaş-yavaş bizlərə çatdırmış olur. Əsgərlikdən qayıtdıqdan sonra Sinan atasının yanına gedir. Kitabını oxuyan yeganə adamın atası olmasını bilib (bununla ata və oğul eyniləşdirilir) atasının gözlərindəki çarəsizliyi özünə bənzədir və bütün hər şeyi anlayır: “Əlində olanlarla kifayətlənib, həyatı necə var, elə də yaşayacaqsan. Başqa, parlaq həyatları göz önünə alıb, həyatını özünə zəhər etməyəcəksən”.
Bu səbəbdən Sinan atasının qazdığı quyuya düşüb, o “su çıxmaz” deyilən quyudan su çıxartmağa cəhd edir və bununla da rejissor, Sinanın artıq romantik yox, həyatda gerçəkliyi qəbul etmiş atası kimi davam edəcəyinə işarə edir.
Naxçıvan Muxtar Respublikasının Kəngərli rayonunun ərazisində Böyükduz dağ yatağında yeni yataqların açılmasına yönləndirilmiş işlərə başlamaq planlaşdırılır.
Azərbaycanda dekabrın 10-na gözlənilən hava proqnozu açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentindən Axar.az-a verilən məlumata görə, Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə və səhər bəzi yerlərdə çiskinli yağış yağacağı ehtimalı var. Cənub-qərb küləyi gündüz arabir güclənəcək. Havanın temperaturu gecə 6-8°, gündüz 9-12° isti təşkil edəcək.
Naxçıvan Muxtar Respublikasında hava əsasən yağmursuz keçəcək. Ayrı-ayrı yerlərdə duman olacaq. Cənub-qərb küləyi gündüz arabir güclənəcək. Temperaturun gecə 0-5° isti, dağlıq ərazilərdə 3-5° şaxta, gündüz 7-12° isti olacağı gözlənilir.
Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən-Gədəbəy rayonlarında hava əsasən yağmursuz keçəcək. Gecə və səhər ayrı-ayrı yerlərdə duman olacaq. Cənub-qərb küləyi gündüz ayrı-ayrı yerlərdə arabir güclənəcək. Havanın temperaturunun gecə 3° şaxtadan 2°-dək isti, gündüz 5-8° isti olacağı ehtimalı var.
Qazax, Gəncə, Goranboy, Tərtər, Ağdam, Füzuli, Cəbrayıl rayonlarında hava əsasən yağmursuz keçəcək. Səhər ayrı-ayrı yerlərdə duman olacaq. Cənub-qərb küləyi gündüz ayrı-ayrı yerlərdə arabir güclənəcək. Temperaturun gecə 2-7° isti, gündüz 8-13° isti olacağı gözlənilir.
Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında hava əsasən yağmursuz olacaq. Gecə və səhər ayrı-ayrı yerlərdə duman olacağı, çiskinli yağış yağacağı gözlənilir. Cənub-qərb küləyi gündüz ayrı-ayrı yerlərdə arabir güclənəcək. Temperaturun gecə 0-5° isti, gündüz 6-11° isti, dağlarda gecə 2-7° şaxta, gündüz 0-5° isti olacağı ehtimal edilir.
Mərkəzi-Aran: Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava əsasən yağmursuz keçəcək. Gecə və səhər ayrı-ayrı yerlərdə duman olacaq. Cənub-qərb küləyi gündüz ayrı-ayrı yerlərdə arabir güclənəcək. Havanın temperaturunun gecə 4-8° isti, gündüz 9-14° isti təşkil edəcəyi gözlənilir.
Masallı, Yardımlı, Lerik, Lənkəran, Astara rayonlarında gecə və səhər bəzi yerlərdə yağış yağacağı, gündüz əsasən yağmursuz keçəcəyi gözlənilir. Cənub küləyi əsəcək. Havanın temperaturu gecə 7-9° isti, gündüz 10-13° isti, dağlarda gecə 1-5° isti, gündüz 7-10° isti olacağı ehtimal edilir.
Ermənistan-Azərbaycan, Dağlıq Qarabağ münaqişəsi nəticəsində itkin düşmüş, əsir və girov götürülmüş, həmçinin azad edilmiş şəxslərlə bağlı son məlumat yayılıb.