 |
|
“2024-cü ildə Malmödə keçirilən “Avroviziya” mahnı müsabiqəsi ənənəvi ailə dəyərlərinə təhlükə yaradır”.
“Report”un məlumatına görə, bu fikirləri Türkiyə Prezidenti Rəcəb Tayyib Ərdoğan deyib.
“Eurovision Mahnı Müsabiqəsində deseksuallaşdırma siyasəti kimi bir fenomenin qlobal şəkildə tətbiq edilməsinin şahidi olduq. Aydın məsələdir ki, gənclərə hopdurulan qəribə tiplər sosial deqradasiya üçün troya atıdır.
Hamı etiraf edir ki, bu, şüurlu siyasətdir. Biz son 10-12 ildə Türkiyəni bu biabırçılıqdan qoruyub, necə düzgün qərarın verildiyini öz gözlərimizlə görürük”, - deyə Ərdoğan bildirib.
"İran ekspert icması Prezident İbrahim Rəisinin, XİN başçısı Hüseyn Əmir-Abdullahianın, Şərqi Azərbaycan əyalətinin başçısı Malik Rəhmətinin, Təbrizin cümə imamı Məhəmmədəli Al-Haşimin ölümü ilə nəticələnən helikopter qəzasının üç versiyasını nəzərdən keçirir".
Bunu iranlı analitik, Rusiya Xalqlar Dostluğu Universitetinin (RUDN) baş müəllimi Əhməd Vahşiteh Oxu.Az-a deyib:
Onun sözlərinə görə, qəzaya səbəb kimi müzakirə olunan ilk qeyri-rəsmi ssenari əlverişsiz hava şəraiti, dumandır:
- Amma dumanlı havada helikopterlər adətən istismar edilməməlidir, əgər uçmalıdırsa da bu, duman zonasının üstündən olmalıdır. Bundan əlavə, digər iki helikopter təyinat yerinə çatıb. Yəni suallar var.
İkinci qeyri-rəsmi, lakin gözlənilən versiya İsrailin iştirakıdır. İddialara görə, israillilər radara müdaxilə ediblər. Burada yenə sual çıxır - üç helikopter uçurdu, ancaq təkcə biri qəzaya uğrayıb.
Üçüncü qeyri-rəsmi variant daxili məsələdir. Bildiyiniz kimi, İbrahim Rəisi çoxları tərəfindən İranın ali lideri Əli Xameneinin varisi hesab olunurdu və buna heç də hamı tərəfindən sevilmirdi.
- Mərhum İbrahim Rəisinin vəzifələrini yeni prezident seçkisinə qədər İranın birinci vitse-prezidenti Məhəmməd Moxber yerinə yetirəcək. Seçki isə 50 gün ərzində keçiriləcək, onun təşkili ilə xüsusi şura məşğul olacaq. İranın növbəti prezidenti olmaq şansı kimdə daha çoxdur?
- Böyük ehtimalla parlamentin hazırkı sədri, mühafizəkar Məhəmməd Bağer Qalibafın. Onunla yalnız digər mühafizəkarlar, o cümlədən Məhəmməd Moxber rəqabət apara bilər. İslahatçıların heç bir şansı yoxdur.
- Dediyiniz kimi, böyük ehtimalla mühafizəkarlardan seçiləcək yeni prezidentin dövründə Azərbaycanla İran arasında münasibətlər necə olacaq?
- Hesab edirəm ki, heç nə əsaslı şəkildə dəyişməyəcək, çünki İbrahim Rəisi də mühafizəkar idi. Mühafizəkarlar İran parlamentində çoxluq təşkil edir. Beləliklə, Azərbaycanla İran arasında münasibətlər korlanmayacaq, əksinə inkişaf edəcək. Həm Bakı, həm də Tehran Azərbaycan-İran münasibətlərini korlamaq fikrində deyil. Biz gördük ki, Azərbaycan İran prezidentinin helikopterinin sərt eniş xəbərinə, daha sonra prezident Rəisinin ölümü ilə bağlı təsdiqlənmiş məlumatlara necə tez reaksiya verdi, dərdə şərik oldu. Yaxşı qonşuluq münasibətləri təhlükəsizliyin mühüm elementidir. Hesab edirəm ki, Bakı da, Tehran da belə düşünür.
"İran Prezidenti İbrahim Rəisinin qəzaya uğrayan helikopteri heç bir qəza siqnalı verməyib".
Bunu Türkiyənin nəqliyyat və infrastruktur naziri Abdulkadir Uraloğlu deyib.
Onun sözlərinə görə, helikopterin qəza siqnalı ötürmə sistemi olmayıb və ya sıradan çıxıb.
"İlk öncə helikopterin siqnal verib-verməməsini yoxladıq. Dərhal İran tərəfi ilə əlaqə saxladıq, lakin təəssüf ki, siqnal sisteminin çox güman ki, sıradan çıxdığını və ya olmadığını müəyyən etdik", - deyə o bildirib.
Xatırladaq ki, mayın 19-da Xudafərindən Təbrizə uçan helikopterdə İran Prezidenti İbrahim Rəisi, xarici işlər naziri Hüseyn Əmir Abdullahian, İranın ali dini liderinin Təbrizdəki nümayəndəsi Məhəmməd Əli Haşimi və Şərqi Azərbaycan vilayətinin valisi Malik Rəhməti olub. Helikopterin sərt eniş etməsi nəticəsində İran prezidenti və onu müşayiət edən bütün heyət həlak olub.
Ehtimal edilən qiyamət ssenarisinə görə, dünyanın sonu gəldiyi zaman salamat qalacaq ölkələrin adı açıqlanıb.
Xarici KİV xəbər verir ki, araşdırmaya görə, əhali artımı, qlobal istiləşmə və iqtisadi ziyan nəticəsində qiyamət baş verərsə, yalnız 5 ölkənin dağılmama ehtimalının olduğu bildirilir.
Alimlər dünyanın qlobal çöküşü zamanı sığınacaq üçün ən təhlükəsiz ölkələri aşağıdakı kimi sadalayıb.
Bu ölkələrə Yeni Zelandiya, İslandiya, İngiltərə, İrlandiya və Avstraliyanın Tasmaniya əyaləti daxildir.
Yeni Zelandiya bu siyahıda birinci yeri tutur, çünki onun geotermal və hidroelektrik enerjisi, bol kənd təsərrüfatı torpaqları və aşağı əhali sıxlığı var.
Tədqiqatçıların fikrincə, mürəkkəb şəbəkələşmiş enerjiyə əsaslanan qlobal iqtisadiyyatın vurduğu ekoloji ziyana görə bəşər sivilizasiyası “təhlükəli vəziyyətdə”dir.
Mütəxəssislər, şiddətli maliyyə böhranının, qlobal istiləşmənin təsirlərinin, təbiətin məhv edilməsinin, koronavirusdan daha pis bir pandemiyanın və ya bunların birləşməsinin qlobal böhranla nəticələnə biləcəyini söyləyir.
“Sustainability” jurnalında dərc olunan araşdırmada milyarderlərin qiyamətə hazırlıq məqsədilə Yeni Zelandiyada sığınacaq üçün torpaq aldıqları bildirilib.
İngiltərənin Anglia Ruskin Universitetinin Qlobal Davamlılıq İnstitutundan prof. Dr. Aled Cons İngiltərənin mümkün fəlakətə qarşı güclü olmasına çox təəccübləndiklərini deyib:
"Ölkədə sıx əhali yaşayır. Hazırda öz qidasının yalnız 50%-ni istehsal edir. Ancaq şoklara tab gətirmək potensialı var”.
Professor son illərdə kütləvi qlobal ərzaq itkiləri, maliyyə böhranı və pandemiyanın ardıcıl meydana gəldiyini xatırladıb. O deyib ki, bunların hamısı eyni vaxtda baş vermədiyi üçün dünyanın bəxti gətirib:
"Amma bunların hamısının eyni ildə baş verməməsi üçün bir səbəb yoxdur" - o söyləyib.
İran prezidentini daşıyan helikopter 2500 metr hündürlükdə və əlçatmaz yerlərdə zədələnib və bütün sərnişinlər fəlakətdən sonra ilk dəqiqələrdə dünyasını dəyişib.
İran mətbuatı xəbər verir ki, bunu Qızıl Aypara Cəmiyyətinin rəhbəri Pir Hüseyn Kolivənd deyib.
Qeyd edək ki, İran Prezidenti İbrahim Rəisinin helikopteri İran-Azərbaycan sərhədindən çox da uzaq olmayan Verzeqan şəhəri yaxınlığında sərt eniş edib. Qəzada bütün sərnişinlər və ekipaj üzvləri həlak olub.
İran Prezidenti İbrahim Rəisinin helikopter qəzasında həlak olması ilə əlaqədar Pakistanda matəm günü elan olunub.
Bu barədə məlumatı Pakistanın Baş naziri Şahbaz Şərif açıqlayıb.
Bildirilir ki, İbrahim Rəisi və onunla birlikdə həlak olan şəxslərin xatirəsinə ehtiram əlaməti olaraq ölkədə bayraqlar yarıya endiriləcək.
İranda Prezident İbrahim Rəisinin vəfatı ilə əlaqədar milli matəm elan edilib.
Bu barədə İran KİV-i məlumat yayıb.
Qeyd edək ki, İran Prezidenti İbrahim Rəisinin helikopteri İran-Azərbaycan sərhədindən çox da uzaq olmayan Verzeqan şəhəri yaxınlığında sərt eniş edib. Qəzada bütün sərnişinlər və ekipaj üzvləri həlak olub.
İranın vitse-prezidenti Möhsün Mənsuri Prezident İbrahim Rəisi və helikopterdə onunla olan nümayəndə heyətinin helikopter qəzasında həlak olması xəbərini artıq təsdiqləyib.
Son məlumata əsasən, İran prezidentinin helikopterinin qəzaya uğraması nəticəsində həlak olanların cəsədləri Təbrizə göndərilib.
Məlumat üçün bildirək ki, qəza zamanı helikopterdə İranın dörd yüksəkrütbəli dövlət rəsmisi olub.
Bunlar İranın Prezidenti İbrahim Rəisi, xarici işlər naziri Hüseyn Əmir-Abdullahian, Şərqi Azərbaycan əyalətinin qubernatoru Malik Rəhməti və Təbrizin imam cüməsi Məhəmmədəli Al-Haşimdir.
Helikopterdə həlak olan rəsmilər İran siyasətində təcrübəli dövlət xadimləri kimi tanınırlar.
İbrahim Rəisi
Seyid İbrahim Rəisi 1960-cı ildə İranın Məşhəd şəhərində doğulub. Hüquq təhsili olan Rəisi bir müddət Tehranın baş prokuroru olaraq çalışıb. 2014-15-ci illərdə isə ölkənin baş prokuroru postunu tutub. 18 iyun 2021-ci ildə keçirilən 13-cü prezident seçkisinin rəsmi nəticələrinə görə, mühafizəkar namizəd Rəisi 17 milyon 900 min səs qazanaraq seçkidə qələbə qazanıb və İran İslam Respublikasının 8-ci prezidenti seçilib.
Hüseyn Əmir-Abdullahian
İranın xarici işlər naziri olmuş Hüseyn Əmir-Abdullahian 1964-cü ildə İranın Damğan şəhərində anadan olub. O, Tehran Universitetində Beynəlxalq Münasibətlər üzrə fəlsəfə doktoru dərəcəsini yiyələnib. Ərəb və ingilis dilində sərbəst danışıb. H.Əmir-Abdullahianın 20 ilə yaxın diplomatik təcrübəsi olub. O, əsasən, İranın Körfəz ölkələrində yerləşən səfirliklərində çalışıb. İrandakı mühafizəkar qanadı təmsil edən Abdullahian 2020-ci ildə Bağdadda öldürülən İslam İnqilabı Keşikçiləri Korpusunun "Qüds" xüsusi təyinatlı qüvvələrinin rəhbəri general Qasım Süleymaniyə ən yaxın şəxslərdən biri olub. Hüseyn Əmir-Abdullahian 2021-ci ildə İranın xarici işlər naziri təyin edilmişdi.
Malik Rəhməti
Şərqi Azərbaycan əyalətinin qubernatoru vəzifəsində çalışmış Malik Rəhməti 1982-ci ildə doğulub. M.Rəhməti Tehran Xarəzmi Universitetində hüquq üzrə doktorluq dərəcəsini alıb. Bir müddət özəl hüquq fəaliyyəti ilə məşğul olub. Daha sonra İranın iqtisadi işlər və maliyyə nazirliklərində müxtəlif postlarda çalışıb. İbrahim Rəisinin prezident seçilməsindən sonra isə 13-cü hökumətdə Şərqi Azərbaycanın qubernatoru vəzifəsinə təyin edilib.
Məhəmmədəli Al-Haşim
Təbrizin imam cüməsi Məhəmmədəli Al-Haşim 1962-ci ildə Təbriz şəhərində ruhani ailəsində doğulub. İlkin dini biliklərə Təbrizdə yiyələnən Məhəmmədəli Al-Haşim alimlik dərəcəsini İranın Qum şəhərində alıb. Məhəmmədəli Al-Haşim İranın ali dini rəhbəri ayətulla Seyid Əli Xameneiyə yaxınlığı ilə seçilib. O, Təbrizin imam cüməsi olmamışdan əvvəl 2008-16-cı illərdə İranda "Ordunun Siyasi İdeoloji Təşkilatı"nın rəhbəri vəzifəsində çalışıb.
Avropa İttifaqı (Aİ) Şurasının Prezidenti Şarl Mişel İrana başsağlığı verib.
Bu barədə o, "X"də yazıb.
Xəbər verdiyimiz kimi, İran hökuməti ölkə Prezidenti İbrahim Rəisinin helikopter qəzasında həlak olması ilə bağlı fövqəladə iclas keçirir.
“Mehr” agentliyi iclas zalından görüntü yayımlayıb.
Sözügedən görüntüdə isə İbrahim Rəisinin adətən iclas zamanı arxasında əyləşdiyi masa və İran liderinin fotosu yer alıb.
